Проблеми со устата и забите

Ја ставив сликата за малку подетално да објаснам што е џеб.
Оваа слика е пресек на заб. Јасно се гледа глеѓта (белиот дел), дентинот (жолтиот дел) и пулпата или нервот како што сите го викаат (црвениот дел во внатрешноста на забот). Црвениот дел од надворешната страна претставува непцето, а розеникавиот дел е коската. Секој заб е сместен во посебна чашка - алвеола - за која е прицврстен со доста сложен систем. Да не должам многу - џебовите може да бидат во непцето и коскени џебови. Прво се формираат џебови на непцето - поточно, во делот меѓу забот и непцето се собираат остатоци од храна, се формираат забни наслаги и предизвикуваат воспаление на непцето и чести крварења, па непцето лека полека ќе почне да се двои од забот (просторот меѓу забот и непцето се проширува и се формира џеб). Ако не се спречи овој процес, ќе настане забен камен и повлекување на непцето према врвот на коренот на забот и соголување на коренот. Во исто време, ако не се исчисти забниот камен и не се санира џебот, ќе ја зафати и коската, односно, ќе почне да се ресорбира, алвеолата ќе се намалува, поточно страда потпорниот апарат на забот и забот почнува да се расклатува. Освен ова, може да се јават и гнојни процеси и цисти на корените на забите.
Причина за ова е најчесто лошата орална хигиена, затоа што забните наслаги се фактор број еден во настанување на пародонтопатијата. И притоа не мислам на неодржување на орална хигиена - може десет пати дневно да ги миете забите, ако не ги миете правилно, џабе е.
Освен тоа, и оралната бактериска флора во устата има влијание - кај секој човек во устата има РАЗЛИЧНИ бактерии кои различно делуваат на целокупното орално здравје.
Ова е накратко, опис на пародонтопатија која за жал не е 100% излечива, ама може да се постигне спречување на нејзиниот напредок со навремена терапија. А тоа е правилно одржување на орална хигиена, редовно чистење и санирање на џебовите и воспалението на гингивата и редовно чистење на забниот камен, а по потреба и примена на соодветни лекови.

Girl1985, продолжи така како што си почнала. Четката не мора да биде мека, најубаво е средно тврда (медиум). Конецот за заби е препорачлив после секое јадење, а интерденталната четка да се користи при редовно миење на забите.
Изборот на пастите е добар, а може да земеш и течност за уста на база на хлорхексидин за дезинфекција, макар што и обичен 3% хидроген или чај од жалфија може да ти вршат работа во домашни услови.
И сакам да ти го препорачам гелот што го спомнав погоре, NBF Gingival Gel

(ако не си алергична на мед и прополис), доста е ефикасен со воспаленија и џебови, покрај тоа што помага за зараснување на рани и кај афти.
Јас прво го препорачував преку ЛП, затоа што не бев сигурна во ефектите, ама откако ми ги намали проблемите со крварење на непцата, со афтите, а сега и со херпес, топло го препорачувам. Може да се користи како забна паста, наведено е на упатството, прочитајте го.

 

јас и претходно имам спомнато на мојот проблем со парадентопатија...наследно ми е, од татко ми страна сите си имаа проблеми..
на 6 месеци ги чистам комплет вилиците горна и долна , користам паредонтакс паста или лакалут...лакалут средство за испирање...
сакам да ја пробам оваа паста анат..каде да ја купам?
ај и ова чудо да го пробам па се спремам ласерски да се лечам...

 

За испирање користам Colgate Plax во моментов.

 

Може girl1985, ако ти помага, може. Инаку гелот може да се купи во подобро снабдени аптеки, го нема во сите (во три Зегин аптеки во Скопје прашав, го немаше), мм го купил од некоја no name аптека (барем не памети како се вика), чинел околу 380-400ден. Ова претежно се користи за мачкање на непцата при ранички, после вадење на заби, сечење на непца, ама може да се користи и како паста за заби при што помага кај крварење на непцата и џебови, како и проблеми со непријатен здив.

Јас лично се зачудив кога видов дека и кај херпес помага, ми се појави пред три дена, имав пликови, се намачкав со гелот, не испукаа, само се исушија, еве чекам да падне крастичката. Болка никаква немам.

 

Ана на рецепција
Значи од сабајле ме болеше едната вилица цела, па после другата, па после и двете вилици, ептен многу ме болеа. Легнав, мислев дека ке ми помине болката Добро не ме болат сега и двете вилици, ама на левата страна од очниот заб натаму ме болат сите, не како обична болка туку, пак од вилицата
Секој петок одам на заболекар, кога сум 1 смена, ама сега оти бев болна и поради распустот не одам, а и секој ден ги мијам забите. Што би можело да биде? Јас мислам дека ми излегуваат умниците ама ..

