Јас сум саркастична 24/7. Така израснавме со другарките и до ден денес има луѓе што не ни го сфаќаат сарказмот. -.- Дури и понекогаш меѓусебе се прашуваме "Oва беше саркастично, така?" За некој да ми биде пријател, мора да ми го сфаќа сарказмот, иначе ништо не праиме Дечко ми исто така многу пати ми се лути дека сум саркастична.. ама тоа е, таква сум.
Некој што кажува дека мрази сарказам мислам дека едноставно не го разбира ни како поим ни па знае како да го сфати...за погоре споменатите коментари за Хаус, треба да се има памет за да се разбере неговиот начин на обраќање и неговиот сарказам, значи ако некој незнае да го разбере неможе да соли памет како не чини и слично. Јас искрено се восхитувам кога го гледам и кога ќе одлепи некоја саркастична забелешка која секогаш е на место, ама тоа е мој вкус, некој се смее на тоа, некој се смее на Ранко Рангелов нели? Бидејќи не секој има смисла за хумор...Исто како и со делата на Оскар Вајлд - некој го сфаќа некој не. Саркастична сум да, не секогаш ама често
Многу ме интересира како ТИ би реагирала кога брат ти ќе ти одговори некад така! Ова не е ни сарказам ни иронија.... ова, според мене, е идиотштина излетана преку уста. Упс, пардон, да не те навредив?! А да не сум саркастична сега? оуу јее Понекогаш сум претерано искрена и ладнокрвна, а тоа не е сарказам. Не е ниту иронија, туку е поштен начин да потенцираш негативна особина. И не бидете горделиви ако сте саркастични. Тоа не е доблест ниту позитивна особина, ниту пак те прави посебно интересна и привлечна особа. Јас сум само претерано искрена и ладнокрвно дискутирам. Ок, наречете го слабо иронична тоа, да, така можам да признаам дека се однесувам.
За мене сарказамот не е позитивна работа , а и колку стана модерен да се чудиш , тинејџерите го користат на големо а всушност лупаат глупости ... Не секој знае да користи сарказам и најважно кога е прикладно тој да се користи .. Мене ме нервира користење сарказам во расправија , јас сум човек кој сака да ги расчисти работите а не да се надмудрува Ценам сарказам кога е креативен и на место .. На моменти знам да се насмеам убаво на саркастични досетки .. Го користам за интерни шеги со другарки кои ми се блиски ама во никој случај со цел да навредам туку да се шегуваме ..
Дека стана модерен тоа е факт. Многу не знаат ни да го употребат правилно, ама битно е да се користи.
Мене сарказмот ми е еден вид на одбранбен механизам. Го користам кога сум лута или изнервирана. Маж ми многу го мрази тоа, он не е таков човек, посебно кога се расправаме за нешто, а јас не можам да се изјаснам без саркастични коментари. Исто го користам кога ќе слушнам некоја глупост па плаче за некоја саркастична забелешка. Ама денеска е и те како употребуван, стана еден вид мерило за интелегенција кај младите. А благе везе нема.
Сарказмот се обидувам многу ретко да го употребувам бидејќи може да навреди доста и притоа те прави да се чувствуваш моќно да ,но за џабе кога си испаднал голем идиот.Мразам кога некои своите фустрации си ги лечат кога саркастично ќе навредат некого.
Сарказам за мене е начин на вечење комплекси со игра на зборови... Го практикувам понекогаш да,но сметам дека е навредлив.И сум доваѓала до судири поради саркастични статуси на фејсбук,многупати...
Знам да сум саркастична, особено при расправии. И најчесто ништо добро не ми носи тоа во тие моменти...
Има позитивен и негативен вид на сарказам. Првиов го користам коа сакам да се пошегувам без да навредам некој, а вториов во ретки случаи коа ке ми пукне филмот, и мирно и сталожено си давам саркастични коментари за да го изнервирам соговорникот, како тој што ме изнервирал мене. Знам да бидам прилично гадна коа ке се случи тоа. Оти јас сум една од оние љубезни луѓе кои ке те трпат еднаш, два пати.. три пати, е веке на четвртиот пат, станувам сосема друга личност. И после се чудат, аман што и стана на оваа? Ке видиш ти што ми стана ако ми го пукнеш филмот.
Сарказам да, ако имаш богат речник и фонд на зборови, и да знаеш како да го употребиш во ВИСТИНСКАТА ситуација и на вистински начин, а не да коментираш на се` и сешто со копирани фрази од др. Хаус и чичко интернет, за другите да мислат дека си паметен. Подобро земи прочитај некоја книга, да можеш да зборуваш како што треба како прво, а потоа прави се „паметна“ и саркастична личност.
Саркастична сум со некои насмевки или коментари така поблаго саркастични. Ќе му го доловам на соговорникот убаво нештото со злобен коментар онака не многу нападно и чао пријатно понекогаш и по дома се смеам саркастично и често ме опоменува татко ми
Знам да бидам саркастична, и тоа највеќе со луѓе кои мислат дека знаат да бидат саркастични, а го немаат тој саркастичен речник, туку само 2 исти збора на се како одговор, и тогаш следат моите 2-3 збора, секогаш различни, саркастични и благата насмевка доволно да ги запечатам. Некогаш некој и може да не ме стави ама тоа е јакото
Море се во лице им плескам на ваквите, саркастични од навика или од мода. Зборувај како човек кога човечки ти се обраќаат!
Го употребувам,е сега дали помалку кај некого дали повеќе,сето тоа зависи од личноста,што се вели како ти со мене така јас со тебе
Знам да бидам саркастична кога некој ќе ја помине границата на толеранција.Но,не секој ме разбира.Мудрите се проникливи и ги препознаваат таквите моменти.Нашите блиски добро не познаваат и треба да знаат во дадени ситуации како реагираме,но и тие треба да научат каде е поставена црвената линија.
Не знам зошто некои го перцепираат сарказмот како навредлив и како метод за исмевање и навредување. Тоа е стил на разговор и не мора да значи дека ако некој реплицира со таков коментар дека има намера да навреди некого. Секако доста е важно кон кој го упатуваш и дали таа личност е способна да се прави разлика меѓу иронија и сарказам. . Мене баш симпатичен ми е разговор каде има уфрлен некој соодветен саркастичен коментар. Само штета малку се умешни луѓе кои знаат да формулираат сарказам, оние останатите се некоја лоша варијанта на движечи излитени фрази кои не се употребувани во соодветен контекст. Тој вештачкиот и простачки сарказам ми пречи, но овој другиов (ајде да го наречеме интелегентен ) сарказам ми е мерачки за уво и му дава на разговорот едно повисоко ниво Се согласувам дека потребен е голем интелект за тоа совршено да го склопиш и да го изнесеш саркастичното без да навредиш некого.
У последно време сите пробуваат да бидат саркастични, ама ретко кој успева во тоа. Има луѓе на кои им „лежи“ сарказмот и има такви кои слушнале за сарказам, ама не сфатиле до крај. Е сега, првите ги ценам и уживам кога ќе направат саркастична забелешка, а вториве ги презирам додека се прават важни дека биле саркастични (затоа што јас не знам што е сарказам... ). Јас ретко кога сум саркастична, обично на разговорот додавам специјален „зачин“ кога некој ќе ме извади од кожа.