Последен филм што го гледав е... И кратка рецензија

Убава е Одисејата, си дозволиле анахронизми, но не го утнале филмот.
Приказна од едни дамнешни времиња, кога и владејачката класа ги трпела последиците по војните кои ги предизвикувала и токму таму е ставен акцентот во оваа верзија на Нолан.
Сјаен режисер, ако проценувам според визуелниот дел, овој филм му е, па можеби подобар од претходните. Неколку од актерите заслужуваат номинации за Оскар.

Спојлер

Јас солзи-радосници пуштив на крај.

 

Млада и надежна модна дизајнерка по име Елоиз мистериозно успева да се врати назад во времето, во Лондон од 1960-тите години. Таму се поврзува со својот идол, блескавата пејачка во подем, Сенди. Сепак, гламурот на минатото брзо почнува да се распаѓа и нејзините соништа се претвораат во мрачен и опасен кошмар.

 

Моментално ги гледам сите делови на The Final Destination. Почнав од првиот ден сега сум на вториот. Ги имам гледано од претходно сите делови ама не забележав дека глуматa во првиот дел е лоша на некој ликови и приказниве како умираат карактерите се светски, ама па некако ми се confort movies за есен

 

Решив да му дадам шанса само поради актерската екипа. Очекував нешто подобро од просечен, предвидлив трилер, но филмов е токму тоа. Штета.

 

Го гледав не е нешто кој знае што, го очекував подобар

 

Truth or dare ( 2018 )



Филмов е токму таков хорор како што сакам, не е фасцинантен за секој, но за мене беше 10/10. Токму вакви хорори сакам, мистични и малку застрашувачки, да задржуваат внимание да не трепнеш додека трае, да не биде со некое ептен нереално сценарио од типот на чудовишта и убиец од кои постојано бегаш, туку нешто со виша сила од друга димензија. Ствар на вкус. Посебно ми се допадна крајот.
6 пријатели заминуваат на патување, мал одмор во Мексико. Таму почнуваат да играат Вистина или предизвик, а кога следниот ден се враќаат дома и продолжуваат со своите животи, сфаќаат дека играта не е завршена и, не само што не е завршена, туку и добива нови страшни правила: ако не го исполниш предизвикот што ќе го добиеш или вистината што треба да ја кажеш, умираш. А повикот не можеш да го игнорираш.
Пријателите бараат начин како да го прекинат тој круг, како да ја запрат играта и, на крајот, кога мислат дека го нашле решението и ќе се ослободат и спасат, не успеваат. Играта продолжува со нови играчи.

 

Гледам филмови каде што глуми Роберт Редфорд и филмови во негова режија во пресрет на годишнината од смртта.
Достоинствен и со стил во секоја смисла на зборот, инспирира почит. Тивок, прибран, рефлекcивен. Се повеќе сфаќам зошто оние кои пораснале со неговите филмови, толку го сакаа. Недостасуваат луѓе како него денес, допрва ќе недостига... легенда.

 

Целосно се согласувам со напишаното, да се надополнам - ретки се луѓето како Роберт Ретфорд - едноставен, смирен човек, со шарм, харизма, господин, џентлмен, пристоен, културен, достоинствен, одличен како актер и режисер, остави длабок траг во филмската индустрија и ќе биде запаметен како еден голем актер, режисер и пред се човек

 

Ми доаѓа да отворам тема за обожаватели.

Да си поживееше уште. ‍Како Кирк Даглас, над 100. Откако Кирк го премина прагот, наивно очекував дека и другите актери од тој ранг ќе бидат толку долговечни.

Кирк Даглас, инаку, сите пари ги оставил во хуманитарни цели. Респект. На вакви јавни личности треба да се огледуваме.

 

Ова за Кирк не го знаев и ми дојде како нова - корисна информација, инаку заборавивме да напоменеме една важна информација за Редфорд тој е еден односно главен од оснивачите на фестивалот на независниот филм Санденс и треба да се истакне како куриозитет починал во местото - областа Санденс во сојузната американска држава Јута
Инаку од таа постара легендарна гарда на актери кои се сеуште живи и активни тука ги вбројувам Клинт Иствуд, Џејн Фонда - која многу го почитуваше и беше блиска пријателка на Редфорд.

 

Weapons 2025
Жанр: хорор/мистерија

еден од најдобрите хорори во поново време иако не е по мој вкус овој тип на филмови ама ми го зароби целосно вниманието.

сите деца од еден клас во 02:17ч бегаат од дома, им се губи секаков траг освен на еден ученик, прва осомничена е учителката... a се понатаму дејствието е заплеткано.

на интересн начин се сечени кадрите, се преплетуваат од еден наслов кон друг.

10/10

 

Последен филм што го гледав е Одисеја. Леле луѓе стварно предобро нешто, држи внимание сите 3 саати, па посебно дека не користеле CGI ефекти. Капа доле искрено за целата продукција. Те остава да размислуваш долго после тоа.

 

Роко и неговите браќа (1960)

Ова е еден од најдобрите филмови на сите времиња, тоа ви го гарантирам. Трае 3 часа, но вреди за секој кадар и секоја минута. Содржински предвидов некои работи, ама сепак, крајните впечатоци ми беа неочекувани. Вака се создава iconic филм и лик. 10/10

 

Hallow Road (2025)

Родители добиваат повик од својата ќерка дека со автомобил удрила човек и тргнуваат по пат кон неа. Како што се приближуваат до местото, почнуваат да се откриваат семејни тајни и настаните стануваат сè понеобични. Психолошки трилер/драма. Супер глума.

7.5/10 од мене.

Спојлер

Филмови со крај што треба сам да си го толкуваш у глава треба да се забранат. Џабе губење време. Мислам, овој не беше баш од тие, али пак, некои прашања ми останаа неодговорени.

 

Изненаден сум и незнам дали филмов е оставен да се гледа во европа.
Поради мигрантите, нивните убивања,силувања низ европа, и неодговарањето на институциите
еден човек ја презема правдата во свои раце.
Интересен филм кој ме направи на почетокот да ја подржам неговата идеја а на самиот крај да видам дека тоа не е решение

 

Според моите информации, дозволен е сега да се гледа, да. Иако првично Германија го забрани, ја променија одлуката. Филмот го коментиравме и во оваа тема:
https://forum.femina.mk/threads/Го-има-некој-гледано-филмот.9122/page-12
ако некого го интересира да прочита повеќе мислења, како што мене ме интересираше.

 

докторка глуми лажна врска со професор за да и докаже на другарката дека е заљубена а тој да добие грант за истражување од универзитетот и да остане на истиот. На крај завршуваат заедно

 

Филмот што си го гледала е сличен како Тарот (2024). Само што го изгледав. Ако не ти е гледан, гледај го слободно.





Филмот е интересен, хорор измешан со мистерија. Не е од типот на хорор филмови да те изрипаат од кревет.
10/10
Група од 7 пријатели заминуваат на патување во напуштена вила. Случајно наоѓаат тарот карти кои содржаат хороскопски знаци. Едната од девојките знае да ги чита.
Седнуваат на маса и девојката почнува да ги чита картите за секој од пријателите без да знае дека истите карти се поврзани со проколнета маѓија.
На секоја последна извлечена карта ја чита смртта на тој хороскопски знак.
После завршување на викендот секој се враќа дома и полека полека почнува сите да ги прати страшни работи. Интересен е дур се открие кој може да ја растури таа маѓија, па дур ја растурат. Препорака од мене.

 

Ама имаше некои такви сцени.
Ти благодарам на препорака, го немав гледано и си го пуштив вечерва. Добар.