Проблеми со устата и забите

На преден заб ја чувствувам пломбата, т.е. како одвоена е од непцето, како мала линија од почеток до крај. На забар тек во вторник, но што дотогаш? Можам нешто да направам во домашни услови, да купам од аптека нешто стерилно и да го стругнам малце, а да не оштетам ништо од пломбата? Некој искуство?

 

Moze li nekoj da mi preporaca dobar ortodont vo Denta lux vo Skopje i dali cenata na site vidovi fiksni protezi e ista?

 

@Annath Едно прашање.. Ме боли заб, 6ка доле и тоа само навечер..Ако се напијам аналгин, веднаш се смирува и секоја вечер така, еве може цела недела.Бев завчера на стоматолог, вика забот вака ок е.Мислење?

 

А да си го смениш стоматологот пред да се предозираш со Аналгини?Ако те боли не легнувај одма во хоризонтала поради дотокот на крв во главата.Испиј го апчето ако веќе мораш па од кога ќе помине легни.

 

Не постои такво нешто во аптека, само забар може да среди. Најверојатно пломбата е за менување.

Ако се јавува болката сама од себе, може да е почетна фаза на воспаление на нервот. Можеби е само преосетливост на забот, ама не верувам штом се јавува само навечер. Ако има пломба, убаво е да се провери дали има некој кариес под неа, а ако не е досега пломбиран, да се сними, да не има некое за око невидливо кариесче. Не би си играла со болка што се јавува само ноќе.

 

Ептен страшно ми звучи ова... Не би си играла со болка што се јавува само ноќе

 

Па во принцип болка што се јавува ноќе укажува на воспаление на нервот на забот. Може да се влоши состојбата доколку се чека, затоа јас би правела снимка. Многу често се случува да има кариес што не е видлив со око при преглед, ама на снимка убаво се гледа.

 

Фала на одговорот. Денес треба да снимам

 

Здраво
Добар стоматолог во Битола да ми препорачате?
Благодарам однапред.

 

Дали знаете да ми кажете нешто повеќе за умртвување на нерв? Не се разбирам многу во овој дел од медицината и не знам ни како точно да прашам тоа што ме интересира.
Дечко ми многу го болеше заб, па стоматологот му стави лек. Болката му се смири моментално и за два дена повторно отиде на доктор. Сега му ставила нешто за да му се умртви нервот и забот не му е пломбиран туку само затворен (ако може да се каже така) со нешто бело како памукче.
Како функционира самиот процес на умртвување на забен нерв и кои се наредните чекори после тоа?

 

Се става средство што буквално го убива нервот. Значи ја прекинува неговата исхрана од крвните садови и за кратко време дегенерира. Откако ќе се умртви, забот убаво се отвора и се чистат каналите на коренот од остатоците од нервот. Најчесто може во едно парче да излезе, ама може и да е распаднат, па да треба подолго време да се чисти и обработува, па се затвора привремено со лек (колку долго зависи од тоа каков лек е ставен). После тоа, ако е се во ред, нема болка, нема мирис или секреција од каналите, ако снимката покаже дека е се' во ред со коската, може да се полни дефинитивно и да се стави пломба.
Правилно е да се работи во една сеанса (една посета) со локална анестезија, со што би се избегнала контаминација на каналите, ама кај нас ретко кој работи така, можеби оние кои работат микроскопска ендодонција, а се ретки.

 

Имам малку простор меѓу предните заби. Како мала носев мобилна протеза и тогаш за тогаш беше ок. Кога престанав се разделија пак, но не толку колку што беа. Знам дека фиксна протеза би ми го решила проблемот ама не ми е прв избор. Прашањето ми е, дали можам да ставам ламинат на првите 4 или 6 заби, колку е тоа долготрајно, дали многу се оштетуваат забите и колку чини? Можеби има некое друго решение?

 

Во последниве два дена бев на стоматолог и поправав 3 заби, од кои два беа толку многу расипани што не можеа да се спасат, па ми стави лек за умртвување на живецот. Но едниот од тие заби буквално половина ми е паднат (5ка горе лево) и стоматологот рече дека откако ќе го исчистела не знаела што ќе остани од забот. Дали ќе го направи некако или ќе треба да го вади откако ќе се извади живецот пошто забов не е целосен.
(Да не спомнувам колку ми е страв што ќе вадам два живци по две недели)

 

Некој добар стоматолог да препорачате за вадење умници?

 

Ако е скршен повеќе од 50% не може да го пломбира, веројатно ќе ти предложи некое решение со коронка.

 

Имам три умници коишто ми се излезени и четвртиот уште ми е во процес на растење..претходниве ми пораснаа океј..мислам имаше доволно простор немав никаков проблем а сега откако ми пораснаа не ми се ни расипани ни ништо, но стоматологот ми предолжи дека можда најдобро би било да ги извадам..е сега прашањето ми е дали е нормално да се вадат заби кои не ти прават никаков проблем..некако нелогично ми е здрав заб да се вади..знам за тоа дека можат да ми направат понатаму некои искривувања..но тие ми излегоа уште пред две години и досега штом не ми ги искривија другите заби не би требало понатаму да се појави такво нешто...стварно не знам што да правам

 

Има некој стоматолог овде да го прашам за нешто многу сум загрижена

 

Феминкии, имам проблем на усната т.е имам афта и ве молам кажете ми како да го отстранам бидејќи ме боли и ме нервира. Благодарам однапред

 

Види во аптека проафтол, прополис или метиленско сино. Од домашни лекови сум чула дека мелено кафе помагало, директно на афтата да се нанеси.

 

Само што се вратив од заболекар, живците што требаше да ги вадам од двата заба не беа мртви. Посебно едниот многу ме болеше кога ми го чепкаше внатре. Животот ми го скрати.
Ми стави лек повторно ама страв ми е да не ме снајди истото следниот пат.