http://www.youtube.com/watch?v=uvtT5BDd35c Уф, сите 4 дела. Леле Самарџиев. Не поминуваше ден а да не гледам. Моите ги имаа испоснимено на касети, вртеа 24/7. Не разликував дали е ново или старо, важно да е Дајте музика. А и именцето ми беше многу звучно. Бев многу мала немав размислено што значи и многу ми беше интересно.
Колку бев среќна кога ги гледав,абе не мрдав од пред телевизорот. Си ги имав дури снимено и на касета па тато ми пушташе да гледам. Ахх тие времиња.. Инаку прочепкав нешто на интернет па најдов нешто за Сара,Раде и Леонид. Спојлер САРА ЧЕПИШЕВСКА: Работам како дефектолог Заедно со својот татко, музичарот Стево Чепишевски во 90-тите ја испеа можеби една од најпопуларните детски нумери, „Зелката има кошули триста“, но за Сара тоа е минато свршено време и сега е посветена на професијата дефектолог-логопед. Не е вработена во институција, но работи со неколку деца со посебни потреби и им помага да ги совладаат секојдневните домашни активности и училишните обврски. - Целосно уживам во тоа што го работам и ме исполнува. Хуманоста во професијата, па дури и најмалиот успех кој го постигнувам во работата со дечињата ме прави неизмерно среќна. Интересно е тоа што кога имав 12 години бев инспирирана од францускиот филм „Осмиот ден“ и не знаев каде ќе го продолжам средното образование, но бев сигурна дека ќе одам на Институтот за дефектологија - додава таа. Во своите телевизиски денови беше дел од емисијата „Дајте музика“, „Сител бамбини“, „Супер ѕвезда“, но од 1998 година не е во медиумите. - Поминат е долг период откако не сум на телевизија и мислам дека е тешко да кажам дека ми недостига. Тогаш сум била дете и сум уживала во тоа што сум го правела, а сега на тоа гледам како на една прекрасна животна епизода. Во меѓувреме активно се занимавав и со пливање и токму тоа комплетно ми го исполнуваше животот. Тренирав девет години, учествував на поголеми балкански натпревари и турнири, а одличните резултати кои ги постигнував направија уште толку да уживам во пливањето - открива Сара. Околу враќањето на телевизијата смета дека никогаш не треба да се каже никогаш, но досега не видела некој проект кој би ја заинтересирал, ниту, пак, добила привлечна понуда. РАДЕ ПАВЛОВ: Од „Дајте музика“ до сектор за продажба Беше дел од детската екипа во хит-емисијата „Дајте музика“, водител на фестивалот „Златно славејче“, а потоа премина и на малку „повозрасни“ проекти како „Флешбек“ и „Без алиби“. Но, еве веќе речиси пет години, Павлов е подалеку од ТВ-екраните и водителскиот адреналин го замени од оној во одделот за продажба на германската шпедиција „Кине и Нагел“ која се занимава со организација на меѓународен транспорт и логистика. Телевизијата ја напуштил поради презаситеност и незадоволство од тогашната ситуација и со дипломата од Економскиот факултет во Скопје се впуштил во сосема други води. - Да бидам искрен, воопшто не ми недостига работата во телевизија. Сепак, има ретки моменти кога ми доаѓаат некои идеи и скромна желба, но с` се завршува бргу - додава Раде. На неговото сегашно работно место дел е од млад и амбициозен тим, а професионалните обврски постојано му диктираат средби со луѓе со различни карактери и темпераменти така што постојано е динамично и интересно. Сепак, посочува дека секогаш недостига нешто за да каже дека е целосно исполнет, но тоа е добро пред с` за мотивација. За тоа дали постои шанса да се врати на телевизијата, Раде вели: - Како стојат работите, тешко. Иако неодамна имаше понуди за некои проекти, сепак мислам дека тоа што го работам не би го менувал за телевизија. Но, има време, ништо не се знае. ЛЕОНИД РИСТЕВ: Адвокат и во Белград и во Скопје Сосем случајно откако ја испеа хит-песничката „Наташа од трето три“, тогаш деветгодишниот Леонид Ристев влезе во македонскиот јавен живот, а натаму следуваа и настапите на емисиите „Даровизија“, „Дајте музика“ и многу шоуа. Но веќе 15-ина години е подалеку телевизијата, настапите и моментно работи и во Белград и во Скопје во адвокатската канцеларија Karanovic и Nikolic Law Office, присутна во земји од регионот. Тој работи во повеќе области од деловното и трговското право и вели дека неговата сегашна професија комплетно го исполнува, од понеделник до петок. - Не ми недостига јавниот живот. Доволно е што одвреме-навреме ќе ме препознаат, па драго ми е што тоа се случува по толку минати години - истакнува Леонид и додава дека што се однесува до некакво враќање на медиумите, никогаш не треба да се каже никогаш и можно е и тоа да се случи.
