Семејно насилство

@motoristika_ од полицијата аир нема толку ќе ти кажам. Ади убаво ти рече што е спасот (иако не одев на таа варијанта).

@Tanjamm тука вина има ЦСР и кој нема го одено тој пат не знае како е. Еве како се смируваат* поголемиот дел од жртвите. Одам едно лето сета со повреди, носам долги ракави и влегувам кај нив. Собрани четири гуски, јас се испонижив до мера да ги молам за да се соблечам само за да видат колку ми е сериозна ситуацијата. Ме исмеваа, *рекоа зготви еден ручек и ќе се смирите. И машки да беа, не четири туку 40 ќе се соблечеш од што имаш мака.

Матична сменив веднаш и ми рече побарај си лекарско онаму кај што си за да завршиш побрзо работа. Новата матична НЕ ми даде лекарско. Бев претепана. Свесно НЕ ми даде.

За да биде поголемо дното, дечкото од обезбедувањето во ЦСР ми се пушташе, ме убедуваше дека тој ќе ми помогне ако му дадам шанса. Ликов со месеци ме прогонуваше, блокнат од секаде. Ете ти го системот гнасен, па имај ти каде да се обратиш.

И да, бегањето е спасот и ништо друго. Сите врати сум ги поминала, што од блиски и далечни роднини, никој не ме погледнал. Освен една роднина, која и покрај заканите многу ми се најде и ми отвараше врата дури и после полноќ. Мизерни се на крај сите луѓе кои ти вртат грб и само едно ќе речам, Господ гледа сè.

Дека паталец, нон-стоп се нудам за помош на било која жена, дури и да нема проблем давам до знаење дека сум тука. Зашто знам како е да те баталат сите и ти да тонеш.

 

Е јас кога дробев дека секогаш имање резервно место е спас, во случајов некој имот, они ти викаат абе нема везе, и да имаш имот таму ќе ти дојде. Не вредело со фамилијата да се мразиш за нееднаква делба.
Што да речам ај...

 

Тоа е најголемата грешка што ја прават скоро секаде во внатрешноста на Мк, кога има за делба за двајца, да ја дадат само на еден во случајов на машкото.
Кога немаш каде да се вратиш на нешто свое, оставена сама на себе, застарен тип на родители дека срамота е да се враќаш дома, уште повеќе се засилуваат ваквите семејни насилства. Некој ќе ужива, например братот, во 2-3 стана или куќа на три спрата, а ќерката нека ја газат и тепаат психопати.

 

Дали она има родители и дали они знаат за ова?
И дали се саглам?
Ако има, треба да им се каже доколку не знаат. Да си ја земат.
Треба да си најми добар адвокат и со него во полиција и институции. Без адвокат тешко.
Ако она не е во финансиска можност, ти види кој би можел да ѝ позајми пари.
На форумов фалеа некоја адвокатка Катерина Котеска Стисниовска која им помагала на жени. Пробајте да ја контактирате.
Можеби ќе ја насочи подобро.

Лош совет.
И тоа е казниво. Ако најми некој и го фатат, и неа ќе ја фатат.
И она попрво ќе одговара отколку мажот. Пошо правдата често не ни е фер.
Адидас имала среќа.

 

Значи добар дел од овде за кои не сум ни помислила, сте биле жртви на насилство и сте биле тепани. Лошо, многу лошо. Кучешки живот е тоа. Вака кога читам, ептен ги правдам жените кои не се омажени. Еве имам колешка од друг град, никогаш не се омажила, постара е од мајка ми, не ми делува дека жали, а работи за двајца мажи, се сама мора да си мисли, нема од кого да чека. Тоа е поарно, отколку да донесеш дома некое говедо, па тоа говедо да ти направи деца, па говедото да те тепа пред деца, да те убие тебе и мајка ти, и децата да бидат товар цел век некому и утре кога ќе пораснат секој да се дистанцира од нив, оти татко им бил психопат. Употребив збор говедо, па и говедото е корисно за нешто, овие психопатите се бетер. Македонките да имаа построг критериум за избор на партнер и да не трпеа притисоци од околината да се мажат, над 50% ќе беа стари моми. Да има закон, пола македонски мажи ќе се во затвори поради насилство, а децата по домови.

 

Не, не ја осудувам, туку проблемот е што може да ескалира. Пример му праќаш тепачи, тој се тепа, се брани, може да дојде до убиство и бетер беља. Инаку, имам еден сосед, ја омажи ќерката, цело време пари праќа на зетот, оти е пијаница, не ни работи, го бркаат од секаде, а овој па и ја тепа ќерка му. Човекот од мака само колнеше, таков е мирен. Ќерката се мажи по втор пат, бетер тепач, тој претходно 2 жени убаво претепал, се развел, деца, за 3 месеци и тој ја преби и се разведе. Значи народов колку е крш е неверојатно. И кога некоја омажена со странец ќе ми рече „абе знаеш, некако ладни се, не покажуваат емоции“. Македонец како покажува емоции, па преку боксови.

