Разговарајте за да ви олесни душата

И после ова што ти го направи ти суште мислиш дека би бил добар татко?

 

Навистина ми е жал. Сигурно е тешко се тоа низ кое поминуваш.

Поентата што ми беше е дека само кога ќе расчистиш со него ќе можеш да почнуваш да продолжиш понатаму со животот. А него како да не му е јасно дека е крај и се надева дека ќе се премислиш. Или ќе направи да се осеќаш лошо и виновно за да те премисли.

 

Тоа е уште една причина за да му затвориш врата пред нос и да комуницираш строго службено.
Сврти си го вниманието кон други...најозбилно, можеби таму некаде те чека некоја многу посреќна опција.

 

Додека сеуште се занимава со погрешниот, пропушта прилика за вистинскиот.

 

Не. За да си татко прво треба да си човек.
@Bezimenka90 Не ми дозволува да расчистам, си бара причини да ме врати и после се повлекува... Си игра манипулаторски игри.
@Angie1432 Не би можела, и не ни сакам да започнам ништо со никој нов. Да се надоврзам на последното што го вели Малечка, зарем мислите дека некој би сакал да биде со некоја што очекува туѓо дете? Кој би го сакал тој товар?
Не гледам друго решение освен почнување нов живот на ново место, каде што не би можел да ме најде и не би имал никаков пристап до нас.

 

Скроз сфаќам ако не сакаш...ама може ли да наведеш некој прост пример за тоа што прави? Како сака да манипулира?

 

Некој кој веројатно е во слична ситуација. Мислам дека за секој може да се најде некој. А и да не се најде, некој што се однесува толку незрело кон сопственото неродено дете, не ти треба дома за украс на троседот да биде.
Ти посакувам само среќа

 

Се јавува сред ноќ, ме пцуе, ми измислува приказни како сум го лажела, сум излегувала со други, моите ми забранувале да бидам со него, а јас сум сакала. После неколку дена пак се јавува, плаче, ме моли, сакал да му зборува на мешето, да сме се виделе, и плус парите да ми ги дал што ми ги должи (има сметка, или на крај краева по карго или преку некој др може да ми ги даде). Пишува пораки, требало да ми се извини, прашувам за што поточно сака да се извини, ја префрла вината на мене, јас сум очекувала од него да се извини кога јас сум била виновната. Пак пишува некои пораки, па ги брише, прашувам што напишал (а веќе ги прочитав), вели грешка само лајкови беа и пак исчезнува. Ми вели треба да разговараме, кога го прашувам за што поточно, не знае, се губи, се однесува како да сме заедно и си прави некој бош муабет (за работа, комшии, општо).
Да се надополнам, често знае да каже ми фалиш, те сакам, сакам да се видиме, а нема никогаш направено некаков чекор за да се видиме да разговараме у живо (иако скоро секогаш кога рече треба да разговараме вели не е за преку фб или тел), ваљда се плаши дека нема да го добие замислуваното.

 

Многу си самосвесен за состојбата, фобиите и се и знаеш и како да си помогнеш. Затоа речи си доста е веќе, застани цврсто на нозе и почни една по една работа да решаваш. Прво тестирај се за да си ја тргнеш мислата за Хив, во првата приватна лабараторија ни упат ни ништо не ти треба. Тргни....речи си денес ќе се тестирам и тргни....10 пати може ќе се вратиш или нема да влезеш да се тестираш, но сигурна сум дека 11тиот ќе си речеш па упм и ќе влезеш за 2мин ќе завршиш и тоа е тоа. И така една по една работа. За самотијата и потребата да избегаш од све па направи го тоа ако имаш можност. Млад си, оди 3 месеци на работа на море, ќе смениш средина, луѓе, нови искуства и познанства. Па макар и само да работиш и да седиш на плажа сам ќе си го најдеш мирот што ти е потребен

 

@nevermet18 Сигурно знаеш од доволно читање на форумов дека тоа се ептен класични начини на емоционална манипулација. И сама пиша, значи свесна си.

Јас би рекла треба телефонот да го исклучиш ден-два и да размислиш убаво што сакаш. Да не може да те контактира. Размисли и одлучи дали сакаш 100% да е крај или можеби некако се надеваш дека нешто ќе се смени. Биди искрена према себе.

Ко ќе си ставиш цел што точно сакаш полесно е да знаеш како да продолжиш. Велиш сакаш да се преселиш и да почнеш од почеток. Значи решена си да ставиш крај. Така сфаќам од тоа.
Е сега ако навистина е така, едноставно можеш да го блокираш бројот. За да не допира до тебе тоа што кажува, најлесно е да не го слушаш и да не се јавуваш.

Затоа беше мојот совет службено да комуницираш. Не дека си робот, туку баш дека така ќе ти е полесно. Кога ќе знае дека е крај и нема веќе надеж, ќе се откаже. Со вниманието му даваш и надеж да ти досаѓа се повеќе.

 

Меѓу нас двајцата секако дека е крај, не би му дала веќе шанси. Мислев дека треба да бидам човечна спрема него, дека заслужува да има удел во растењето на детето, дека ќе сака еве да му купи макар еден пар чорапи, да го гледа некогаш... За тоа сметав дека сме барем на исто рамниште, дека и тој го сака истото, заедно да го раснеме детето, а не да не знае кој му е татко, или овој после некое време да се предомисли дали го сака или не па да ми прави проблеми. Ама изгледа работите се свртеа во друг правец за него, друго објаснување немам. Наеднаш изгуби секаков интерес за син ми.

