Па како сериозни сте и врскава треба да заврши со брак . И мене до скоро не ми беа јасни овие работи, ама ми се разјаснија . Првата врска ми беше на 17 години, а дечкото една год поголем 18. Одевме околу една година, а дечково размислувал за сериозно со мене, размислуваше за брак и такви работи, а мене на крај памет . А со вториот дечко на 20 години, не одевме ни неколку месеци сакаше да знае дали сум размислувала за сериозно , а јас ни на крај памет не размислував дека на почеток на врска треба да размислувам дали сакам да сум во сериозна врска т.е врска што треба да заврши со брак. Ако не си во сериозна врска = џабе губење време .
И мене не ми е јасен терминов. Мислам дека со тек на време се осознава дали врската цели накај тоа да е сериозна или не. За мене тоа време беа неколку години пример За една врска да е сериозна треба да се прво и двајцата со изградени карактери, зрели, и да знаат што сакаат, и добро да се познаваат еден со друг. Некои луѓе тоа го искусуваат на 30 години, некои на 25, некои и порано, секој човек си е различен.
Точно така, многу убаво пиша ама тоа е теоретска вистина, во пракса уствари ништо не е сигурно така да најдобро времето нека покаже, некогаш и од ништо сериозно испаѓаат сериозни и убави работи, а некогаш и тоа сериозно еден ден лошо завршува
Испаѓаат неубави работи (според мене) поради недоволна доверба и почит еден со друг, глумење кое вечно не може да трае, премижување на нешта и слично. Што пак се сведува дека имало некоја фалина. Не велам дека е некој совршен, но има некои работи кои мора да ги има за да една врска биде сериозна и хармонична, и сите препреки понатаму се решаваат.
Така некако. Освен ако не си 20 година па си тестираш партнери. Јас мразам да бидам со некого ако немам никакви чувства или намери со истиот. Тоа ми е губење време и ресурси залудно.
Супер тема, баш неодамна кога во друштво правевме муабет за врски и сл. еден дечко рече: '' јас никогаш не би се оженил со некоја што немала многу и која што е сеуште невина на постари години '' од причина што сеуште нема доживеано нешто во животот, бидејќи кога покасно ќе се впушти некоја во врска се очекува дека сака и други раб да види и '' проба'' демек тек тогаш ќе почне да живее и ќе сака на некој начин се да истражи и чесно би и здосадил овој. Јас делумно се согласувам со ова, ама повеќе накај не, сепак и тоа се во свое време си има значење, нормално дека е понормално да е има врска околу 20 год и порано, а не на 60, така да тоа се во свое време не е баш било кога, да не се лажеме.
И јас не се согласувам со тоа. И нашите мајки повеќето на времето биле со еден партнер а и во денешно време има конзервативни така што нема врска дека таквите без искуство би имале желба да пробаат со повеќе натаму во врската или бракот. А и од тие што и имале повеќе партнери пред брак пак има и такви што изневеруваат кога се во брак, значи нема врска. Не може да генерализираме божем еве тие што имале само еден натаму ќе менуваат, или тие што биле поискусни пред брак нема да вараат во брак. И од двете страни има и од едните и од другите. А за прва врска нормално е и на 20 и на 30 па и на 40 прва врска според мене, некои луѓе се побребирливи,некои не сакаат да губат време. Баш ми е интересна темава
Мене не ми се јасни луѓето генерално , што се во сериозна врска од осмо-деветто одделение . Или од прва средно . Разбирам да имаш сериозна врска на 17-18 и натаму , ама од 13-14-15 години ? Да не е малку прерано за сериозна врска во пубертет .. Искрено , имав една врска во средно , што траеше цела една година , јас имав 15 ( во меѓувреме наполнив 16 години ) а дечкото беше 16 ( пред да се разделиме наполни 17 ) и малку пред нашиот крај , се чувствував заробено во таа врска . Не можев да дишам веќе со полни гради , слободно . Ме гушеше таа врска . Кога конечно дојде крајот ( многу измачувачки ми беше тоа , чувствував дека ја нема таа искра и само сакав да заврши се , што побрзо ) барав изговор за да ставам точка . За среќа , дечкото испадна идиот , па самиот на тацна ми го даде изговорот - паралелна врска со друго девојче . Ставив точка на тоа измачување , и ми олесни . Беше есен , но за мене дојде пролет по долгата и тешка зима . Повторно дишев слободно , со полни гради . Катко ми траеше таа слобода . Дадов шанса на дечко што беше баш несериозен и си реков дека сигурно нема да се омажам со него , а тоа ми одговараше во моментот . Нема да се омажиш , my ass . Веќе девета година сме во брак .
