Свекрвите и снаите – проблеми

Ма како да не цел живот ѓубре ќе фрлала, ај не си прајте филмови одма. Јас не ја правдам свекрвата ама не толку голема причина за да си го рушам мирот и конфорот, всушност тоа е и замислата на свекрва и.
А ти како сакаш можеш да ме сфатиш, сум живеела секако и знам како е, и од искуство зборувам дека не вреди со глупости да се замараш и да си го уништуваш здравјето.

 

Девојката што го пиша ова за ѓубрево даде пример дека еве едно нешто им е заедничко и пак ако сака некој да прави проблем ќе прави.
Ама еве пошто се фативме за ѓубрево да ти кажам и мене некој да ми тера инает јас ти пишав како ќе постапам. Не е поентата кој ќе го фрла, туку начинот на кој се тера инает. Као демек еве јас сум госпожа па не фаќам ѓубре за инает на снаата, за сите членови важи. И јас се прашувам оти не се вклучи сопруг, свекор и сл.
Ама да ви кажам дека многу е лесно вака позади тастатура да му речиш на некој одсели се или оди под кирија или купи стан и сл, а при тоа не му ја знаеш состојбата. Ако јас, ти, Јанко, Петко и сл. сме можеле не можат сите.
Пооди во туѓи чевли па седни напиши.

 

Браво за напишаново, и јас тоа велам, кога ќе ги облечат моите чевли, кога ќе го изодат мојот пат, дури тогаш можат да ми судат.
Само знаат "купете свое, одете под кирија", па ете може сакаат додека купат свое да не даваат пари по кирии и да седат таму, и тоа не им дава за право на свекрвите снаите да им бидат слугинки. Не знам како и под кирија, и да собереш пари за учество за стан, и да земеш кредит.
И кредит и кирија да плаќаш.
Забораваат дека живееме во Македонија. И никој не им ја знае ситуацијата, не дај Боже да се најдат во некоја таква ситуација, некои имаат болни деца па сите пари одат по болници, очигледно не знаат како е да се дава пари по болници, некои даваат пари за нешто друго. А тие што се мешаат, ако сакаш и на Марс качи се пак ќе се мешаат. И сега знам што следува "каде е мажот".
Па родители му се, какви сака нека се, не може да ги утепа. Што да им прават кога не разбираат некои.
Им се паднала добра свекрва, па затоа вака скокаат на секое, уште не знаат што значи лоша свекрва.

 

Јас прашав каде е сопругот, ама почнаа да исмеваат и да го бранат мажето. Зошто еве тој не го фрли ѓубрето? Зошто на мајка му не каже да го фрли таа? Ама најлесно е да кажеш свекрвата не го фрла. Ако тој до тебе не деле обврски, мислиш свекрвата ќе го направи тоа?

Ај доста си ги бранете мажите. Најпрво он треба да ве почитуваат, со него треба обврски да делете, од него треба да очекувате а не од свекрвата. Значи вие исти сте како неа, она од вас очекува,вие од неа. И така во круг. Само вие и свекрва дома чистите, готвите, ѓубре фрлате. Зошто мажот не го направе тоа?
Не мора да кажете, знам на сите вашите мажи ви се на службен пат, многу работат по цели денови итн итн. Веќе видена приказна

 

Ма ајде бре, на Марс ќе се мешале. Вие така си дозволувате, па си се тешите. И мажот ви е највиновен. Кажав и претходно, штом дозволува жената да му се нервира, тој не е маж, туку мамин син недоделкан.

 

Епа еве мм им кажува, не разбираат, да ги утепа ли?
И не, не сме дозволиле, нема разбирачка, не ви се паднале неразбрани затоа не верувате.
И мм е од моја страна, и тие знаат дека не треба да се нервирам овој период. Еве не се жалам значи, само се надоврзувам на мислењето, вчера му се јавила на мм и глупости му зборела, тој и се развикал и и спуштил, ова додека бил на работа, јас не му вртам додека е на работа ако не е итно.
Потоа ми пишува мене дека не и кренав дека јас сум го набуцкала мм, кога дојде од работа и се јави лом ја направи, сабајле пред да оди на работа пак му вртеше не и крена, по твое што треба да и направи, да ја утепа ли? Сепак мајка му е.
Таа ако е свесна нема да го нервира син и, не и е гајле за синот, не па за снаата ќе и гајле, и знае сега каде одиме и што правиме, и дека не треба да се нервираме, и мм ми вели да не се нервирам за глупости, да не ги слушам, да си терам по мое.
И не, не се жалам ниту барам совет, само доловува ситуација колку замараат. А тоа што пишав по твое што да направи, онака, не мора да одговориш. И сега не мора да го сфаќате Марс буквално, сигурно нема да одиме таму хаха.
И воопшто мм не е мамин син.

