Свекрвите и снаите – проблеми

Мене нешто не ми е јасно со проблемов на vichy.

Станот каде што таа и маж и' живеат е (бил) на свекорот и свекрвата односно тие го имаат купено одамна. Ок, до тука е јасно. Е сега откако vichy и маж и' се земале они им го даваат станот во нивна сопственост (иако не знам колку законски е се' тоа регулирано). Значи свекорот и свекрвата не живеат во Македонија, станот кој го купиле им го дале на младиве да биде нивна сопственост и да си живеат и да си го уредуваат како што сакаат. Епа што мајка бараат тогаш кога ќе дојдат тука да се однесуваат како газди? Мене малку ова не ми е нормално. Ако им го дале станот на нив тогаш станот е веќе на младите и тие двајца живеат таму и тие двајца се сега газди на тој стан. Значи однесувањево не ми е ок. Пример, утре јас ќе се омажам, моите на мене и маж ми ни даваат куќа за да живееме, со тоа што таа куќа да си биде нормално наша. И тоа значи дека татко ми може да доаѓа кај нас кога ќе му текне, да седи колку на него ќе му текне, да си прередува во цела куќа како на него ќе му текне, да ми чепка по приватни работи, да ми става негови алишта во нашиот плакар и за се' да треба него да го слушаме? Само зашто ни ја дал таа куќа? Па не ја дал на комшии, ја дал на сопственото дете. Значи кога веќе го дале тој стан, тој стан си е на младите. И не ја разбирам потребата да доаѓа и да прередува како на неа ќе и' текне. Јас познавам многу млади брачни парови, на кои родителите им помогнале, им купиле итн па не се однесуваат вака. Всушност премногу ретко е да најдете некој кој сам си купил куќа или стан. На сите родителите им купиле или им помогнале. И тоа значи дека треба родителите да се однесуваат како во сопствен дом кога ќе отидат кај младиве? Тоа им го поклониле веќе и тука е крај. Ако прават така подобро и да не даваат. Јас лично да знам дека татко ми утре вака би се однесувал и низ нос да ни вади ако нешто ни даде или помогне, подобро да не ми дава. Иако знам дека нема шанси да биде така. Татко ми еднаш во месецот влегува во мојата соба, која тој со сопствени раце ја има правено и јас ни денар немам дадено за неа, па пак почитува приватност и пак ќе кажам од прагот внатре нема влезено, а не да ми чепка по плакари, само зашто он ја има направено. Малку почуден пример дадов ама исто е. Имав другарки што имаа ваков проблем, не толку изразен ама понатака повеќе ќе го осетат. "Јас ја направив куќава и има да биде како јас ќе кажам. Собата каде што седиш, учиш, итн исто јас ја направив и таму има да важат мои правила." Е со овие зборови им збореа. Утре истиот тој да даде стан или куќа на своето дете ќе биде ист како свекрвата на vichy.

Јас мислам дека свекрвава на vichy има некоја потреба или фабричка мана за доминантност. Работава е "Јас ви дадов да живеете, да не бев јас ќе трпевте за леб и ќе живеевте на улица, затоа има да ме трпите и ќе биде јас како ќе кажам". Од ваков човек со километри да бегаш. Туку Vichy јас пак по не знам кој пат ќе ти кажам дека тука е маж ти најмногу крив. Нема карактер, нема свое Јас, нема став. И мислам дека нема да се промени тоа. Твое е или да си трпиш, или да си одиш од таа куќа. Друго нема. Пробај да го промениш маж ти ама тешко.

 

КАКВО ТЕНЏЕРЧЕ- ТАКВО КАПАЧЕ,
КАКО СЕ ОДНЕСУВАТЕ ТАКА И СО ВАС КЕ СЕ ОДНЕСУВААТ.

 

и да речам дека сите други работи ги разбрав,никако не можамда разберам од шо мака за инвитрото расправаш со свекорот и свекрвата.тоа е интимна работа само меѓу тебе и мажот ти и никој друг.ке барам дозвола или па ке и давам отчет што и како ке правам на свекрвата.и да си во најдобри односи не мислам дека е прашанје за кое ти треба нивна согласност.или ги обвинуваш нив оти со мм не можеш да се усогласиш.е тоа е веке проблем

 

Јас се трудам сега Виши да ја разберам. Гунџа она понекогаш ама девојкава стварно има мака.

