Имам долга темно кафена - црна коса со многу сјај. Пред некое време ми текна да ја осветлам малку чоколадно кафена боја или бар да вадам прамени. Одам кај мојот флизер и му велам што сакам и тој целиот ме искара и не ми дозволи. И си викам ок, ако несакаш ти ќе најдам кој ќе сака да ми земе пари. Одам кај друг фризер да го шишам малиот и онака одстрана му велам што сакам да правам и тој ме искара. Е трето мислење не барам и нема да се фарбам додека не почне да ми белее косата
Еднаш убаво се зафркнав, нема по втор пат. Светла ми е косава, ама јас сакав ептен плава да бидам и се унакажав. Жолта ко смајливо бев -> И чекав една-две недели да поминат, па лупнав темна, костенлива боја. Убаво ми стоеше, ама неее, сега ми се уврте црна да се фарбам. Кој ме тераше леле, леле. Се офарбав црна, ок. Бев како дух.. ама ајде. По два мес. почна мојата боја да расте и стварно одвратно беше за гледање. Отидов на фризер, ми лупнаа деколорант, за да ми ја осветлат, ама ми изгоре, ми прегоре. Бев пак жолта, ама и упорна и еве сега си ја имам мојата боја и немам намера да се фарбам пак.
Леле и јас се имам зезнато 2 пати Првиот пат кога сакав да се исфарбам плава , а имав светлокафеава коса , косава ми излезе портокалова и така се сетав неколку недели. Потоа ја префарбав во црна боја
Јас порано да, но сега се откажав, ќе чекам мојата да ми порасне. Инаку имам чудна боја дури и интересна вака и доста ми се свиѓа. А со фарба мислам дека секогаш фарбата и дава посебен сјај, но како кој си бендисува
Јас имам светло кафеава коса сега ја офарбав во црно каков сјај само има и и ми се ојачи влакното сега имам коњско влакно
Ауу фарбање...ми се темни кога ќе слушнам. Се немам фарбано и не планирам да се фарбам додека навистина нема потреба за тоа. Па обврска е бе луѓе и тоа голема. Еднаш исфарбај се и ропство, на секој месец (два месеци) гори се пак, офффф... Па малце ли обврски имаме што се однесува на посветување на време за себе, па депилации, маникир, ова она само уште таа обврска на врат ми фали. Ма без разлика колку е напред отидена технологијата за произведување на фарби и колку се станати корисни за косата со витамини и триста чуда: фала, ама не фала. Ги гледам мајка ми, свекрва ми и снаа ми и сите три офкаат и секоја ми има кажано „аман, седи си така само уште таа беља на врат ти фали“...аууу па на жештиниве кога ќе помислам...не, не.
Природна боја на коса-темно кафена, речиси црна, варираше, море не памтам веќе каква ми е. Фарба-темно плава, ќе се фарбам светло кафена, до темна кафена до пред да дојде зима, после... ќе видиме.
Природна си е природна. Нецела година пред некое време се фарбав зошто ме зафркна фризерката со шатирањето. Не,Не и Не. Прородната коса е најубава! Сега ми е израсната мојата природна, си ја скратив до над рамената пред некое време, се што ми беше изгорено ми падна, а сега ја пеглам 1 на месец или 2 и резултатот е прекрасна, мека и сјајна косичка само уште да ми порасне подолга
Мојата природна нијанса е многу чудна, ту плава, ту смеѓа - варира во зависност од светлината. Досега се немам фарбано, а не ни планирам, бидејќи не сакам потемна нијанса, едноставно заљубена сум си во мојата природна боја, па природно си е природно, нели? Сега сум шатирана и задоволна сум ептен, ама тука останувам, фарбање ноу уеј, ама баш НОУ УЕЈ.
