Петиција за укинување на матура за учебната година 2021/22

Матурата е прелесна, ама со оглед на тоа колку секоја нова генерација станува се помрзелива и опседната со социјални мрежи наместо да учат, не сум изненадена дека се бара укинување.

 

Не им се учи.

 

Сарказам беше...

 

Ако речиси цела европа се идиоти, не значи дека треба да бидеме и ние.

Обратно треба да речете: не можи вчера им прднало на ЕУ матурски испити да измуслуваат па ајде сеа и во Македонија истата глупост да се практикува. Матурскиот испит е бесмислен. На крајот од школската година учениците си се веќе оценети. Ако толку инсистирате на матурски испит, нека бие само македонски јазик, колку да не си заминат неписмени средношколците од средно. Да речеме некој сака да студира јазици... што ќе ѝ/му е математика, биологија, хемија... и обратно.

 

Матурата не е воопшто лесна ако не се препишува. Скроз е нефер, некои поминуваат одлично, некои ужасно. Да зависи твојата судбина од тоа кок тестатор ќе ти се падне стварно нема смисла, и според мене треба да се укине, со тоа што ќе се воведе приемен испит на сите факултети. И тогаш ќе има врскаџии, но во многу помал број со оглед на тоа што секој факултет сака да прими солидни студенти.

 

Статистиката не кажува баш така…

 

Биологија, хемија и математика не се полагаат задолжително на матура.

 

Лесна е. Освен математика што знам дека им беше многу тешко, другите предмети бараа буквално површно спремање. А јас па се преплашив дека ќе биде којзнае колку страшно и со месеци учев.
Инаку дека ќе има помалку врскаџии на приемен затоа што факултетите сакаат солидни студенти?? Не студираш на државен факс така?

 

Јас можам да зборам за себе лично, на времето јас кога полагав, пред некоја година, не беше лесно. Имаше прашања за теми што воопшто ги немаме учено. И можам да ти кажам кај нас колку нереални резултати имаше. Деца што ништо не учеле ич 4 години вадеа 5ки, а некој што стварно учел и се паднал во таква група со “строг” тестатор 4,3.. и после тие ќе ти земат место на факс зошто им се паднал “добриот” тестатор.
На државен студирам, и стојам на ставот дека врски имало, има, и ќе има. Не е тоа поентата, тогаш врските ќе се малцинство, а матурата ти е буквално руски рулет.

 

Spoiler

Финта е шо на пример, македонски, што обично ги заебе сите, кога им даваат клуч за прегледување, еден ден пишува дека се прифаќа само еден одговор на одредено прашање, друг ден две варијации на одговорот и така било многу нефер. Ова ни го кажуваше професорката моја по македонски која се пријавила да прегледува, а после тоа се откажала пошто сфатила дека се прават некои муќки за џабе.

Глупо е да ги нарекувате новите генерации мрзливи пошто ниедна генерација не сака да учи, не филозофирајте сега.

Да бидеме реални, не беше фер што во 2020 се укина матурата кога до март идевме во живо, а после наредни 2 генерации со онлајн и со штрајкови ќе полагаат. Има логика да бараат укинување и оваа година.

 

На факултети во Мк кај што со врски може да положат луѓе кои воопшто нема ни да се појават на испит, приемен би бил најнерелевантното нешто.
А идејата е сосема во ред, ја поддржувам, но не во овие услови.

 

Приемен ќе ги зезне.
Матурата е лесна за тој што учи.

 

Абе точно, ама тогаш така ако гледаме која е поентата од матура? Тие што се со врски секако ќе си влезат кај сакаат, имале ли 70 поени или 99.

 

Резултатите се „нереални“ поради лошата реализација на матурата, односно препишувањето, дали ќе ти дозволи тестаторот или не. Матурата како матура е убав концепт и може да покаже многу реално знаење, што првите години од воведувањето и било реално. Сега е направено катастрофа со масовниот препис.

Да, ама професорката заборавила да ви каже дека постои проговор и дека во ваков случај ако ти е точно, ќе ти е усвоен.
Не е глупаво да се нарекуваат мрзливи, дека навистина се и како што доаѓаат генерацииве се помалку и помалку учат.
Ни во 2020 не беше фер укинувањето, а за лани и за годинава уште помалку е фер.
Во 2020 беше многу политички одиграна одлука и се протна одлуката со короната, ама сега навистина нема причина да се бара укинување.

 

Сериозно ова со приговорот?
До сега имаат многу направено приговор, остај тоа шо треба да платиш 500 денари, нема да ти се уважи. До сега ниту еден приговор не е ВАЛИДЕН.

Едно, не секој би имал да одвои 500 за некаков си приговор, друго и да одвои нема фајде од него. Познаваш ти некој кој испратил приговор и му бил признат? Ни јас.

....

 

Оф-топик.

