Препорака за добар психијатар

Да и мене истото првиот пат (вториот и онака не разговаравме) ми кажа дека со мене се е океј, дека не сум го употребувала мозокот доволно Матичната ми ја препорача Весна Вајс Павлов. Дали има некој искуство со неа?

 

Јас самата пред неколку години и препорачав да ми пише упат матичната за кај неа, многу полагав надеж во неа, на крај ми испадна преголемо разочарување, а кај последниот кај што одев доктор сестрата кога и кажав кај сум одела претходно за Весна искоментира дека ми била многу погрешна одлука во однос на проблематиката која ја имав дека застарени и биле методите на работа. На неколку пати кога бев си се јавуваше на вибер, муабетите ради реда и прекинав да одам, се осеќав неразбрана и неприфатена од нејзина страна. Сепак пробај и види може твојот проблем подобро ќе го третира.

 

Не и е баш специјалност давање брачни совети, ама топло ти ја препорачувам д-р Жанета Карагоцева психијатарка во Промедика, жената има многу лично искуство на таа тематика, многу позитивно со многу ведрина советува и сослушува и пред се многу е реална во советите. Само си кошта да си имаш во план и предвид и треба време за повеќе сеанси.

 

Јас одев на психијатар во Букурешт, не кај Невестиќ, кај другата во истата просторија што е, различни смени.. и го заборавив името. Првите два пати ми личеше на презаинтересирана, си реков супер е, после тоа беше у стил: е не можеш така дома да седиш, излегувај.. А не се обидуваше да дојде до коренот на проблемот. После веќе не ми ни правеше муабет, ќе ме прашаше само и имаш ли да кажеш нешто.. Првиот пат кога отидов одма сакаше да ме стави на антидепресиви, јас не прифатив и после одреден период ми се влоши состојбата и ми вика е сега ќе мораш да пиеш. Ме наклука со антидепресиви, хелекси, хипнотици и антипсихотици. После прекинав да одам и сама си ги прекинав антидепресивите. Не ја препорачувам.

Инаку сакав да одам и на психолог, ама фати и короната и немав можност на државно да одам, а на приватно ми беше многу скапо. Кога ќе имам можност првенствено ќе си отидам на психолог, па ако е потребно после на психијатар.

 

@blueeparadise психијатарот секогаш дава антидепресиви, а психологот не. Таа е разликата. Во глобала ни едните се замараат ни другите. Кога имав најголема потреба психијатарот ме заборави и дремев пред врата надвор на ладно. На договорен термин за кој јас си плаќам пари. Не ми беше проблем шо чекав, колку тоа што ми рече "еј те заборавив".

Прави го тоа што те прави среќна.

 

@eliesaab Се согласувам со тебе за жал. Многу е тешко да се најде асален психолог и психијатар (во нашата држава зборувам) за надвор не знам како е. Мене психијатаркава ми имаше закажано психолошко тестирање во Државна кај некој психолог, но зошто фати короната испозатворија се, дури апла тешки случаеви на психијатрија што лежеле дома ги пратија... Психологот ми се јави на телефон, позборувавме 10 минути и после веќе ништо не бидна од терминот, а тогаш 20 заболени на ден имавме. Многу ми е жал за тоа што ти се случило, крајно неодговорно и незаинтересирано, а психијатри и психолози треба да се најхумани и желни да помогнат на човек, впрочем тоа и го учеле, тоа е целата поента на нивната работа. Се надевам дека еден ден ќе го најдеме вистинскиот психијатар/психолог за нас. И да бидеме силни.

 

@blueeparadise сепак на крај од нас самите сè зависи.

 

Дечки ми треба препорака за психијатар од кој сте навистина задоволни? Пожелно е приватно да работи

Имам одено долг период кај Зора Митиќ и никогаш не би пак. Последен пат бев кај Жанета во Промедика, ама не е веќе таму уште од октомври. И сега барам нов доктор со оглед на тоа што веќе долг период сум на терапија без никаков надзор. Инаку на терапија сум ставена од страна на невролог од државно ама со оглед на ситуацијава немам можност да одам.

 

Може ли да ми кажеш какво ти е искуството со Зора?

 

Покрај Јохан, дали некој знае некои други добри психијатри во Прилеп?

 

Оддамна сакам да закажам сесија со психолог , но многу ми е страм , и незнам какo пред се оди раговорот , ако ме праша за што сакам да разговарам јас незнам од кај да почнам имам толку многу маки и проблеми , со самата себе, фамилија , дечко, работа ...незнам како оди првиот разговор ( знам секој психолог различно) но дајте кажете некое искуство совет како било првиот разговор со психолог . Гледам има апликација разговор.мк таму е анонимно , па прво таму ќе пробам ама и за таму имам трема страв..Help

 

Би сакала да те замолам да споделиш искуство после сесијата со психолог. Фала ти!
Среќна Нова!

 

обавезно , но прво да се решам на тоа .Среќна и на тебе

 

Иста бев и јас. Срам, срам.
Е готово реков.
Закажав и појдов.
Најпрво те прашува КАКО СИ, ШТО ТЕ МАЧИ, КАКО СЕ ЧУВСТВУВАШ и дали примаш терапија.
И ќе ти рече да почниш да раскажуваш за себе.
И почнува со потпрашања

 

Помага ли нешто? Осеќаш ли некакво подобрување после посета на психолог?

 

Здраво, некоја препорака за психијатар за шизофренија што е специјалист?

 

За шизофренија имаат огромно искуство Антони Новотни и Бранислав Стефановски на клиника, одлични се со пациентите, со многу разбирање работат, ова од искуство од пракса го увидов. Е сега не знам преку мој термин како е и колку се чека со оглед на ситуацијава.

 

А на приватно да не знаеш дали работат, пошто нема здравствено осигурување лицето па нема да може преку мој термин?

 

Искрено не знам, можеби примаат и така пациенти.

 

Здраво на сите,
Дали некој има добро искуство со психијатар на поле анксиозност?
Знам дека самодијагностика е нешто што не треба да се прави меѓутоа се борам со периоди на огромна хиперактивност, мотивираност, ултра продуктивност а потоа следат депресивно анксиозни периоди кај што се чуствувам како најголемиот губитник на светот во кои имам проблем со страшна прокрастинација што ме наведува да мислам дека можеби се работи за биполарност или ADHD/АDD. Сигурна сум дека не се обични лоши периоди со кој што сите се соочуваме од време на време туку дека е некој подлабок психолошки проблем бидејки ова ми се случува веќе долги години наназад уште од деновите на средно школо па се до сега до степен да ми влијае на тогаш школо а моментално работни обврски и социјален живот.
Би ви била благодарна доколку сте имале сличен проблем, или познавате некој со сличен проблем кој има добро искуство со психијатар кој би го препорачале за ваква проблематика. Знам дека задоволството од одреден психијатар е лично, секој има свое искуство но некако не ми се талка со закажување термини колку за проба кога незнам ни од каде да тргнам, би сакала барем да имам претстава кои од психијатриве/психолози во Скопје би биле добри за ваква проблематика.

П.С. имам посетувано психијатар многу одамна пред повеќе од 10 години додека бев прва година средно, специфично Весна Вајс Павлов, меѓутоа незнам дали да се обидам повторно кај неа.

Ви благодарам однапред!