Сите сме свесни што се се случува во денешно време. Но муабетов сакав да го насочам кон нешто друго. Дали може да се прифати некоја општа реалност или тоа е индивидуален поглед на светот. Според мене луѓе т.н. реалисти не постојат грубо кажано. Секој , во зависност од душевната развиеност и свест, го прифаќа различно светот. Па јас мислам дека реалноста е релативна. Што мислите вие?
Добро прашање, добра тема. Јас себеси се сметам за реалист. Зошто? Затоа што сум свесна секогаш за секоја ситуација што може да проилезе од неа, што добро а што лошо итн. Дали чашата е допола полна или допола празна не знам, знам само што е таа течност во неа. Некој друг реалист може поинаку од мене да размислува. Размислувањата на сите можат да бидат слични, но не исти. Нашите размислувања се обликувани од нашите искуства, па така сметам дека секој си оди со своето. Често сум се судрувала со спротивни мислења од моето и не сум можела да излезам на крај со тие лица. Секој различно ги сфаќа нештата.
Се согласувам дека реалноста е релативна бидејќи e перцепирана субјективно. Но, понекогаш постојат лесно предвидливи ситуации за кои не е потребно многу да размислуваш за да знаеш што ќе произлезе oд нив.
Се на овој свет е релативно,па така и реалноста. Ние сами си ја создаваме реалноста само понекогаш не сме свесни за тоа. Се што ни се случува во животот е раководено од нашата потсвест па паралелно на тоа и нашата визија за реалноста е само плод на нашите мисли и потсвеста. За мене нема општа реалност,сето тоа е индивидуално и секој различно ја сфаќа реалноста.