Прво и основно, тоа што феминава погоре ти го пиша, станот ви го дале да живеете во него зошто сега се мешкаат. Тоа мила моја треба маж ти да го среди а не ти. Седни со него и озбилно направи муабет, вака и вака, јасно и гласно а не со докачки закачки. Е сеа ако нема решение а не сака да одите и во куќата од твоите значи дека на него не му е дојдено до ваш заеднички живот туку до живот со неговите. Ти како што се жестиш со нас овде да се жестеше со свекрвата многу далеку ќе догураше. Што е тоа, купувале па ќе ве поседуваат? Што сте вие, студенти под кирија? Мислам не разбирам. Јас седам во една соба, баш како студент, напикана по ќошови, врз плакари наредена со ствари, ама знам дека нема да биде вечно па затоа се трудам да поминам преку тоа. Мене ме советуваа, и двајцата работите земете си кредит и кидавела, не е така едноставно, јас сум на договор, немам решение, иако работам во јавна администрација не ми е така сигурна работата, мм работи во добро поткована приватна фирма ама кој бре ќе му даде хипотекарен на 20 години во приватна фирма Да имам куќа од моите и да можам, абе сместа се селам бре. Сестра ми кога се иселија баба ми и дедо ми се реши од рушевина куќа да направи за да се тргне од ќирии, да се средат еднаш веќе, еве ја во недоправено се всели само за да не седи повеќе со свекрвата бидејќи немаше разбирачка таму. И на нас ни ветуваа брда и долини, ама ништо од тоа, пропадна се, како кула од карти, ништо од тоа не остана, затоа со мм решивме сами да ги превземеме работите во раце, сами ќе гураме, ама никој нема да има право да ни каже еве ви дадовме.

Второ и многу битно, најбитно, ти мила немаш мака со свекрва, со мти имаш мака, тој ти е мамино мазе и од него сите проблеми ти потекнуваат да си знаеш. Ако мти ржне и се исправи пред мамичка и татичко дека нивното завршило со моментот кога тој потпишал во матично, свеки нема да може ништо да каже. Какво е бре тоа размислување, инвитро давало фалични деца, мислам дај молимте, па ти да останеш трудна таа нема да ти даде на гинеколог да отидеш, нели тоа е вештачко. Свекрва ми еднаш се осмели да прокоментира со кумата моја дека избрзувам со бременоста и на наредниот демек коментар, не директен одозгора одозгора, да сум планирала да останам бремена на лето и кажав во лице, кога ќе даде Бог тогаш ќе го раѓам, без многу филозофии, а мм пред неа ми направи да пукне и никој повеќе не проговоре ништо. Маж ти среди си го па после свекрвата сама по себе ќе се среди, така да си знаеш.

 

теси ептен добро проценуваш карактер,браво ,со свекрва ми можеш да направиш човечен муабет некогаш ќе те ислуша без прекинување,но почесто прекинува давајќи објаснување зошто така мисли дека е исправно,и според нејзините гледишта ја разбирам,но она има 70и кусур,времињата се сменети,не е се како кога она била млада,ама не разбира,еве и мајка ми е повозрасна 66,ама е во тек дека се сменети времињата,разбира не се,ама барем можеш да се разбереш.

 

Aнгел,истиот совет го доби од феминките на самиот почеток,дека проблемот е до партнерот нејзин..ама нејзино си е ако прифати или не

 

Таа гостин? Во сопствената куќа?
Море треба тебе да ти го покажат кај ти е местото,не да изиграваш газда на туѓа територија.
Шо било ова млади жени кои допрва треба да се докажат на сите полиња,сте се опседнале со свекрвите,како тие со сила да ве омажиа,па сега сите фрустрации ги исфрлате на нив.
Треба за почеток Виши и мажот ти исто таков третман да има со родителите твои,да се прави газда на туѓа територија,а притоа да ги брка од сопствената куќа,па да видиме како тогаш ќе се осеќаш

 

Па затоа и реков да не ја сфати погрешно. Сепак, vichy најдобро си знае што и како е, овде можеби ги преувеличува работите. Таа мисли дека е во право, свекрва и мисли дека е во право. За ин витрото потполно се согласувам со vichy, свекрвата нема потреба и не смее да се меша во тој дел и да соли памет. Од друга страна за станот, vichy зошто не излезете ти и мажот ти под кирија? Ако не сака во твојата куќа, одете на друго место, поблиску до неговата работа. Парите што ги земаш од киријата, ќе ги даваш за кирија. Барем помирна ќе ти биде главата. А станот оставете и го на свекрвата, ич да не ти е гајле за тоа.

