Пред колку време ова се случи? Најбргу што можеш, оди на гинеколог, да те провери и да даде извештај, ќе ти треба за доказ. Не сфатив дали сте само верени туку и регистрирани. Во секој случај, ќе мораш да го оставиш и да го пријавиш во полиција. Он што сака нека си мисли, ама според законот е силувач и не смееш да останеш со него, поради себе и поради твоето дете. Премногу си млада за да го поминеш својот живот со човек на кој не му е гајле за тебе и е силувач.
@DAngel бидејќи се надевам дека ќе се смени, бидејќи го сакам многу, бидејќи три години не ми се фрлаат во вода, бидејќи не знам што е правилно, а врската ни тера накај сериозна т.е живееме заедно, цела моја фамилија го запозна, не сум сигурна што е правилно а што не е, не сум ни сигурна дали претерувам со ова или не. И најголемата причина, I'm a huge coward. Немам храброст од страв дека ќе погрешам.
Нема да се смени. Никој никогаш не се сменил. Сега ти е шанса да се спасиш. Подобро фрли три години во вода, отколку да си го фрлиш цел живот. Јас пет фрлив, па еве, што ми фали?
Кажи му дека сексот треба да биде обострана потреба. Партнерите мора да најдат споразум. Тој сака повеќе, ти не. Но тоа не му дава право да те принудува тебе. Заземи став, кажи му дека не ти се допаѓа однесувањето и да размисли дали него му се важни твоите чувства и потреби. Ако продолжи исто, можеби е време да се тргнеш од него, бидејќи сето негово однесување читам дека веќе станува тортура за тебе.
А што се три години во споредба со цел живот на страдање, мачење и имање секс заради обврска а не заради потреба? Ти ако толку грдо се чувствуваш спрема него на само 3 години изминати, рачунај дека секоја следна се попеколно и попеколно ќе ти станува. Ценете се луѓе, ценете си ги телото и емоциите, не е вреден никој да сте несреќни за негов ќеф. Вие ако не се цените самите, не очекувајте никој да го направи тоа за вас. @RayOfSunshine Едит: И јас сум прекинала повеќегодишна врска, испадна најдобрата одлука што ја имам направено во животот да е тоа.
Каква стока од човек може да ја силува СВОЈАТА бремена жена која во стомакот носи НЕГОВО бебе?!? Би сакала психолошки профил на личноста, некоја феминка што студирала психологија може ќе ми објасни. Ми се повраќа !!!
Не мора да студираш психологија, да знаеш дека е сексуален предатор, кој не ги почитува жените, најверојатно ги мрази и е мисогин, со знаци на нарцисидност и хинтови на садизам (предизвикал крварење кај трудница) Под хитно да го оставиш, да кажеш на неговите, твоите, да одиш на доктор на преглед и да пријавиш во полиција. Остави го. Ниту те сака, ниту почитува. Ќе ја преболиш таа заблуда дека го сакаш. Не го сакаш некој кој те злоставува психички, физички, сексуално или на било кој друг начин, туку имаш изгубено самодоверба поради неговото однесување . Секој пат кога е добар со тебе, ти прави пикови на хормоните кои предизвикуваат чувство на задоволство, па мислиш дека тоа е љубов. Верувај ме, не е. Тоа што е форум, не ти дава право да осудуваш! Тоа твоето не е мислење, туку осуда! Модераторите треба да ги избришат твоите мислења, бидејќи со твоите коментари, додатно ги трауматизираш жртвите на сексуално насилство. Одбиј!
Ќе те читам и ќе те критикувам. Немам воопшто почит кон луѓе кои обвинуваат жртви на насилство (од било кој вид), за тоа што биле злоставувани.
Девојко,твојот вереник е силувач.Мора да се тргнеш од него ! Ти и мајка ти разговарајте со татко ти.Не е важно што ќе речат другите ! На татко ти како твој татко единствено што треба да му е важно,е твоето здравје,па и твојата безбедност !Важно е дека ти си силувана и дека тој силувач мора да одговара ! И твојот не е нормален. И за тебе истиот совет: не се плаши и бегај !
