Јас искрено гледајќи ги моте сограѓани, особено младите не мислам дека се нема пари како што тврдите. Не знам како им успева ама сите се со коли, станови, викенди на планина или море, деца по спортови, дотерани, одмори, зимувања, кафани, кафиња, викенд ручеци по ресторани, му викам на мм, ние во странство едвај крај со крај врзуваме да не речам, а дома сите кукаат дека немаат пари, а сите живот на висока нога. Така да дека не можат да се одвојат чисто се сомневам, тие кои останале да живеат веројатно е оти така сакаат или оти имаат притисок од старите со тоа јас за кој градев, јас за кој купував. Кажав и предходно дека моите другарки сите се во свои станови на кредити, а не работат кој знае што, економисти претежно. Пред да влезеш во заедница мислам дека е паметно да се стават картите на маса, кои компромиси ќе се прават, како ќе се живее и што се очекува од сите, да снаата треба да се прилагоди на тој нов дома и не треба да се осеќа како во туѓа куќа, свекрвата исто треба да се прилагоди на снаата и на некои нови правила. Не може да се очекува дека нема да им сметаат и на едните и на другите некоја навика ама во секоја фамилија некому нешто му смета, ама се сакате и замижувате на тоа. И пак ќе кажам по не знам кој пат, не е ниту до бркањето по фиоки, чувањето мачки или начинот на кој го варете гравот, многу е битно да си имаш работа со добар човек кој има разбирање и на кој му е битна среќата на детето, ако свекрвата е таква без синдром на единствена жена во животот на синот и ако снаата има разбирање дека некои навики не можат да се сменат(како што не би можела и од свој родител да очекува да се смени на 50+ год) живот во заедница, колку-толку би бил поднослив.
Твое право, твој избор. Тоа не те прави подобра од некој што не сака да напушти жива душа што ја чува и сака безусловно , само бидејќи не е човечка. Нема потреба од компарации и етикетирања, тоа сакам да кажам. Секој си го брани своето. А за тоа што јас осеќам дека ми е свое и што ми прираснало за срце, си е моја одговорност.
никаде не реков дека ме прави подобра. Ама маче не е дете и дете не е маче. Ако имаш маче и дете и имаш еден залак, на мачето ке го дадеш?
Не знам што не е јасно кога напишав дека доколку старите се прашани и тоа е во ред со нив, треба сечиви желби да се почитуваат. Тебе на гости некој ако ти дојде и ти рече дека не јаде чоколадо, ќе му дадеш чоколадна торта, бидејќи е твој кров и твои правила? Претеруваш малку. Затоа мозокот ни е повеќе од имотен лист. Како што ќе очекуваш од снаата да се прилагоди на тебе, така и свекрвата ќе ги прилагоди своите потреби на неа. Не сум побитна, ама сум најбитна личност на нејзиниот внук- мајка. Што очигледно не сфаќаш што е, со оглед дека приоритет ставаш на животно наспроти здравјето на своето хипотетичко дете. Не знам јас што те навредив, но кога некого нарекуваш неспособен, биди малку и самокритична. И ти за некого си неспособна, во ред ли е така да ти каже? Може да кажеш дека се работи за избрзана одлука, за невина одлука, за недоволно планирана одлука, ама неспособни? Самата напиша дека си имала помош од страна за да се осамостоиш. Ако ја немаше помошта, ќе се критикуваше ли сама себе и нарекуваше неспособна? Тоа сакам да ти укажам, а најмалку како што гледаш имам намера некого да навредам. Секој си знае што е најдобро за себе и своите деца, но не секој ја има среќата и финансиите да создаде моментално повеќе.
Само ти имаш право на живот и потомство, бидејќи имаш 160 квадрата куќа. Другите во заедница или помала квадратура треба по логори да се распределат. Да дојдеш да се фалиш на форум за својот ,,успех" мене ми личи на сопствена фрустрација од претходна состојба. Ти си знаеш. Во ред е, сфатив, неспорно ти пречат луѓе што живеат во заедница. Не се сите паметни, имотни, богати со совршен живот како твојот. Што полза имаш само од темава кога јасно се гледа дека со презир дискутираш?
правило во дебата, кога немаш факти одиш кон лични навреди. ама да правиш дете и да живееш со свекрва и да се жалиш оти ти дала кров над глава не е во ред. ете им најдов станови нека фатат да работат најниско платена работа и ќе можат да бидат самостојни. Од твоите навреди ќар некој доби? Ако ти се осеќаш навредено од тоа што некој е смаостален а ти не можеш од лични причини, не се другите криви. Или си ти, или маж ти. Трет не е. Јас најмалку.
Земање на презимето на сопругот значи дека градам семејство САМО со него, не со него и неговото семејство. Живеење во заедница носи само проблеми. И да, веќе кога си отишол во НЕЧИЈ дом, ТИ треба да се приспособиш на правилата таму.
Твои желби во ТВОЈ ДОМ. Си отишла некаде кадешто друг го градел тој дом и да очекуваш дека сите ќе ги почитуваат ТВОИТЕ правила, е без памет.
Веќе надминавме ниво на дебата кога почна ти самата да ги навредуваш луѓето што живеат во заедница. Разликата меѓу мене и тебе е што јас не претпочитам да го делам имотниот статус на форум. Не ме прави тоа среќна, ниту пак имам потреба да се фалам со она што го имам. Имам за себе, колку што си имам. Ме интересира, која е потребата да доаѓаш на темава, освен да се пофалиш за својот имотен статус и да визуелизираш како би мочале под мостови ако не биле свекрвите?
