Свекрвите и снаите – проблеми

Мојата свекрва пред 10-12 год коментираше дека домаќинка синот сум и го направила. Ред солзи ред мрсули.
Ама сега на старост кога се немоќни им се најде домаќинкава.
Па фала снашке. Не не треба.

 

Се пронајдов во приказната на баба ти и дедо ти.
Во улогата на баба ти..

 

Во кој дел ?

 

Исто беше и баба ми, дедо ми не знаеше кои лекови треба да ги испие, чекаше од баба ми. Неа и да ја болеше нешто на страна си се тргнуваше, а дедо ми само офкаше. Затоа баба ми почина на 68г, а дедо, пред се жив и здрав да ни е. Уште не е научен сам да си завршува се, мајка се грижи за него и си има платено негувателка која му го овозможува се тоа што баба ми го правела.
Мајка ми и татко ми е скроз спротивно, секој си ги завршува обврските сам, дури и кога мајка заглавува на работа, татко ми спрема ручек. Се е ствар на разбирање и секако времето се менува.

Ме насмеа со ова, имав и јас ситуација каде што бевме со мм (тогаш ми беше уште момче) и ручавме заедно со баба и дедо и ме изнервира во една ситуација и му се одврекнав и се случи една непријатна тишина. После ручек и помагам да ја раскренеме масата и лекции за животот, ако така сум се понашала, ќе ме оставел, не знам ти што, тој ќе ти биде маж, ова, она, сум требала да молчам... Не влегував во конфликти пошто они си имаа посебен тип на живот кој во денешно време ретко го има, барем јас мислам така.

 

Ај тоа. Така терале. Баба слугинка била. Паметам баба ми нејзината свекрва како ја гледаше. Секоја вечер ја масираше, ама буквално. Со креми, плус и друга нега.

А за другово. Се сетив, имав дечко 3 год, ама бев тинејџерка тогаш, не беше некоја сериозна врска, само изгледаше така од страна. Ми пукна филм, раскинав, ме третираше лошо. И дедо ми ме седна, ми викаше да сум одела да се смирам, срамота било. Зошто сме ја растуриле работата. Му кажав дека ме изневеруваше тој и дека не се однесуваше убаво. Дедо ми на тоа ми одговори дека за однесувањето касно било, каков таков требало да се навикнам. А за изневерувањето, сите мажи го правеле тоа, па не сум требала да се лутам. Што ако некоја му се упикувала ? Он кога бил млад имал ситуации жени сами да му доаѓале, глупо било да одбие. Ама ова скришно од баба го кажа...

Од други роднини имам дознаено дека бракот помеѓу баба и дедо бил на некој начин договорен брак. Дедо стар ерген на 28 год, а баба имала 19. Ја видел негде, си рекол убава оваа, чија е што е, се распрашал и отишол одма да ја бара од нејзините.
А баба си имала збор дадено со друг некој, не биле верени, ама се среќавале. И од дома и рекле: " тој не те зема до сега, овој еве одма ќе те земе" . А плус богат,(во тоа време) куќа голема имал.

 

За свекрвата на баба ми не ми се збори, почина на 98г!
Паметам пошто беше во пелени, баба ми на сред зима переше надвор да ја гледаат комшиите што работи, а дедо ми не ја погледнуваше!

Инаку ме изнасмеа со тинејџерскиве години. Паметам баба ми ми имаше кажано тој што ќе ми е прв треба маж да ми биде.

Инаку голем број се така наместени бракови.
Ми текна за една блиска роднина дека имаше 9 деца и кога бев мала ја прашував како толку деца имаш и секогаш викаше ʼʼА ќе се стемни бабе, дедото врз мене беше и не смеав не да кажам”.
Охх, пусто старо време!!!

 

Леле исто. Свекрвата на баба ми беше околу 90 год. Исто дедо ми не ја погледнуваше, сместена беше во визбата сама. Баба трчаше околу неа.

А ова за да гледале комшиите. Ме потсети дека мојата баба ме тераше и мене да спростирам алишта, за комшиите да ме гледале оти сум вредна и јас . Ми викаше еве едно комшиско девојче го правело тоа.

Поентата ми е на цел муабет да дадам заклучок, дека во тоа време они многууу ја тупеле.
Те маж да не налутат.
Те свекрви да импресионираат.
Комшии да импресионираат.
Трчале како робинки. Така ги учеле од дома, и го прифатиле тоа како нешто најнормално.
Ден денес е така. Дедо ми е починат, баба рече до крај на нејзиниот живот само црна облека ќе носи. Друго ми е смешно, еве на фризер се фарба, ама си оди од фризер со мокра коса. Дома се суши. А во цената и е да ја исфенираат, ама што ќе речел народот, вдовица жена ќе се средувала.

 

Не мислам дека е нешто сменето многу денес,на Балкан уште се живее во патријархат,ЖЕНА кога ќе се разведе одма има етикета РАСПУШТЕНИЦА,за маж нема таков збор.Фемицид и плукање има секој ден .Која е разлика сега ако живеам со свекрва,знам дека нема да преживеа,па златна била.Не дека се мои родители се перфкт,мене ми е исто ако си со некој плус освен маж и деца која разлика.Сум живеела и во заедница ,конци искинав за самостојно живеење ,висока цена платив со здравје ,ама ИЧ НЕ МИ Е КРИВО.Дури и по некој случај да се разведам ,кај свои родители не седам.

 

За греота се муабетиве.
Не сме биле никогаш Авганистан, ама договорени бракови, седи и трпи, слугувај, гледај ги сите и пази ги ко тодлери, не кажувај не за секс, 9 факинг деца да родиш и гледаш, и ме дај боже сама себеси да се ставиш на прво место, па можда само некое ниво било подобро од таму. Па и образование, еден куп жени на 55-60 има што никад не учеле факс зашто пресветлиот брат одел само.

За мене конкретно, вакви глупости завршија во моја фамилија со мене. Баба ми го гледаше дедо ми ко тодлер, буквално слични муабети ко погоре. Мајка ми е поарна, ама си го држи менталитетот, послушно дете е на баба ми. Јас од друга страна, ова му беше бунтовниот дел ваљда, се што сакав во врска, брак правев она што јас сакав и мислев, и уште праам. Не ме занима што мислат ама ич. Лошо е што гледам и слушам истомисленици ко баба ми и во млади жени, што е алармантно малце, ама крај краева нивен проблем.