Денес Струмица ќе биде домаќин на 35-тото меѓународно рели и рели крос со теренски возила и автомобили, кое за прв пат ќе се одржи „кај Тркања“, на излезот од Струмица кон Валандово. Како што информираа денеска на прес конференција, организаторите, Авто мото клубот „Џип Рели“ од Скопје и Општина Струмица, 36 учесници од Србија, Албанија и Македонија ќе се натпреваруваат низ патека адаптирана за ваков вид рели крос натпревари, како што вели Димитрије Пеливанов, на најдобриот терен од сите досегашни рели натпреварувања, најавувајќи атрактивен рели крос. Ќе настапат 21 натпреварувач со теренски возила во рели и рели крос, а во класата олдатајмери ќе настапат петмина натпреварувачи. Ќе има СУВ возила кои за првпат се вклучуваат во релито, а во нив и три дами-возачи кои ќе се натпреваруваат во својата класа. Меѓу 36-те натпреварувачи ќе има и тројца струмичани. Рели крос натпреварувањето стартува во сабота точно во 12:00 часот, а се очекува да трае до 17:00 часот, кога ќе бидат објавени и официјалните резултати.
Немаше друга тема за настани, па ја сместив овде. Ако постои соодветно место нека ја премести модераторот.