Мене ми е уживање тоа спремање, сега и со ќерка ми заедно месиме си играме, едноставно овие празници ми се најубави а за божиќ ги посетуваме старите. А чекај малку како да се одреди кај кои родители да се оди? Или оние на сопругата се помалку луѓе. Нас никој не ни замерил Бадник дома се слави, а домот ми е со маж ми и ќерка ми.
Ама сте строги... Бадник е празник за најблиските. татко ми е сам и одиме кај него. Покасно одиме и кај неговите. Пак сме си ние семејство, никој тоа не го оспорува,ниту Бадник ако сме сами го потврдува.
Па да де, тоа се прави. Но јас јадам само крап и сакам тавче гравче, а не течен како што го прави она. И така де. Чудно е што сакам за Бадник со сопругот и со детето само?
Ние како и за се сме делени-Бадник со нив бидејќи се над нас во спрат, а Божик кај моите на ручек, Нема да се вечни, не се противам воопшто ама секој со својот избор
Кој како сака ќе си прави и како му одговара, во случајот ако сакате да си славите сами, ќе им најавите со време на старите да не планираат дека ќе доаѓате на ручек. Кој сака нека си слави со стари, кој сака сами. Нема лутење тука и навреди. Ние првата година славевме заедно, од втората па наваму си бевме дома за Бадник, а за Божиќ кај старите.
Такво место е заедничкиот дом, инаку кога се работи за гости секој си влече на своја страна. На 2 места не би идела, а и едноставно уживам да се припремам, декорирам убавината е во малите нешта еве и список имам направено уште сега, јас од кога знам за себе никогаш не не носеле кај баби и дедовци за бадник туку дома, не знам зошто старите би се лутеле и тие си славеле со децата сами, нели се во свое време децата пораснале и си оформиле дом.
Бадник е за сами дома, сами мислам на маж и деца..е сега ако се живее во една куќа и се руча на едно место тогаш да сите заедно со пола пола работи спремно, немора свекрвата само да прави, може и снашка за промена тавче гравче место чорба грав.. Ама најубаво делени сите сами како си сакаат...
Секој крај има свои обичаи. Како си практикуваат, како им е традицијата, така нека си прават. На луѓето им треба чуството на континуитет, кое се добива кога ја продолжуваат традицијата. Така се осеќаат блиску до своите а тоа е и поентата на празникот. Еве знам на пр. дека охриѓани не кршат лебче со паричка за Бадник, туку за василица. Мајка ми и татко ми се и двајцата од Скопје, и секогаш практикувале да си бидат секој дома за Бадник. Ако живееле во исто домаќинство со старите, младите седнувале заедно со нив (без разлика дали имале свој спрат). Ова сум го имала како пример во моето семејство додека сум била дете ама и во семејствата на моите роднини. Се собираат на вечера, не на ручек. Не оделе на тој ден никако во други куќи, ниту кај родителите. Тоа го правеле наредниот ден, за Божиќ. Ова беше исто и во куќата на свекрва ми. Додека бевме заедно сите седнуваме на една маса да вечераме. Единствена разлика имаше во менито, односно свекрва ми правеше јадење како што си правеле со нејзината свекрва (која била од галичкиот крај и си ги терала нејзините обичаи). Бадниковата вечера кај неа беше без ич зејтин, зошто практикуваа строг пост. Значи беше многу скромна трпеза, без многу различни јадења, ама вкусна и со внимание зготвено. Гравчето не беше запржувано, туку како што го викаше бело гравче само со сол варено во тенџере. Баба му на мм додавала и зрна пченка во него (за бериќет). Покрај лебчето со паричка, свекрва ми правеше и една пита солена, со фил од ореви и тоа беше специјалитетот на трпезата. Многу ми е криво што не научив да ја правам, иако ја гледав како ја прави и ме учеше додека беше жива, зошто беше премногу вкусна (морам негде рецептот да го најдам). Искрено, мислам дека ни сарма ни риба не стававме на масата (сарми мрсни со месо правеа за Божиќ обично). За десерт се ставаа костени, суво или свежо овошје и тоа беше доволно. @Black girl најбитно е да има слога во домот и со најблиските. Традициите се различни, ама сите имаат иста цел и поента. Јас сум долги години во брак и имав прилика да ги запознаам обичаите на уште два различни краја (од кои потекнуваа родителите на мм), покрај моите скопските. Добар дел од нив и сама ги прифатив, некои пак обичаи од моите родители ги задржав. Децата сакам да ги знаат и едните и другите. Низ годините си направивме и некои свои нови традиции со децата за празниците.