 

Се почна од тоа што почнаа мали болки во десниот дел од вилицата. Неприметливи речиси, за вечерва да се влоши состојбата толку многу што не можев да зинам. Сеќавам дека болката не ми иде од заб (немам ниеден расипан) и не ми е од непцето, туку внатрешно, самата коска ме боли.

Гледам дека кај умникот имам белко испакнато и претпоставувам дека можеби и умник ми излегува, логичен заклучок... Со оглед на тоа што болкава ми е проширена на цела долна десна страна, дури и дел зад увото ме боли и десната страна на вратот под образот. Плус ме пече се живо и диво што ќе каснам, како отворена рана да имам.

Се ѕверев сега на огледало, со блиц, и видов дека уствари покрај болкава на самата вилица, на делот од непцето кое припаѓа на образот, имам 4-5 мали дупчиња, апла дупчиња во образот, исполнети со нешто црно... Што е тоа, од каде е тоа? Зарем е можно да имам џепови во непцето на образот? Испаничив прилично многу, а матичниот заболекар имаше здравствени проблеми и не работи веќе, не знам што да правам додека не најдам некој друг.

Откако направив малку гаргара со растворен прополис, ситуацијава е мааааалку подобрена, ама ептен малку... Повторно болки и неубаво чувство.... помагајте.

 

Марун5, најверојатно умници ти растат, имаат потешкотии со пробивањето, притискаат на нерви и соседни структури (најчесто на 7 пред нив) и затоа се јавува таква болка како притисок. Ама, ми се чини оти читав дека си настината, ако имаш со синусите проблеми, може да е и од тоа.

Дузи, може да излегува умник кај тебе, ама изгледа имаш и афти на образот, можеби и си се гризнала?! Зошто така со црно, можеби се обоени од нешто (обично се бели афтите, сигурно знаеш како изгледаат) или пак се загноени, не знам. Убаво ќе е да направиш гаргара со 3% хидроген и да одиш да те ѕирнат што може да биде. Инаку, оној гелот што го имам погоре спомнато, помага во вакви ситуации, 100% проверено.

 

Здраво феминки сакам да го споделам мојот проблем и да ве прашам дали некој имал некоја слична ситуација...Паднав на забите и го скршив кецот до пола а другиот ме боли многу и како малку да ми е подспуштен надолу, отидов на заболекар и ми стави некое си колче и како некоја навлака и сега проблемот е што ме до пола забот ми е бел а оноаа навлака е прозирна, дали треба да ставам нов заб или тоа може да се покрие со некоја навлака за да ми биде целиот со една нијанса, а исто така чувствувам болка на двата заба..

 

Annath и јас сакам да те прашам нешто на надворешниот дел на горната вилица од левата страна ми се појави така да го наречам пликче, кај четвртиот и петтиот заб. Забележав дека наутро кога ќе се разбудам е отечено и полно со течност (што е не знам, дали е плунка или гној, ама не ми стои дека е гној). Претходно имам слушнато за некакви си гнојни кеси (ако тоа е точниот назив), па ме интересира дали во мојот случај станува збор за тоа. Што го предизвикува ова, третман, последици? Ти благодарам (ако воопшто добро објаснив и ме разбра ).
Инаку, сите умници ми се веќе излезени и пораснати пола, во споредба со другите заби. Имам тесна вилица и нормално забите на горната вилица ми се искривија. Што препорачуваш во овој случај? На долната вилица тројките ми се свртени малку нанадвор, ама не гледам некој проблем, односно не ми сметаат, туку само на горната. Совет?

 

Јас имам скршено заб, горе, единица, пред едно 6 години. Малку ме болеше на почетокот и после ми помина. Моментално имам Bonding(обична пломба, композитна, пластична), на тоа место и не се познава. Ми трае година и пол, две сигурно пред да падне, и ја менувам пак за иста. Вака искрено да ти кажам планирам цел живот, додека не измислат нешто подобро. Можеби малку се познава(ептен од близу некој да гледа), али бар сеушто го имаш забот. Јас не би ти препорачал да ставаш навлака, да го стругаш забот и слично. А и да се познава пломбата што има везе. Ако на некој му пречи....не ти требаат такви луѓе...

