Проблемот со кучињата скитници станува сè поголем

Toчно... стационари без казни ќе бидат причина плус народот да исфрла кучиња кога нема да ги сакаат повеќе, со изговор, нека му се думаат тие таму. Значи да за стационар, ама да и за казни дебели.

 

Не можат да имаат во евиденција кој се чува миленик и кој ќе го испушти за да бидат казнети. Да беше така лесно немаше ниедно куче да има на улица

 

Како го прават тоа во други држави?

 

Ваљда има pet stores или поединци што продаваат кучиња легално и законски и така се води евиденција колку се продадени и кој купил. Кај нас нема таков механизам и сите кучиња купуваат надиво и опет државата тука со години никако не реагира исто како со стационарите на достапни средства ја кочат изградбата сулудо е да се очекува дека државата ќе превземе нешто проблемот само се пика под тепих а секој ден луѓе настрадуваат.

 

Па да, проблемот само се пика под тепих цело време. Еве зошто:

Замисли, сулудо е да се очекува државата да ги искористи парите од даноци за да ги реши проблемите на народот. Затоа сме тука кај што смe, утепан менталитет.

 

Може... се се може ако се сака.
1. Ќе му го заловат кучето... ако оди да си го бара газдата, казна, плус чип плус се останато.
2. Поткажувачи комшии... полиција да праша на околу - чие е кучево, ќе кажи некој.
3. Ветеринари да пријавуваат ако некој оди со нечипирано куче.

Сигурна сум дека има многу попаметни идеи од моиве, ама макар и овие 3 идеи да се спревдат ригорозно, верувам дека 60% помалку скитници ќе има.

 

Ама со буџетот се одвоија средства за стационарот во Битола, една година го влечат. Да одеше сé по план, стационарот сега ќе си работеше и плански проблемот ќе се решеше постепено, нели не може преку ноќ, процес е. Сега намалуваат средства со ребаланс, не сакаат да го доградат, единствено го заградија просторот каде што е планирано со ограда која што кошта илјадници евра . Во април годинава ветија дека за 40 дена ќе се заврши првиот дел од стационарот и ќе почне со работа, резултат: еве сме веќе и 100 дена од тогаш и остана на тоа, ништо не е мрднато. Ама граѓанска иницијатива, како да ја подржат, плус не доаѓа од нивни редови . Спонзорите од Америка се чудат зошто кога сé е спремно само треба еден Амин и да се заврши набрзина барем првата фаза од изградбата.

Ама велам, не бираме градоначалници визионери. Ги нема едноставно, не се кандидираат. На Македонија не и' требаат 60 годишници на челни позиции, просто не се во тек, со чест на исклучоци. Еве во Македонија единствено 5 или 6 општини се што имаат колку - толку салам градоначалници. Овие другиве се само колку звањето да го носат. Не е тоа само сега, од секогаш било така за жал.

Многу се нервирам.

Ова за собирањето, не се само пари во прашање. Ако не сака Општината, нема да добиеш дозвола за градба или работа и крај на приказната. Ако добиеш по игра на случајност, глава нема да кренеш од инспекции и антипропаганда. Ако не сакаат, можат да одат дотаму да подметнат отров во стационарот и да го затворат кога ќе пукне муабет дека во стационарот се трујат кучињата.

И така. 30 години самостојност и уште е проблем да се напишат неколку члена за да се реши проблемов на хуман начин. Не мора ни да измислуваат, нека препишат, позитивни примери има колку сакаш. А нашиве градоначалници колку - толку спроведуваат едино со закон ако им е наредено, па и тоа тешко. За друго ич да не зборуваме.

 

Па, во странство има animal police.
Треба и тука да формираат. Такви можат да водат евиденција.
Има начин(и), нема волја.

 

Ова го видовте?
https://m.facebook.com/story.php?st...ZVMbTSUMnl&id=100060601453890&mibextid=Nif5oz

 

Овој проблем многу лесно се решава.
Донесуваш закон сите домашни кучиња да мора да се регулирани со документи и чип.
Пушти ли некој куче на улица, драконски казни, да го изгорат по џебот.