 

Не значи дека не треба да се мажат жениве, за да избегнат семејно насилство. Треба само малку повеќе ум пред стапување во брак.

 

Лошите одлуки скапо чинат, прескапо. А не сфаќам жени што гледаат дека мажот е возрасен, не работи, не планира да работи, пие, пуши, како мислат дека ќе се поправи? Има и добри глумци, ама па ако гледаш дека има насилни испади, пцуе, навредува на секој збор, нема што да очекуваш од таков.

Конкретно колешкава ја разбирам, може не нашла соодветен партнер, и решила да не се мажи. Можела и таа да трпи некоја будала, ама не е тоа поентата.

 

Јас немав имот, имав план Б.
Во нашата земја, џабе ти е и имот и се, кога си сам. Братучетка од мал град, кога се разведуваше избега во Скопје, тој отиде таму и ја претепа на сред улица.
Затоа на такви треба шо поскоро крилјата да им се сечат.
Среќа имаат оние кои имат салам родители да ги преберат и да ги заштитат. Или роднини. Ние другите ќе се снаоѓаме како знаеме и умееме.

 

@nextredstyle јас сум против насилство во било која форма, ама за одредени ситуации треба да има исклучоци. И најчесто тоа е решението, зашто таквите луѓе не разбираат поинаку освен да се возврати со иста мера. Толку.

 

Јас како шо кажав, имав план Б. Затоа шо луѓето шо го тепаа не беа од истиот град од кој беше и он.
И мајка му пријави. Он се плашел да пријави, ама оваа отишла. Мене ме викнаа на разговор во другиот град кај шо бев ама на мене ми веруваа а не нему. Плус и немаа докази. Ми викаа абе знаеме дека он лаже, ама мора да те повикаме. Се нашаливме, се насмеавме и си отидов.
Он сам си се намести пред тоа кога ми праеше проблеми и затоа не му веруваа.

 

Добро, а вие што сте имале мака, дали вашите насилни мажи како дечковци имаа некои испади кои вие сте ги занемариле на пример или добро глумеа? Какви беа пред брак?

 

Мед и млеко. Такви се манипулаторите на почеток. Ти кажуваат се што сакаш ти да чуеш.

 

Ќе си дадам за право да одговорам иако не се омажив, некако исчезна ама беше во план брак.
Се најубаво додека не почна да ми работи мозокот и да се бунам за некои работи

 

Ова ќе кажев.

Да, но. Има големо НО.
Работата е тоа што не сме многу едуцирани за начинот на зборување и физичкиот јазик.
Има многу работи кои лесно може да ги пропуштите и занемарите, а многу гласно кажуваат за човек.
Каде гледа најчесто, како стои, какви гестикулации прави со рацете, тонот на гласот, каков му е вокабуларот, микрогестикулации на лицето. Од психолошки аспект, дури и начинот/темпото со кое човек ја става шолјата за кафе на маса може да ти каже колкаво е нивото на емпатија во него/дали воопшто ја има. Запазете.
Не е се ај убаво се изразува сигурно е добар партнер кој сослушува.
На почеток сите се такви, ама одма можеш да извлечеш од некого каков човек е, само добро да обзервираш и да си го слушаш своето тело, а не срцето. Користете мозок, не емоции.

 

И жените се заслепуваат ако се заљубени веројатно.

 

На крај ќе излезе ние сме си криви. Да не ви се навее на главата, од што сте пребрзи на јазик.

 

никад..
колку ми е жал за девојчињата денес, и нашите мајки, баби, прабаби...
Што живееме во патриахално општество направено за да се сервира машкото его и садистичност.
Подобро сам цел живот одколку со демон.. бегајте.

 

Абе никогаш не вели никогаш. Шо знае едно дете без родители или со родители од кои е малтретирано цел живот? Мисли дека тоа е нормално а и плус нема кој да му укаже шо е добро шо е лошо. Човек кога е сам, мора прво да се изгори за да му се отворат очите. Јас сега на километар ги намирисувам таквите, ама кога бев помлада незнаев. Неискусна бев, наивна, мислев дека сите имаат добро срце и добри намери како јас шо имам.
Акл за друг пат. Жртвата никогаш не е виновна.

 

Јас се разведоа по 4-иот ќотек не пријавив во полиција ниту било каде само бев сигурна дека неќам да бидам во брак со насилник среќа имав што бев мажена во друга држава така да заканите што ги добивав беа преку интернет со помалку шанса да се остварат додека се разведував неќеше ни да се разведе не доаѓаше ни на рочиштето патував неколку пати џабе додека судијката увиде со кого работа имам си свати добро па му прати комбе со полиција да мора да дојде и те како се појави на рочиштето и веднаш не разведе без проблем на мое барање него ниту го зема во предвид ниту приказните негови.