 

@Anyshka искрено мислам дека би требало скроз да прекинете контакт со нив, барем на некое време. Нека им каже маж ти дека нема да идете и да кревате слушалка додека не почнат да ве почитуваат. Око да не ви трепне, нека е родител, нека е кој сака.
Вака ќе тераат се додека им дозволувате и ќе ви ги тестираат нервите. Скроз пресечи па ќе видиш како ќе биде. Со некои луѓе за жал не може поинаку. Ама најбитни сте вие двајца и борбата што ја водите да ја завршите со успех. Верувај, ја така би играла небитно кој е во прашање.
Мирот дома ми е најбитен, се друго можам да тргнам настрана.
Ќе боли може за свој родител, ама зарем вака не боли кога тој те повредува?

 

Па тоа велам и јас, не мајка, што сака нека ми биде ако е безобразна ќе прекинам контакт, ама тука се светици веднаш рипаат немало ништо лошо да одиме секој викенд, родители му биле, какви се тие родители што си го нервираат синот.
Сега јас не знам главата кај ми е ќе одам по патиштата, ај да живеат блиску ок, па и тогаш не би оделе секој викенд, секој втор, кога ќе можеме. Колку само знам што прекинале секаков контакт со родители, браќа/сестри. Значи ако ми се родители на глава да ми се качат, истово важи и за мајка ми.
И од реченицата "каде е маж ви" коса ми се крева, ете и кажал што треба, веднаш помислила јас сум го набуцкала, што сака нека мисли.
Ќе одат господата во Германија за празнициве кај роднини, и раат.

 

Пишав дека истото важи ( мислењето мое) и за останатите членови.
Е сега јас не знам кај е маж и, вајда чим не го спомна сигурно фрла ѓубре, ама муабетот беше за инаетот на свекрвата.
Може и свекорот нема проблем со фрлање ѓубре, па не ги спомна. Не знам. Еве ако сакаш ќе се потрудам да ја најдам која беше што пиша па да ти објасни кај е маж и.
Може?

 

Живееме во зедница мм ,јас ,дете 3г и свекрва ми. Лани имавме доста проблеми и кавги главно заради неа
Демек ни помагаше за детето кога е болно или да ја земе порано од градинка да не останува во последните , праеше ручек (затоа шо не сака да јаде од мене ,изговори ја болел желудник од ,,модерните " јадења ) ама се низ нос извадено. Јас најлоша мајка на свет ,не знам да ја облечам ја разболувам и сл. Ќе го набуцкаше мм додека сум на работа (имаше операција и беше на боледување он ) за јас ко ќе си дојдам да ме пречека со желба да ме тепа ,немав кај да одам детето беше мало моите се далеку. Се закануваше дека веќе нема да ја видам ќерка ми... буквално еднаш сакаше да ме удри додека беше детето кај мене во раце истрпив се тоа ,секако у меѓувреме правев план како ќе избегам од таму но еднаш на посмирено му кажав дека следен пат нема да ја спуштам топката туку ќе идам до крај ,да видиме на насилник дали ќе му додели некој дете од тогаш имаше уште еден обид. Само му реков пак ли почнуваш и се запре излезе се врати по 10 мин и толку беше ,тоа беше мај месец лани. За ова од пошироката фамилија никој не знаеше ништо,а свекрва ми никад не изреагира. Не е можно да не слушала . Во скоро золва ми збореше со нас и кажав некои работи , мм како да му се уклучи кликерот ,следното расправање неа и спиштил до тепање (што не ми се допаѓа но едноставно нема друг начин ) од тогаш таа стана полоша почна нас да ни збори дека секоја вечер сме се карале полиции ќе ни викала и слични глупости што сега не е точно како што кажав од мај не сме се скарале воопшто.На ќерка ми не знам што и збори ама детето смени понашање сосема. Само плаче и прашува дали ја сакам... колку и да не сакам да мислам дека таа и зборела така не можам.
Знам дека ќе кажете идете под кирија, ама не сака мм зошто премногу вложил тука...
Ме мачи исто тоа шо додека стварно имавме проблеми меѓу нас никогаш баш никогаш не изреагира за да сега ги халуцинира истите...