Ние сме делени сите посебно во куќата, ама за Бадник седнуваме на вечера кај свекрвата и свекорот. Јас сум задолжена за рибата, јатрвата за гравот, свекрвата за останатото. Заедно ја поставуваме масата. Мене ми е убаво така сите собрани. За Божиќ сме кај моите на ручек. Всушност за повеќето празници сме кај моите на ручек. Јас сакам да си се собереме барем за празниците и заедно да ги прославеме. Првата нова година со бебе, ги собравме кај нас моите и на мм и заедно ја дочекавме. Јас обично сум дифтар и си сакам сама и приватност, ама за празниците сакам со блиските да си бидам. Најубаво ми е така
Има една изрека "Не го прави тоа што не сакаш да ти го прават тебе" Тие се два големи празници кои се слават во кругот на семејството. За Бадник секогаш сме се собирале на една трпеза на почетокот готвеше мајка ми, последниве години готвиме заедно јас нешто благо она солено. Сама со сопругот јадам секој ден ама за вакви празници и круната и егото си ги вадам колку и да ми смета свекрвата, золвата и сл. Ова го кажувам бидејки со моите родители живееме во ист град, да сме со свекрва ми и свекор ми во ист град сигурно исто би постапиле. Иако не ми се по ќејф ама се родители на мојот сопруг.
Обичајот е дома да си за Бадник. Братучед ми неколку години живееја во заедница со тетка ми и во тој период и заедно славеа Бадник. Ама кога се преселија во стан и кажале дека дома ќе останат за Бадник, теткава ко разочарана. Абе и викам ти велеше дека за Бадниковата вечера треба секој дома да е. Да, да, ама до лани заедно славевме. Ама и викам до лани и заедно живеевте.
Сите знајме Василица е вистинска, вие за Бадник сте се фатиле. На посериозна нота, се е ствар на договор и да сакаш да си дома и да не одиш нигде е легитимно. Само е фер и другата страна да знај за то. Сепак се спрема нели. Зато и неќам очекувања и притисоци, туку комуникација. Некој вакви традиции ги сфаќа како време за потесно семејство, некои за пошироко. И то е океј. Лично, ние на празници одиме наизменично кај една баба, кај друга следен празник. И така асоцирам празниците пошто јас славам само од традиционален аспект и само зошто ги асоцирам со family time шо сме го граделе од ко сум родена. И сакам да одам кај бабите. Чисто оти нема да ми се во животот тука постојано. Ама океј е ако сте младо семејство и сакате да имате време за себе и да научите да се организирате сами. Сосем е легитимно. И зато не сфаќам ништо околу ситуацијата.
Ако се некој во заедница нормално е една трпеза да се постави и сите да се соберат, ама не гледам потреба за тоа доколку младите се делени, дали на друг спрат, различни куќи и слично. Нема што да се лутат старите, ама тоа е не се сите исти.
Нема потреба да се заедно, ама нема ни штета да поминиш два саати со родителите на мажот, посебно па ако си во иста ќуќа сигурно нивна па иако се разбрани луѓе зошто да не.
Јас живеам на посебен спрат и сум во супер одлични односи со свекор и свекрва. Откако реновиравме си мислев посебно да си славам Бадник, ама вака кога размислив и кога ми се створи слика во глава они доле сами, ние горе сами и каков е тој празник ако на најубавиот ден се делиме ?? За замерки, ете јас знам, сите знаеме дека трпезата Бадникова треба да е посна, ама свекрва ми си прави сукана пита со сирење... И нека си прави, додека може нека сука нека прави како што си сака, ако можам нешто да и помогнам арно, не ќе се расправам за една пита Бог да чува. Башка моите се разведени и цел живот Бадник го славев од куќа на куќа што се вели (де таму малце, де ваму малце) и сега кога ќе се собереме сите на маса за Бадник и Божиќ, мене срцево ми е полно и нема ништо поубаво од тоа!
