Реакции од вакцината против ковид

Ниту една фаза од тестирањето за безбедност, имуногеност и ефикасност на вакцините не беше прескокната со овие вакцини, туку сите беа запазени, од предклиничка фаза, па се' фаза 3 на тестирање. После тоа се добива дозвола за (итна) употреба на вакцините, па следи фаза каде што се согледуваат ефектите и безбедноста на вакцините во реалниот свет, на поголема маса на луѓе и различни групи. Таа фаза секогаш следува после одобрувањето на една вакцина, како што е тоа и сега.

Така да, овие вакцини, се добиени релативно брзо затоа што целиот свет беше насочен кон нив, со сите свои ресурси, највеќе економски. Многу држави се сложија фазите на тестирање на вакцините да се одвиваат и во нивните земји, токму поради потребата од што побрзо добивање на вакцина. Токму затоа, добивме вакцини за побрзо време од она што се сметаше дека е потребно до сега.

Наздравје вакцина и браво за потегот

 

Може јадел цвекло

 

Се вакцинирав со Спутник пред две недели. Имав болки во рака скоро недела дена и при поголем физички напор имав како малаксалост краткотрајна. Ништо друго.

 

Татко ми (50), прими две дози Спутник В.
Вчера втората. Од првата немаше никаква реакција од втора температура и омалаксаност.
Прележан во болнички услови, во ноември. Да не шпекулирам за антитела ама имаше некој мал незначителен број.

 

Дали некој примил вакцина или познава некој да примил со намалена функција на бубрези?
Реакции, искуство?

 

Братучед ми (33) се вакцинираше со Синофарм пред два дена. Освен болка во раката дента друго ништо.

 

Дедо ми вакциниран со Астра Зенека немаше ништо. Дури ни рака не го болеше. Баба ми со Синофарм само рака ја болеше два дена и очите ја печеа. Татко ми со Синофарм само очи го печеле и бил зашеметен и поспан. Сосетка со Спутник В 30 часа после вакцината била катастрофа не можела од кревет да стане и имала треска. Други познаници кои се вакцинираа рекоа прилично добро се чувствувале. Семејна пријателка со Спутник В прва доза ништо не почувствувала, со втора доза била како претепана и само спиела.

 

Мајка ми е со еден отстранет бубрег. Не знам дали е слично. Прими Синофарм, немаше никакви реакции. И башка прележан Ковид во декември.

 

Мајками (72) и татко ми (72) се вакцинираа со Синофарм, никакви реакции немаа.
Сега втора доза чекаат. Јас денес ќе примам па ќе пишам.

 

Јас, мајка ми и татко ми се вакциниравме со Синофарм.
Само првиот ден, вечерта после вакцината имавме кратко болка во раката.
Верувам на тоа ќе остане.

 

Скоро 24 часа како се вакцинираше мајка ми нема никакви реакции.Се надевам така и ќе остане.

 

Мајка ми и татко ми (60) вакцинирани со Синофарм пред неколку дена, досега никакви реакции, дури ни болка во рамо.

Заборавив да напоменам мајка ми без никакви здравствени проблеми освен покачен холестерол, татко ми срцев болесник и дијабетичар.

 

Moite roditeli vcera so Sinofarm, bez reakcija, ubavo pominale

 

Искуства од блиски луѓе со различни вакцини: Спутник, околу 40 години, со две дози, на првата доза неколку саати температура, цел ден болка во раката, како здрвена, втора доза без никаква реакција освен мала болка во раката. Фајзер, четири примери на постари луѓе, над 70, прва вакцина без реакција,само мала болка во раката, исто и втора кај тројцата, а четвртиот чека ревакцина. Тројца со Фајзер околу 40 години, прва доза без реакција, едниот втора доза со два дена температура навечер, друг без реакција и трет чека ревакцина. Синофарм, повеќе личности на возраст 65-70, прва доза без реакција. Астра две личности околу 40, еден без реакција, друг со еден ден температура. Сите чуствувале помала или поголема омалаксаност наредниот ден по вакцината.

 

Јас ја примив вчера на Синофарм. Бев регистрирана пред 3 недели на веб страната.
Немав болка на боцканото место, ниту други реакции, освен тоа што по неколку часа како да бев поспана и ми се спиеше. Не пијам никакви лекарства, може заради тоа ми делувала така.

Ај. па сите да ве повикаат и да се вакцинира народов во што поголем број.

 

Vo koj grad? Prasuvam posto mnogu brzo te viknale..vo Skopje cekame bog znae od koga

 

Во Скопје.

 

Пишав во темата ја примив Фајзер, ме боли само раката друго ништо. Се надевам така ќе биде.

 

Ме интерсира дали има некакви резултати од истражувања зошто кај некои има реакции од истите вакцини, а кај некои не?Кај некои ризични групи може да немаат реакции,а некои здрави луѓе се појавуваат потешки реакции.

 

Па тоа зависи од самиот организам на човекот. Имунитетот и како реагира на болест истиот.