Протести, мирни собири и организации за Кочани

Супер, ми се допаѓа ваков пристап. Директно со достава на предлози. Само храбро и сите ќе ги подржиме. И се надевам овој пат нема да ни се закачат партиски крлежи.

 

Вистина ли е ова?

 

https://infomax.mk/им-се-закануваат-затворски-казни-мвр-г/

 

И од семејството на Теодора од Тетово иразуваат особена јавна благодарност до Премиерот и Владата - по неговата реакција Судскиот совет ќе ја реевалуирал одлуката. Воедно во истиот пост јасно се противат на денешниот закажан протест од Кој е следен (кој патем не е закажан само за Теодора како што се насочува во постот, ако не се лажам).

Постот изгледа како по калап од оној на сестрата на Фросина од пред некој ден, а и таа сега веднаш го споделила овој статус. Дури и стилот на пишување е сличен.

Многу ми е чудно и жалосно. Сѐ надевам дека не се случува она што се плашам дека се случува.

 

Јас би сакал да се развие една дискусија во однос на оваа “проблематика”, да речам.

Дали суштински постои причина за ова јавно дистанцирање од “Кој е следен?”? Дали навистина оваа организација е инфилтрирана од партиски луѓе кои сакаат да им зададат политичка конотација на протестите? Дали се вистинити тврдењата дека во првите редови на овие протести се секогаш членови на НВО или деца на партиски функционери, кои особено просперираа за време на минатата власт? Дали ваквото излагање на фамилиите на Теодора и Фросина, има за цел умилкување/приближување до актуелната власт за со цел “да се истурка” правдата и да се пресуди “правдено”?

Некако многу се поларизирани ставовите и поради тоа ситуацијата станува доста интересна.

 

Лично досега не сум видел никаква партизација од нив, се оградија од сите и бараат одговорност од сите. Реално, тоа е и доволно. Не сме држава од 10 милиони луѓе и да очекуваме некои сосема нови и неискусни да организираат протести, да не бараме нешто невозможно. Сѐ додека не е партија или директна поврзаност со некоја, за мене е во ред.

Јас не го разбирам моментот заблагодарување на Премиер, посебно не за ваков случај. Што има врска Премиерот со судот? Мислам, има, ама протестите се баш за тоа - да нема! Мислам дека ова се уникатни случаи во цел свет да се заблагодаруваат на Премиер и Влада за очигледна неправда и трагедија. Сѐ надевам дека е поради надеж за помош и наивност, а не нешто друго во позадина.

Лично ми е сомнително и гледам патерн.

Се заблагодарија на Премиерот двете семејства, зошто не знам. Двата постови се објавуваат непосредно пред закажани протести. Кога има протести сведочиме дека се цензурирани, дали забрана за дрон или медиумска непокриеност независно. И пошироко од ова, еве колку знаат дека Битола скоро секој ден протестира за депонијата?

 

Време е за улица, време е за организирање, време е за пркос и отпор!

 