Не е сигурно до гените на поновите генерации тоа што имаат послаб академски успех колективно. Јас имам 6 години помала сестра и имам толку емпатија спрема сите помлади генерации од мене, што се израснати во поинакви времиња, мислам на технологија и уште поуникатно, за време на пандемија. Квалитетот на образованието опаѓа секоја година, многу лоша и поразлична им е основата од првите години во училиште.

Многу е лесно да кажеме дека „новите генерации се мрзливи“ без да земеме предвид дека тие деца некој ги израснувал во поразлични времиња.

Јас не сум нешто постара ама се осеќа таа разлика за која ти збориш и не кривам никого што сака матура да се укине после штрајков, кога најмногу требаа да се спремаат со професори.

 

На мој школски му беше прифатен приговор, ама многу малку поени само му беа додадени, мислам дека оцената воопшто не му беше сменета.

Инаку, не е идејата за матурата толку лоша, колку што истата лошо се изведува. Буквално е среќа и препис, бар кај нас така беше. Соученичка која беше буквално со сите единици, извади појаки оцени на матура, од претходно спомнатиот соученик, кој инаку беше со сите 5ки, и денес ми е колега и е солиден студент.

Да не се лажеме дека матурата е реална, и свесни сме дека нема ни да биде, се додека се дозволува масовно препишување и решавање од професори. Е тек кога ќе биде се чесно и поштено, а сите знаеме дека тоа кај нас многу тешко дека ќе се случи, тогаш ќе се гледа кој стварно учел, а кој не учел. Вака како што е, нема никакво рангирање, само тој што е „поснаодлив“, подобро ќе помине.

А дека е нешто претешка матурата, не е , ако реално си учел во претходните 4 години (и си читал лектири ). Можеби изгледа страшно кога си матурант, и јас кога требаше да полагам си мислев којзнае што е, ама од сегашна гледна точка, не е нешто посебно.

 

Многу сериозно.
Ако ти не познаваш не значи дека автоматски нема.
Конкретно јас познавам и за македонски и за англиски и за математика и за другите предмети деца со усвоени приговори, по усвојување и парите им ги вратија. На сите им беше корегиран перцентилниот ранг, а на некои и оценката.
Скоро секоја година третина до приближно половина од приговорите се усвоени.

Се согласувам со тебе, не се сами од себе така мрзливи родени, и многу други фактори влијаат на тоа, пример цел образовен процес, самото време во коешто живеат, околината, се тоа доведува до мрзлива младина што помалку учи.

 

Само матурата да беше проблем ќе беше убаво ама кај нас за жал треба цел едукативен процес да се ревидира.

Годинава сигурно нема да се укине матурата штом лани после година и пол онлајн учење не ја укинаа ама нека си ја пробаат среќата може ќе им скратат материјал. Туку нека не бараат преку онлајн петиции, ништо работа нема да завршат, нека го пуштат самонагласенион претседател на „сојузот на средношколци“ да се умилкува на политичарине.

А за нефер, секако би било нефер. Во 2020 им ја укинаа матурата и средношколците на факултет се запишуваа со стандардните оцени колку што помнам. А нефер оцени не се ставаат? Мои соученици ќе се утепаа учејќи цела година, некој со прст нема да мрдне и на крај сите 5ки бидејќи мамичка се јавила кај професорите.

Матурата не е толку страшна. Знам какво е чувството бидејќи и јас лани кога полагав мислев кој знае што е. Најмногу ми беше страв за македонски бидејќи имав професорка којашто четири години ништо не немаше научено. Кога седнав да учам, за една недела ги прочитав сите лектири што ги имавме пропуштено и ја научив граматиката. Се зачудив бидејќи е навистина на основно ниво, многу од работите ги знаеш онака од општа култура, а тек да имаш работено четири години со време, само еднаш да го читнеш прирачникот и спремен си. Да, има кецаши кои поминуваат одлично, ама ако имаш научено мислам дека нема многу од што да се плашиш. За фрустрации... секако ќе има, колку и да си спремен. Ќе се молиш за добар тестатор, ќе се молиш да ги трефнеш двосмислените прашања (што патем многу ги има), ќе се молиш да ти се погоди тој што ќе ти го прегледува испитот, ќе се молиш за високи перцентили ако планираш да се запишеш на факс каде што има голема заинтересираност и така.

(Начинот на којшто се реализира) матурата можеби е жива глупост ама што и да се спроведе во државава ќе биде жива глупост

 

Токму тоа и го зборам, дека моментално не е реална, а иначе концептот, тежината се супер. Тоа без препис може да функционира во некој друг свет. Затоа, идеално решение и доста пореално според мене би било приемен на факултет. Ем боље кадар, ем нема секој втор факултет да има. Треба малце да се скрати бројот на студенти на одредени факултети- правен, економски, филозофски, филолошки, џабе се трупаат кадри кога нема работа по струка. Со приемниов би се направила реална селекција(делумно, за повеќето)