Сезонски промени во расположение (Seasonal Affective Disorder - SAD)

Не би рекла дека имам SAD. Мислам дека за таква дијагноза е потребно повеќе од sunny weather makes me happy.
Инаку мислев дека ме афектира, ама сфатив дека кај мене не е баш до времето.
Генерално кога е ладно, врне, облачно е некако луѓето се позатворени. Поудобно се осеќаат дома на такво време. Се осеќа некоја апатија кај луѓето и ми влијае психички. Ама не е баш дека времето само по себе ми влијае. Не знам дали тоа има смисла.

Се пронаоѓам во 3-4 од симптомите, ама пак, не знам дали тоа е доволно.
Мислам дека кај нас нивото на грижа за менталното здравје е на завидно ниво, дури и кај дел од професионалците на тоа поле. Затоа мислам дека има доста луѓе кај нас кои патат од SAD, ама веројатноста е дека не знаат, ниту некогаш би дознале.

 

Ако имаш цело време депресија нема да имаш временска.

 

Јас поима немав дека постој вакво нешто, ама сега барем дознав зошто секоја сезона есен/зима јас сум безволна, буквално чувство како да не ми се живее.
Не знам дали се коси со досада ова, бидејќи овој период сме повеќе затворени дома, бар до сега вака си го објаснував чувствово.

 

Освен што многу ми се спие зимно време неам друг симптом. Посебно кога надвор е мрачно, врне и е ладно. А пролет најубаво се чувствувам

 

Јас ја имам зимската форма, особено најлошата нејзина карактеристика брзото накачување кг. Замор, тешко будење насабајле и најмногу што ми пречи доцна заспивањето и будењето низ ноќта и сабајле сум ужасно тешка за расонување. Последниве години како еден начин за справување ми е кога ќе почне променливото време кај нас гледам да заминам кај што уште трае летото и има повеќе сончеви денови за да серотонинот не ми се намалува поради недоволна сончева светлина и намалени денови, што е карактеристично во зимските месеци кај нас. Исто така гледам попладне да прошетам во природа, да се заморам убаво попладнето ноќта да легнам навреме или ако пак легнам подоцна бар од уморот помирно да спијам и да не се будам често низ ноќта. Порано приквечер вежбав по дома ама видов ми прави немир па ми смета на спиењето, затоа сега попладне гледам да прошетам. Ако не отидам на редовната прошетка, го зимам кученцево и шетаме наоколу подогло од вообичаеното. Друго гледам да не грицкам навечер ме оптеретува и ми смета, и ептен ако не заспивам земам додатоци на база на валеријана, порано и мелатонин земав ми помагаше. Сега најголема помош ми е редовна попладневна прошетка и доволно заморување и има ефекти.

 

Јас се сомневам дека го имам зимското SAD. Ги имам скоро сите симптоми што се пишани овде освен покачувањето на тежина, во зима за чудо поздраво се исхранувам (најверојатно оти сум дома повеќето и имам време да подготвувам поздрави оброци).

Колку повеќе се скратуваат деновите толку повеќе ми идат до израз овие симптоми. Го мразам ладното, мразам кога надвор природата изгледа мртва, нема зеленило, нема сонце (дури и да има рано заоѓа), повеќето е тмурно и студено и многу саати ноќ.

Да можам би живеела што е можно поблиску до екваторот каде овие промени се сѐ помалку изразени.

 

Сезонски промени во расположение имам понекогаш, при првите промени на сезоните, потоа се прилагодувам. Најчесто имам промена во однос на тоа колку сум активна (повеќе преку топлите, а помалку преку ладните периоди) ама не ги имам останатите симптоми кои се опишани. Инаку секој ден си ги осеќам падовите и успоните во енергијата. На самрак обавезно ме фаќа криза и ми се приспива, ама не преспивам, тоа зошто мелатонинот природно се лачи кога се стемнува и се качува кога се разденува.

