Сè што сакате да знаете во врска со религија

Не можеш да си агностик и да мислиш дека ништо не е невозможно да се дознае. Зборот агностицизам баш спротивно значи.

Не тврдам дека не постои можност да има креатор на универзумот, туку дека тоа не може научно да се докаже. И пак да потенцирам, не го тврдам тоа поради нашите ограничени научни познавања, туку поради фактот што такво тврдење не припаѓа во научната сфера и нема како научно да се разгледува.

Ни јас не гледам проблем, како што впрочем кажав веќе неколку пати, туку само потенцирам дека е по дефиниција контрадикторно исто како што е контрадикторно доктор да пуши. Тоа е сè.

 

Да бидеш хардкор атеист е исто како хардкор верник, само од спротивна страна на спектарот. И двете страни се со ограничени размислувања.
Науката сеуште нема одговори на клучните прашања, универзумот сеуште го спознаваме и тек откриваме.
И научните фели се поделени на научници кои веруваат дека универзумот е креација, и они кои не веруваат во истото. Ниту едните, ниту другите не се повеќе или помалку од другите, ниту пак можат да го докажат своето верување.
Останатите пак се доблесни да кажат дека сеуште не го знаат одговорот и се open-minded.

 

Во право си, не се изразив добро но мислам дека ме сфати во која смисла кажав.

Од каде си сигурна? Науките постојано се развиваат, од нив произлегуваат нови полиња и интердисциплинарни студии.Ни луѓето пред 2000 сигурно не претпоставувале дека еден ден може да постои поле квантна механика.

Не е контрадикторно, ако не се сфаќа ништо целосно буквално и екстремно.Ама тоа го напишав и во првиот пост.

 

Да дополнам.
И не е од никаква научна релевантност. Дали има бог, или нема бог и колку богови има (затоа што и да има универзумот креатор многу поверојатно е да се повеќе од еден отколку баш еден) не е од научна релевантност и не е водич на животот, затоа што човекот не е најбитното нешто ни во природата ни во универзумот.
Нешто што религијата многу погрешно гради, толкува и или е тоа дека светот е создаден за човекот (викам човекот за да не речам мажот).
Дека универзумот, планетата, сѐ живо и неживо (па и жената) е создадена за мажот. Така живее човекот денес, под илузијата дека сѐ на универзумот и планетата е создадено за него и за неговиот опстанок, а не како да ја дели планетата со милиони животински видови.
Може колку сакаме да збориме дека религијата нема своја улога во уништувањето на планетата Земја, ама религиското учење дефинитивно има... така да...

 

Во спојлер ќе го ставам првото поглавје од книгата на Хокинг "Brief answers to rhe big questions" насловено Is there a god? . Прилично разбирливо е објаснето зошто не постои Господ гледано од страна на науката.
Потполно се согласувам со @Lella, наука и религија не одат заедно.

"When people ask me if a God created the universe, I tell them that the question itself makes no sense. Time didn’t exist before the Big Bang so there is no time for God to make the universe in. It’s like asking for directions to the edge of the Earth—the Earth is a sphere that doesn’t have an edge, so looking for it is a futile exercise."

Спојлер

 

Еф, ако ја читаше книгата, а знам дека ја читаше, тогаш знаеш дека ова е само proposal, не е сеуште ниту во вид на теорија. И за истото Хокинг се оградува во книгата дека не може да тврди дека е точно, ниту пак да е неточно иако има некои докази кои одат во таа насока, сепак има доста и што не одат.
Истиот proposal е направен од страна на Хокинг, тогаш, кога докажал дека сите закони на физиката се крашнуваат во момент на сингуларити, т.е. физичките закони, како и се што постои постоеле 1 секунда после настанокот на универзумот, но не и пред таа 1 секунда, по што цела религиска заедница го прогласила како доказ за постоење на креатор, иако не било така.
Од друга страна пак, читајќи ја книгата, знаеш колку од теориите на Ајнштајн и Њутн (едниот татко на калкулусот, другиот ја открил теоријата на релативноста) се баш побиени од страна на Хокинг и други научници од 20тиот век.
Знаеш дека од друга страна пак, дека ниту Хокинг не успеа да ги унифицира квантната теорија и теоријата на релативноста во една теорија. Двете се контрадикторни една на друга...
Хокинг не дава одговор на истото, туку и во самата книга се надева дека некој во иднина ќе успее да го направи тоа.

