Проблеми со устата и забите

Здраво,
можеби прашањето звучи смешно, но еве..
на горните единици имам порцелански навлаки кои ми беа ставени веднаш откако ми беше извадена фиксната протеза, се разбира со претходно стружење на забите. Мене ми е страв, бидејќи слушнав дека кај многу луѓе забите можат да се повратат во првобитната положба откако ќе им биде извадена фиксната протеза, па не знам дали тоа важи веќе кога тие се истружени и на нив има навлака?
Однапред благодарам

 

Веројатно имаш некое џепче, тоа е околу забот фактички, може да ти се направило од прстенот од фиксниот апарат. Ќе ти го исчисти и ќе ти го испере местото, ќе се намали притисокот кој го чувствуваш како болка и ќе ти олесни. Ако има потреба, ќе ти стави и дрен, или пак ќе ти го чисти неколку пати додека целосно не ти помине. Не е ништо страшно, кога ќе ти го чисти местото веднаш ќе почувствуваш олеснување. И да, ќе има крварење, ама тоа нема да биде толку крв, колку што ќе биде гној. Затоа нема зошто да се плашиш.

Не звучи смешно, напротив. Дали ќе се вратат забите во првобитната положба или не, зависи од многу фактори: колку време си го носела апаратот, колку и како ти биле искривени забите, дали имаш умници, ако имаш, каква им е положбата и дали се израснати, дали има доволно место за нив или не. Секако дека зависи и од тоа колку години имаш. Но не би требало да се вратат во првобитната положба посебно затоа што имаш навлаки, ама никој не може 100% да ти гарантира

 

анат јас бев на лекар за јазикот што те прашував ако се сеќаваш и докторката ми рече дека не е болест дека сум имала лингуа географика-географски јазик де и дека тоа било вродена аномалија? ништо не ми препорачаа да користам освен метиленско плаво, понекогаш ама знам дека тоа мн долго се задржува и неможам да го користам. е сега јас читав нешто за тоа и гледав слики ама моето не е до толку како на сликите или пак таму се дадени најлошите случаи? незнам дали да направам и брис, и те молам да ме упатиш каде можам да го направам тоа бидејќи поима немам со овие болнициве.

 

Може кај тебе да е вродено, инаку многу почесто се јавува од иритации или јаки стресови. Наместо метиленско сино, можеш да земеш стоматидин раствор за плакнење на устата, од него нема да ти остане боја. А брис од јазикот се испитува на Стоматолошка клиника, поточно на клиниката за пародонтологија (или како што ја викаа порано, болести на устата). Не знам дали во некоја приватна ординација вршат такви испитувања, а за ваму сигурно знам дека има.

 

Ана, имам едно глупаво прашање. дали ако ми извадат заб, на пример 6 ка, може после да ми се стави вештачки на тоа место?
Незнам зошто во последно време имам страв од забар, баш од причина што мислам дека ке ми извади заб, и не сакам да одам (а немам ни еден извадено, и од мала одам редовно на забар).

 

Може Кукличке, зошто да не може? Просторот е убаво да се пополни, ако е на пример 6, за да не се придвижи или навали 7 во празниот простор, а и да се спречат горните заби да се издолжат. Начинот на кој забот ќе се стави е различен.
1. Ако е здрав коренот на забот, може ендодонтски да се обработи, да се стави колче леано од метал и да се покрие со навлака.
2.Може да се направи мост, при што соседните заби ќе се стружат и ќе се прават навлаки за нив, а изгубениот заб се надоместува.
3.Да се стави имплант, значи да се направи заб кој ќе се зашрафи во коската и ќе се покрие со навлака.

Ниедно прашање не е глупаво, колку и да мислите дека е. Слободно прашувајте се' што сакате да знаете

 

Значи денес поправав заб.
И знам дека ми рече дека може ден-два дена после тоа да ме боли.
Е сега нормално е тоа? Ем го попраив ем пак ме боли. Исто и ладно ако се напијам.
Аман.
Ај ваљда утре ќе ми помине.

 

Нормално е, од самото стругање и чепкање местото има претрпено траума
Нервот ти реагира на ладно и на топло. Уште раната ти е свежа. Утре ќе бидеш како нова

 

Ништо, и денес истото. Пак ме боли.
Дај кажете како да ја ублажам болата, се напив аналгин ама џабе.