 

Па не би рекла дека е баш депресија ама промени во расположението и во нивото на енергија секако чувствувам. Делумно од студот, делумно од тоа што рано се стемнува. Не еднаш сум рекла дека сакам да е вечно лето, тоа за мене би било идеално Ама затоа што тоа не е можно кај нас барем, мора да си најдам начини да се справувам со ситуацијата, додека ја чекам пролетта. Останувам физички активна и во текот на денот пешачам многу, си ги забранувам попладневните дремки за да спијам подобро навечер, јадам нормално, работам за да не мислам на глупости и за да не си го расипувам расположението дополнително мислејќи на глупости. Тоа е тоа накратко. Само што почна есента, едвај чекам да заврши, и таа и зимата.

 

Немав појма дека постои вакво нешто, ама имав појма дека наводно постоело едноставно решение за истото. Сајд ефекти, скоро па никакви.
Пробајте, кажете.
https://www.verywellmind.com/what-is-light-therapy-and-is-it-right-for-you-5097392

 

И онака сум цело време во депресија ради финансиски проблеми но зимава мислам дека ќе ме утепа. Уште сега сум загрижена а надеж за подобрување не гледам

 

Во државава ретки се тие што немаат финансиски проблеми. Малку позитива, стрес и нервоза ништо добро не носат.

 

Според горе наведено јас си имам симптоми и знам кога ми почнуваат.
Есента имам кога се менува времето, ми трае неколку дена додека се стабилизирам.
Крај на јануари ме држи околу две недели.
Ама затоа па на лето ми е најлошо и најмногу тешко, тогаш губам апетит и слабеам, ептен ништо не ми е погодено, се сум скиселена.Ме нервира кога се разбудам цела залепена од жешко, кога снемува воздух од топло ми се ствара анксиозност и само чекам да помине лето, е до толку ми е никакво на лето.
Ни одмор, ни шлапкање во вода ми значи, кога ми е жешко, ме маваат паники без везе

 

Што повеќе време да се поминува на сонце (кога го има). Дури и во есенскиве денови, кога не е толку силно. Сепак мене ми прави огромна разлика, и во енергија и во расположение.
Друго, дури и кога сум слободна и ми иде цел ден да го поминам дома од кауч пред компјутер па на кревет, јас ако треба и со сила излегувам надвор. Колку поактивен е човек, толку повеќе енергија има.

 

И јас тој прелаз Март/Април и Септември/Октомври го осеќам, неколку недели додека се навикнам си давам.Кај мене е овој летниот повеќе поготово околу Мај тој период сум наопаку.Што спомна @prominent прошетки во природа,со можност дневни,сонце,вежбање,нутриенти/суплементи за да се олесни колку толку хемијата на мозокот. Мене исто ми помага кога не ми е до ништо дневна рутина/буквално запишано на ливче се што треба/можам тој ден.Одвреме навреме некои денови и дозволувам да ме дотепа шта је ту је знам што е и ќе помине па наново со нови сили и енергии.
Друго секое доба си има и свои предности и барам joy in the little things.Сега иде cozy-рање битно да се најде нешто и колку толку да се искористи на крај краева што и да е ќе помине.
Сега + и што моменталнава состојба мава на психа баш поради тоа уште повеќе грижа за себе.

 

Немам промена во расположението во зависност од сезоната, константно сум под некој стрес и анксиозност така што преминот од една во друга сезона воопшто не го ни чувствувам. Ми годи есен, додека пак во лето ми е по напнато поради жештините, не можам да се фокусирам на ништо, а навечер имам немир воопшто не можам да спијам поради топлите летни вечери. Штом спаднат температурите јас сум подобро.

 

И јас се сомневам на зимска САД.
Се пронајдов во сите симптоми, само не ми се до толку изразени за воопшто да се посомневам на нешто, мислев најнормално е и дека сите така се чувствуваат.

• Премногу спиење

• промени во апетит, најчесто зголемени

• зголемување на телесна тежина

• умор

• ниска енергија

Дефинитивно чувствувам дека ми треба повеќе сон, за разлика од летните денови.
Што се однесува до храната и килограмите и тоа е точно, уживам во топли оброци, торти, палачинки...И секако имам некое кило плус зимно време.

Нешто што би додала, можеби е тотално неповрзано и сум само метеопат, но имам ужасни мигрени на почеток на есента.