Има тема https://forum.femina.mk/threads/Воспитување-на-детето.29800/ 3 коментари. Ама затоа темата размазени деца цути
А која си ти да ти пречи тоа дете што вреска во маркет и никако не е поврзано со тебе? Дали ти толку се сметаш за битна? Да ти прави нешто директно тебе, па да ти пречи. Дете вреска во маркет и така си седиш на страна и си велиш леле детево ми го уништи животот. Абе страшно. Темата е разгалени деца. Има разгалени деца и има и невоспитани деца. Негде родителот утнал. Секогаш е родителот. Тука сите можат да се сложат. И толку е. Ние не можеме да превоспитуваме ничии туѓи деца, не ни треба да не интересираат туѓите ниту да пикаме нос кај што не ни е местото. Ај да се потрудиме кај своите да го извлечеме најдоброто. Ние што сега ги имаме и вие што допрва ќе ги имате.
На повеќето ни се разгалени децата. И шо сеа? Ако некому сметаат туѓите деца, нека не оди по игротеки и ај со здравје.
Мислам дека треба да се разговара на оваа тема,разгаленост. И поради нас кои веќе имаме пораснати деца,оние кои имаат мали и оние кои ќе станат родители. Пермисивното воспитување доведе до појава на разгалени деца. Проблемот е што родителот кој не сака да каже "Не" влегува во замка,прво не сака да рече не зошто мисли дека помалку ќе го сака,после веќе не знае да ги извага работите,и да каже не на пр.беспотребно купување некои работи,а од друга страна мисли моето дете е самоуверено, знае што сака затоа сите не строи дома. Но,такво дете не е самоуверено ,разгалено е и несигурно е. И кога еден таков мал тиранин ќе дојде во група со свои врсници излегува несигурноста. Дома ќе владее,надвор ќе се повлекува бидејќи врсниците нема да ги толерираат неговите хирови.
И еве ти како автор на темава, што поточно бараш да коментираме? Само да се согласиме си тебе и да раскажеме и ние некоја случка од комшии? Или?
Баш ми е жал што сметаш дека до авторитет и дисциплина се доаѓа со ќотек. Мене еве никогаш не ме удриле, па пак сум знаела каде како да се однесувам и кој е родителот. Договорот од дома што го спомена членката може да значи договор дека доколку си културен и ги почитуваш домашните, пак ќе одиме на гости да си играш со братучедите, а не дека ако си немирен ќе добиеш ќотек.
Јас не сметам така, така сметаат генерално повеќето што коментираат на вакви теми, а допрва во иднина би биле родители, чест на исклучоците. Договарањето, односно системот награда и казна не е секогаш ефикасен, некогаш може да има и контра ефект. Нема црно и бело, секое дете е своја приказна, Јуле многу убаво си кажа. Не сум растена со ќотек, ниту децата ги растам така. Сите тука што пишуваат дека е недопустливо дете во маркет да се треска од земја, а не е нивно, сметаат дека плескањето по газе не е ќотек, односно дека е потребно за дисциплинирање на детето. Затоа и така напишав претходно.
Епа како така е научено кога родителот не му дозволил да земе нешто од маркетот?Значи дека родителот се обидува да ја помине таа фаза со детето,дека неможе се да добие,а најнормално тоа ќе плаче,зошто едно дете незнае за поинаку.Ова е се до одредена возраст.
Ана, авторитет не се покажува само со ќотек. Има и други начини, ама најлесно е ќотекот. И доста типично воспитување за нашето поднебје. Јас не тепам дете, ја куче не удирам, не па дете, ама сметам дека не треба да му бидам другар, туку родител и мора да бидам авторитет. Не да ми се плаши, да има страв, туку да ме почитува и слуша како родител.
Добро за ова и самото современо време е криво до некаде и не може да се споредува нашето растење со ова сегашното на овие деца, порано ние немавме телефони, таблети, компјутери, имавме играчки и тоа не во изобилство туку 3-4 сакаш или не со тие ќе играш, игравме и на улица, денеска децата никогаш нема да ги знаат и научат тие улични игри благодарение на современиот свет во кој живееме. Сите родители сме свесни дека за детето не е добро да седи на телефон и да гледа цртани или да игра игрици, ама бидејќи и родителите сакаат да седат на телефон најлесно им е да му дадат и на детето да не им досаѓа, додека порано нашите родители немале телефони па тоа слободно време што го имале го поминувале со нас, играле ни пееле, разговарале, некогаш и ќотек сме добивале за нешто што не треба да направиш. И ете можеби не било исправно но функционирало, од друга страна да му забраниш на дете телефон иако е штетно сите останати што имаат ќе го гледаат чудно, како од марс паднато, и сите родители ја прават истата грешка со тоа зошто овој Петко има па моето да нема и тоа е цел еден ланец, а притоа сите се свесни за штетата од тоа. Едноставно само треба да прифатиме и тоа е тоа.
