За ова која е по баба од бабите, имаше еден статус на фб. " Мајката секогаш е 100% сигурна дека е мајка на своето дете, бидејќи она го раѓа. Така да бабата по мајка е 100% сигурна дека е вистинска баба на внучето кое го има... има вистина во ова.. Од кај знае свeки бе дека е навистина баба??
Таа "некоја си таму" ќе биде мајка на мажот ти ( ако некогаш се омажиш) и не знам зошто уште од старт до негативен пристап, ако е свекрва не значи дека е вештерка. Никој не те тера да ја викаш мамо тоа мислам останало како од старинско време. Еве јас мајката на дм си ја сакам како мајка ми што ја сакам значи толку добра жена секогаш била тука за мене ,сум била болна бдеела над мене во 4 сабајле не спиела додека не се осигурала дека сум добро , после све што направила јас да ја викам "некоја си таму" само затоа што е свекрва и мора со свекрвите да се "водат војни"?
Исто ја сакаш ко мајка ти стварно? Исто ја сакаш ко жената што те родила и живот би дала за тебе? Не знам дали има ќерка свекрва ти, ама сигурно нема тебе да те сака исто ко својата ќерка. Навреда е за мајка ти на некоја друга жена да и викаш мамо.
Па не ја викам мамо затоа што не ми е мајка ,ама многу си ја сакам жената ,нема ќерка ама ми има кажано дека ме сака еднакво како што ги сака синовите нејзини и не верувам дека лаже затоа што го покажала тоа на многу начини.
Не може да те сака исто ко нејзините синови. Тоа е факт. Може да те сака многу, ама колку нејзините синови сигурно не си така наивна за да веруваш во тоа. Има многу свекрви предобри и злобни снаи. Ама ниту свекрвата ќе ја сака снаата ко родена ќерка, ниту родителите на жената ќе го сакаат зетот ко син.
Па не планирам да се мажам никогаш, ама ако некогаш сакам и не ми се погоди свекрва што сака да се караме и расправаме баш ќе ми биде криво. Каде ќе ја истурам јас тогаш нервозата ако на неа не и се кара?
Хахахахахаахахаха чекај чекај овој вицов многу снаи го имаме слушнато. И мене свеки многу ме сакаше, мноооогууу истооо како ќерка и што си ја сака, ама сега одкога сме венчани и со дете, мислам дека повеќе ич не ме сака, ни слично со тоа сакање ко ќерка и што ја сака П.С. И мене ме чуваше многу и јас неа и плачеше со мене кога имав породилни болки, ама од толку плачење и се помешаа брзините ѓомити стварно имс болки, па си направи филм дека она го роди син ми, а не јас, па мислеше она ќе е мама, јас некоја тетка далечна и така големата љубов ни згасна, оти не ми се глумеше во тој филм.
Јас сум со дм 6 години и со мајка му сме многу блиски да беше жената искварена до сега ќе си го покажеш вистинското лице , секогаш била тука за мене во секое време сигурно не чека да се омажам за син и па да го покаже "вештерското " лице . А за детето ако со дм имаме дете во иднина сигурно она ќе сака да е дел он неговото растење па она ќе му биде баба и мене не би ми пречело да ми помага исто како што не би ми пречело за мајка ми ,јас не ги делам не значи дека за свекрва не смее ништо а за мајка све е дозволено.
Дај боже што поскоро да имате детенце и наврати пак на темава да видиме дали ќе го имаш истиот став.. јас се кладам дека нема, кој друг сака да се клади со @Alisa22???
Убаво ќе биде ако е така, ама ретко некоја да не се смени. Не знам каков ви е планот, но ако планирате заедно да живеете, памти ми ги зборовите дека и по 10 години може да се смени и да покаже друго лице.
Како зборуваш како секоја свекрва да е иста. Најважна е личноста, а не дали е свекрва или не, или дека нагло ќе се промени кога ќе и се роди внуче. Може на темава има многу што свекрвата не им е погодена, ама не значи дека кај сите ќе е така. Каква генерализација значи.
