Сибирска Аронија - Aronia Melanocarpa

Јас ставам по 6-7 зрнца од вечер во шоља со вода да откиснат и сабајле го ставам тоа да зоврие малку и го пијам како чај,е сега сакав да прашам дали треба и зрнцата да ги јадам или е доволно е што откиснале во водата и така ги испуштиле сите витамини???

 

Знае некој точно како се прави чај од сува аронија?само се прелива со жешка вода,или треба да проврие?Свежата-замрзнатата ја мискирам во блендер со друго овошје поради тешкиот вкус...

 

Леле во Куманово аронијава ја има секаде а јас во Скопје не можам да ја најдам, ја пратив мајка ми да бара била во Веро центар и во Рамстор ја немало што баш ме зачуди знам ја има во Супер Тинекс ама тука во центар никаде нема колку што знам, а да ја носам од другиве населби ќе ми се одмрзне додека стигнам до дома кажете ми каде во центар ја има да си купам

 

Ја имаш и на битпазар, во помали количини е спакувана околу 100-150 грама, ама не е замрзната оваа

 

и во обичен тинекс дисконт ја има

 

185 денари е кило, пола кило 123 смрзната е ДемирХисарска ама јас ја гледав во Супер Тинекс во овие во центар маливе дали ја има кој знае

 

За оние што сакаат да купат да ви кажам дека аронијата ја има во сите Тинекси но пола кило со тоа што во обичниот Тинекс е малце поскапа Во пакување од кило ја има само во Супер Тинекс така ми кажа продавачката Пошто ми требаше итно што се вели земав од пола кило, но дефинитивно не се исплати, од кило доаѓа многу поефтина

 

Девојки сушена аронија колку е кг во Скопје , во мојот град е 700 ден, ако е поефтина од таму да си купувам, а замрзната немам поима колку е

 

купувам свежа од пазар. кило е 300 ден. јас купувам секогаш по 200-300 гр. за да не ми се расипе. инаку не ја замрзнувам.
на ќерка ми и и цедам, 20 зрна во цедалка и ги стискам со лажичка и тиа си пуштаат сок, па и додавам сок од цеден портокал. а јас ги јадам измешани со малце малтекс.

 

Јас ја купувам од продавницата за здрава храна во Буњаковец ( за оние кои незнаат каде е, гледа према Партизанска, помеѓу Шатци парфимерија и кафичот Венеција), 300 ден е кило, а јас купувам по 200 гр неделно, доволно ми е за мене и сестрами, бидејќи е убава ако е тазе и свежа, а отстоена во фрижидер ми е покисела, со некој мирис, и затоа секоја недела купувам по толку. Јадеме наутро по 10-12 зрнца, и сме приметиле дека не расонува, освежува, страшна концентрација добиваме. По купување ја истурам сета во голема рачна цедалка, ја мијам и во пластично ја чувам во обичен фрижидер. Препорачуваат во замрзнувач да ја чувам и да си вадам секое утро зрнца, ама толку сум кнап со врееме наутро , да ќе ја заборавам да ја извадам и чекам да се одмрзне. Секое растение е добро за здравјето, ако е во умерени количини, ама аронијава е одлична. ПС. Малку е кисела , ама можете да и истурите пола лажиче мед, јас во овошна салата најгоре ставам аронија и пола лажиче капнувам мед, и малку цимет, и не се чуствува.

 

Самите производители на аронија ќе ви кажат дека е убаво да купите поголеми количини свежа аронија и дома да ја чувате замрзната, оти ако ја чувате во свежа состојба во фрижидер ги губи корисните својства.
Јас ја купувам од Супер Тинекс сега, смрзната. Свежа може да се најде во есен, а за сега, добра е и оваа смрзнатава. Половина кг е 123 ден., а трае прилично долго. На малиот секое утро му давам по две-три зрна измешани со друго овошје, а јас јадам по 10-15 зрна максимум. Мене ми е пред се за анемијата, ако ова не ми ја поправи крвната слика, не знам тогаш што ќе ми помогне.

 

Mене ме интересира дали успева на нашето поднебје?
Kако се одгледува?
Kаде може да се најдат садници?
Дали има повеќе видови или е само таа СИБИРСКА АРОНИЈА?
Ако има некој садници нека пише Л.П.

 

Јас дома ја имам,успева кај нас да,си ја купивме од пазарче пред 2 години и многу е поубава свежа,ја обожавам.

 

Мене ми рекоа дека успева и јас веќе си нарачав. Човекот од кој ги нарачав садниците има и садници и свежа аронија. Ако сеуште немаш најдено да ти пуштам податоци за него

 

мене ме интересира кога ја јадете аронијата? јас искрено ја јадев како ми текне али ми кажаа дека требало сабајле на гладно па дали ради тоа али 2 месеца ја конзумирав и никаков ефект не даде кај мене па си викам од тоа да не е

 

Јас дури пред неколку дена дознав дека всушност дедо ми ги донел првите садници аронија во Македонија од Бугарија. Многу луѓе не ни знаат што е, ама гледам дека сé повеќе се конзумира и искрено ми е многу мило бидејќи е доста корисно овошје.
Дедо ми уште на времето насади цела полјана, и тоа на планина кај што ни е викендичката, што значи дека не бара некои посебни услови за одгледување. Може да преживее тешки зими и мразови.

Моите ја береа аронијата, а потоа од неа правеа сокови, мармалади и слично. Уште ми е подрумот полн со такви работи.
И срам ми е да кажам, ама до пред некој ден ништо од тоа немав пробано
Бев убедена дека не се вкусни, затоа што свежата аронија некако ми ја собираше устата
А да сум била на местото да татко ми, ќе сум си подметнела сок од аронија мислејќи дека е купечки! Сега кога бев на планина се напив една чаша (мислејќи дека е купечки од боровинка) и ако не ми кажеа дека е од аронија, никогаш немаше да погодам! Се утепав од пиење сок, чајот го заборавив
Откако дојдов дома од подрум си извадив неколку шишиња и нон стоп пијам.
И морам нешто да забележам - откако почнав да го пијам, чувствувам дека храната полесно ми се вари, а јас од пред неколку години си имам проблеми со желудникот (поради јаки антибиотици за третирање на инфекција). Не знам вас како ви делува, ама јас чувствувам дека ме прочистува, стомакот не ми се дуе после јадење, едноставно не чувствувам никакви тегоби.

Читав за што сé е корисна, и стварно ми е криво што досега не сум јадела ниту свежи плодови, ниту сокови и мармалади, а сум имала можност. Будалетинка!