Силување Член 186 (1) Тој којшто друг со употреба на сила или закана дека непосредно ќе нападне врз неговиот живот или тело или врз животот или телото на нему блиско лице, ќе го присили на обљуба, ќе се казни со затвор од една до десет години. (2) Ако поради делото од став 1 настапила тешка телесна повреда, смрт или други тешки последици или делото е сторено од страна на повеќе лица или на особено суров или понижувачки начин, сторителот ќе се казни со затвор најмалку три години. (3) Тој којшто друг ќе присили на обљуба со сериозна закана дека за него или за нему блиско лице ќе открие нешто што би му наштетило на неговата чест и углед или дека ќе предизвика друго тешко зло, ќе се казни со затвор од шест месеци до пет години. (4) Тој којшто во случаите од ставовите 1, 2 и 3 ќе изврши само друго полово дејство, ќе се казни за делото од став 1 со затвор од шест месеци до пет години, за делото од став 2 со затвор од една до десет години, а за делото од став 3 со затвор од три месеци до три години. (5) Ако делото од ставовите 1, 3 и 4 е сторено спрема лице со кое сторителот живее во брачна или трајна вонбрачна заедница, гонењето се презема по приватна тужба.
@WildMk извини ама не ми се допаѓа твоето советување на оваа тема. Некако како да ги бодриш жртвите да не кажуваат. Со тоа што си била на нивно место тие се истоветуваат со тебе. А ти наместо да ги бодриш да бидат похрабри ти ги советуваш дека полицијата не прави ништо и да молчат. Во ред, немаме закони, бавно дејствуваат ама мораме да пријавуваме. За да се смени нешто мора да постојат пријави. Кога твојот силувач би имал уште една пријава од тебе сигурно во полиција нема да го гледат исто. Со тоа што молчат и го потиснуваат во себе, си наштетуваат самите на себе.
Ми се гади од оваа тема, а уште повеќе од размислувањето на некои. Некако во последно време е се позачестено и секојпат кога ќе прочитам ваква вест на фб или форум небитно јас се вознемирувам и си ставам страв во мене, поради ова се плашам да се возам во такси навечер, да шетам по темни улички и сл. А пак кога ќе прочитам како некои не ги пријавуваат овие монструми ми е полошо, само претпоставувам уште колку случаеви има кои не се познати во јавноста со цел да се заштити жртвата од муабетите на малограѓанството. Како бе жртва треба да се озборува и да се напаѓа? Па нели во случајот со јавна соба сите скокавте како тоа е кривично дело и сторителите треба да се казнат, а обид за силување треба да се скрие и да се живее со таа траума? Како прво веднаш треба пријава, кој што сака нека зборува одиш и пријавуваш, потоа јавно да се објави на фб и сите медиуми со слика, име презиме, нека го јади срам, потоа жртвата веднаш да започне со психолошки третмани, за сфати дека не го заслужи тоа во никој случај. И не верувајте на никого, ни пријатели на татковци, ни соседи, ни другари и.т.н... За такви теми зборувај со друштво или партнер, а не со рандом луѓе од било која возраст. Психопатите тоа го сфаќаат како да си го "бараш" , внимавајте не бидете тооолку наивни. Во случај да се случи нешто вака страшно веднаш кажувајте на родители или други познаници кои ги сметате на блиски, ако и тие како во случајот што се спомна погоре ви кажат дека и да го пријавите нема казна за таквите, не ги слушајте, веднаш пријавете па макар и да мислите дека нема казнам, барем помислете како сите ќе го плукаат и покажуваат со прст. А вие нема за што да се срамите
Напротив. Објаснувам зошто некои жртви одлучиле да не пријават. За да не се силат сите и да ја осудуваат жртвата, ами да се запрашаат зошто повеќето така одлучуваат и што можеме да подобриме, за да се смени таа пракса?
Да но твоето разбирање е еден вид охрабрување дека постапиле правилно. А не е така. Она што ти се случило тогаш, да се случи денес, со овој памет сигурно ќе пријавеше во полиција и ќе посетеше уште веднаш психолог. Тоа мора да им се напомене на жртвите. Зошто времето многу бавно ги лечи тие трауми. Ти, наместо да го потенцираш ова, ти им велиш те разбирам.Те разбирам но биди попаметна од мене, е сосема поразлично од те разбирам, и јас направив така.
