Да беа од права бронза може нешто ќе излезеше од рециклажа, вака од пола милиметар слој на ефтин лим не бидува ништо. Подобро е да се уништат пошто за 5-10 години некои од нив ќе бидат физичка опасност за граѓаните, имаше случај делови од фасада да паѓаат на улица (пошто квалитет) тоа треба цело време да се прати во каква состојба е, да се лепи, да се санира, да се поправа, да се доградува, да се осветлува, трошоци беспотребни. Она што фали е урбано зеленило и на место на споменици да се засадат или пресадат веќе порастени дрва, имаше некаде на запад некоја механизација каде го вадеа дрвото од корен во некоја шума без да го оштетат, копаа дупка во градот и го ставаа таму...then again...this is kinda utopian here, јас се извинувам често оптимизмот знае да ме занесе
Што не ви е јасно за новава власт? Па исполнува етапно се негативно што вети дека ќе спроведува. Чистка-бркање на директори, колење и бесење со полиција за јавен рекет на сите локали-таму каде што тече паричката бидејќи веќе фабрики немаме и на крај уништување на спомениците да не ги потсеќа на овие пред нив. Позитивното ќе го дочекаме кога ќе влеземе во ЕУ.
Значи во Македонија отсекогаш едни граделе, а другите по нив уривале затоа и само тапкаме во место цел живот. Има 1000 недостатоци во државава, како на пример нашето здравство. Има дечиња и луѓе кои секој ден молат за помош за операции од обичниот народ, а власта се замара за едни споменици. Кога луѓето овде ќе се среќни никој нема ни да обрнува внимание на споменици ниту пак кој е министер Имаат пари за рушење и безвезе работи, а нема пари за едно девојче за операција од 10.000 евра или колку и да се??? Дали тоа е човечки? Дали на надлежните скалата на приоритети им е поставена погрешно? Овде луѓе умираат, родилки, новороденчиња, деца...само од негрижата, вие зборувате за споменици. Никој не го тангира дали еден споменик ќе биде на тоа место или на друго, ама кога ќе ти умре некој близок те боли.
Ја па не знам што се префркнавте толку жими се. Ќе си ги поделиме спомениците сите и никој да не се лути. Еве ние во Гостивар ќе си го зееме Скендерчо, Тетово да не се лути ќе им напраиме и нив уште еден или ќе се договориме по една година да го имаат тие, потем ние. Филип го имаат веќе во Битола, Скопскиов да се упати во Прилеп, и онака таму ја открија Стибера. Самуил го имаат во Охрид, скопскиот ќе го испратиме во Берово. Што па да не? Пффф Ќосето земете си го кој сака во двор, ја Посејдон ќе си го земам и ќе си го намонтирам во Вруток на извори, на Вардар де, кај што го личи. И Гоце ќе го зеам за на југ, успат ми е Баница. Е Ацика не го мрдаме! Нек пукнат душманите, најлепши ни е. Олимпија не ќе ја делиме од Филип, и неа во пакет заедно. И ја не можам да се жртвувам за сите. Да си се организирате за останатите. Шала на страна, секој споменик си има свое значење и како такво треба да си има соодветно место. Не може Аце и Гоце и Самуил да се на исто место зошто живееле и преставувале различна доба од историјата. Милион пати сум рекла, како да се отворила историјата и повратила во центарот на Скопје. Ја па сакам триумфална да остане. Мене триумфална ми е споменик на победа над еден режим. И да и се стаи фамозниот бројчаник што толку долго го ветуваа. Против рушење сум од економски причини и поради што веќе наши пари се дадени за истите. Ама, соодветно да се дислоцираат сум и на местото на секој од нив да се засади дрво. Вардар да се исчисти од глупостите и тие пари не ги жалам ич. Или да се отвори посебен парк за нив. Франција си го има Дизниленд, Романија си ја има Трансилванија, Македонија ќе си има парк на кичот и човечката глупост. Ќе се наплаќа карта и бар ќар ќе имаме.
Дојде ред историја да учиме од фејк њуз портали како инфомакс. До тоа дереџе падна државата. Ме интересира, кога веќе цела википадија пишува дека сите наши херои се Бугари, и кога веќе сте толку јаки и со познавање на историјата, зошто не се обидете барем тоа да го промените. Еве, јас сум пробала, многу пати, ама еден чове нишо не прави. Дали со тоа што барем се потрудив да ја "обелам" нашата историја станав поголем патриот од вас? Не сум за беспотребно трошење на пари за рушење на спомениците, ама ете, сум за да се тргнат некаде на куп, надвор од центарот на градот, па да идат луѓето и да ги прошетаат сите по ред. Плус да се наплаќа и влезници и сликање со секој.
Апсурдно е да се рушат тие споменици кога веќе се изградени иако според мене се претера. Сето ова не е ништо ново, ако се вратиме назад и погледнеме во минатото, од памтивека така си функционира кај нас, толку многу народи низ историјата не покориле, оставиле свој белег, за секој нареден што ќе стапне на ова парче се да руши и повторно нешто да изгради и се така истото. Сите тие бележја кога би останале би имало толку многу разноликост и разиграност.