Малку ми е криво затоа што не сум знаел како да ми бидат забите минерализирани. Да знаев сето тоа ќе се избегнеше и немаше вопшто да го скршам забот. Али бидна....барем научив битна лекција. А ако те интересира како да не скршиш нареден пат заб кога ќе паднеш или никогаш веќе да немаш кариес.....пиши

 

Можеш да споделиш, ќе им помогнеш на сите така

 

но неможам да го оставам вака премногу се познава, морам нешто да му направам ептен грубо стои бидејки е еденицата, но незнам дали ке треба да се става нов заб или тоа може да се прикире со некоја пломба или нешто слично

 

Cure tooth decay - Ramiel Nagel
Ех, камо да знаев за книгава порано, забите ќе ми беа во природната форма, не пипнати....И сега ми се солидни али некои се половични или бушени. Откога почнав да ги применувам неговите совети, ниту еден заб ме нема заболено. Само не се согласувам со делот за млекото, тој го оправдува а јас не.
Книгава е пишувана главно според истражувањата на Dr Weston Price(ако ги најдеш неговите записи, уште подобро). Има се што некогаш ќе ти треба за забите. И да, главното е до исхраната. Порано луѓето дури и умирале без расипан заб. Доколку сите луѓе се раководат според знаењево во книгава, стоматолозите ќе останат без работа, но додека има овци за стрижење...
Книгава тешко се наоѓа за download пиратски, одвај ја најдов(а многу сум добар во барање) и тоа скенирана. Ако не можеш да ја најдеш или поради некои причини не сакаш да ја купиш , кажи ми и ќе се обидам да го пронајдам линкот.


You are welcome

 

Ти благодарам, ќе пробам да ја најдам, ќе ја побарам ако не успеам тогаш ќе ти се обратам тебе. Можеш ли на кратко да ми кажеш за што всушност станува збор во книгата, гледам споменуваш млеко, па најверојатно станува збор за некој начин на исхрана, која храна да се внесува. Ти благодарам уште еднаш
Едит: прочитав на сликата, станува збор за храна

 

Кога го скрши забот? Оди пак на стоматолог и види што ќе ти каже, некои чекаат целосно да се смири местото, да нема болка или други последици, па после естетски го решаваат проблемот, а други веднаш го средуваат. Претпоставувам дека ова кај тебе е привремено решение, па за конечно ќе мора да се консултираш со твојот стоматолог. Има начини да се среди ова.

Ако чувствуваш болка на местото кај гнојната ќеса и ако те болат и забите, можно е да е процес на коренот. Течноста од ќесата ќе биде густа и жолтеникава, и со непријатен мирис, ако е гној. Ама кај тебе најверојатно се работи за затнати плунковни жлезди (ако течноста во топчето е белузлава и ретка и нема непријатен мирис), па се формираат цистички. Ќе помине без гајле.

А што се однесува до умниците и искривените заби, ако ти пречат премногу во смисла да не можеш да џвакаш убаво, не можеш да ја затвориш устата или забите ти се драстично искривени, тогаш се препорачува да се извадат умниците и ако има потреба да се стави апарат за исправање на забите и оформување на загризот. Ако немаш големи проблеми, јас не би ги чепкала. Ама може понатаму во иднина да ти прават проблеми. Не знам каква е кај тебе ситуацијата, ама вака толку можам да кажам.

Eagle Eye, не е толку тешко да се најде ова што го имаш ставено, го има и во пдф форма на интернет. Како и да е, луѓето во Мк тешко би ги натерал да го прават ова, со оглед на тоа колку е ниско нивото на оралната хигиена во државава - страшно! Инаку, има логика доста од ова што е напишано во книгата. Ако ништо друго, барем на здрав начин и без употреба на флуор да се постигне совршено орално здравје.

 

Ти благодарам Аnnath, не ме болат ниту забите, ниту вилицата, па најверојатно станува збор за плунковните жлезди. Инаку немам никакви проблеми во смисла да не можам да јадам или да затворам уста, единствено што естетски не изгледа убаво ама ќе се потрудам да го средам тоа. Знам дека ќе биде малку подолг и болен процес, ама за убавина се трпи

 

Јас бев на заболекар, ми кажаа дека нема знаци за воспаление, е сега незнаат дали ми излегуваат умници, треба панорамска слика да направам, па да им ја носам, да видат што е работата.
Веке немам болки фала му на Господ, бидејки не се трпеа.

 

Мислам дека ми излегва умникот,дали ке имам јаки болки? пошто кажваат дека боли додека излегва

 

Не мора да значи дека ќе имаш болки. Зависи како е поставен, дали има пречки при никнувањето и дали притиска на соседни структури.

 

Нормално ли е и после 4 дена одкако е нанесен лек за умртвувње на нерв забот сеуште да ме боли?