Не ја осудувам. Напротив сакам да стане свесна колку пати е злоупотребена... и да побара помош и да го реши проблемот што си го има. А ти повторно не ме разбирај и мисли си како што си мислиш. А да, има модератори, нека ме избришат целосно ако сакаат.
Ова е проблемот: Секој човек реагира различно кога е нападнат. И да не мрдне жртвата, и воопшто да не обиде да го оттурне напаѓачот, не значи дека сака да има секс. Има луѓе кои лежат како 'мртви' и не реагираат воопшто, мозокот може скроз да им се 'исклучи' од реалноста при напад. Тоа не значи дека ужива, туку дека таква е физичката реакција. Не е доволен знак дека некој не сака секс. Ако и покрај тоа другиот продолжи, веќе е силување.
@kittyKAT23 Одма да кажеш дома кај твоите што ти направил. Немој да му се плашиш,еднаш ако направил така,пак ќе направи. Ако имаш брат кажи му него,па да види како ќе се смее педерчето. Само си кршење заби ќе му дојде памет. Не барај живот да живееш со ваков коњ. Кога би ми била сестра или ќерка би го претепал и не би те оставил ни секунда со него.
Немој да велиш 'педерче'. Не е хомосекцуалец, туку силувач. И не советувај тепање, да не одговара после тој што тепал, а силувачот не.
Во право си не е педерче силувач е.Монструм. Стварно се извинувам што дадов таков совет. Нека не ме слуша мене. Ама и нека не го трпи да се изживува со нејзе. Ама јас пак би го претепал да ми прави вака на ќерка или сестра.
На своја кожа си имам осетено и да полесно ми е да зборувам за тоа одколку да држам се во себе , а сега не би да пишувам во детали , ни на душман не би посакала да му се деси нешто како што јас истрпев едвај жива глава извлеков ...
Читам и не знам дали повеќе се изнервирав од силуваните што си ќутат или од монструмите? Мислам, ок, монструми ко монструми не можеш осет да бараш кај нив, а што е со овие што се исплашиле и си седат со нив? Зар сакате цел живот да спиете со страв? Да бележите во календарчето кој ден е денес па да знаете дали ќе ви го бапне од позади или ќе ви сврши во уста додека спиете? Зар сакате децата да слушаат како ве силуваат? Страшно и одвратно е ова за читање, а не па да си во близина на настанот. Не е за криење, ни за ќутење...Посебно ти што си трудна. Земај парталите и оди кај мајка ти. Нема потреба да разговараш со него или да спасуваш врска, само БЕГАЈ!!! Немој да дозволиш детето да расте во таква болна средина. Јас сум очевидец и имам трауми од такво силување во брак. Летен период бев на поседок кај многу блиски роднини. Заспавме со братучедите, ама зашто беше жешко вратата од собата беше малку отворена за воздух. Се разбудив сред ноќ и слушнав од собата на нивните родители нешто што не требаше да слушнам. Слушнав тивко молење да престане, слушнав крцкање на кревет, звуци на маж како се изживува. Јасно како вчера да беше се сеќавам на случката и како тоа говедо рече: - Па доста веќе чекам сама да дадеш, доста сам ко будала д*кам. Бев свесна што е секс и доволо добро знаев дека нешто чудно се случува. Не можам тоа да го заборавам никогаш...Еве и ден денес го паметам настанот и со луѓето (силувачот и силуваната) често се гледаме, а јас не можам во очи да ги гледам. Буквално се тресев од страв и не можев да заспијам. Едвај чекав да се раздени и да си заминам. Нервоза, страв, ужас...Јас така се чувствував, а можам да замислам како би му било ако некое од нивните родени деца го слушнеше тој настан. Кој знае колку жени трпат силување во брак. Жално....Уште пожално е и што децата мора да слушаат такви работи