... ако веќе сакаат да ги рушат, поарно нека ги остранат и да ги однесаат во другите градови каде тие споменици значат нешто и онака Скопје не поседува како град ниедно минато од истите
... и жичарата до Водно и Милениумскиот Крст и црквата на плоштад нели? и јас сум да се рушат и театарот такоџе мостовите над Вардар мислам 4 беа? а? долеееее рушиииии и не само спомениците туку и сите закони за време на режимот, како месечен паричен износ за трето дете, денационализацијата, легализирање на дивоградбите, надградбите доградбите, простувањето на долговите, безплатните автобуси субвенции сите брееее кинииии ...и не можам да се сетам што уште ?
Каде е транспарентната влада која обеќаше дека за битни одлуку ќе одлучува секој еден граганин. СДСМ е свесна за одлуката која би ја донеле граѓаните па затоа оди по друг пат за да ги оствари зацратаните цели, а тоа е влез во ЕУ. Ако ова се случи со ваков тек има друго сценарио кое доправа следи а тоа е влевање слаткоречиви мисли и ширење на идеологија. Со уништување на споменикот Александар Македонски, менување името на аеродромот, кои се од големо значење за Грција, реклами за вредностите на човекот, филмови кои содржат слични тези ќе ни биде наметната мисла и самите ние ќе размислуваме дека името на нашата држава треба да се смени за да влеземе во ЕУ. Како опозиција направија добар стратешки план и навистина успеаа да пртнат режим.Сега кога буквално се е во нивни раце не верувам дека ќе потфрлат.
Пола од ова што наброи веќе е срушено/укинато. Крстот на Водно не свети, укинати дисперзирани студии, проекти за вонредни студенти, запрени еден куп градежни работи, автопати и слично... Не пратам толку многу за да сум информирана за се, ова е што случајно сум разбрала. За мене оваа влада е уништувачка и нема капацитет да создаде и креира било што.
Гласав против, иако ништо не зависи од мене, пред се заради огромна финансиска тежина. Народот, доволно ги плати, доволно ги преплати. Штетата е непоправлива. Зарем треба да направат поголема? И се тоа, поради јавно и тајно додворување на милиот сосед т.н Грција. Комичноста е во тоа, што после овој акт, ние нема да имаме никаква гаранција за влез во ЕУ. Ама ќе имаме гаранција за нови барања. Кај нас, културата расте со рушење споменици и музеи. Кај останатите, со градење. Од историски аспект, која држава беше поделена во 1913 со Букурешкиот договор? Оти нели, нашата не постоела. Сега, повторно е отворено македонското прашање. Само не знаеме дали води кон интеграција, или сосема спротивното. Варвари. Ништо друго освен рушење и укинување. Ама рано е, да им дадеме време. Време да не докрајчат.
Истото го мислам и јас. Да се руши нешто и да се трошат пари за безпотребни работи и сето тоа за само неколку луѓе да си лечат комплекси е болна работа. Точно е дека луѓе секојдневно молат за помош и донации, а тоа што ме иритира посебно е што и двете партии тие случаи ги преискористуваат за партиски цели и собирање поени. И наместо да се сфати грешката од случаите како Тамара, овие сега прават многу повеќе пакост од тоа што било , па во иднина ако продолжи вака безпотребното фрлање на народните пари наместо да спречиме ќе имаме се повеќе случаи како Тамара. Неможам да разберам само како владата има пари да дава на лежачи по кафичи од унии на млади сили, и да дава милиони,а нема за некој на кој навистина му е потребно. Само да се затворат овие унии на млади сили во партииве ќе има доволно пари и за здравството и за покривање на трошоци на хитните случаи.
Подобро би било да осмислат добар план со кој во тек од повеќе години, полека и со паметни решенија би го подобриле изгледот на градот. Што е подобрување е индивидуално мислење. Но, има најмалку 2 работи кои може да се направат, а тоа се: менување на локација на неколку споменици од плоштадот со цел да се ослободи простор (што не значи рушење и уништување) и враќање на текот на Вардар во нормална состојба. Факт е дека голем дел од работите кои се направија, се тотално непотребни и за џабе беа потрошени толку пари. Исто така, факт е дека голем дел се од многу лош квалитет. Квалитет кој веќе некое време покажува дека е лесно распадлив, што значи и да не се чепкаат одредени проекти, тие нема да го издржат тестот на времето и се минливи. Така да, сакале или не, со тек на време самите ќе се уништат.
А бидејќи нема тема посебно, па мора тука да прашам? Зошто да се менува името на аеродромот? Годинини наназад како аеродромот не е државен, туку е турска инвестиција Која е логиката може некој да ми објасни?
Може да рушат,ама дома кај нив.Нашето културно богатство и нашата држава не смее да бидат играчки во рацете на неколку кучиња.
