Правопис

Негација се пишува одделно и од глагол и од глаголски прилог како што имаш во случајов. Така да,
не знаејќи.

 

Луѓе, ај да ве прашам сега нешто.

Ѓи земав, ѓи видов, ќе ѓи однесам...

Сериозно ова? Јас сум толку неписмена што прв пат ЃИ забележувам овие детали, или отиде писменоста во неповрат?

 

Правилно е ги, а не ѓи.

 

Согласката ѓ се изговара и се пишува пред самогласката е во иницијална позиција (пр. ѓеврек, ѓердан).Од ова правописно правило отстапуваат сопствените имиња, имиња на градови и географски правила.

 

Еден ден, не една ден.
Солта, не солот.

 

И не ќе да е само навика. Јас буквите ги пишувам слеано и ако не ставам цртичка тешко дека некој ќе разбере дека токму таму има ш а не м,л,и и сл. патем, ја ставам од неодамна токму поради могубројните примедби од типот - не можам да разберам што ти пишува овде. хихи

 

Пред некој ден, два саати потрошив читајќи „Лектор“. И сфатив дека всушност, ништо не сум знаела од правопис. И потоа се враќам назад во реалноста, и се’ уште читам „незнам“. Зошто? Е зошто де?

 

Посвети/обрни внимание на учењето.

Соодветна замена за посвети/обрни ?

 

Оддели целосно внимание можеби?

Мислам дека тој збор би се заменил само со фрази. Нема некој синоним.
А и мислам дека зборот посвети си е доволно соодветен за било какви прилики. Само затоа што го користиме во секојдневниот јазик не значи дека не е литературно правописен зборот.

 

Отколку или одколку?

 

Отколку

 

Денеска трипати желудникот ми се преврте.
(Сега правилно ли е трипати или три пати?)
Туку,на социјалната мрежа наречена Фејсбук разгледував неколку македонски страници и постојано е пишувано ѓи,базенТ,фЛизура и секогаш косата ми се дига кога ке прочитам нешто вакво.Ама врв беше кога прочитав Маќедонија.
Сериозно?
Сериозно?
Сериозно?

Не сум некој патриот,но,преку десет години се расправаме со југ за тоа како да се вика нашата држава и вие,ко паднати од Марс најдовте да пишете МаЌЌЌЌЌЌЌЌЌЌЌЌЌедонија?
И погоре на истата страница видов маќедонец.

Друго прашање,што е проблемот со зборот Превземи ?

Користењето на кратка заменска форма „му“ за сите рода и за сите броја,дијалект ли е или неписменост?

Кажете ми дека е дијалект,ве молам.

Ама сеедно,многу ми боде очи кога ќе прочитам.

 

Не чуди се Срцка, јас со тоа веќе одамна се помирив.
Па уште и некои ќе се дрзнат да зборуваат, абе ајде, послободно треба, не е ова писмена, дрн дрн јариња.

На МРТ прееска видов СЕУШТЕ, во учебникот по македонски - ОБЗИР, низ книгите - можи, незнам и што ли уште не. Еве уште мал милјон што сум ги пронашла.
Јас колку што знам, дефиницијата за правопис, барем во мојов учебник гласи вака:
- Правопис зачи правилна примена на правописните знаци и на правилата за пишување. Правилата на пишувањето треба да ги почитуваме и применуваме, а со тоа ја докажуваме и љубовта кон мајчиниот јазик и почитта кон него.

Јас тука никаде не гледам да пишува „да се почитуваат правописните правила само на писмена, на семинарска или на магистерска.“ И како што гледам, пукнавме од љубов и почит кон јазикот.

Едит: Она со „превзема“, е една од најнелогичните грешки што некогаш сум ги видела. Ај за другите, луѓето пишуваат како што зборуваат, ама ова... Глаголот е „зема“ и најлогично е да биде „презема“, а за „превзема“ треба да биде „взема“.
Уште кога ќе го видам или слушнам, толку ми е сељачко, значи...

 

^^
Зошто некој би напишал Маќедонија не ми е јасно, или е грешка или буквата на тастатура му е заглавена или е некоја нова фора за која ние не сме запознати. Неписменост не може да е.

Му кажав ним пример е дијалект. Може некој да не знае дека треба Им, ама јас да го прочитам кај некој пријател на фб и знам од каде доаѓа, ќе мислам нормално дека е дијалект. Јас си пишувам на фб секогаш на дијалект, а кој не го познава дијалектот, нека се прави писмен на нечии официјални текстови.

Некои зборови вистина е за грев да не знаеш да ги напишеш правилно, ама што почнаа сите паметни да се прават за зборови за кои и наставник можеби би се подразмислил и тоа благодарение на оној дигиталниот речник на нет, мислам, плииис.

 

Навистина се нервирам кога ќе видам некои неправилно напишани зборови.
Одделение го пишуваат со една Д , сфатив со В (сватив), претставуваат со Д (представуваат) и уште мал милион други прости грешки.
Не знаеме да ги пишуваме сите зборови, но некои кои секојдневно ги користиме, срамота е да не се знаат.

 

Замислете како се нервираат од правописните грешки во Англија, Франција, Италија... Земјите каде не се пишува така едноставно како кај нас.

Е сега замислете ги нашиве неписмени како ги учат тие странски јазици, каде е уште потешко да се пишува

Во секој случај, и мене Маќедонија ми е најгрдото нешто што сум го видела.

Сигурно имате забележано, неколку пати при цитирање, јас им лекторирам, онолку колку што знам и можам, лоши мислења на членките со ужасни правописни грешки, а потоа сум забележала дека се поправаат Сакате да почнеме таква Феминска кампања за лекторирање на мислењата? Белки ке видат кај им се грешките и ќе се подобрат. Да се надеваме

 

Читам доста странски сајтови и форуми, а имам пријатели на социјалните мрежи. Верувај дека се каде-каде пописмени од нас, пишуваат многу богато со интерпункциски знаци, не јадат букви, не редат „хахаха“ и „хехехе“ пола реченица. Можам да кажам дека како нација сме доста неначитани, просечно речити. Пола од речениците ни сочинуваат пцовки, навреди и “набутувања“.

Кога ги читам Македонците како пишуваат и како се изразуваат по социјалните мрежи, дневни весници, форуми ми паѓа жал колку сме слаби на изрази, а да не кажувам правописни грешки. Најстрашно е тоа што таквиот начин на изразување е присутен и кај голем процент на дипломци и магистри, а да не зборувам за постари генерации луѓе кои се со 8 годишно средно или воопшто без средно образование. Како ли ги завршуваат факултетите?

 

Форум ли е место за докажување колку сте писмени? Не бидете смешни. Да пишуваш на социјалните мрежи е исто како да разговараш со другари, дури глупаво е чувството постојано да се изразуваш литературно.

 

А, каде е место за докажување? И, јас , а претпоставувам ниту ти не докажуваш на никој колку си писмен/а, затоа што не е поентата во никакво докажување, туку во олеснување на комуникацијата со некој и се тоа да биде визуелно убаво. Не сум ни јас експерт, сигурно правам и јас правописни и интерпункциски грешки не ме сфаќај погрешно, но кога нешто не ми е јасно истражувам, а проблемот е тоа што денес никој не истражува при толку информации пласирани насекаде.

 

Ама и ти не стоиш најдобро со правописот а критикуваш други. Иронија се вика тоа, да подучуваш за писменост а да не си доволно описменет