Проблеми со устата и забите

За бојата на забите мислам дека зависи и до коската на забот. Така барем имам слушано. Еве и јас се мачев со секакви препарати за белеење и пак ми се исти, а брат ми само ги мие со обична паста еднаш на ден и му блескаат.

За здивот, од кога ги направив сите заби непријатниот мирис си остана. Ми го исчистија и забниот камен и пак се осеќаше. Мислам дека се ствара од забниот камен што се наоѓа помеѓу забите. Кога ги чистам забите со конец ја осеќам миризбата.

И, да не должам, јас наутро прво појадувам, грицкам нешто а потоа ги мијам забите со паста и ги плакнам со средство за уста и заби. Подолго останува свеж здивот. А ќе го пробам и ова со лимон.

 

Проблемот со непријатниот мирис во устата не е секогаш последица на расипани заби.Ако истите се поправат и се одржува редовна хигиена,а мирисот не исчезнува, може да се работи за некое заболување на внатрешните органи.Не е логично мирисот константно да го имате.Затоа на време обратете се на лекар.

 

Мене уште не ми е поминало

 

Девојки ве молам за совет! што да се прави со потечено непце, мислам целото е испакнато и потечено?
незнам дали во прашање е заб или нешто друго ама гнои и боли..дали е можно ова да е предизвикано од херпес? а качена е и температура!
постои ли некој предизвикувач на ваквите појави? на пример од недоволна хигиена т.е. нередовно миење заби или јадење на нешто нечисто?
ве молам за помош бидејќи личноста на која и се случува ова несака да оди на стоматолог. Сабајлево беа купени антибиотици ампицелин и парацетамол ама не се знае дали ќе помогнат.
Фала ви многу.

 

Мене ми е потребно некоја препорака за воспаление на непцата, некоја вода за плакнење, гел или што и да е .....

 

Ако е потечено само во еден дел (кај еден или два заба) најверојатно е некој пародонтален џеб во прашање кој се воспалил. Со друго заболување дирекно не е поврзано, ама при намален имунитет (инфекција со херпес на пример, или качена температура, настинка) се појавуваат појаки симптоми. Ако не се одржува добра хигиена исто така ја влошува состојбата, ама не мора да значи дека е директен предизвикувач на проблемот. Апчињата ќе помогнат моментално, ама тоа не е решение. Нареден пат кога пак ќе има пад на имунитет пак истото ќе се случи. Само посета на стоматолог и редовна хигиена може да спречат повторна појава.
Сепак постои можноста да е и друг проблем во прашање, колку и да не сака да оди на забар, тоа е единственото логично решение.

Од домашни лекови чај од жалфија и од камилица, да се плакне 2-3 пати во денот. Нешто појако ако моментално е повоспалено од обично, хидроген 3%, во сите аптеки го има. Ако подолго време има општо воспаление низ цела уста, би ти препорачала да ја смениш пастата, има посебни за воспалени непца. И задолжително добра хигиена. Знам дека може да боли и да крвари при четкањето, не применувај голема сила, ама четкај подолго време да има време пастата да делува и да ја исчисти сета храна што го предизвикува воспалението.

 

Имам вадено нерв на 4 заба. Читав по форумов дека тие заби станувале сини, сиви, темни и не знам какви.
Дали може некој да ми каже дали тоа е вистина и доколку да, дали повторно би можеле да се обелат?

 

Во вторник ќе вадам 1 заб и 2 корена. Ај со среќа нека ми е.

Spoiler

Освен ако не избегам пак.

 

Успеав девојки, извадив заб конечно. Не боли ништо, се е до психата. Затоа само храбро и бидете смирени и нема да осетите ништо.

 

Промената на бојата настанува полека со тек на години, кај некој повеќе - кај некој помалку. Секако дека постои начин да се обелат, прашај си кај матичниот стоматолог. Обично белење не препорачувам зошто не е добро за здрави заби, но кај умртвени заби со променета боја е најнеинвазивно решавање на проблемот. Секако можеш да си ставиш навлака на тој заб за потрајно решение зошто ефектите од белењето со тек на време се губат и забот повторно потемнува. Колку време ќе трае зависи индивидуално од секој заб/секој пациент.
Доколку забите не ти се во видлива регија (предните горни заби) би ти рекла да не се замараш зошто освен самата ти никој нема да ги примети потемнетите заби.