Да се вратам на самиот proposal што го имаш изнесено погоре дека универзумот нема точка на сингуларити...
Доколку истото е точно, тогаш се отвора можност и дека multiverse теоријата е точна. Што пак отвора прашања што има beyond that.
Во теоријата на струни, Хокинг исто така тврди и дека има повеќе димензии. Мислам дека наброја 11 (не ме земај за збор, не ми е до мене книгата), што отвора можност и за multidimensional universe, па и за parallel universe и уште многу теории кои сега за сега се само апстрактни филозофии.
Неговиот партнер, со кој ја напишал книгата, има сам признаено дека одговор на прашањето не може да даде и самиот се декларира како агностик, исто како и Ајнштајн, Саган итн. итн.

Науката низ вековите еволуирала, се развивала, и со помош на технологијата и напредокот, истата ни овозможила одговори на многу прашања, како и поправки на оние за кои во минатото тврдела дека ги има, а биле погрешни.
Баш поради тоа доблесно е да се каже дека треба да се биде скептик и трага кон вистината, а не своето верување да ја ограничува слободата кон истото, без разлика дали е тоа верник, или атеист.
Ни следуваат интересен период и многу научни откритија во следните години.
Најмалку што ни треба како човештво е cockiness.

 

Секој си има право да си верува или не. И не треба да им сугерира на другите кои не го делат мислењето.

 

Точно, тоа не било доказ дека постои Бог. Пред таа 1 секунда времето не постоело, бидејќи нели во сингуларност времето и самиот простор не постојат. Ако гледаме од квантно механичка страна, на самиот почеток Универзумот можеби бил голем колку фотон, тоа ни дава за право да заклучиме дека Big Bang се случил од ништо. Со тоа не се прекршуваат природните закони, а потоа Универзумот се ширел не прекршувајќи го принципот на детерминизмот. Со тоа и потребата од Бог била отфрлена.

Никаде не го изнесов тоа, добро е познато дека постои сингуларност кај црните дупки.

Што се однесува за обединувањето на теоријата на Ајнштајн и квантната механика во една т.н. Theory of everything точно е дека Hawking се надева дека некој друг ќе го докаже тоа. Мислам дека теоријата на струни и М-теоријата би требало да дадат одговор на тоа прашање.

Со натамошните откритија сигурна сум дека уште повеќе ќе стане јасно дека нема потреба од креатор. Во минатото сите верувале дека Бог е создавател на сè околу нас, но со научнит откритија и доказите за гравитацијата, теоријата на релативност, црните дупки, постепено луѓето сфатиле дека нема потреба од него, природните закони постоеле и ќе постојат без него. И самиот Ајнштајн не ја прифаќал квантанта физика, God does not play a dice е неговата фамозна изјава, но се докажало спротивното. Така и сега очекувам да има нови откритија кои ќе се контрадикторни со правилата на Бог и кои ќе бидат негирани од мнозинството. Но, тоа ќе е само еден доказ дека нема ништо религиозно во науката. Сите докази ќе одат во прилог на тоа.

Не мислам дека моето цврсто убедување во непостоењето на Бог би ме оневозможило да ја видам вистината. Во науката, според мене, има простор само за рационални заклучоци. Од сè она што го имам прочитано и научено, логично ми е дека Бог не постои. Не гледам ниту од страна на верник, ниту од страна на атеист. Тотално сум индиферентна за тоа прашање, се водам само според разумот. А кога тој е во прашање, нема никакви ограничувања од религиски аспект(дури и ако си атеист), бидејќи разумот и религијата не одат во иста реченица. Исто, не би рекла дека сум cocky, напротив свесна сум дека не ги знам сите одговори и истите не ги наметнувам, туку само ги образложувам.

