Правда за родилката Веапоска- кривична за доктор Асани

Иначе ако син му е специјализант, нема зошто да не биде присутен, и зависи која година е, да работи под надзор.

Како иначе мислите дека доктор некој станува, без да допре пациент? Специјализантите оперираат под надзор на професорот, не од прв ден, ама после гледани х операции и самите учествуваат.

 

Па не знаеме Биљарке, од 100 причини може. Тоа е највеќе проблем во државава општо, се' е во магла.

Овој 30 години пораѓал, не е дека прв царски му е па не знаел што прави.

Ама ако се заангажира МЗ + ако таа самата покрене тужба, ќе се разјасни.

 

Е ова сакав да го кажам. Во почеток во нивно присуство, ама после извесно време (при крај на специјализација) специјализантите им вршат едно добри 80% од работата на специјалистите.

 

Сами во сала не влагаат, ама под надзор речиси се' работат посебно на крај.
Така и треба да биде, која е поентата само со гледање да стане специјалист абдоминален хирург?

 

И да се разјасни. Пошто 2 месеци си кажува жената по весници, дури сега нешто почна да се придвижува.
Да се разјасни и да не се повтори.

 

Добро, ова 80% мислев на амбуланта и такви ствари. Ептен ако запне нешто кореспондираат со специјалистите.

Во сала да....или пример специјалистот ќе го отстрани карциномот и после специјализантот те затвара. Ама да, така се челичат хирурзите. Занает е во прашање. Сепак и самиот специјалист треба да биде сигурен во специјализантот, затоа што на крај сепак специјалистот е тој кој што одговара за пациентот.

 

Небитно е дали бил специјализантот. Специјалистот пак си има одговорност. Жената се сомнева дека воопшто бил присутен на операцијата, зошто документите што и се дадени се потпишани од него, а имаат неточни податоци. Поправете ме ако сум грешка, ама јас така сфатив едно нејзино излагање во медиумите.
А секако специјалистот доктор нема да крене раце ако негов специјализант пресече артерија по грешка нели? Со причина е тој надзор.

 

Да не се повтори е малце... далекусежно.
Може и навистина да постои индикација, свашта имам видено.

Да не се повтори голготава, ама дека ако навистина при една операција се увиди дека треба оперирање и на друг орган, секако дека мора да се повика соодветен хирург и да се оперира. Не е баш ок да ја затворат, па ај да направиме муабет дали сака, па ќе ја оперираме, посебно ако има крварење или тумор да речеме.

Не знам што пишал патологот.

Ама баш со ова нивно ќутење и џмиење, се остава простор за секакви претпоставки.

Не навлегувам што се случувало во сала, ама што и да се случувало, не може пациентката да не знае. Не може во отпусно да не пишува и во придружни документи, па во следната болница случајно да откријат. Во најмала рака(!!) ако е до толку итно и животозагрозувачко, телефонски ќе знаеле или по маил ќе прателе во текот на денот.

Само овде може кој како му текне да си прави; најсериозно.

И да нема вина за операцијата, за после операцијата и те како има вина и тој и сите околу него.

@Celltica освен ако пациентката не била будна не може да знае кој бил а кој не бил во сала. Но има анестезиолог, инструментарка, болничар... има кој да сведочи.

 

Има да, ама на сите нешто совеста многу мирна им е.

 

Има кој да сведочи, ама кој кога сведочел?
Место на поправање системски грешки, се оди на продлабочување на истите со пикање под тепих.
Колку родилки имаат починато- има некој случај разрешница?
Свесни сте колку е мк на врвот во Европа по стапка на смртност на родилки и новороденчиња?
И разбирам јас специјализант, ама ептен е див запад, од колено на колено ја предаваме професијата, под државна капа. Од милион аспекти не е во ред.

 

Затоа женава си ја тера работата и многу правилно си ја тера.
Со притисок доволен од јавност МЗ и МВР ќе се спотераат.

 

Имаат грб, затоа. Убијци се пуштени на слобода пошто партија ги држи не па доктор.

 

Ништо нема да биде на крај, за жал. Ќе се замачка.

 

Се' тоа си во право, ама преферирам секое тврдење (од секого) да го земам со сомнеж.

Решение е баш ова Јилдиз што го прави, што не им ќути и што се бори.

Тоа предавање професија не е баш само наш феномен, но нејсе. Познавам фантастични млади доктори, нема причина да не биде доктор затоа што и родителот му е. Е, ама колку и дали фер завршува школо, е друга работа.

Од мое лично искуство (а знам со сигурност дека речиси никогаш не е така) родителот професор е најригорозен со син му од сите специјализанти. Ама, ама, тој самиот се изборел да биде познат како што е познат, дете на земјоделци, не на лекари; па ете според него мора и синот да се избори.

А 99% во вакви ситуации знам дека си даваат 9ки и пролазни оти е син на Трајче или ќерка на Митре.

За жал во прдеж земја кај што секој со секого се познава, оваа појава претешко се искоренува.

А секаде ја има, во секоја сфера, само најлошите последици се секако во здравство.

 

Па да се надеваме дека нема.

Друго баш не ни останува, или да ја поддржиме, или да се откажеме.

 

Едниот проблем е, што не бива од секое дрво-шупелка.
Другиот проблем е што јас со ваков феномен сум се сретнала само во Македонија. Етички проблем е, идентификуван како таков со причина. Исто ко што не можеш да оперираш член на семејство како хирург- јер не си баш начисто со себеси и улогите.

 

Не сум сигурна што е етички проблем?
Да ти е професор родител?

Инаку ни тука не оперираат свое семејство, барем јас за такво нешто немам слушнато.

 

Премногу работи во случајов се сомнителни, а паѓаат само на товар на еден-гинекологот.
Секој лекар може да работи во клиника, болница, амбуланта, ама добар лекар може да се нарече само оној кој знае да се справи со компликациите што настануваат отпосле.

 

Видете,не мислам да го бранам докторот ако направил грешка,си го кажав мислењето погоре ,а и колку би одговарал и да е така.Но сметам и дека некогаш доаѓа до комликации без вина на докторот,сепак организам е тоа а во медицина 2 и 2 не се секогаш4.Мене ми се случи,набрзо по завршен циклус да се оперирам и ми се направи компликација (згрутчена крв внатрешно каде се интервенирало)па два пати ме оперираа.Докторот врвен хирург очајно викал цитирам: јас се направив.По цели ноќи не спиеше,доаѓаше,се јавуваше, се така додека не ме исправи на нозе.На моменти повеќе го жалев него од себе.Затоа би сакала овој случај конечно да се реши,за да нема дилеми и да не се измислуваат работи како трговија на органи и сите доктори да се претстават како во случајов и со коронава дека се убијци.

 

Што ги мешате бре другите доктори во ова и што се јавуваат други доктори ко должни да го бранат, секта ли се? Знаат да се бранат баш ко во секта да се, мислиш посебна група се, одбраните, па немој лош збор да се слушне за некој од нив. Зошто еден доктор не излезе да каже за процедури и грешки што направил од старт, не мора да обвинува за потешки дела без докази ама бар да укаже на работи кои ептен очигледни се. Па и ќе филозофираме тука, филмови ќе се прават, може вака било може онака било. На суд да излезе па таму нека кажува како било.
Што има врска твојот доктор и твоето искуство со случајов? Ама баш никаква.