 

Зошто толку иронија? Еве нека тера и она инат и нека не го фрла ѓубрето. Нека ставе посебно канта за нив. На таквите само така. Не можеш на некој да бидеш слугинка. Ама кога гледаш дека не бива, ќе си бараш решение. Заедно со маж ти секако. Со него си во брак

 

Има ли можност детето да не останува насамо со неа? Од градинка да ја земате ти или таткото, што ако остане последна?
Јас на ваква вампирка дете не би оставила. Не ме чуди да и зборела дека ти не ја сакаш.

 

Не го оставај детето на само со неа ниту минутка. Сигурно ѝ зборе лоши работи за тебе штом така реагира. Подобро во градинка да е, отколку да и зборува неубави работи за тебе

 

Маж ми е по цели денови на работа ноќе во 7 се враќа и да он го фрла кога не можам јас. Јас не се жалам за фрлање ѓубре туку тоа што она кажува самата колку е одвратна она можела се да прави ама не сакала од инат, а за што инат прашај ја ни самата не знае. Се жали секој ден како живеела она со свекрвата што и правела а она дупло полошо прави и маж ми и го плеска тоа еднаш и рече за да си сфати убаво дека на стари години нејзе никој нема да ја гледа од што е таква одвратна и пак си тера по свое

 

Сите се фатиа за ѓубрето, а ти го пиша како пример, ете и за Марс се фатија, се буквалисти.
Ајде важно кифлите и питите завршија, се замесиа, се изедоа.

 

На балканов е табу тема прекинување секаков контакт со токсични родители. Дур сме тука ( во нивна куќа) заради децата не можам да ги заклучам да не идат доле кај нив, мора да контактирам. Го чекам денот кога ќе си заминеме ги бришам од список на живи, буквално како да не постојат. Тоа и маж ми ми го има кажано. Што си сееле сиве овие години ќе си жнеат на крај. Маж ми многу пати уз муабет или кога ќе се скараат им го кажал тоа, ама они за инает продолжуваат. Не сваќаат дека во старост ќе нема кој да ги погледне дали се живи, истото и деверов ни го има кажано за јатрвава муабет да не правам што има од нив доживеано. Од двајца синови ќе останат без ниеден заради нивната глупавост, лошотилок и неразбраност.

 

Не сум допишала ,од последната кавга (неделата ) мм и кажа дека веќе нема шо да ја зема ќерката и дека и е забрането да и збори и малата да иде таму ама заедница е ја кога ќе отидам до тоалет малата оди таму и не сакам преку неа да се препукуваме ама изгледа ќе мора. Пишав у друга тема што се случува со детето од тогаш...

 

Прочитав затоа и ти пишав да не бидат сами никако. Во тоалет колку време ќе се задржиш, сигурно не доволно за дотичната да направи проблем. За такво нешто доколку е вистина, да ми го врти детето против мене би ја ишамарала без око да ми трепне.
А ти периодов остави се друго и малку повеќе време поминувај со детето во смисла играјте заедно и правете си муабет, децата така се отвараат и зближуваат, може и ќе ти каже каде е проблемот ако се случило нешто. Користи шанси да ја гушкаш повеќе и да и кажуваш дека ја сакаш, шетајте, идете во игротека, слаткара, направи и да и биде убаво со тебе и да сака да поминува време со тебе, а не со бабиштето. Не викам дека не го правиш тоа, само гледај да бидеш посветена повеќе на нејзе зашто тие години се доста критични кај што осознаваат повеќе, размислуваат логички, манипулираат, тестираат граници.

 

Чекај малце, не знам дали добро разбирам. Значи маж ти неколку пати кога сте се карале, тргнал да те тепа, ама сега од мај досега се потсмирил, па тоа веќе не важи, золвата и свекрвата се проблемот???
Не велам дека не се, можеби се, ама што е со мажот, па уште не се селиме оти тој вложил во спратот?! Како демек многу важно е што тој вложил или сакал покрај ова другото?!?!

 

Кај пиша жената дека золвата е проблемот?