Секако, ова е мое мислење и нормално е некој да не се согласува. Сите имаме право да веруваме во што сакаме, и секој е во право додека не се докаже која е вистината

 

Па баш таа состојба на сингуларност е почетокот на Биг Бенг. Значи, што било пред таа една секунда?
Ништо.
Точка каде не важеле законите на физиката, ниту пак постоело space-time, исто како во црните дупки.
Што е доказ за сите религии дека нешто (Бог) иницирало да се случи Биг Бенг и сите закони на физиката во него.
Баш ова сака да го отфрли Хокинг со неговиот no boundary proposal. На тој начин го отфрла сценариото дека се почнало од една точка, туку дека немало баш таков почеток, како што нема ниту на северниот и јужниот пол, туку е закривено.



За овој proposal да се поткрепи математички, Хокинг мора да користи имагинарни (imaginery) броеви кои не се застапени како дел во природата, туку се работи за математички концепт.
Пр. Ако природните броеви се движат по х - оската, имагинарните броеви се движат по у - оската, и се човечко творештво со чие користење може да се решат математички проблеми кои не можат со природните. Што се разбира овој proposal влече одреден скептицизам од научната фела.

Овие сет на видеа имаат одлично објаснување за имагинарните броеви.



До сега ниту еден доказ не оди во полза на непостоење на креатор, ниту пак во полза на постоење на креатор.
Ние сме толку назад, што тек сега ја откриваме квантната физика, струните, до скоро не знаевме дека електронот е particle ама и wave.
Ова ни е нов свет кој се граничи со апстракции, непотврдени теории, proposals и насоки кон кои ќе треба понатаму да се развива, испитува и докажува науката.
Што, пак ќе кажам, ако и сето тоа е точно, тогаш математички можеме да очекуваме и дека теоријата за multiverse и multidimensional universe постои, па дури и онаа за parallel universe. И пак ќе се вратиме на прашањето за креатор.
Но, ова е преширока тема, а ние се наоѓаме во религија. Too much ќе е за верниците сите овие теории.
Гледам дека очајно е потребно на форумов научна астрофизичка тема.

Cockiness не беше наменето за тебе, таман работа.
Туку беше за Хокинг, кој беше доста самоуверен човек, до граница на pushiness за да си ги истера своите замисли и predictions иако знаеше дека нема научна основа за истите.
Може тоа да го забележиш и при читањето на книгите, за разлика од неговите соработници кои беа далеку поскромни и не сакаа да завземат став во врска атеизам - религија, туку си се држеа за агностицизмот.

 

Денешната наука се анастезира од секаков контакт со Бог и религија така да логично е да немаш никаков доказ и се што си прочитала те уверува дека Бог не постои.
Да имаш читано доволно доста ќе знаеше дека биг бенг и тој концепт на создавање на универзумот доаѓа директно од Хиндуизмот, тоест сатанизмот. Кога сатанисти владеат со светот не очекувај да имаш ниту најмал доказ дека Бог постои. Не се водиш по свој разум, се водиш по она што ти е сервирано како на повеќето.

 

А ти среќа не се водиш по тоа што ти е сервирано, т.е Библијата и сѐ што ти е всадено од најмала возраст.
И за твое големо изненадување сега.... БАААМ! - И ја сум верник. Ама, ти не би ме класифицирал ко таква, зашто иако верувам во УНИВЕРЗАЛЕН Бог (со посебен акцент на универзален, бидејќи според мене, религиската поделеност во светов, е смешка), и верувам во виша сила, Библијата ми е дискутабилна во најмала рака (во блага форма кажано), свештени лица не обожавам, ниту па религиски објекти. Верувам во НЕГО, и тоа нема никаква врска со разум. За мене, Бог е сегде. Не ми треба свеќа и кандило, или црква за да го пронајдам.
А да! И верувам во тоа дека кај што има љубов, таму е ОН. А љубов е љубов. Без разлика дали е хетеро или хомосексуална.
Сега повели, анализирај ми ја вербата нарекувајќи ја “сатанистичка”. Knock yourself out