 

Пробај со заболекс капки ако досега немаш пробано и знам имаше и нешто од прополис од гала фарм мислам ама не ми текнува на името

 

Lacrimosa, ако уште те боли, можно е дентинот да е изложен некаде, макар тоа било минимално дупче. Изгледа пломбата нема добро рабно затворање, т.е некаде постои некое мало отворче. А можно е и да реагира нервот (ако не е мртов заб), т.е да има воспаление. Ако се засилува болката на ладно, ако продолжи да те боли и при мирување (кога не пиеш вода, не џвакаш ништо) и во наредниве денови, ќе мораш пак да одиш кај стоматологот.

 

Јас сакам да прашам нешто ама не е за мене туку за мајка ми
Е сега женава на горната вилица има мост кој почнува од четворката. Мостов почна да се клати, готов е да падни и таа самата не знае како уште стои . Што може да се замени наместо него, ама да напоменам дека четворката на која што се држи не е баш во најдобра состојба иако е поправана, со навлаки е и 300 други чуда .

 

Мора да се извади мостот, да се види каква е состојбата на носачите. Претпоставувам дека не е само четворката носач, туку има и други заби носачи. Има повеќе варијанти на вакви мостови, а вака да погодувам кои заби се вклучени во мостот не би сакала.
Има решение, може пак да се стави мост, само тоа ќе зависи каква е целокупната ситуација во устата.

 

Забоболка

Девојки помагајте! со месеци ме боли еден заб бев и кај заболекар но тој ми рече дека забот е за вадење но не сака да ми го извади без дозвола од доктор го страв зашто имам некои проблеми со срцето го страв да не ми се случи нешто дајте ми некој совет што да ставам, како да ја умирам болкава а за во скопје за дозвола трева да одам дури на закажаното во април

 

Забоболка

Па напиј се некој аналгетик, да ти ја ублажи болката додека не се решиш од забот. За поголеми болки, Вентор многу помага, но мора да се консултираш дали може да го пиеш. Стоматологот нека ти препорача некое апче најубаво.

 

Забоболка

Иди и кај друг заболекар. Како тоа директно за вадење, тоа е крајна фаза. Секој заболекар гледа да го спаси забот. Ептен ако му нема лек се вади. Можеби ќе може да ти се спаси забот. Немој толку да чекаш.

 

Забоболка

Како може да се чека толку време за вадење , па недај боже може да се искомплицира нешто. обично се чека ама мал период додека да се смири отокот или нешто друго, ама за тоа време се пие антибиотик. Да си идеш на друг заболекар, а ако немаш во твојот град дојди во Скопје , има многу заболекари кои работат приватно и добро. Државната стоматологија е ужас

 

Забоболка

Девојки мојот заболекар го лечеше мојот заб но ништо му нема лек освен вадење а не дека не сака да ми го извади туку не смее страв му е да не ми се случи нешто бидејќи јас сум оперирана од срце и пијам терапија 7 разлицни лекови кои ми се препишани од скопје а пијам и некои хормони за да имам циклус па затоа му е страв да го вади

 

Во ред Ана, сепак ти благодарам затоа што се потруди да ми одговориш
Ќе и кажам да си оди на заболекар. Тоа стравот дома да си го остави

 

Девојче, ќе си дојдеш тука на специјалист, на орална хирургија, таму ќе ти го извадат, без проблем. Некој погоре спомна дека државната стоматологија е ужас, но не е целосно во право. На стоматолошка клиника се' уште има стручњаци кои можат да го решат твојот проблем. За болката само аналгетици, ама никако Вентор, бидејќи е навистина штетен и за здрави луѓе, камоли за оние што веќе пијат други лекови. Нормално е дека твојот стоматолог се плаши да ти го вади забот поради твојот проблем со срцето, бидејќи ако не се работи соодветно може да дојде до компликации. Хормонската терапија нема толкаво влијание. Како и да е, што побрзо во Скопје, со упат од матичниот стоматолог, или барем закажи по телефон, бидејќи мислам дека се чека за интервенција на клиниката за орална хирургија. Разбрав дека треба дозвола да добиеш од твојот кардиолог и тоа дури во април имаш закажано - не можеш ли да му се јавиш да го средиш тоа порано? Ако ти даде дозвола, обавезно да одиш кај специјалист орален хирург, кој ќе ги преземе сите мерки за да не дојде до компликации.