Во ред, навистина ти посакувам да е така, твојата да не е дел од вештерките, ама баш тоа помагање што гокажуваш поминува во опсесија и посесивност и си земаат премногу за право. На пр. Топло пекол,пушташ клима, иде она со најдобра намера, како поискусна и постара, ти вика изгаси ја снајче климава ќе го настинеш и ете ти ќе ја послушаш. Утреден за како е облечено ќе чуеш како е правилно, ќе ти плаче, ќе дотрча она да го смирува како поискусна нели, ако и го дадеш ќе и стане навика, па после ќе ти се смачи да се осеќаш како неспособна па ќе се потрудиш да превземеш нешто во свои раце и тука доаѓа до судир (истово има шанси да е и со мајка ти). И така почнува таа хармонија да ја нема, секој добронамерен совет ќе те нервира, зошто секако ти најдобро си знаеш за детето. Тоа е генерациски јаз. Па уште ако и не сте навикнати на таква тензија, ако му се пожалиш на маж ти има шанси да застане на нејзина страна, зошто не е навикнат на такви ситуации и се што збориш ти ќе му е филмување твое, демек си љубоморна, посесивна, вака беше во мојот случај, ама среќа мм брзо отвори очи и сфати. Пак ќе речам, дај боже да не е таква, ама така е кај сите.Добра пријателка на мајка ми, што е едуцирана, препаметна, со добра кариера, кул жена, ми вика "срцка сите правила и принципи, што важеле за вас како наши деца,за внуците ништо не важи". Што очекуваш понатака? Мојава пред мене глуми демек строга, ме нема 1 минута, лом се остава син ми да направи, само за да ја сака, демек она добра е, ја лоша. Во фаза е кога све сака да отвара, да вади, јас не го оставам, цело време не, не,не-кам, и го оставам една минута, он сите 9 вратници од летната кујна испоотворени, она ме гледа мене, демек еве сега баш ги отвори и трча по него демек нееее бабе не такааа нее, ќе те карам.Прееска5 мин бев надвор во двор, не го оставив да отвара по шкафчиња, се стрча накај неа, знае дека она го остава да прави што сака, јас и го земав и реков јас кажувам правила, несмееш да го оставаш, те видам ли уште еднаш контра од мене да го оставаш да прави, доле ќе го оставам куќата да ти ја преврти збор нема да речам, а за горе ќе си важат мои правила. Штама. Едноставно толку ги сакаат, што незнаат што да направат попрво за да им се возврати таа љубов. Имам другарка истите проблеми ги има со мајка и и татко и, комшика со свекрва и, еден куп примери на форумов. Секоја чест на исклучочи.
Многу ми е јако жени што немаат деца велат јас на свекрвата скрос ќе ја оставам да ми помага. Ќе ве видам колку ќе ја оставате кога тоа помагање ќе се преобрази во преиспитување на вашата способност да сте мајка. Камо да не е така
И мојата свекрва беше китка за мирисање дури да се земеме со маж ми, ама после тоа си го покажа вистинското лице. Особено кога се роди поголемиот син. Кој што сака нека збори....поголемиот дел се лицемерни. Не ми е јасно...што има јас да се сакам со свекрвата? Ако му е мајка на маж ми не значи дека треба да и се клањам.
Нема овде проблеми со свекрвите, има проблеми меѓу сопружниците. Ако тие двајца не знаат да се организираат како семејство и дозволуваат од околу да им влијаат на одлуките, сами си се криви. Во превод: Мажот е крив ако не си ги регулира односите со родителите. Не свекрвата и свекорот.
Јас цел живот се молев ако се омажам да имам свекрва. Си замислував како ќе се дружиме. Се чудев како снаите и свекрвите се во лоши односи и едвај чекав јас да не бидам таква. Крајот го знаете веќе.