 

Бог е еден за сите и не можеш да го прашиш онака по твоја мера како ти што сакаш, па уште и хомосексуалност споменуваш, ако е така и педофилијата би требало да е ок нели? Пошто и тие луѓе осеќаат привлечност тоест љубов по твое, барем така кажуваат, ама во суштина се болни. Јас сум израснат во семејство каде што никој немал ниту допрено Библија, каде што биле почитувани одредени нешто колку да се рече и од кои денес најголем дел отфрлам бидејќи едно се вели во Библијата а друго во Православието. Мило ми е што си верник, сао незнам во што веруваш а никако да поверуваш. Јас не сум верник бидејќи знам дека Бог постои.
Тоа што веруваш ти е спротивно од оној Бог кој за нас се жртвувал и се очекува да не спаси. Мене ништо не ме чуди, опишано е во Библијата се што ќе се случува, во што се ќе веруваат луѓето и слично. Ти си само како дел од оние кои се потврда за тоа. Не сме многу далеку од крајот.

 

За жал, ќе мора да ја прекинам дискусијава со тебе, зашто мислам дека нема никаков резон да дебатирам со особа која хомосексуалноста ја става на исто ниво со педофилијата. Нема повеќе за што јас и ти да дебатираме.
И да, може за тебе мојата перцепција за Бог е погрешна и субјективна, но сигурно е покоректна од нечие констатно крстење во икони, непромашување пости, а истовремено посакување и практикување зло на познаници, роднини и слично.

 

Прекини дискусија кога и да сакаш јас не те терам со сила.. Нормално може да биде едно нешто, како на пример луѓето да ги привлекува спротивниот пол. Еве пример педофилијата е болест и пореметување, бидејќи одредена личност ја привлекуваат деца, тогаш пореметување е и привлечност кон ист пол, логично е. Само затоа што тоа денес е помодарство и се прави без никаква присила тоа не ја прави и истата ствар нормална и природна.
И никаде не кажав дека посакувам зло на роднини познаници или дека константо се крстам пред икони.
А за постењето ова ми боде очи. Незнам стварно каде имаш видено човек да пости. Буквално треба да отидеш во некој манастир некој монах да најдеш. Тоа што спомна ти мислам дека е диета а не постење. Лугето се доволно глупави за да мислат дека со нејадење храна ќе им бидат гревови простени, а притоа информација имаат насекаде достапна и јасно пишува што значи пост, и како тој се упразнува.

 

Мислам дека отидовме предалеку за темава Били И да, во право си за посебна тема, гледам дека е потребна. Научните факти ќе ги оставиме за таму.
Те сфаќам за Hawking и го делам истото мислење. Иако се оградува од своите ставови во книгите, велејќи дека тоа е само негово мислење, сепак впечатокот при читање е поинаков.
Како и да е, темава е за религија и нема потреба од наука. Доволно беа оф-топици

 

@f.girl @Billy Idol Постои тема Астрономија, би било супер ако се активира.

 

Ако е така, тогаш атеистички научник е уште поконтрадикторен. Атеистот не само што нема доказ за својот атеизам, туку и сите природни науки се против него, бидејќи сите природни науки недвосмислено посочуваат на постоење на дизајн во природата, а со тоа и Дизајнер се разбира.
Атеистот нема емпириски доказ дека животот настанал случајно од безживотните хемиски соединенија. Многу поверојатно е торнадо да помине низ отпад и да направи авион, отколку низ вода и да создаде жива клетка.
Атеистот нема емпириски доказ дека вселената настанала тики така случајно од ништото или пак дека вечно постоела.
Атеистот нема емпириски доказ дека човековата свест е дело на чисто хемиски детерминирани процеси.
Атеистот нема емпириски доказ дека не постои дух во живиот човек.
Атеистот нема емпириски доказ дека реалноста се состои само од протони, електрони, неутрони итн и дека нема духовна димензија и духовни категории.
Повеќето атеисти веруваат и во паралелни универзуми, иако немаат емпириски доказ за ниту еден од нив.
Атеистот нема емпириски доказ ни дека емпирискиот доказ е релевантен откривател на вистината