А реков да не се пријавува? Како заклучи дека е 'охрабрување'? Не беше наменето да прочитаат жртвите што не пријавиле. Си знаат тие. Им се обраќав на оние кои не разбираат зошто некоја не би пријавила и на оние што мислат дека, чим не пријавиле, значи лажеле. Точно. И ако гледаат дека на некоја не и' веруваат, ќе мислат дека и нив не би им верувале.
Еве мене не ми се закани. Ни усмено, ни писмено. Бар не со збор. Со однесување ми се закани. Како ќе го објаснам тоа на суд? Затоа Не - треба де е доволно
Да ама тоа што шлапа таа од невладината нема врска со законот. Нема врска со кажаното не, туку со физички контакт. Кога ќе научите дека невалидни те манипулираат за пари да зимаат и се што кажуваат е превртување на вистината? За проектот се ќе кажат.
Моја другарка еднаш одамна кога имавме по 15 години ја силуваа. Бевме сите заедно излезени во дискотека, таа флертуваше со некој дечко, ама она оддалеку. Овој и пријде и излегоа заедно. Ние до тука знаеме. Е понатака, се качиле во кола и ја однел на некое место надвор од град и ја терал да имаат секс. Со препирки и тегење, решил да немаат секс зашто наводно била невина и ја принудил на орално задоволување. Дискотеката се затвори, ние останавме да ја чекаме, дури и се раздени надвор.Немаше тогаш мобилни телефони па родителите ни беа избезумени. Се врати таа пред дикотека, ја исфрли човеков од кола како мивка.Беше целата расплакана, измачкана со шминка и некако целата со изместена облека. Почна да ни вика на цел глас како не сме се заинтересирале каде е до сега, како дечково ја напатствувал.Во моментот таа не кажа се, на кратко само дека ја терал да прават нешто а таа не сакала и ништо не се случило.Не замоли да не кажеме на никого. Отпосле (излгеда и беше многу тешко) почна полека да кажува детали од целиот настан.Тој кога ја одвел надвор од градот , околу нив имало многу коли со кои тој си блендирал , па нејзе и прикажал дека ако немаат секс сите тие ќе дојдат да ја силуваат. ... До денес не разбравме точно што се случило. Таа не раскажа се, инсистираше да молчиме. Јас лично не верувам дека се останало само на орално задоволување, но никогаш не се осудив да ја прашам. Не пријави таа, не пријавивме ние. Денес кога ке се сетам на ова си размислувам - и да сме пријавеле ние, таа можела да рече ,,не е точно тоа,,
Е се опиша и на крај кажа дека не и' веруваш? И како да пријавуваат после, кога ни другарките не им веруваат?
Со вакви коментари се дава зелено светло на силувачи они си велат секако никој нема да им верува и многу од нив играат на таа карта дека жртвата нема ни да се осуди да пријави.
Нема чувство за заедница, нема емпатија, не се размислува за можни последици. Како општество носиме вина, за се' што ни се случува.
Самата сакаше да прикрие СЕ што се случило, ама бидејќи ја чекавме пред дискотека до утрото, неможеше да скрие, видовме како ја исфрли од кола, па мораше да каже нешто. Мислам дека не кажа се, ама тоа си нејзино право.
Имав другарка што ја силува првиот 'дечко', кога имаше 16 години. Имав другарка која ја силувале на 15. Имам другарка што ја силувале на 17. Имам другарка што ја киднапираше еден и 3 дена ја тепаше и силуваше на 24 години (ама не во Мк) Страшно е колку луѓе имаат вакви приказни.! И не... Ни една од нив нема пријавено.
Не си ја разбрала. Рефка не верува дека само ја присилил на орално задоволување, туку дека имале и присилен секс, но сака да каже дека другарката тоа не сакала да го каже.
Секој си има причина поради која не пријавил. Некои од срам од домашните, некои од срам од средината, некои живеат во малуи места и ке бидат обележани, некои бидејќи се плашат дека нема да им веруваат... Можеш ти да пријавиш ако жртвата не сака да пријави ? НЕ. Речи дека трул е системот за труд и социјала, труло е МВР, нема да се осетиш заштитена ако пријавиш, напротив ќе те исфрли заедницата. @cresa-jagoda Да.Таа прикриваше и се правеше дека ништо не се случило во што нормално, не и верував, ама....нејзино си е дали ке каже или не.
