Ракот и јас (група за поддршка)

Комшика слични симптоми имаше и болки во градата, правеше ехо, ок беше, немаше полни 40 и не сакаа мамографија, фати врски и направи, уредна беше.
И таа е со историја, мајка и' има, и' кажале барале грутки и ако имала ќе ја прателе на биопсија.
Колку ти помогнав со ова не знам, нека каже некој поискусен.

 

Дали ти кажаа дека ќе правиш ПЕТ скен после сите хемотерапи, или нема потреба кај тебе?

 

Јас мислам најдобро е после хемо да се направи, тоа е мое мислење.

 

Да
Така на мајка
После целото прво предвидено лечење кој за неа беа хемо, операција па зрачење ама мн се чека, 3 месеци најмалку

 

Додека трае хемото таман може да се закаже.
Секаде многу се чека, јас за скен на рбет имав упат за во Битола од што нема термини на Клиника.
Кој оди/одел по тие врати знае колку се чека.
А зрачење обично зошто на некои препорачуваат, на некои не?

 

Пред некој ден слушав еден медар дека матичниот млеч е многу добар за после операција, ама никако да не го користат болните од рак.
Малку ме збуни сега...

 

Па знам дека матичниот млеч е многу добар, имаат пчели свекор ми и свекрва ми, само сега немаат матичен млеч.
Мене па ништо не ми кажуваат, за јадење се' да си јадам, кога се качи онкологот горе баш една жена ја праша што да јаде, и' кажа "што ти душа сака".
А и не знам што е со онколозиве, јас секогаш сум кај различни, де кај Емилија, де кај Гордана, де кај Албина.
Последен пат никој од нив немаше, па тие двете девојчиња не знам што се таму, превземаа.

 

Мене за сокот од морков и цвекло ми кажаа блиски, на почетокот ставав повеќе цвекло и ми се лошеше од цвеклото, сега ставам помалку и ок ми е.
И јас сакам кај ист онколог да сум, ама тоа е.

 

Прочитав дека не смеело ѓумбир и куркума за дојка, исто така калинка и цитрон (ова го прочитав во една група).

Откако бев на кардиологија (правев ехо на срце и екг) почна градата да ме боли повеќе од пред тоа.
Бев после два дена после четвртата хемо и сега другава недела сум, до тогаш не можам да се консултирам со онколог.
Инаку и два дена раката ме болеше после ехото на срце дека баш од таа страна ми е.
И заблуда е дека ракот не болел, и мене така ми кажаа, ама не е вистина, од мое лично искуство и од други пациентки што ги запознав (ова не мора да значи дека сите ги болело, секој со своето искуство).

 

Што те болеше конкретно? Пишав о во другите групи, многу ми е страв почна да ме боли градата и денес отидов на ехо, ми најдоа циста, оток или нешто друго немам. Немам памет и многу ми е страв.

 

Па цистите не се страшни.
Штом ти нашле само цисти и немаш грутки не паничи.
Мене градата ме наболуваше малку и ставав листови од зелка, откако ми излезе грутката некогаш само ме наболуваше, после првата и втората хемо првите два дена ме наболуваше, потоа не, после третата и четвртата како повеќе да ме наболуваше и кога бев на ехо на срце бетер, другава недела сум на хемо и ќе се консултирам со онколог.
И комшика имаше болки, беше на ехо и мамографија и ништо не и нашле, може те боли пред циклус.
Штом немаш грутки не е страшно, така и' кажале на комшиката, барале грутки.

 

Не, немам грутки ама ме наболува на моменти само. Може и пред циклус да боли да, ама српак циста е присутна. Фала ти.

 

Ставај листови од зелка, на комшиката така и' кажале доктори.
И неа многу ја болеше дури и раката и се здрвувала, ама еве не и' нашле ништо, беше и на ехо и на мамографија (ова самата си сакаше, инаку и' кажале штом нема полни 40 или индикации немало потреба од мамо, па си фати врски), се плаши дека мајка и' има па затоа сакаше мамографија.
Кај мене не е наследно (тетка ми имаше), ми стигнаа резултатите од Ману.
Нема што да се плашиш штом немаш грутки, само редовни контроли.

 

Па да, тоа и онколозите кажуваат дека се' смееме да јадеме, јас толку строго не се придржувам, избегнувам прженици, сувомеснато, по благо за среќа воопшто не сум, газирано не пијам, брза храна не јадам, е сега од еднаш ако јадам ништо нема да е.
Прочитав за грејпфрут дека не смее за време на хемо.

 

Здраво другарки,членувам на форумов ама направив нов профил засега бидејќи се ми е тазе,па ќе споделам од тука.
Најверојатно или сеуште сум во шок или Господ ми дава огромна сила,не можам да опишам ни како се чувствувам.
На рутинска КС трансаминазите ми излегуваат доста високи,скоро х10,шок! Претх 3 месеци сум на безглутенска исхрана и се осеќам одлично,претх КС направена Во август резултатите супер,ехо на дојки во септември уредно.
Почнуваме со ред испитувања,хепатити и сл. се во ред,ехо на џигер се гледа промена,правиме компјутер,лезија на дојка 20мм,како да ја занемаривме и на џигер 9 цм промена,десно горе лобус,ограничена капсуларна,итно биопсија на хепар,скоро беа сигурни дека е примарен карцином тука и веќе се договараше операција,резултатите од биопсија метастаза од дојка,хорор! Ракот е ER ++,PR ++ и HER 2 POSTIVE +++ јако позитивен пишува.
Се друго е чисто,буквално,грутка во града и слегло на џигер во капсула,на мамографијата и лимфните се чисти.
Почнавме со хемо и хормонски,био имуни и нз веќе какви терапии,ќе ги примам неделно заради оптоварување на џигерот.
Херцептин исто примам мислам,таргетот е да се намали лајното во џигерот и да се оперира бидејќи е операбилно,не знам какви се другите доктори,мојава е многу воздржана буквално,ја бомбардирам со прашања,само ми вели,абе доста седи чекај да видиме со терапијата,има шанси метастазата и да се повлече,тоа апсолутно никој не може да знае ни да предвиди. Симптоми немав никакви, еднаш само болка десно под ребрата како лошо да сум спиела,и колку доктори ме прегледаа,палпативно ништо не се допираше во џигерот,ни оток,ништо.
Сакам да живеам,имам мало девојче што едвај го добивме со ин витро,не сакам ни да помислам дека Господ ќе ме лиши од тоа да си ја израснам
Да се едитирам,немам ваков тип на канцер во фамилија и докторите сметаат дека е релативно новонастаната ситуација,максимум 5 месеци.