Користи само еден, да не си направиш поголем проблем. Нема потреба зошто наизменично. Добро е повремено да се промени некој шампон да не се презасити скалпот, ама така наизменично, посебно со осетлив скалп, не би.
Јас секогаш го комбинирам. Два пати шампонирам и првиот пат со некој Алверде шампон (такви обично користам), второто шампонирање ми со Еуцерин и оставам некоја минутка плус за да остане во контакт со скалпот малку подолго од вообичаено шампонирање. Секогаш така правам, ретко некогаш да се измијам само со Еуцеринот, затоа што приметив дека многу ми ја сплескува косата ако го користам само него.
Почнав со Еуцерин против сув првут, веќе 1 месец го користам исклучиво само него, се намали првутот, но е далеку од исчезнување. Единствено што многу помалку ме чеша главата. Има некој друг со слично искуство?
Јас никогаш во животот не сум имала ваков проблем, сѐ до пред една година. И цело време се мачев, те едно, те друго. Прво, бев убедена дека од премногу средства за стилизирање ми се направи проблемот, па изгубив доста време менувајќи “обични шампони”. Сѐ дури пред месец време фризерка во Мк не ми спомна за Реконазол. Мислам, го знам шампонот, ама бев убедена дека е за мрсен првут само, а јас не можев да дефинирам каков имам, и ваков и таков ми личеше. Ај, си викам немам што да изгубам, да пробам. Прво миење, 90% од првутот ми го снема, што не беше случај со ниеден претходно. Од второ миење веќе, (пу, пу) немам воопшто. Цел месец се употребува редовно на секое миење, по месец време, еднаш неделно, или на 10 дена за одржување. Лекот е 5 пари, буквално.
Заборавив да пишам, во самото упатство внатре во Реконазолот пишува дека е и за двата вида првут, и мрсен и сув.
Да споделам и јас искуство со Кетоконазол. После долги години и безброј испробани шампони, конечно немам првут благодарение на Кетоконазол. Фала ви на сите што го предложивте ова чудо!
@L.i.n.a.a Кетоконазол е постар антифунгален лек - златен стандард, пошироко применет и почесто го препишуваат. Го има во Низорал шампоните. Реконазол е понов антифунгален лек, што функционира на сличен начин, но некогаш е поефикасен за третирање на Malassezia, ако првиот не функционира
Што мислите за Уриаж шампонот против првут? Еуцеринот не ми помага, од Кетоконазолот веќе презаситена.
Немам искуство со Уриаж ама со Биодерма мајка ми, супер е. Најверојатно сува кожа и се перути темето. Обично тој што има сува, на цело тело е така од што гледам кај мајка и мм. Кај мм користи од Натура Сиберика задоволен е, само кај него е премногу сува кожата, посебно лице и глава, дури по лицето му се перути и за брзо време му се заситува кожата од еден производ па ги менува. Кај мајка веќе има 4 год како редовно ги користи. Некако мене Биодерма ми се ептен погодени кремата и гелот даваат длабока хидратација, сепак зависи од секоја кожа.
Не, јас немам сува кожа. Најверојатно од фарбањето или од менување разни шампони закачив првут и никако да го снема. Утре ќе одам кај дерматолог. Фала ти
Препорака за медицински шампон, односно не комерцијален, за чешање на скалпот? Немам перут, само чешање. Да не е само реконазол или Blue Cap.
Здраво. Имам многу првут и читам препораки за Реконазол шампонот. Прсшањето ми е: дали да го нанесам на цела коса како обичен шампон и да го исплакнам? И дали после него да ставам обичен шампон? Бидејќи на едно миење нели два пати ставам шампон и плакнам,а за Реконазолот пишува се става еднаш на едно миење?
Еднаш се става и плакниш, како и вообичаено. И после не ставаш друг шампон. Ама се користи еднаш неделно, а во меѓувреме си користиш некој благ шампон на природна база.
Никогаш не сум имала перут, но последниве месеци ми се појави. Не знам ни од што, со оглед дека не сменив шампон, но мислам дека ми беше од сите производи што ги користев за да ја залишам косата. Решив да го купам Реконазол и буквално со едно миење имам баш ефект. Прво си се измив со обичен шампон, па второто шампонирање ми беше со него. Малку побрзо ми се измасти косата, ама не е страшно. Сакам да прашам, колку време да го користам Реконазолот? Дали има некое ограничување?
Има посебен режим на користење, треба да пишува на самото шишенце. Ако добро се сеќавам, првите две недели од користењето, се употребува 2-3х неделно, а после тоа 1-2х месечно како одржување.
Има, почни со два пати неделно, барем две недели. После намали на еднаш неделно. Па исклучи го од употреба. Само мораш да внимаваш, мене совет што ми дадоа од аптека е прво се миеш со него, а после тоа со шампон без сулфати ( природен што е).