 

Виши, тоа е така. Тука е така. Премногу економски свесна средина сме и ретко тие кои успеале да створат нешто повеќе се широки во душата, туку дебело си го “наплаќаат“ тоа што го створиле за други. На запад (пак ќе го спомнам оти знам примери), не ни чувствува потреба да ти вети нешто или да создаде имот за снаата/зетот. Тоа ми пречи и затоа ниту јас самата не сум великодушна ако искрено душата не ми го бара тоа од мене баш поради тоа што не сакам утре да го злоупотребам.

Јас те разбирам, не треба да ве третираат ако ви дале како стока, но ете, повеќето се такви, „јас што све имам направено за вас, кров ви дадов, леб ви дадов“, во секоја куќа можеш да го слушнеш тоа. И затоа ако имам дете еден ден ќе го воспитувам да не чека од мојот имот и мојот алал, туку уште од мали нозе да се учи самото да создава. И со снаата/зетот поарна ќе си бидам и со детето. Ни снаата нема да има очекувања дека ќе добие нешто од мене затоа што и синот не треба да има такви очекувања. Во спротивно, ќе значи мое потфрлање како родител. Јас така мислам.

Птицата кога ја гледаш како ги учи и пушта да летаат малечките ќе си речеш „бре што сурова е“ затоа што буквално ги брка од гнездото, а ги гледаш толку малечки и беспомошни, но со тоа им дава голема ука во животот што утре и многу пати може глава да им спаси. Твоите свекор и свекрва за жал, го лишиле маж ти од таква ука и затоа нити може да биде добар син, ниту пак добар сопруг и поддршка. А тек па каков родител би бил, тоа никој не може да го знае...Затоа пред упорно да трчаш да направиш ин витро, размисли си уште еднаш, дали навистина ти е ОВОЈ човек потребен за да основаш семејство со него? Зашто и те како е битно со кого создаваш семејство во животот.

 

Jas licno vo momentov sum izrevoltirana pa ke vi objasnam od aspekt na zolva kako izgleda seto toa.Bezobrazluk i nepocituvanje kako i nekultura doveduva do losi odnosi pomedju snaite i svekrvite. Svekrva vo slucajot a mene mi e majka mozam da kazam deka ne se osekam prijatno da nekoj ja iskoristuva mojata majka za toa sto mu odgovara i togas e dobra svekrva a koga nema interes e losa. Izvinete i jas sum kerka i sum snaa boze zdravje ke bidam i svekrva no nema da dozvolam nikoj so mene da se odnesuva bezobrazno.
Zivotot vo realnosta e podelen na periodi, i toa prviot period e koga se ragjas vo edno semejstvo, kade sto zenata koja te cuvala devet meseci pod nejzinoto srce te gleda na poseben nacin i go dava svojot max da ti bides najdobar toa e necija majka ili svekrva.
Vtoriot period e koga sozdavas svoe semejstvo so nekoj koj e cuvan na poseben nacin, no i ti ragjas posebno dete zatoa sto toa e najubavoto nesto sto ti se slucilo vo zivotot, uf ti ke bides necija majka ili svekrva.
A sto ako imas i kerka i sin, gi sakas podednakvo.Zar moze tugj sin ili kerka da go zameni nivnoto mesto? NE !
No ako nekoj gi saka tvoite deca i saka da ima nesto posebno so niv togas ke dades sansa zatoa sto ja posakuvas seta sreka na tvoite deca i kako majka i kako svekrva.
Tretiot period e najubav kade sto treba da uzivas zatoa sto tvoite posebni deca koi gi sakas beskrajno imaat posebni deca........ sega si majka, svekrva i baba.....

Od seto ova ako znaes da se pocituvs sebesi, ke znaes da gi pocituvas site okolu sebe a najmnogu svekrvata!
Pozdrav do site koi imaat nesto posebno, Jas imam posebna majka koja e necija svekrva...

 

Stelastrahinja,па нормална е таа реакција,секој за своето да го боли,како тебе што те боли за мајка,така и мајката ја боли за ќерката,поготово кога" сваќата "ќе се изживљава на ќерка и.

 

Спојлер

Ништо не разбрав! Периодите во животот ок, ама каде е искористувањето од снаата кон свекрвата, објасни!

 

Мислењето многу ми се допадна, но да е така во стварноста би било убаво. Всушност свекрвите забораваат на тоа дека цитирам ,,,No ako nekoj gi saka tvoite deca i saka da ima nesto posebno so niv togas ke dades sansa zatoa sto ja posakuvas seta sreka na tvoite deca i kako majka i kako svekrva.
Има безброј случаи каде даваат се од себе да направат да им биде животот пекол а не обратно, се со цел да тврдат упорно оти биле постари биле попаметни и секогаш биле во право, а фактите укажуваат на тоа дека врска од животот немааат.Тоа најмногу фрустрира и не можеш да останеш рамнодушен. Било какво мислење или укажување го сметаат како напад, па затоа и така се понашаат. Со нив нема компромис, само војна.

