Скопје без вода после полноќ

ЈП"ВОДОВОД И КАНАЛИЗАЦИЈА" ПОДГОТВУВА ВОСПИТНА МЕРКА ЗА СКОПЈАНИ

Скопје без вода после полноќ

Идејата на водоводното претпријатие е да се штеди вода седум дена во неделата, односно од 12 часот после полноќ до 6 часот наутро...

После полноќ, Скопје ќе нема вода. Рестрикциите во градот се воспитна мерка за скопјани што Јавното претпријатие "Водовод и канализација" планира да ја примени наскоро поради неконтролираното трошење вода во летниот период. Идејата е седум дена во неделата, од 12 часот после полноќ до 6 часот наутро притисокот на водата да се намалува до степен што едвај ќе се цедат капки од чешмите.
Новата мерка се воведува со цел да се намалат загубите на вода со кои се соочуваат скопјани секое лето. Штом фатат горештините, повисоките делови на Скопје остануваат без вода. Најголемите загуби се поради нерационалното користење на водата од Рашче, која место за пиење се користи за наводнување бавчи, полевање тревници и разладување на асфалт. Поради расфрлање на пивката вода, не поминува ден граѓаните да не се жалат заради слаб притисок и пресушени чешми.
Исклучувањето на водата ќе се прави со регулатори за притисок кои ќе се поставуваат на градската водоводна мрежа. На овој начин, сметаат од претпријатието, ноќе водата ќе се штеди, а резервоарите ќе бидат полни преку ден и нема да фали вода за пиење.
"Мораме да најдеме начин да се спречи нерационалното користење на водата. Ако почнеме со ноќни рестрикции, бидејќи тогаш луѓето имаат најмалку потреба од вода, резервоарите ќе се полнат и преку ден нема да има проблеми со недостиг на пивка вода. Во тек е тендер за избор на фирма која ќе ги поставува регулаторите, по што ќе почнеме со реализација на овој план. Очекувам со оваа мерка да се намалат проблемите со кои се соочуваат граѓаните секое лето", изјави Сашо Лазаревски, сега веќе бивш директор на "Водовод", бидејќи од пред неколку дена тој не е на оваа функција. Минатата недела Собранието на Македонија го избра Лазаревски за заменик-министер во Министерството за локална самоуправа.
Од претпријатието најавуваат довршување на сите проекти чија реализација е започната од Лазаревски.
На новата воспитна мерка негодуваат скопјани, кои, како што велат, и без неа трпат за вода, па со дополнителни рестрикции само ќе се влоши и онака проблематичната ситуација.
"Уште ова ни фалеше. Кај цело лето едвај се цеди вода од чешмите, па уште и целосно да ни ја исклучат навечер и да дехидрираме. За чистење и перење воопшто и да не збориме. Како да не се мачиме доволно сега, па уште нека нe казнат", вели З.Т., жител на населбата Радишани, каде проблемот со недостиг на вода е најизразен, бидејќи со населбата Шуто Оризари се приклучени на ист резервоар и заедно ја делат водата.
Засега нема најави кога точно ќе почнат рестрикциите, но од ЈП"Водовод и канализација" апелираат граѓаните да почнат да ја штедат водата и да ја користат рационално за секојдневни основни потреби за живот.

Чешмите не смеат да капат

За заштеда на водата ЈП"Водовод и канализација" нуди практични препораки за нејзино користење.
- Редовно поправајте ги славините на чешмите. Ако капе цел ден, една чешма може да потроши дури 100 литри вода.
- Кога миете заби, затворајте ја чешмата. Ќе заштедите 20 литри вода.
- Поправајте ги казанчињата. Од расипано казанче може непотребно да истечат и до 300 литри вода на ден.
- Туширајте се кратко. За секоја минута туширање се трошат од 20 до 40 литри вода.
- Машината за перење алишта вклучете ја кога е полна. Едно пуштање на машината троши околу 80 литри вода.
- Проверувајте ги вентилите на шахтите. Ако капат или течат, пријавете ги во најблискиот пункт на Водовод.

Перете гаќи, а не теписи

ЈП"Водовод и канализација" апелира до жителите на Шуто Оризари, кои важат за најголеми потрошувачи на вода, да почнат да ја користат рационално. За таа цел спроведува и кампања за едукација на жителите во населбата водата повеќе да ја употребуваат за пиење, бањање и перење алишта, а помалку за полевање тревници, перење теписи и разладување асфалт.

Нови 3.500 електронски водомери

Годинава треба да се набават уште 3.500 нови електронски водомери.
Тие, објаснуваат од претпријатието, се читаат компјутерски, потоа се изготвуваат прецизни сметки за потрошена вода и навреме се испраќаат на граѓаните.
Досега се поставени 4.700 вакви водомери и 200 комбинирани индустриски водомери кај правните субјекти.

Само Аеродром и Гази Баба копаат бунари за полевање

Поради недостиг на вода за полевање на зеленилото, Општина Аеродром деновиве копа нови бунари. Во план е да ископа уште осум, за да добие доволно вода за полевање на тревниците во Општината. Првиот се гради кај воените кули во Стар Аеродром. Во истата населба, како и во Острово, до крајот на годината треба да се ископаат уште седум. Општината сега има 13 бунари. Девет од нив се наоѓаат во населбите Реонски центар, Ново Лисиче, Јане Сандански, додека четири има спроти ТЦ "Бисер" и кај Мајчин дом.
Освен Аеродром, три бунари има и Општина Гази Баба.

М.Ѓорѓиевска

 

Овие не се нормални,во сред лето водата ќе ја прекинуваат. Демек до полноќ сите се дома и во кревет

 

Луда работа. Не дај боже да ти текне да се тушираш во 1 на полноќ или дете температура ти крене па треба да ми ја симнуваш со туширање.