најубаво нешто во дајдте музика ми беше то малото ко ја пееше зелката има кошули триста......ептен ми беше слатка
Лелеее сега ме вративте во минатото кога си бев безгрижно детенце...уфф колку само ова добро ми дојде...благодарам.Немаше епизода да не ја гледам едвај чекав да почне
Ме навративте на детските спомени. Дефинитивно ова беше една од најубавите детски емисии. Едвај чекавме да почнат... Ете тоа беше детство, а овие денешни деца немаат ни д од детство, заглавени пред компјутер со некои дебилски игри, а за цртаните филмови да не зборуваме. Немаат никаква интересна содржина, никаква поука, единствено влијаат лошо на психата. Кога ќе дознаат денешните деца што беше бушавата азбука, туфи и двојче, мечето ушко, македонските народни приказни, во светот на бајките, незаборавните песнички од златно славејче? Детство врати се.
Не беше само дајте музика. И умни глави, во светот на бајките, чудовиштата во нашиот град. http://www.youtube.com/watch?v=uvtT5BDd35c&list=PLTJke7kcofiYLLXKAVeVrbIfQJBGpajgT Многу сум среќна што го имав најубавото, највеселото, најинтересното детство. . А не како сега-ајде Супер Марио, ГТА и кои уште не. Цртаните пак, Ironman, Metajets, Lazy town... Најлошо е што немаат поуки, а се гледани. Добро би било да почнат да се даваат повторно или пак да се снимаат нови
Еј, Дајте музика... Многу ја сакав емисијава порано,многу и се радував кога почнуваше, се цртав пред телевизор веднаш штом почнеше.Како концепт, осмислена е премногу добро, има од се по нешто и музика и малку глума, супер е за деца од предшколска возраст. Мило ми е што генерациите пред мене,мојата, и 2-3 после мене раснеа со вакви емисии, кои ете денес ги нема за денешните деца, за жал.Како и да е, имам убави спомени од оваа емисија,нешто избледено, но сепак сеуште се памети. http://www.youtube.com/watch?v=bgRPjm3pIcQ Поздрав
Легендарна детска емисија,нешто најдобро штo искочило од МТВ заедно со Бушава азбука! Децата ни беа идоли,го обожавав Оливер(ми беше дечко ако не сте знаеле ),Снешка,Трајче,Раде,Бојана,Сара итн...Најинтересно ми беше кога ќе дојдеа поголемите и им се занeсуваа на помаливе а Снешка и нејзиниот дечко беа посебна приказна... Песна останата у срце...Зелката има кошули 300
ХАах како ви текна цела ја знам песнава напамет ахах https://www.youtube.com/watch?v=uvtT5BDd35c Порано само овие ги гледав ахаха
Ги обожавав како мала, сеуште ги чувам касетите со нив , и знам симпатија ми беше Оливер Абе каде се изгуби тој човек ? Слушнав нешто дека во Америка бил
Дајте музика, дајте музика, овде не сме на час Може да вреви кој колку сака, колку го држи глас! Така беше?
ejjj ovaa emisija znam a i majkami mi ima kazuvano mn sum se raduvala na ovaa emisija,no za zal ne ja pamtam mn mn mala sum bila,i svetot na bajkite taka malku poveke sto gi pamtam a a i umni glavi.Na onaa emisija eden na eden lele kolku se smenile gi nemav vedeno nikade porano msm za umni glavi
Најмногу се сеќавам на Ристо Самарџиев и малата Снешка ,најинтересни ми беа тие, се сеќавам на песната доста, ама на другите ликови за жал не
Porasnav so ovie i sega gi pushtam na kerkami. Barem da go znae makedonskiot jazik ako ne prifati nishto drugo , bidejki vo stranstvo so drug jazik nema da moze da go nauci. Gi obozavam site tie decki emisii shto me naucija na mnogu ubavi neshta <3
“Дајте музика, дајте музика, овде не сме на час, може да вреви кој колку сака, колку го држи глас”... Преубаво детство, преубави сеќавањa, штета шо сега нема вакви емисии, кога ќе се сетам, ме фаќа некоја емпатија...