Никогаш ја немам фарбано косата, само 2 пати прамени посветли вадев. Инаку имам смега боја на коса. ДОволно ми изгоре од прамените некам уште повеќе со фарбање да ја уништам. Мн ми е долга ама ја одржувам ко што треба, мразам кога ќе вида долга коса од половина надоле ко метла
Не сум ја фарбала косата, а и не планирам во скоро време. Имам темно-кафеава боја на коса и ми се допаѓа
Ја фарбам косата од 14 години последователно. Најмногу ми се оштети додека бев русокоса. Сум ги сменила сите бои и нијанси, почнувајќи од црна, црна со виолетов и тегет (ооооо тегет) отсјај, сите можни нијанси на кафеава - мед, лешник, чоколадо, русокоса во 2-3 нијанси, со прамени, и црвена со неколку нијанси. Сакам да укажам дека на оние кои се фарбаат подолго време, косата е зависна од фарба. Самата си бара. Лично јас, ако после 4 недели не ја исфарбам станува како луда, нит се води, нит се тера. Никако не се обликува, си бара просто хемикалии на себе. Дали се каам? Не. Дали би си ја вратила природната боја на коса? Посакувам, само да ја видам затоа што заборавив како изгледаше. Од друга страна, процесот е макотрпен, косата ми расте бавно, ќе треба да ја бојадисам во нијанса најблиску до природната и да чекам едно 2 години минимум. Од трета страна, сите мои другарки веќе пројавуваат бели влакна, и си викам само уште тоа ми фали - да ја пуштам со мака мојата природна коса, само за да видам - дека имам и јас бели влакна. Сепак останувам на фарбите сега засега.
Јас сум смеѓа и имам фобија од фарби Мислам дека кога ќе морам некогаш (заради бели влакна) дека ќе плачам додека ми ја фарбаат. А може ни тогаш не би ја офарбала Мајка ми сменила доста бои до сега, и косата и е стварно сува што не е ни ништо чудно, сега е плава и се фарба на две недели. Искрено огромна обврска е особено за плавуши. Имам некои другарки што сакаат да бидат плави, а не сакаат да ја горат косата па шетаат по два месеци со црни корени поселско нешто за мене нема. Ако веќе си решила да ја фарбаш, фарбај ја редовно или смени боја. Инаку единствено кај фарбањето ми се допаѓа сјајот што го даваат фарбите, ама доволен ми е и мојов природен сјај, мразам фарби!
не а и искрено да ви кажам не сакам да се занимавам со тие фарби може само 2-3 праменчиња или повеже како шатирана нешто да биде иначе не сакам фабање многу
Никогаш ја немам променето бојата на коса и никогаш нема да ја сменам. Всушност самата боја ми се менува, некогаш знае да ми е потемна кафена а некогаш светло кафена со златникав сјај и си ја сакам таква каква што е. Ако почнам да се фарбам ке морам редовно да го правам тоа и плус пеглање или виткање со фигаро не, не, ке ја изгорам косата, а хемија баш и не ми е потребна во мојата коса. Освен тоа ке не можам никогаш веќе да си ја вратам истава нијанса, не експериментирам мн кога ке најдам нешто што ми одговара си се држам до тоа, па така и со бојата на коса.
Природната ми е кафеава до сега сум била црна и веќе некое време ја фарбам црна со и тегет отсјај и не мислам да ја мењам во скоро време
Јас имам кафена коса..се имам фарбано црна(со колор шампон) иначе имам голема желба да се фарбам црвена,но страв ми е да не ми се оштети премногу.. мајка ми е фризерка,и правев муабет со неа но ми кажа дека премногу кје ми се оштети и кје ми биде како метла :/
Се фарбам добри 15 години,на почетокот желба за промена , а сега,да ги сокријам белите влакна.Се фарбам секој месец,плус /минус некоја недела,но ми се смачи веќе,а ако не се фарбам бела сум бре како дедо мраз Обрвска е ,а и плус што се мачам да најдам некој да ме офарба секој месец..кога би можела никогаш не би се фарбала...
Јас се фарбам, природната боја на косата ми е темно кафеава а веќе некое време се фарбам црна, и не би ја менувала. Не е некоја драстична разлика, а сепак мислам дека вака ми стои многу поубаво, позадоволна сум од својот изглед. Косата не ми е оштетена (сега за сега) затоа што не ја фарбам премногу често. Така да ќе си продолжам да се фарбам.