 

Така само така му треба на овој народ, што си посеавме тоа ќе си пожнееме сега. А и да се надоврзам на туширањето, автоматски и нема

Спојлер

секс

после 12 часот

 

Боже ми прости, на момент се замислив дали читам актуелна вест за состојбата во Сомалија.

Рестрикции, после полноќ без вода? Во Скопје? Каде што никој во лето пред 3 наутро не легнува а не пак пред полноќ

Аааа клубовите и кафичите ќе заработат сега повеќе. Нема више - дечки дај чаша вода!

 

Не драга моја ова мене ме потсети на времето во 80 тите кога се правеа рестрикции пар непар денови за вода. Ти текнува. Сега следно е и струјата , па интернетот па телевизијата и на крај со радио Скопје кје се будиме и кје заспиваме на мали транзисторчиња со батерии.

 

Да, ми текнува една зима кога имаше многу смог, имаше вакви рестрикции на пар непар - према бројче на регистрации, па колите парните во парен, а непарните во непарен ден смееја.
За вода не ми текнува, ама може да имало.

Ц ц ц ама добро која е логикава? Не разбирам стварно. Значи знаеш дека нема да има вода, и си полниш однапред, и? Пак трошиш.
Мене ми се чини дека највише вода и онака се троши навечер од цистерните кои прскаат и по сите маала кога ќе пуштат од јавна чешма демек да го наводенат тревникот, и бари се прават насекаде, е ова е непотребно трошење на вода.

А не тука да прават соопштенија како да се мијат заби. Нормално дека не ти тече водата кога миеш заби, ко на првачиња сега да објаснуваат.

 

Како тргнало и чаште вода на ден ќе ни ги бројат. Страшно!!!

 

Најнова информација, така да засега рестрикции нема.

 

Малку е незгодно, но тоа е и поентата Не сме единствен град каде ова се случува, често се применува онаму каде што доаѓа до недостиг на вода.
Мене лично не ми смета толку, ќе се истуширам порано, ќе наполнам некое шише да има за секој случај ако ми затреба.Но, како што некој спомна, незгодно е за оние што се враќаат на пример тоа време од работа.
Ама како што кажав, поентата на водовод е да ни направи проблем и да се обиде да ни дотера памет Ама тешко дека ќе успее

 

Бог да чува, и на пример се вратам у 3 од град? Не можам ни заби да измијам не па да се истуширам! А, и летово притисокот на водата 0! Треба до 10 да станеш и да се избањаш, или пак да чекаш навечер до 11 -.- навистина немаат памет, немам зборови..не е ова начин!

 

^Па ако го прочита текстот ќе видеше дека немањето притисок е една од причините за рестрикција

 

Баш фино сега без вода ќе бидеме само стварно не ми е јасно, да им беше водата здрава и чиста, ќе подразмислев зошто вака прават.Уште фали струја да исклучуваат онака ради реда

 

Еве ме и мене за прв пат во категоријата за политика. Шала на страна, на сител рекоа прегеска дека ќе нема рестрикции на водата. Ќе си има вода.
Викат дека тоа биле само некои шпекулации кои излегле во весник.

 

го прочитав текстот, поентата ми беше каде без притисок па и без вода..како што нагласив не е тоа начин..

 

Живи глупости се ова...
Баш сега повеќе ќе се троши вода, бидејќи сите пред да легнат ќе си полнат туби, ќе се бањаат, ќе уклучуваат машини за перење, за садови итн......

 

Е не можам, а да не се смеам, значи. )
Па кога бре да трошиме вода? На -20? Ако во пеколов шибнат рестрикција на вода, ќе се тушираме на промаја, ако ја има, нели, ако не па „фино“ ќе мирисаме, ем по дома, ем (по)надвор, аааахахахахахаааа, која глупост немерена, крај! ))))
Се онесвежив, кога ја прочитав веста. Него, отидов ја да си напунам када и неколку туби...се бива. )))))

 

Арно што се предомислиле. Сега треба и да славиме дека нема водата да ни ја сопрат. Боже свашта!

Да најдат начин како да се штеди пивката вода....

Па нека најдат. Нека ги уклучат малку мозочињата залегнати во фотељите.
Техничка вода!!!!
Инвестирајте во инсталација за техничка вода. Немора пивката вода (којзнае и таа колку е пивка) да ја трошиме за перење, полевање, разладување, перење на автомобилите...

Него ова е СФ. Ние сме ориентирани кон некои други “инвестиции“.

 

Не е начин ама воопшто,ама за овој прост народ само така! И да има мерки,пак ќе го правиме истото. Не може Ојле да ти дојде дома и да ти рече не го вади тревникот,не може да ти дојде дома да го направи казанчето ако ти тече,не може да ти рече исклучи славината док миеш заби или како да миеш садови.
На комшијата расипаното казанче му го слушам три месеци навечер кога е се тивко,ама најсериозно! Мајке ми полудев. А да не праам муабет како се вадат тревници.Па уште малку и гондола ќе можат да си пуштат,а искрена да бидам и моиве дома знаат да го направат тоа и страшно многу ме вади од такт!
Само кај нас одредени мангупи пивка вода трошат и во индустрија каде што и не е потребна.

Факт е дека немаме култура и не го цениме тоа што имаме пивка вода и сме едни од реткиве во светов.А и не знам народов шо се загрижи кога и онака летно време најголемиот дел баздат на пот и немиено.
Треба,треба вакво нешто,иако не е начин.Да се шлакнеме малце,па да ни се разбуди свеста.Да ти дојде шефот на работа незабричен со смрдлив здив,а ти со дрлки во очите,бар ќе биде комично.