Најверојатно психички проблем или семеен проблем. Но ретко, скоро никој во медиумите не спомна за тоа, а и конкретно нешто за нејзе. Сигурно ќе изненади многумина, како и мене што ме изненади.
И јас видов пред малку . Бог да ја прости .. Којзнае што мака имала за да посегне по сопствениот живот .. Сочувство до најблиските ..
---- Автор: А. Антевска Извор: https://sdk.mk/index.php/naslovna/akterkata-biljana-belichanets-pronajdena-mrtva-potvrdija-od-mvr/ ---- АКТЕРКАТА БИЛЈАНА БЕЛИЧАНЕЦ Е ПРОНАЈДЕНА МРТВА, ПОТВРДИЈА ОД МВР 12.228 7 април 2019 Скопје, (САКАМДАКАЖАМ.МК) Актерката и поранешна градоначалничка на Општина Кисела Водa Билјана Беличанец е пронајдена мртва, потврдија за САКАМДАКАЖАМ.МК од МВР. Неофицијално, од извори на истрагата дознаваме дека е најдена обесена во бања во стан во центарот на Скопје. Смртта ја пријавил член на семејството во сабота околу 22.40 часот. Имаше неполни 46 години. Зад себе остави две малолетни деца. Нејзин матичен театар е Драмскиот театар во Скопје. Беличанец беше градоначалник на скопската општина Кисела Вода од 2013 до 2017. Нејзини последни претстави се “Господа Глембаевски”и “Последните Македонци” во Драмскиот театар. Беличанец глумеше во повеќе ТВ-проекти како “Здраво генијалци“ и натсихронизираше гласови во турски серии, од кои најмногу беше позната по улогата на Хурем во „Сулејман Величествениот“. Двете деца и се од првиот брак со познат скопски стоматолог. Неодамна втор пат се омажи со режисерот Сашо Миленковски. ---- Почивај во мир...
Луѓе вистина е она за Билјана Беличанец или новинариве само пишуаат глупости? Обесена во бања од стан?! Не можам да поверувам... Ако е вистина, трагедија е.... Има некој информација?
Бог да ја прости..ноќеска прочитав овде ама мислев се шпекулации.. Се изненадив и јас многу, само Господ знае што мака имала..
Сега разбрав и јас... Баш ми е жал, сочувство до семејството. Сигурно имала огромна тежина штом посегнала по својот живот
Sasho Tasevski 1 hr · Билјана Беличанец влезе во канцеларијата. Два месеци откако ме назначија за директор. Седна како на жар карши мене, зад клуб-масата. Да и пратам порака дека е добредојдена и влегува дома, станав од директорската фотеља и седнав кај клуб масата. Ја понудив кафе, одби. Дојдов само нешто да ти кажам., рече. Те разбирам ако ме држиш на страна, ако не добивам улоги, зашто бев функционер кај оние, само дозволи ми да бидам овде, да го дишам театарскиот воздух. Стави ме и во шивална, ќе шијам, само да сум тука. Беше сериозна, а јас се насмеав. Реков: Билјана ти си една од најдобрите глумици во Македонија на сите времиња. Треба да играш и сакам да играш, ама не со игла и конци, туку на сцена. Таму би била од најголема помош. Имаш сојузник во мене. Сепак не заигра, иако требаше да игра главна ролја во една претстава, тоа се изјалови од други причини. Нејсе, затоа со ќеф прифати да биде дел од уметничкиот совет, кога ја поканив, откако ме предупреди дека може да си имам проблеми што е она во него. Баш ме заболе и реков. Се сеќаваш што ти кажав во канцеларија ко дојде? Се насмеа. Е па уште го мислам тоа и реков. И секогаш ќе го мислам. Го мислам еве и сега. Најдобра.
Лепотица еј. Жално, прежално. Ја памтам од Туфи и Двојче, заедно со Владимир Талески во Здраво Генијалци. Татко ми ми ги имаше снимено на касета, не памтам колку часови сум ги гледала на ТВ и сум пеела заедно со нив. Нека почива во мир не знам друго што да кажам, шок ме удри од сабајле.
Dramski Teatar Skopje 7 mins · Огромна празнина останува во Драмски. Нашата Билјана Беличанец е неповторлива. Почивај во мир. IN MEMORIAM Билјана Беличанец (25.07. 1973, Скопје – 06.04.2019 Скопје) Дипломира актерска игра на Факултетот за драмски уметности во Скопје (1994). Работи во Народен театар “Војдан Чернодрински” - Прилеп (1994-1997), додека во 1997 година преминува во Драмски театар Скопје. Како актерка со непроценлив талент, работна пожртвуваност и професионалност, ги толкува главните улоги во пиесите и заслужено го зазема местото на првенец актер во ДТС. Од 2013-2017 година ја извршува функцијата градоначалник на Општина Кисела Вода. Селективна театрографија: Маргарет Флаерти (Заводникот од западниот свет, 1997); Сузана (Свадбата на Фигаро, 199; Софија Јегоровна (Платонов, 1999); Клариса де Бисоњози (Арлекин - слуга на двајца господари, 1999); Кинегонда/ Газдарица на јавна куќа (Кандид во земјата на чудата, 2000); Ерика Брукнер (Мефисто, 2000); Маре (Тетовирани души, 2001); Мувата Ѕунѕарка (Како се станува цар, 2003); Дона Естрела (Што е тоа што ги тера жените навечер да трчаат по улиците на Мадрид, 2004); Наталија Ивановна (Три сестри, 2004); Ангустија (Домот на Бернарда Алба, 2004); Хелен (Жив чоек/Everyman, 2004); Старицата (Демонот од Дебар Маало, 2006); Донка (Македонски рулет, 2007); Ана (Комшилук наопаку, 2007); Велика (Сите лица на Петре М. Андреевски, 200; Кинегонда/ Малечката/ Службеничката (Кинегонда во Карлаленд, 2009); Управничката (Грев или шприцер, 2011); Сара (Генетика на кучињата, 2012); Ифигенија од Македонија (Архелаос или Еврипид се враќа дома, 2012); Македонка (Последните Македонци, 2012); Ема (Љубовници, 2015). Селективна филмографија: Мајки (2010); Од денес до утре (2010). Награди: Награда Трајко Чоревски за најдобар млад актер за улогата на Медеја во претставата „Медеја“ на Македонскиот театарски фестивал „Војдан Чернодрински“ (Прилеп, 1996); Награда за најдобар млад актер на Фестивалот Мали и експериментални сцени (МЕСС), за улогата на Ерика Брукнер во претставата „Мефисто“ (Сараево, 2000); Награда за најдобро актерско остварување за улогата на Кинегонда во претставата „Кинегонда во Карлаленд“ на МТФ „Војдан Чернодрински“ Прилеп (2009); Награда за најдобро актерско остварување за улогата на Сара во претставата Генетика на кучињата на МТФ „Војдан Чернодрински” (Прилеп, 2012).
Слика и прилика на ситуацијата во Мк со партиите. Јасно и гласно кажано што следува кога си со едните а против другите. Да бараш да ти дозволат да останеш во театар откако цел живот си го поминал таму оти дошле други на власт. А јасно и е оти така и таа станала директор, без оглед на способностите. Суров текст што многумина го живеат и мислат дека е нормална работа. Нека почива во мир.