 

Spidy можеш ли да ми кажеш нешто повеќе за вадењето на корен од заб?

 

Се работи за горни две четворки и горни две петки. Навлаки? Што се тоа? Ќе треба да ги вадам овие заби па нов се става или се стружи овој па се додава дел?
И уште едно прашање и не замарам
Предните единици ми се малку криви. Ама ептен малку. Протеза во никој случај не би ставила, дали има некое друго решение?
Фала ти ептен.

 

Ќе го снимаш, ќе ти стават анестезија и ќе го извадат. Ништо проблематично, редовна процедура е тоа.
Не знам што поконкретно те интересира, ама вадење како вадење, не е нешто страшно.

Тие заби ги сметаме како полувидлива регија. Во зависност од начинот на зборење и смеење, може и да не се нешто видливи и затоа би ти рекла да не преземаш ништо освен ако нема огромна промена на бојата. Како што кажав, најчесто само ти самата си приметуваш, другите ретко се загледуваат толку во туѓи заби. Кога викам навлаки, мислам на коронки за кои се струга забот и се додаваат над него, или ламинати кои се како лушпи, се додаваат на предната страна од забот без стругање (или минимално). Пак ќе речам, освен ако нема драматична промена на забите, ова не го препорачувам. Па и тогаш прво се оди на белење, па после на овие опции.
Ако не е многу искривувањето на единиците, може да се постигне мало подобрување и со пломба. Да не се струже забот, само да се додаде на правилните места за да изгледа забот поправ. Ваквите пломби не се многу сигурни и долготрајни, ама некои луѓе си ги носат со години. Забот не се оштетува, така да вреди да се проба. Збори си со стоматологот ако се нафати да проба.

 

Пред да се стават навлаки на забите пожелно е да се снимаат за да се утврди дека се работи за здрави заби кои треба да се стругаат, да се земе мерка и да се навлачат.
А за исправање на кривите заби,освен употреба на протеза не знам за друго стоматолошко помагало.

 

Ќе го снимаш, ќе ти стават анестезија и ќе го извадат. Ништо проблематично, редовна процедура е тоа.
Не знам што поконкретно те интересира, ама вадење како вадење, не е нешто страшно.

Па, дали боли и дали е со клештине пак. Инаку, докторката не спомна снимање, само вадење.
И сакам да те прашам вчера ја вадев 2јката од лево на горната вилица и сега кецовите ми пулсираат,од вчера цела вечер и денеска цел ден,почна да ме нервира, некој совет?

 

За болење, после анестезијата ништо нема да осеќаш, не се секирај. А за клештите, па со нешто мора да го фати да го извади. Чим не ти рекла да се снимаш, најверојатно е мало коренче кое се гледа и е лесно достапно, значи ќе биде кратка и лесна интервенција. Вадење на корен (или заб) не е ништо во споредба со проблемите што може да ти ги направи ако го оставиш така расипан/скршен во уста.

Сите болки по вадењето на забот се нормални првите неколку дена, затоа обично се оди на контрола на една недела по вадењето. Ако до тогаш не се среди само од себе, ќе си види докторот што е потребно да се преземе. Сега за сега, не е нешто за што треба да се грижиш, нормален дел од процесот е тоа.

 

Многу ми чкрипат забите навечер, тоа е страшно
стоматологот ми спомнуваше некои силиконски навлаки да ги носам за време на спиење
како оди таа постапка, колку време се чека за да бидат готови и дали се скапи?

 

Девојки, извадив денеска 2 корења и се чувствувам одлично. Стандард процедура е, ништо посебно. Кој вадел знае.

 

И заборавив да прашам, што е тоа естетско исправување на забите?

 

Девојки веке 3 дена ме чешкаат долните непца помеѓу забите а едно ми е отечено и ужасно ме боли и пецка,а редовно ги мијам забите.Неможам да јадам нормално незнам како да си помогнам дали е за на забар или не