Искрено, познавам другар кој најде девојка на 17 год, пред некое време се ожени со истата таа девојка, на 31 година, јас не знам дали е навика или што е, ама толку години, секоја чест, јас од 17 год до сега колку сум се предомислувала а не па со еден цел живот, благо речено истерале еден брак никогаш не се знае што ни носи животот
Сплет на околности , кај мене непланирана бременост беше причина да се венчаме толку млади , за среќа еве тераме како знаеме и умееме низ животните ситуации . Кај нив можеби финансиите ги натерале толку долго да чекаат . Како и да е , на 14-15 е еден памет , на 17-18 веќе колку-толку позрело се пристапува кон се , па и врските ..
Абе знаеш, на народот секогаш му е нешто смешно. Еј немала секс до сега хаха Еј знаеш која ја има легнато оваа, хаха Абе оваа нема кој ја нема поминато хаха. Мене не ме чуди и ми е ок. Едноставно до сега не запознала човек со кого би спиела. Одсекогаш ми било подобра опција отколку ради притисок од врсници да спие со некого за да не биде чудна. Тоа завршува обично со каење. Ако некој сака да се "чува" до брак и тоа е ок. Сепак, наши тела, наши одлуки.
Неколку дена пред 25 роденден изгубив невиност, тогаш ми беше и првата врска. Не се каам што почекав и не се чувствувам дека нешто сум изгубила зошто од 15, 16 години не сум имала врски и искуства. Пред дечко ми никој не ми беше доволно добар за да можам да му соголам и душа и тело. Ако одиш со многу ќе те викаат курва, ако не одиш со никого заостаната. Секој да си прави како сака, луѓето малку да прекинат да се замараат со другите.
Зависи што се смета за постари години, за некои и 50 не е старост. Барем додека не почне да ти виснее кожата. Но сепак, секој може да се прави како сака и како им одговара. А ако немале 3 децении никакво спојување, прашање е што ги привлекува или пак, како што има категорија асексуалци, да не ги интересира ништо. Да тргнеме од односот на луѓето, ретко кој некои се однесуваат пристојно при средби со луѓе, скоро сите некако се зајадливи, одвратни, омаловажуваат а ако критикувани за таков настап само се шегуваат и потоа личноста која ја напаѓале ја окарактеризуваат како вообразена или ненормална. Не, не е тоа во ред. Не може штотуку запознаена личност да се третира како да имаат веќе некаков воспоставен сооднос и си земаат слободи. Никој тоа не го трпи. Така, ништо чудно пристојни, фини, да речеме и кротки, личности повеќе децении а не само години да не направиле некакво спојување и тоа не по нивна вина или неинтересираност. Она што сметам дека не е во ред е што такви лица би биле мета на сотонизирање од општеството од болни индивидуи, како и изложени на разни пропаганди за да си го сменат убедувањето на половиот нагон.
Баш, од 17 сум у врска и може 2 години не се многу за некого ама си ја сметаме врската за сериозна, родители запознаени и све. Ако оди се у ред зашо на 22 пример после 5 години да не се омажам? Нема ваљда да раскинам зашо сум "млада" .
Не осудувам ако некој сакал покасно да има сериозна врска, кој како сака нека си живее. Ама вакви работи ми бодат очи. Како да ви е криво што некој порано си нашол сродна душа, па вакво омаловажување. Замислете и на тие години може да си сериозно заљубен и да имаш убава врска. Од 15 години сум со истиот дечко, прв бакнеж, прв секс, прва врска, на 22 години се земавме, на 23 добивме и дете. Одлично се погодивме од почеток, зошто да го оставев, зошто сме млади? Тоа не умира жена без два кура и треба да живеете, менувате дечковци, млади години се за тоа ми е одвратно многу. Ако ти се погоди сродна душа на млади години треба да ја оставиш? Колку е глупо што се осудува зошто некој немал до покасно сериозна врска, толку е глупаво и ова осудување и потсмевање за сериозна врска на млади години.
Тебе ако ти пречи осудување за сериозна врска на млади години зошто велиш дека ти е одвратно што некој сменал повеќе дечковци?
