Препорачајте интересна серија со кратка рецензија

The Order

Интересна серија на Нетфликс со магии.

За да ја одмазди смртта на неговата мајка, студентот на колеџот се залага за таен ред и се соочува со војна меѓу врколаците и практичарите на темната магија.

 

Always a witch https://www.imdb.com/title/tt8001250/?ref_=nv_sr_1?ref_=nv_sr_1

Слушнав убави критики за серијава, денес ќе почнам да ја гледам, од треилерот увидов дека е интересна, па ќе и дадам шанса.

 

Покрај "Chernobyl" за која си дадов мислење у посебната тема, многу многу многу ја препорачувам "Catch-22". Мини серија адаптирана на книгата напишана од Џосеф Хелер, книга која ми е на листа за читање добри 5 години. Дејствието се одвива во време на Втората светска војна и пратиме група млади авијатичари бомбардери кои се обидуваат да останат живи, но и ментално нормални, за време на нивните задачи во кампот. Работите ги доживуваме претежно преку очите на еден од авијатичарите, Јосариан, кој уплашен од сето она што се случува, на почетокот постојано лаже и бара здраствена причина за да не мора да се врати назад во авионот наредниот ден. Серијава иако е доста трогателна и драматична, има и хумористичен елемент, или барем не многу тензична атмосфера, иако се соочуваме со хорорите од војната. Јосариан го глуми Christopher Abbott (кој јас го знам најмногу од првата сезона на "The Sinner") и е одличен, а други попознати актери се George Clooney и Hugh Laurie кои глумат поручник и мајор.

 

Whiskey Cavalier

Добра и интересна криминална серија. Добра екипа на глумци.

Агент на ФБИ и неговиот нов партнер, оперативен директор на ЦИА, се зафаќаат со мисии за да го спасат светот, но прво треба да се сложуваат едни со други.

 

Јас имам две серии што ми се допаднаа па да ги споделам со вас,
1. Russian Doll

8/10
Првата сезона заврши со 8 епизоди по 20 минути, ќе има и втора али мислам дека нема да биде убава како првата, Главна улога е Наташа каде што ќе умре и ќе се врати во живот и секој пат кога умира се враќа во исто време на исто место, и тука е целата мистерија што како се дешава све, интересна серија со мала доза хумор.

2. Chernobyl

9/10

Одлична серија, по детален опис за настаните кои се случувале за време на несреќата. кратка серија од 5 епизоди.

 

И јас баш дојдов да пишам за Чернобил, гледам Јипи ја предложил. Многу добра приказна која е супер прераскажана и топло ви препорачувам да ја ѕирнете. Од првиот момент кога упорно се трудат да ја игнорираат катастрофата, до моментот кога се обидуваат да решат нешто кое никогаш претходно не се случило. Па и пожртвуваноста на луѓето..пожарникари, рудари....., уф. Одлични три ликови...двајца научници од кои една жена и генералот.

 

Graceland

Многу добра серија, не е нова има 3 сезони.

ФБИ агент е испратен во куќа за тајни агенти во Јужна Калифорнија, каде што е обучен од поранешен агент на ФБИ.

 

Dead to me
Сопругот на Џен ќе го удри некој со кола и ќе избега, ќе го остави да умре. Жената која го удри ќе и стане најдобра пријателка... Има една сезона со 10 епизоди, а по крајот на последната епизода изгледа ќе има и друга сезона. Во еден ден ја изгледав, интересна е и непредвидлива.

 

Sleepy Hollow

Одлична серија со чудовишта со натприродни моќи. Има 4 сезони.

Во 1781 година, Ichabod Crane кој работел за Џорџ Вашингтон како двоен агент тој се враќа од мртвите и се буди во 2013 година за да ја разоткрие мистеријата која датира уште од основоположниците.

 

When They See Us

Нова мини серија од Нетфликс со само 4 епизоди.
Снимана е по вистински настан кој се случил пред 30 год. Полна е со неправди и стереотипи, што на моменти ја прави многу тешка за гледање. Не ми се верува дека нешто така ужасно се случило.
Ликовите се феноменални, музиката предобра, ја препорачувам.

 

Good Omens



https://www.imdb.com/title/tt1869454/?ref_=tt_urv

Екстремно шармантна британска серија.
10/ 10, плус огромна пофалба за музиката на Queen.
Базирана е истоимената книга на Тери Пратчет.

