На моите утре им е 19 годишнина од брак, па сакам нешто да им подарам ситно пошто не сум при пари. Па некоја идеа да купам нешто или да направам ?
имаш интересни предлози на претходните страни, цд од нивната свадба, доколку е на касета снимена, може рамка со слика од нив кога биле млади да им ги разбудиш спомените... една вечера може во некој ресторан за нив 2, да им дадеш 500 денари па тие да одат
Тешко на вечера со 500 денари Освен на кебапи ако ги праќа...Можеш да им зготвиш вечера или ручек ти сама,или убав десерт,или карти за кино или театар ако се љубители..
Изминатото лето моите родители правеа 27 години од кога се заедно.. Татко ми претходната година стана пензионер а мама како помлада уште на работа (иако и двајцата се релативно млади 48-50 години). И никогаш до сега не сум смислила ништо и покрај тоа што го знаев датумот..но некако периодот беше тежок за сите, некои проблеми го нападнаа нашето семејство и решив на некаков, иако минимално, да го сменам секојдневието..ми текна малку доцна два дена пред датумот.. и реков ќе нарачам една торта нормално со натпис на неа Среќна годишнина нивни иницијали, срциња, и бројот на годините колку што се заедно... Мама беше на работа, тато по дома, си ја земав тортата (нормално не ја забележа татко ми), ја викнав сестра ми која е мажена со внукот и зетот на гости и кога се собравме сите ја извадив тортата (сестра ми не ни знаеше за поводот, скроз сме различни, додека јас сакам на другите да им е добро и ако се они среќни и јас сум, она обратно од мене, сака сите на неа само да и одат по газот и гајле и е)... Па забележав ко дури и криво да и е...ми вика зошто не ми кажа на мене,,јас ништо не знаев... Леле кога ја видов насмевката на мама и тато до уши што би се рекло... пак како младенци заедно си сечеа торта, а внук ми срце бее... дедооо ајде баци ја невестата баба ете тоа нема никогаш да го заборава јас..а се надевам ниту тие...едноставна работа која не бара многу време, а може да украде безброј насмевки, чуства, и љубов во очите... Мамо и Тато ве сакам најмногуу..вечно да сте ми заедно и среќни!!
јас за годишнини на моите им носам што им фали по дома, последен пат мајка ми постојано збореше дека ке купува некој поубав сервис за кафе, пошто сите филџани веке стари, некои со по нешто накапано, еден сервис немаше да составиш, и тоа им купив. По практичните работи сме сите. Никој не паѓа на срциња и гравирани иницијали... ама секој си знае какви се луѓето у фамилијата и што одговара
Ако си за креативност, на флаша вино можеш да испринташ некоја порака плус да додадеш фотографии од нив двајца, исто така и некоја убава поголема рамка со слика од нив. Ако не си, можеш да купиш некоја декорација за во домот, како на пример слика, некој глинен украс, сет со убави чаши..
А некои пораки да ми предложите за 25 годишнина од брак, на нет најдов само пораки за меѓусебно честитање на сопружниците.
Сакам да прашам овој пат. Што би им купиле на вашите родители за годишнина од брак?Некаков поклон, да испадни интересно. Сакав да им порачам торта, ама на истиот ден и е роденден на баба ми и за нејзиниот повод ќе има торта. Исто размислував и за ваучер за масажа, ама не сум сигурна. Any ideas?
Зависи од буџетот и можностите. За на моите годишнината им уплативме викенд на раат да одморат. Масажа исто не е лошо. Може и некој убав украс за дома со нивни слики, од дрво прават, ќе ги потсека на годините заедно.