Имам пишано и во други теми дека и плескањето на детето по задникот е ќотек. Секој удар е ќотек и насилство кое не е во ред. Ни едно дете не заслужува ќотек,па и да е најразгалено на свет.Ни возрасен не заслужува. Ќотекот не е решение,туку разговорот е.Ама нормални и трпеливи разговори,а не издеравања кои исто како ќотекот создаваат стрес и нервоза. Не коментирам за деца на рандом Петко и Петкана кои не ги познавам и за кои немам сигурни информации. Кога пишувам за разгалени деца,пишувам за оние за кои знам дека е во прашање разгаленост,а не друго. Не можете да тврдите дека некоја суди без да знае. Не ги знаете членките,бар не сите.Не знаете како и со какви фамилии растеле,ни какви ситуации гледале. Секако дека од едно гледање или неколку не може да се носат заклучоци без да се знае зошто детето се однесува така како што се однесува.Тоа не е во ред. Ама и да каже некоја нешто без да ги знае околностите,не значи дека и другите туку-така зборат. Дека има разгалени деца,има. Пак ќе речам дека децата не се криви.До родителите е.
Не треба да ме интересираат туѓи деца? Тие деца утре ќе градат општество во кое живеам јас и моите деца. Ќе ствараат култура на живеење, ќе учат со мои деца, ќе ми идат на гости, ќе бидат мои странки или соработници... Да не се правиме глупи ко да не знаеме што е општа култура, што е прифатливо а што не. Твои биле како сакаш ќе ги растеш. Мало сутра. Сакам да живеам во општество каде агресивни и некултурни ќе бидат исклучок а не мнозинство.
Како можете да кажете дека дозволиво е дете да вреска и да ги дига сите во вис на пример во ресторан, маркет, кафич кога на другиот лично ништо не му прави? Светот не се врти околу нашите деца, нити околу моето дете. Дома нека прави што сака,ама во јавен простор никој не е должен да слуша. Ако јас излезам во ресторан или на слично место, одам да се релаксирам а не да слушам пискање, урлање, макар и за мое дете да се работи. Секој е излезен да се релаксира на пример од напорниот работен ден, никој не е должен да слуша зошто родителот не знае и не нашол механизам да го исконтролира своето дете. Во маркет исто, да пазарам или да внимавам да не повредам размазени деца што неконтролирано трчаат и вриштат низ маркет зошто сакале мама да им купи спејсшатл, а во маркетот не се продава?!!! А мама и тато воспитувале со игнорирање... Механизмите на воспитување се применуваат приватно, а не јавно! Не ми пречи ниеден механизам се додека истото не вознемирува друга личност. Ако моето дете почне да вреска на било кој јавен простор, ја земам ја ставам во кола, и кажувам дека доколку не се смири ја носам дома и во наредниот период да се прости од искачање, ако и покрај укорот не ме послуша, навистина ја ставам во кола ја носам дома и следен пат кога ќе сака да излезе со мама, нема да добие! Ако е дете не значи дека се му е дозволено и дека се му е простено! На ред, дисциплина, почитување на јавен простор, туѓа приватнист, почитување на туѓиот мир е нешто што се учи со зборување и превземање мерки, а не со игнорирање. Тврдам дека секој родител може да изнајде начин да воведе контрола врз своето дете, но само ако САКА. Ако се сака се се може. Лесно е да се каже такво е детето, не е такво детето, така сте избрале вие да биде, треба многу труд, многу време, испробување на многу механизми за да се дојде до правата метода. И ние сме биле деца, но родителите не не воспитуваа со игнорирање и кикотење на нашите глупости, родителите ни беа авторитет, 1 од 100 деца беше такво какво што опишав погоре, а сега секое второ дете е "хиперактивно". Да отидам у туѓа куќа и да пипкам што ќе стигнам, боже пази! Да отидам во ресторан со моите и да ги вознемирувам околните маси??? Боже пази! Нема хиперактивни деца, туку воспитани и невоспитани. Дете што е психофизички здраво може да биде воспитано и невоспитано, а за други состојби не станува збор, тоа е веќе друго и горенаведеното не станува збор за такви дечиња. Поздрав!
Зошто вадиш муабет од контекст? Јас за тантруми зборам. Кое дете на таа возраст доволно зрело да знае што е култура? Дали ти тоа по супермаркети застануваш и превоспитуваш туѓи тодлери или што? Сите сакаме да живееме во тој свет што го збориш. Ама со - "детето на комшијата имаше тантрум, ужасно ми смета, тоа беа најужасните 2 минути во мојов живот" нема да се смени светот. Боже господе. Доктор/експерт користи термин - хиперактивност. Само на форум е се црно/бело. Тантрумот, покрај тоа што е нормален дел од развојот, туку и здрав дел од психичкиот развој на детето. Ама ок. Веројатно бајачки ви ги држат под контрола, иначе не знам како поинаку да ве разберам. 2 минути тантрум на нечие дете ќе направи огромна штета на вашиот релаксирачки ден. Ок. Корона го извади најлошото од нас, оти се виде дека секој само за себе гледа, колективот не е битен. Ниту едукација доволна, ниту емпатичност кон друга мајка. Али ок, вашите пораснале, сте забораиле како е, или уште ги немате, па најлесно е така.
