Како успеавте да ги извртите муабетиве на Скајлер не ми е јасно! Жената изнесе ситуација со надеж дека ќе добие совет некој, ја направивте љубоморна на јатрвата, дека сака да ги разведе, дека го оправдува деверот и што ти не... Страшно! Да не се мешате вие никогаш никаде, најарно, само утре задутре тркалото се врти и може да се деси вам да ви треба помош за нешто па никој да не сака да се меша. Какво време дојде, на улица да видите паднат човек нема ли да помогнете?! Зошто тогаш не би помогнале на недолжно човечко суштество, бебе, кое имало несреќа да се најде во средина која не е за нормално живеење, па да се обидете бар да ја смирите ситуацијата за да расте нормално. На секој фемицид се кука како полицијата не реагира, ама вие битно на страна стоите.
Членката доби совет. Освен да причува детето, да се понуди да направи ручек,едно кафе со мајката, јас стварно не знам на кој начим би помогнала. Уште во првиот пост се интересира кои документи се потребни за суд за да и се земе детето на мајката. Што мислиш каков впечаток остави?
Па може таткото тоа го бара, вие и се сипавте како она да сака да го земе детето за неа. И јас би го направила тоа да знам дека внучето така ми страда, ама скроз! И не, не е за оправдување, јас признавам и ппд и се, ама не и да оставиш дете дома и да идеш да се пијанчиш, да те нема дома навечер и слично, тоа не е ппд, тоа е себичност. Не го оправдувам што решил да се пресмета со неа со ќотек, ама не оправдувам ни тоа што она го прави од муабетот што ни го изнесе Скајлер. А со оглед на тоа што и друг пат има пишувано за истава личност се ми е јасно.
Со сето должно поштовање, да. Не секоја мајка е мајка, комшика ми си ја запали куќата пред 20 и кусур години со 3те малолетни деца внатре. И нејзе требаше да и ги остават децата? Не прашувај, не беше пдд наркоманија беше. Шо праеме со мајките кои што стварно не заслужуваат деца? Оти го родила па ајде нека расте со нејзе хистерична.
Од мајка што е способна утре да замавне по дете зошто и рекло нешто наопаку, да мава со предмети, скроз! Ако сме мајки не ни е се простено. Сум родила зошто природата така ми дала и свесно сум сакала, не зошто сум маченица некоја, не значи тоа дека треба цело семејство да го стројам.
Еве ми го првичниот пост. Е сега да, не знам ни јас што сум напишала, го напишав веднаш откако бев известена, бев полудена. Значи во тој момент само мислев што ако го пријави, во случај да решат да се разведат, како тоа дете би било само со неа, што ако го повредува? Мислам реално, дете треба да се одземе на двајца насилни родители ама во случајов не се они насилници што намерно го повредуваат детето туку се надевам дека само се во лош период. Ако успеат да го надминат ова супер ама што ако не успеат? Што ако некој некого повредува, а ние знаеме само детали? Уморна сум луѓе, фала ви на секој пишан збор ама доста ми е. Дека ќе спијам мирно, нема сигурно ама дека можам да го заштитам детето, ни тоа не можам. Најстрашно е да знаеш, а да не можеш ништо да направиш.
Совршено добро знам како ти е. Имам во семејство родители кои му штетат на сопственото дете, не со физичко насилство ами со психичко и душа ме боли што не можам да и помогнам. Од мене имаш најголема поддршка.
Цело време навака го вртиш муабетот, а од друга страна сакаш да оставиш впечаток дека се грижиш. Не, не се грижиш, гајле ти е за мајката искрено да ти кажам. Ти пиша тука за да ти дадат совет како да го „спасиш“ детето од мајката, пошо нели насилна. А, од таткото како да се спаси? Или таа страна на паричката не ја гледаш? Страшно во каков свет живееме. Ако не можеш да и помогнеш на жената (на која очигледно и е потребна помош) барем не дотурај масло во огнот.
@Skyler има парови кои се едноставно токсични. Ти се нервираш, нивните родители се нервираат, тие ќе се искараат (може и истепаат) и после ќе си продолжат како ништо да не било. Тие ќе си легнат гушнати, а вие ќе пиете апчиња за смирување. Супер што не сакаш да стоиш на страна и да бидеш нем сведок, ама нема начин на кој ти можеш да помогнеш. Можеш да го почуваш бебето за да имаат повеќе време за нив, можеш да примиш некој од нив на поседок ако му/и треба неколку дена за да олади глава, може и пари да позајмиш за терапевт или адвокат ама се додека еден од нив не пресече и каже „Толку!“ ти ќе се нервираш, а тие ќе си тераат вака до крај.
Фала ти ама прегорев веќе од размислување,плус се десија други работи со кои ми покажаа дека не вреди еден нерв да потрошам на нив. Најсмирена бев кога бевме на дистанца со овие луѓе и дефинитивно не можеш да помогнеш на човек што не е свесен дека му треба помош. Така да, ставам пак црта и продолжувам со животот, а што ќе биде натака ќе си биде нивна последица.
А ти не би? Свесна си дека во држави каде што добро функционира системот самата држава може да ти го одземе детето ако вака се однесуваш? Не секоја е вистинска мајка, е доста се правите паметни и ја поддржувате мајката на сиротово дете, кое за неколку години ќе ги покаже последиците.
Мислам дека никој овде не бранеше насилна мајка и последиците од тоа што ќе ги има бебето. Ако мајката се утврди дека не е компетентна за грижа на детето, тоа дете треба да биде соодветно згрижено. Овде се бранеше релевантноста на ситуацијата која е раскажана од сосема трета личност, затоа што има многу случаи каде што еден се напаѓа во корист на некој друг. А, не верувам дека некој здраворазумен човек би рекол дека бебе треба да остане со насилна мајка и да има трауми цел живот.