Ангелот Азирофел (Мајкл Шин) и демонот Краули (Дејвид Тенант) се добри пријатели веќе 6 000 години. И двајцата преферираат своето време да го поминуваат на Земјата, отколку меѓу својот „вид“ во Рајот и Пеколот. Работите се усложнуваат со раѓањето на Антихристот, кој треба да ја предизвика Апокалипсата. Ако сакаат да продолжат да уживаат во животот на кој се имаат навикнато, ангелот и демонот ќе треба заедно да работат за да го спречат крајот на светот.



Забавна, смешна, позитивна серија, составена од шест епизоди. Во останатите улоги се појавуаат Франсис МекДорманд, Миранда Ричардсон и Џон Хам.



Good Omens е одличен избор за сите кои бараат нешто симпатично и пријатно, а особено би им ја препорачала на оние кои сакаат британски хумор, и на оние кои уживаат во натприродни приказни.

 

The Night Shift

Интересна медицинска серија, има 4 сезони.

Група лекари од војска се враќаат на работа во ноќната смена во болницата во Сан Антонио.

 

"When They See Us" е мини серија од 4 епизоди за вистински криминален случај (Central Park Five) од 1989 година. Во Сентрал Парк најдена е брутално истепана и силувана девојка на работ на смртта. Истата вечер, во дел од паркот група млади црнци се понашаат како багабонди, трчаат наоколу и малтретираат белци, викаат по нив, ги маваат со камења и слично. Но, не сите кои се присутни го прават истото. Полиција почнува да ги брка, апсат кого ќе успеат да фатат. Меѓу нив 4 црни момци со 14 и 15 години. И еден 16 годишен пријател на едното дете. За да се реши случајот со девојката, ги испрашуваат 40 саати без нивните родители или адвокти, ги тепаат, им врискаат, не им даваат храна и паузи до тоалет. Им ветуваат дека ако потпишат дека учествувале во злосторството, ќе им дозволат да си одат дома. Дечките потпишуваат бидејќи се млади, уплашени и неискусни и сакаат да си одат дома. Завршуваат на суд, каде што без никакви докази, без дна, без очевидци, само со тоа што под притисок го имаат кажано и потпишано, се осудени дека се виновни. Четворица завршуваат во juvie, а оној со 16 години во вистински затвор. Четорицата отслужуваат 6 години, а овој петтиов 13. Во 2002 година, вистинскиот криминалец признава за стореното дело и на момците им е избришано криминалното досие и платено оштета. Колку прекрасно, а толку толку жално е прикажано низ што поминуваат. Поготово 16 годишниот. Сум плачела. Иако срцето ќе ви се скрши неколку пати низ 4-те епизоди, вреди да се изгледа. Совршена улога од прв до последен момент, од сите актери. Поготово од Jharrel Jerome, типот што го глуми 16 годишниот Korey Wise.

 

That 70s Show

Најомилена серија до сега и пресмешна.

Комедија која се врти околу група тинејџери, кои живеат во Висконсин во 1970-тите.

 

Rosewood

Интересна криминална серија, има само две сезони.

Мајами патологот д-р Бомонт Розвуд, Џуниор, наоѓа тајни во човечките тела користејќи ја својата најсовремена лабораториска опрема.

 

Дајте предлог за серија во стилот на Riverdale i Pretty little liars

 

chilling adventure of sabrina ,vampire diaries

 

After Life

Тони е духовит, љубезен новинар во редакцијата на бесплатен локален весник, кој живее за својот брак и сопругата. Кога таа ќе почине по тешко боледување, Тони ја губи смислата на животот, станува депресивен и суицидален, однесувајќи се цинично и луто кон цело свое опкружување - шурата и останатите колеги со кои ја дели монотоната работа со бесмислени и бизарни приказни во весникот, поштарот, децата во соседството. Како полека ќе почне да го менува својот поглед на остатокот од животот и на луѓето околу него, ни покажуваат шесте епизоди од првата сезона.

Одлична heartwarming црна комедија која ја изгледав во еден здив, прав ролеркоустер - за тие вкупно 3 саати во еден момент се смеев на мрачниот хумор, па во друг бев на раб на солзи, а крајот скроз ме стопи. Брутално реална слика со примеси на црн британски хумор, за депресијата и периодот на жалење по загуба на близок кај една добродушна и рационална личност, и како да го надмине тоа без идејата за виши сили и мејнстрим натприродни филозофии.
Ricky Gervais е феноменален во улогата, сум го гледала чат-пат и доста се согласувам со неговите гледишта (кои и тука се провлекуваат), но освен како стенд-ап комичар е и одличен актер.
Топло препорачувам