Wow, секакви оправдувања. Има нешто култура се вика, манири. И, не мислам за оние деца со психолошки проблеми. Дека има деца разгалени, има. Дека има деца со тантруми, има. Ама дека секое дете е со тантруми, не. И, да, има деца кои ќе ти се качат на глава и ќе ти штипкаат и ќе те допираат иако неколку пати си кажал „не“ тоа е за мене разгаленост. Лично не ми сметаат оние што се влечат по под во маркет или што цркаат на цел глас додека родителот си гледа во телефон. Ми сметаат оние кои на роденден или некој настан ќе дојдат до мене и ме закачаат, а мене не ми е денот или слично.
Ај вака, малиот тиранин утре ќе порасни во голем тиранин. Детето на комшијата шо ти крши сé по дома или тоа што плачи во маркет по лижалчето не треба да ни пречи, ај можи да. Ама пречи истото дете на 10 години кога е були на училиште бидејќи смета дека е најпаметно, на 20 години кога тато ќе му дај пари за да положи математика, 30 годишно дете кога мама му пери гаќи и кажва шо ќе ручат со снаата. А според мене во такви прераснуваат, од мали се учиме. Се гази преку сé и преку сите, сé шо лета се јади, се нема почит за туѓо време и простор, туѓи чувства итн. Од секогаш одличен пример за воспитување ми бил Дени од Фул Хаус. Секогаш со разбирање, разговор и со добар збор. И не е само на филм, подобар ефект би имало ако го фатиш со добро отколку со инает или ако воопшто не го опомениш за грешките. I promise to never lose myself for you, because the more me I can be, the more I can inspire you to be you. - Miki Agrawal. Шо значи родителот да си има живот кој нема да е само околу децата, така нема да му оди по газот по секоја цена, детето ќе можи да се осамостои, а родителот ќе можи да си реализира и други желби и да биди задоволен на секое поле. Збор-два од чоек шо нема деца, не значи дека сум во право (со страв пишам ).
За тантруми имаш посебна тема, фино лепо префрли се и таму дискутирај. Мислам дека разграничивме со тоа и нема потреба да ги мешате и кај што треба и кај што не треба. Тантруми не е да ми дојде поголемо дете на маса во ресторан и да ми ја турне чашата. Да го удари моето дете оти тој сака петпати по ред да се лизга на лизгалка. Да му речеш да стои подалеку од тв а тоа да земи играчка и да фрли кон телевизорот. Да плука, да мава, да се дери, не на моменти, туку баш секогаш кога не е по негово а тоа може да биде неколкупати на ден. Тантруми, да.
За жал не сум видела до сега тантрум да трае 2 минути.. Ама и светот не се врти околу вашите деца, нити околу моето дете.. Тантруми, хиперактивност и.т.н е изнаоѓање на изговор за неможноста да го исконтролираат своето дете е исто што и носење на дете на бајачка наместо на доктор! Лесно ни е на нас со големи деца, ама и нашите деца некогаш биле мали, но не значи дека ако не сум дозволувала испади во јавност дури и кога имала 2 или 3 години дека спасот сум го нашла кај бајачка, туку едноставно сум применила метода која функционирала, а тоа сигурно не е ќотек. Ако некогаш сум построга и не ја воспитувам секогаш со гушкање и галење, не значи дека не го сакам своето дете, напротив баш зошто ја сакам повеќе од животов сакам да ги научи правилата за добро однесување од најмали нозе. Мојата ќерка не ја научив да се плаши од ќотек доколку биде недисциплинирана, туку да се плаши дека мама ќе биде растажена, разочарана и лута за таквото однесување. Со игнорирање и употреба на овие модерни методи ништо не се постигнува.
Ама има разлика од рандом дете шо си го видела во продавница да се треска по лижавче, до детето од комшијата шо го гледаш како расте во насилник и до детето на видеото, што пуши и пцуе а родителите гордо го ставиле на фб. Секое дете може да биде она првото, за ова последново мислам посебна тема да се отвори.
И за воспитување на деца имаш посебна тема, па фино лепо префрли, се таму да дискутираш. Јас не ги донесов "тантрумите" туку само се надоврзувам на претходни коментари, врати се назад да ти стане појасно. Со остатокот од мислењето се сложувам. ******* Тантрум трае броени минути. Ок не биле 2 де, 5 биле. Дете не се воспитува ниту со игнорирање. Не се воспитува со одземање на љубовта оти мама е разочарана. Детето се сака. И треба да знае дека е сакано и ќе биде сакано и гушкано и покрај тоа што направило грешка, а грешката мора да му биде посочена. Кога детето веќе разбира, иако се чини дека полесно е да се разговара, мора да се сфати дека тоа е жив човек, посебна индивидуа со свои посебни карактеристики. Дека нема да соработува секогаш или доста често. Малиот "тиранин" не значи дека ќе порасне во голем тиранин. Едно такво човече, цел нов комплексен систем во развој, не можеме да го обележиме со етикета дека тоа е тоа и ќе биде некултурен човек во иднина. Едноставно процес е. Не запира. Со детето се работи константно до последниот скок во развој - адолесценцијата.