Како што имаш право кога одиш под кирија да го наречеш местото-дом, така и снаата има право местото на свекрвата да го нарече дом. Што е разликата?
. Чка, не е секогаш заради немање пари живеењето во заедница. Во мое соседство живеа две генерации во иста куќа. Направија нова куќа, и таму пак живеат заедно. Водат бизнис добро познат на било кого во Македонија, парите за нив не се проблем.
What?! Сериозно ова прашање го поставуваш? Кога идам под кирија, јас плаќам за живеењето таму. Снаата плаќа кирија на свекрвата? Ако да, тогаш има право да си поставува свпи правила. Ако не, ќе ги почитува правилата на другите кои веќе живеат таму.
До бескрај можеме да се натегаме за презимето и никаде да не стигнеме, тој го зел од татко му и што сега? Зошто не си одберете сосема трето презиме кога веќе градите ваше семејство? Дали кога човек ќе изгради семејство со партнерот родителите престануваат да му се семејство? Овој пост што го напиша за да ми реплицираш е баш супер пример за предрасудите за кои зборувам во претходниот пост. Возрасни жени што се плашат од баба рога.
А ти од каде знаеш дали јас за помошта не сум се оддолжила? Што ме коментараш мене? Јас зборев општо - дека штом живееш со години со свекрва, а при тоа се оболуваш нервно и не преземаш ништо, да, си на некој начин неспособен бе. Имам една комшика, постојано се жали дека е во една соба со свекорите, а секоја година уплаќа одмор на море.
Е па ако идеш кај свекорот и свекрвата, тие го изградиле тој дом. Не можеш да очекуваш дека ќе се почитуваат твоите правила и желби зашто си била мајка на нивниот внук. Небулози пишуваш.
Понекогаш без осет сте со коментарите. Има заедници каде што сосема добро живеат и се почитуваат и снаата и свекрвата и такви што се на илјада километри растојание и пак имаат проблеми и нервози. Не секој сака и можи да се оддели и злобно е да кажеш дека само тие шо се неспособни не се одделиле, уште помалку дека не треба да имаат деца. Не е само Скопје, замислете има и други градови каде што речиси е невозможно да најдеш пристојно платена работа или воопшто да најдеш работа. Замислете, уште има газди што вработуваат на црно и (не) даваат пари на рака. Вие шо можите со 20к да плаќате кирија и сметки и со уште 20к останати трошоци, се гледа дека друг ви плаќа. Еве нека ме просветли некој како успева со 20к да помини месечно со храна (кога кило месо не е под 500ден, риба под 300, овошје под 100ден, мешунки под 300, хигиенски средства во вис), храна за на работа, превоз, регистрација за кола, гориво и амортизација на кола, греење (оти во Кичево на пример нема централно греење со илјадарка сметка цела година), па уште и деца ставате во пресметките. Можеби и двајца студенти во Скопје можат да се гледаат со тие пари, еве не знам. Се запнавте за одморот, да се прескокни за да се заштеди за сопствено живеалиште. По 1000е да се трошат годишно за одмор, за 50тина години можда би заштедиле за празен стан, на периферија. Па нека раѓаат деца на 80+ години де, шо има врска ко тогаш се оспособиле. Да, секогаш сум за да се тргнат настрана, макар и живееле во една соба, семејства што немаат пристоен живот, па и во палата да живеат. Ама луѓе што имаат сосема коректен однос и некогаш им дошло преку глава и дошле да се истишат тука, некогаш со реална причина, некогаш со глупост и прв муабет е 'иссели се од таму' ми е нон сенс. Човечки битија сме шо би требало да сме разумни и да знаеме да комуницираме. И не одат снаите во куќите на свекрвите, одат да живеат со сопрузите. Најмалку е битно на чие име е имотниот лист, ако во имотот живеат луѓе. Најјаки ми се тие шо не се ни мажени, ни чекор до мажење, а се најгласни. Скокнете, па кажете оп.
Баш така, затоа е банално да се прават споредби. Тоа што е твое, ќе ти биде најдраго. Ќе го поделам. Сум била израсната со таков принцип, додека јадам тост во парк, да дадам на улично маче и куче и на другарчето до мене. И со ист принцип ќе ги израснам и моите деца.
Мојата намера не е таа, ако ти така сфаќаш, не е мој проблем. Па не е твоја куќа ако не си ја изградил. И не е себично ова размислување. Не може некој дома да ми дојде и да очекува дека ќе важат нови правила. Ако не си вложил ништо во тој дом, логично, не е твој. Но, најлесно е да се биде во позиција на жртва и да се бараат изговори.
Да темава очигледно ќе постои уште наредни 100години. Пошто гледам дека млади генерации во 21 век имаат уште размислување како генерациите на нивната баба, мајка,свекрва и слично. Дека снаата треба да биде безгласна буква. Демек светот иде напред, очигледно овде се е назад. Тешко на вашите синови со вакви мајки пошто за 20,30години вие ќе бидете свекрви. И доста се правите најпаметни а другите неспособни. Па правите математички пресметки. Кирија под 200евра нема. И зборите како во Германија да живееме а не во Македонија каде што ништо не функционира како што треба. И за станбен кредит ви треба учество од најмалку 4,5 илјади евра. И многу други фактори за да ви одобрат. И плус не им помогнале на сите тато и мама. А ако некој само од штедење од плата купил стан сега на оваа возраст, па тоа е виц на годината. Се правите многу модерни сами живеење сами заработување и слично. А размислувањево околу заедницава, и односите снаа и свекрва ви се многу заостанати.