Ќе кажам нешто што може да навреди некој, но ветувам реална сум. Кога немате студирано политика или се немате доволно информирани за неа, на секоја политичка страна ѝ е прелесно да ве залаже. Немојте слепо да верувате. Ако не се движите во тие кругови, не можете да знаете кој какви намери има. Оградувањето не е доволно и не значи ништо. Извежбано им е „ако ве фатат, демантирајте“.
За поздравите кон власта имам кажано веќе.
Не треба одма да се покажува прстот. Праќањето посебен поздрав со „благодарност кон власта“ е позната тактика за насочување на вниманието на целата јавност и вршење притисок врз власта да не го пика случајот под тепих. Можно е да слушнале за ова, па при очајност пробуваат. Да не си им во кожа, само тие си знаат како им е без најмилото...
Па и овде на форумов во темата „Специјален поздрав до“ не секој поздрав е прав, има иронични...
Секогаш има Бојановци и Стојановци од разни страни кои се инфилтрираат на протести.
Како да ги познаете?
Обрнете внимание како се викаат.
Прво ќе ги пребарате на интернет дали има некаде вест за нив и што споделуваат јавно. Распрашајте се наоколу.
Потоа слушајте што зборат.
1. Тие секогаш зборат за истото. Го користат гневот на народот и го привлекуваат со магични зборови. Системот е ваков и таков. Овие и оние се корумпирани.
А, реално сите ние сме дел од системот. Не само главните, треба и ние самите да се промениме. Како сакаме оние да престанат ако и ние не престанеме со подавањето поклони за да ни завршат некаква работа?
2. Упорно инсистирање за насилно бутање и/или избори. Што може да доведе до тоа некои залажани луѓе да завршат зад решетки, а ради избори истрагите се закочуваат што остава простор да бидат забаталени или однесени во погрешен правец. Невмешан човек (или политички активен и определен, но ја нема изгубено совеста-знам како звучи ова, ама има и такви кои не се расипани до срж) знае дека прво треба да бара истрагата да тера непречено и да бара промена на законите, па ако нема напредок после некој месец почнува да инсистира на избори. Па и да му се случи да изгуби контрола врз однесувањето на тие кои протестираат, сепак се обидува да ја потсмири ситуацијата за да не ескалира во нешто многу полошо. Некогаш има ситуации што нè тераат да поддржиме кршење и палење, но мора да останеме свесни дека сепак тие не се законски дозволени. Треба да се трудиме да делуваме до законски дозволениот максимум.
3. Упорно насочување на вината само кон едната страна иако реално двете страни имаат направено многу грешки. Неводење сметка за надлежностите на институциите.
Покажување интерес само за еден или за два случаи, не и за останатите. Запрашајте се зошто некој кој тврди дека сака целосна промена на системот не бара правда или не бара подеднакво правда за сите жртви. Не треба да се двојат.
4. Општа забелешка за иницијативите со која кажувам зошто ете некои немаме (целосна) доверба ни во Кој е следен?.
Иницијатива со чиста намера не делува без да го определи својот карактер на правен начин. Водач/и или лидер/и ѝ е/се невмешан/и човек/луѓе или политички активен/ни без валкана позадина. Оние што не се ова немаат добра намера и туркаат само за својот интерес, не за туѓиот. Тој интерес е да ѝ помогнат на нивната страна да дојде на власт и да си обезбедат позиција некаде. Чистите индивидуи треба да ги дистанцираат нечистите.
Иницијативата одлучува што сака да биде и веднаш (или колку што може брзо) презема чекори за регистрирање. Поставува детални информации за лидерите и останатите. Прима членови и ги информира за можностите и начините на делување. Ги информира за разликите меѓу обичен граѓански собир и протест за да не направат некаква грешка која може да биде искористена против нив од страна на власта. Поставува барања според законските можности, не ги тера луѓето да бараат информации кои не смеат да ѝ бидат откриени на јавноста бидејќи може да ја загрозат истрагата. Значи, пред да одлучите дали некој прикрива нешто, проверете колку законски му е дозволено да открива.
5. Кога сакате да учествувате во нешто, подобро е да имате увид пред да се приклучите.

 

Не знам, некако целава ситуација ми станува парадоксална, па дури и апсурдна.

Колку и да бараа фамилиите и тие шо протестираа политичко изземање и неутралност, сепак се забележуваат очигледни траги од спротивното…


Како шо кажав, веќе станува апсурно, но кога реално ќе размислам воопшто не треба да е чудно, бидејќи партизираноста е речиси сеприсутна.

 

НА ПРЕДЛОГ НА ОБВИНИТЕЛКАТА ЕЛМАЗИ, АПЕЛАЦИОНИТЕ СУДИИ ХАЈДАРИ, РУСТЕМИ И МУРАТИ, МУ ЈА НАМАЛИЛЕ КАЗНАТА НА 2 ГОДИНИ ЗАТВОР НА ПАЈАЗИТИ КОЈ ЈА ПРЕГАЗИ ТЕОДОРА
Еве го ставот на "судскиот совет". Кога ќе го распуштат се знае нешто?
Иначе за изјавите на семејствата не се чудете, низ каков стрес и болка поминуваат или се фаќаат за сламка за спас или бараат правда преку тој што може да врши притисок, да не сме им во кожа. Наше е да бидеме гласни, ако овој Пајазити се извлече утре секој може да е следна Теодора, затоа што ќе газат знаејќи дека нема да одговараат. И не само тоа, мораториум на градби во Скопје, доста е од лудилово, еве денес копање на темели сруши ѕид од зграда, не треба да се чека трагедија за да се потегнат работите. Ревизија на Дуповите или нивно стопирање, што е ова секој како сака менува планови и си става маркички.