 

Па баш ради тие очекувања од средината кои, ете, не се природни и создаваат фрустрации. Свекорот и свекрвата на Виши не им го отстапиле станот за престој со голем алал или од голем ќеф, туку затоа што ете, на едниот син дале, а другиот срамота е да оди кај снашката.

Што ќе речат комшиите? И пусти комшии за да не речат нешто, многу често постариве генерации прават работи кои се косат со нивните желби, како и со човековата природа. Сигурно и како снашки, жените правеле многу работи кои им се контраат со нивниот ќеф за да не речат нешто комшиите. И затоа многу свекори и свекрви утре тој дом и седењето во него го вадат низ нос. Затоа што не е природна доволно целата таа ситуација. Не е природна ниту една ситуација во која правиме нешто великодушно без ќеф.

Од таквите очекувања и многу снашки/зетовци си прават математики што не им е место да ги прават и после разочарување. Не ги прават тие математики од шо се лоши или злобни, туку затоа што тоа е нешто што средината го очекува. И некој ќе рече „ама тука секој скоро живее од на родителите“. Да, ама тоа не го прави повеќе природна ситуација. Некои ги има бре со срце king size шифоњер и нема ни да осетиш ни прекор ни спуштен муабет, ама тие се многу ретки.

Јас и мм од никого не чекаме, сме имале мала помош, која ден денес ја сметаме за многу значајна, но сме биле подготвени и без неа да се снајдеме и сто пати ја возвративме. Веќе долго време помина како се решивме сами да се бориме. Не затоа што имавме одвишок пари за авантури правење од животот, не затоа што беше неиздржливо, не затоа што се скаравме, напротив ден-денес сме си добри, туку затоа што е природно да почнеме една конструктивна борба во животот која ќе не` доизгради како луѓе. Помалку комотно живееме од одредени аспекти, отколку што би живееле во домот на неговите родители, но од други, многу поважни аспекти пак, чувствуваме дека направивме вистински избор.

Но, и тоа е индивидуално. Нешто што мене ми е комотна ситуација, некому му претставува зрното грашок под стоте душеци кое не му дава да спие. Затоа, важно е да си ги разгледате првин своите приоритети, ама вистински да си ги признаете, па потоа дури да се обидете да се разберете со сопругот за истите.

 

за сите нас мајките се најдобри, на мрава не газат, незначи дека истата таа добра мајка е и добра свекрва. не, не значи туку тоа не постои!
еве ти една ,,приказна,,

 

И јас не разбрав ништо...ова беше само колку да се напише нешто или...?

 

^^ Значи ти се спремаш да бидиш свекрва? Инаку живееме во 21 век бакнувањето нозе на свекорот како традиција одамна го снема, сега гледаат младите што почесто да се сами за да не дојди тој судир на генерации.Се надевам дека мајка ти е почитувана свекрва, а за безобразлукот итн..секој како си заслужил нема да почитувам некој само заради што мие СВЕКРВА и што го носела маж ми во стомакот 9 месеци лооооооооол.Секој треба да си ја заслужи почитта. А ти ако имаш нешто посебно драга золво мило мие но не сите ја имаат таа среќа.

 

Ама ако не се однесуваш ни ти безобразно, така ????

Зошто, не мо7еш да бараш другите со тебе да се добри и фини, а ти да си безобразна.

Не знам зошто, ама постот кој го напиша како да е напишан со огромна нервоза, фрустрација, бес...или мене така ми се чини ?

 

Пред недела дена се скаравме со сопругот за неговата мами и тој ме удри,јас експресно си заминав кај моите,тој сега ми се јавува ме моли да се вратам,ми вели сам бил тагувал по мене сватил дека јас сум му битна,ја испратил свекрвата кај другата сестра во црна гора таму е омажена на гости да поседела месец два,и како ние ке сме имале време сами да го средиме односите да се вратам,размислувам но никакода се одлучам дали да му се вратам,таа по два месеци пак ке се врати и пак ке биде по старо,затоа и сум неодлучна,дајте некој совет од поискусните феминки на оваа тема,позз.

 

Штом еднаш се осмелил да те удри, ако му се вратиш, вториот пат многу полесно ќе се одлучи на тоа. Првиот шамар ретко останува последен, па дури и кога е така, најчесто други проблеми се јавуваат.