 

Кукавица, тој и самиот не знае што сака... толку не зрела личност а треба дете да му се роди, како може да те пцува и навредува, свесен ли е дека негово дете носиш и на бебчето најмногу му наштетува... Има ли причина за вакво однесување...алкохол, други пороци или само незрелост? Во секој случакј нема оправдување. Чувај се мила најмногу за бебчето ти посакувам мир и спокој

 

Блокирај му го бројот на неодредено. Каков човек може да ја пцуе жената која го носи неговото дете во сред ноќ? Типот те вознемирува, ма не да сте спиеле во ист кревет... Кој сака нека е. Најмногу што треба е да го известиш со една порака кога завршуваш со преглед околу состојбата на бебето и толку. И тоа е многу. Тој е само татко на твоето дете кој ти си одлучила да го вклучиш во целиот процес и ти ништо не му должиш.

Твоето дете ќе биде твој 'товар'. Знам дека студираш и си добра студентка. Малку ќе ти биде хаотичен животот додека се навикнеш на новата улога Мајка, но ќе се запнеш, ќе дадеш се од себе паралелно да дипломираш. Ќе најдеш добра работа и со тек на време ти и детето ќе се осамостоите. Ќе си најдеш партнер кој ти одговара и пак ќе бидеш среќна. Тој што те сака, ќе те прифати во целост.

П. С. Не заборавај да направиш убава фотка со синчето на денот кога ќе дипломираш, кога ќе порасне да биде горд колку си била упорна и си успеала

 

Можеби го сака, ама себичноста и инаетот преовладуваат.
Во секој случај сега сте битни само детето и ти.

На детето ќе му треба сигурност и константност, а не само формална фигура колку да се каже. Не е должно да трпи и гледа испади. Токсично е така да расне. Подобро ич да не го гледа, ама веќе тоа треба правно да се одреди. Кои права и обврски ќе ги има.

 

@nevermet18 во право е Јана, да си го завршиш факултетот, имам колешки бремени идеа полагаа па со детенце дипломораа, полека само. Немој да мислиш дека за тебе завршила љубовта со раѓањето на бебето, не е товар, тоа ќе ти биде среќичка во животот, ќе те радува и сигурно ќе најдеш некој кој ќе ве сака. Остави полека работите да течат.
Овој ако се јавува или ти пишува со закани и вреѓање, не е лошо да си ги зачуваш тие пораки. Имај докази против него за секој случај. Знам вакви несозреани па после трчале по судови барале старателство.

 

Како прво ноќно време мобилниот нека ти биде на нечујно или скроз исклучен, не си должна неговите испади да ги трпиш во ниедно време. Тебе ти треба мирен сон. Како второ тој ни преку ден не заслужува да му кренеш телефон кога ти ѕвони. Како трето и најпаметно решение блокирај му го бројот и од него не очекувај дека ќе биде татко. Тој никогаш нема да созрее и да биде вистински татко. Не дозволувај да ти се меша во животот, не дозволувај да те манипулира. Прави што ќе правиш, ама мој совет ти е, никако да не го запишуваш него како татко на тоа дете.

 

Јас после пораѓајот 24 часа летав од среќа, но после тие 24 часа како да пропаднав психички. Исто како тебе се мачев со доење, со прифаќање на бебето, со мислите 'сега треба цел живот да му го посветам на ова дете', се изгубив во обврските. Исто паметам дека две недели не се насмеав и не направив слика од бебето. Едноставно не беше за мене љубов на прв поглед. Искрено си размислував да дојде некој и да ја земе. Но, после тие две недели чудесно како што дојде, така и си замина таа депресија. Сватив дека сега ова е мојот нов живот и моето ново нормално. За кратко време се заљубив во своето совршено дете. Еве денес има 5 години и не можам да го замислам денот без неа. Ама јас имав поддршка од своите кои го видоа проблемот и со кои уствари отворено разговарав за тоа. Секој ден доаѓаше мајка ми да ми помага со бебето. Тоа е исто голема промена и голем шок во животот. Не си сама. И да знаеш за брзо време ќе помине и ќе заборавиш на тоа. Си ја имаш најголемата причина за живот до тебе и секој ден таа љубов ќе биде се поголема.

 

Поголема стока од мене не постои. Штом повеќе луѓе не ме сакаат, штом првиот коментар, дури и од непознати луѓе за мене е лош, треба да прифатам дека тоа е точно и дека заслужувам и полошо. Јас имам моќ да уништам нечиј ден и расположение. Поточно со самата моја појава создавам негативна енергија. Најдобро решение би било да се самоубијам и да ги спасам сите околу мене. Што ќе им е во животот стока како мене?

 

Наместо да си наштетиш себе си, единствено правилно решение е да го промениш своето размислување и однесување. Сè што е негативно да отфрлиш од себе и да создадеш подобра верзија од себе си. Така ќе бидеш среќна, ќе се сакаш себе си, па и другите ќе те сакаат. Промената да ја направиш првенствено за себе, а потоа за другите. Секој почеток, секоја промена е тешка, но не се откажувај. И не заборавај дека дури и во најлошото твое издание сепак има некој кој те сака.

 

Можеби треба да размислиш за посета на психолог, бидејќи ми делува дека ти е прилично срушена самодовербата. Сигурно има луѓе кои те сакаат, ама моментално си премногу фокусирана на самокритика и не ти делува така.