А мислам дека нема поконтрадикторни научници од атеистичките научници кои трагаат по вонземјани, бидејќи баш тие деноноќно трагаат по дизајн во вселената и кога би го забележале би заклучиле дека зад тој дизајн мора да стои дизајнер (вонземјанин), а дизајнот на Земјата го препишуваат на „случајноста“ Тоа е класичен доказ за двојни аршини во научниот пристап кај атеистите, шизофренија во резонирањето.

Така што, ако се водиме според твоите критериуми, атеистичките научници и те како се поконтрадикторни во однос на научниот пристап и нивниот атеистички светоглед.

 

Развојот на болеста кај Хокинг при крајот на животот се ефектираше не само на телесно, туку и на психичко ниво, така што неговите фанови (како мене) воопшто не му замеруваат за ваквите небулози, но сепак, за воља на вистината, мора да ги наречеме небулози и тоа од повеќе причини.

1. Бог е вечен. Бог нема почеток. Овој универзум има почеток, но тоа не е почеток за Бог. Бог е НАД овој универзум и не е ограничен од универзумот кој Тој го создал.

2. Ако универзумот има почеток, Хокинг треба да си ги постави прашањата: Зошто воопшто почнал универзумот? Од каде целата таа енергија и материја? Како тоа од хаосот настанал фасцинантен ред? И сл. И ги има поставувано овие прашања и порано, но одговорите порано му беа порационални, но при крајот од животот, за жал веројатно под дејство на гневот од болеста, му беа крајно субјективни и беше спремен во секакви небулози да поверува (бесконечно универзуми), но никако во Бог.

3. Мартин Рис - астрофизичар и претседател на Кралското друштво на Англија, кој многу добро го познавал Хокинг, го вели следново за него:
„Стивен Хокинг е извонреден човек кој го познавам веќе 40 години и поради таа причина, секоја изјава што тој ја објавува добива претеран публицитет. Го знам Стивен Хокинг доволно добро и знам дека тој има прочитано многу малку филозофија, а уште помалку теологија, па затоа сметам дека не би требало да им придаваме каква било тежина на неговите ставови на оваа тема (за неговите ставови за Бог)“
(Извор: Martin Rees, 'We shouldn't attach any weight to what Hawking says about God', Independent.co.uk )

 

Мех, сме правеле муабет за ова. Сè што наброја се тврдења кои немаат burden of proof. Т.е. ова е како да викаш атеистите немаат емпириски доказ дека не постои Дедо Мраз. Не им ни треба. Тој што тврди дека постои треба да докаже дека постои. А ако научникот му поверува без емпириски доказ за Дедо Мраз тогаш тој научник е контрадикторен, без разлика дали е христијанин или атеист.

 

Каква дискусија
Толку отидовте далеку со темава бетер сте од научници и од верници
Што е тоа битно коа тука бебе се раѓа и на нецел месец го крштеваат , па од мало го учат да оди во црква ,го учат ова чини она не чини дедо боже че се лути ,а тоа сеуште е малечко за само да се одлучи во што да верува и каде се пронаоѓа ,туку бабите со 8одд му сервираат во што да верува ,и кога ќе порасне и им каже дека е атеист(бидејќи не нашол доказ никаков) ,тој за нив е ѓавол Луцифер од пеколот
Овде на балканот поинаку функционираат работите , мн се прости

Бдвеј денес на фб ми се згади кои луѓишта постираа слики со Богородица(да рачистиме јас немам ништо против светицава,ставот ми е воздржан) сите неморални жени девојки огрешени во памет , криминалци со дебели досиа Амин ,Амин ,да поможит
Не планирам утре да се омужам па муж ми да го варам со кој ќе стигнам ,и да постам постојано,и да објавувам молитви ,и да ги шернувам моштите на некој светец (за да велат побожна е она )
Проста нација