Од една страна ќе се намалат уличните кучиња, а од друга страна и сите оние што ги чуваат од помодарство.

 

И тоа нема да биде. Мене ми украдоа чипирано куче, и џабе шо пријавив кога не се замарат со кучиња а и нема кој да го проверува и бара по чипот.
И тоа за ветеринар не се согласувам. Знаеш колку луѓе чуват кучиња шо никад не ги носат ма ветеринар? И шуга да има , и болви , и без очи да е, никад нема да го носат. Ќе го остаат така да умре.
Един спас е да се воведе закон за сите шо сакат да чуват куче, да потпишат некој документ на нотар или нешто, некоја дозвола за куче да воведат или шознам. Е дури после може казните и чиповите. Така ќе се намали бројот на неодговорни сопственици, ќе си чуват само тие шо навистина сакат да ги чуват.

 

Тие што испуштаат кучиња се најчесто ликови што не ги носат кучињата воопшто на ветеринар тек ако се разболи евентуално ама дури и да посети ветеринар што станува кога кучето ќе го пари а малите ќе ги испушти на улица. Тие мали не може никако да бидат евидентирани и завршуваат на улица без никаков чип така да не гледам баш некаков начин како може да биде спречено ова дури и да постојат казни за неодговорни сопственици

 

Да, затоа би требало да се воведе дозвола за чување куче и дозвола за парење, ако не го парат обавезно стерилизација, ако не го стерилизират да му се одземе дозволата за чување куче и казна да добие.

 

Или така или кучиња да продаваат стриктно пет шоповите или физички лица со лиценца за тоа, вакцинирани, чипирани и женките стерилизирани унапред нема што некој ако сакал да ги пари, ќе ги пари и продава само некој што има лиценца за тоа и што ќе биде одговорен пред државата да дава отчет

 

Да пишам уште еднаш на темава... кучињата не се криви, луѓето се. Кучињата се само одраз на нас како општество како ги третираме

Ако те нападне куче, да треба да се одбраниш. Но од омраза да ги труеш, да ги тепаш, да ги убиваш е болно...
Животните не се криви, луѓето се, луѓето се тие што ги хранат кучињата со омраза и затоа се после агресивни. Животно не може да е злобно, сфатете го тоа!

Најдобро е кутрињава да се згрижат, да им се пружи љубов, со насилство се враќаме назад само

 

Пет шопови не можат да продаваат кучиња, поради многу причини. А лица со лиценца и одгледувачници дефинитивно. Само тоа е спас, се друго да се казнува.

 

Малку сум исфрустрирана. Видов пост на фб за изгазено куче и почна да ми се врти ова во глава. Нон стоп слики по групи на фб, повредени, изгазени кучиња и наслови од типот некој да му помогне на кучето. Кој е тој некој што треба да му помогне? Однесете го на вет, бла бла. Нели постојат здруженија за тоа? Да идам еве јас како индивидуа да спасувам куче, еден куп вет трошоци, ај нејсе пари, и после кај да го носам кучето?! Постои јавно претпријатие за благосостојба на животни платено од наши пари што треба да помага, постојат здруженија што како сакате кажете ама земат огромни донации и зашто некој еден сам би се нафатил да спасува кучиња по улица кога после нема што да им прави ни каде да ги носи ?! Сите тие што куцат по фб помогнете, не одминувајте после магично исчезнуваат, индивидуи што помагаат остануваат со празен џеб, без идеја кај да се носи тоа куче, па плаќаат пансиони. Муабетот ми е кај се сите тие активисти здруженија, лајка итн во вакви ситуации?!
Исто видов пост за едно куче, се бара донации 100 евра за пансион, пансионот катастрофа, дупка.. дали тоа некој печали на маката на животните се прашувам?!

 

Па луѓето што се активисти постојано ги земаат и ги лечат на свој трошок. Оние здруженија исто така.
Не знам на што мислиш зашто кај нас освен лајка нема друго јавно претпријатие што постојано ќе заловува кучиња. А и од Лајка, колку можат да постигнат бидејќи не е сразмерен нивниот капацитет со бројот на кучиња на улица...