Скопје во 2014-2015 год

Мене исто ми се допага Скопје Сега

 

Немав го посетено Скопје неколку години.
Рака на срце убаво до некаде за очи.
Купиштата малтер,железо и пренатрупаната историја ми го земаа не здивот,ами воздухот.
Во Скопје секогаш малку деликатно било она со воздухот и дишењето ама сега е малку уште повеќе.
Едно време читавме како надојденците го пренатрупиле градот,еве сега сами си го дозатрупивте.
Да не се разбереме погрешно,љубител сум на убаво осмислени архитектури низ градовите,ама сакам да дишам дур ги разгледувам.
Од политички и финсиски аспект не ми се коментира баш.

 

Делам исто мислење со тебе. За споменици и реновираше на фасади секогаш ќе има пари, а за болниците, луѓето што немаат кров над глава и што спијаат на улица немаат. Знаат да градат фонтани, а незнаат да изгадат посовремени амбуланти. Во амбулатине од пред 50 години, попрво ќе се разболиш отколку да се опоравиш. Знаат да го средат плоштадот, а незнаат да го средат образованието и здравството.

 

Бев пред еден месец во Ск и изгледа убаво. Не можам да речам не.
Ама не сме ние, финансиски, толку спремни па да го реализираат овај проект. На толку сиромаштија во државава, не е време за фрлање пари

 

Може слободно да се смени годината во насловот, затоа што очигледно преродбата и бистрите идеи продолжуваат и во 2015, а на забеганоста очигледно и нема крај...
Овој пат не само во Скопје, туку и во сите други градови каде што има чаршија.
Ми се плаче.

http://www.skopjeinfo.mk/gradot/805658982/isti-izlozi-za-site-dukani-vo-starata-carsija

 

^

Не знам мене ова не ми е јасно - е може како досега еден златарски дуќан да има излог пет на пет метри, а друг три на три. Токму затоа бараме унифицирање и автентични решенија за секој занает одделно.

Како тоа унифицирање и автентичност за иста работа?
Не ми се верува што прават...не ми се верува... Рекорд заличува на red district street , чаршијата ќе ја автентизираат со едноличност за секој занает...
Ми допираат по гол нерв со ова.

 

Тука веќе не се работи за вкус, тоа е потценување на една цела професија. Не може да ми зборува за добра архитектура некој кој не бил никаде, не видел ништо и нема со што да спореди. Или бил, ама очигледно не знае да ги види вистинските вредности. Не можеш да измислиш историја.

Ми се плаче за ова со дуќаните во чаршија.

 

Единственото автентично нешто што е најблиску до македонската традиција и историја е чаршијата впрочем и тоа само остана... сега и тоа ќе го упропастат.

 

Имаше некаде статија дека ќе се градат Шпански или некакви скали на сред плоштад , точно ли е оваа информација?

 

А еве ја новата разгледница на вмро за странците .... (преземено од фацебук)

 

Се надевам дека ќе успеат и дека почесто ќе организираат вакви убави и корисни настани за граѓаните и градот.

Студентите предаваат за ГТЦ

 

Не можам да се ставам во улога на критичар бидејќи не ги познавам градбите. Но, за онака на око ми е океј, иако сметам дека малку претерале со барокот, пред се бидејќи не сме повеќе седумнаести век, па затоа треба да се стремиме кон современа урбанизација но, и разумно користење на просторот. Под разумно користење мислам да не се оштетуваат даровите на природата, т.е зелениот простор за кои да бидеме реални, оправдано се крена фама минатава година, иако не се постигна многу. И да, се согласувам дека ние не сме доволно финансиски поткрепена држава за тек така да ги фрламе парите во ветер.

 

Гледам сликата погоре е со зеленило, а слика подолу како да имало војна па се гради, а околу пустелија и бетон.

 

Режисерот Макхмалбаф: Во Скопје два дена само наидував на статуи
„Два дена шетав низ вашиот град и видов многу градби и статуи и си реков – да одам во театар за да ги одбегнам – но и таму повторно видов само статуи, се надевам ќе се видиме пак, но не како статуи.„

 

„Поради големиот интерес на првата и втората интерактивна настава, студентите од Архитектонскиот факултет, во рамките на кампањата „Излези за ГТЦ“, денеска ќе организираат и трета прошетка низ Градскиот трговски центар која ќе има цел да ги запознае граѓаните со културните и архитектонските вредности на овој култен градски објект.

Прошетката ќе почне денеска во 18 часот, а збирно место повторно ќе биде пред платото на ГТЦ од страната на паркот „Жена борец“.


„На прошетката може да дојде секој заинтересиран граѓанин и низ интерактивна настава да дознае нешто повеќе за културното наследство на нашиот град, кое ГТЦ го чува веќе четири децении“, се наведува во соопштението.„

извор: http://plusinfo.mk/vest/22924/studentite-deneska-po-tret-pat-kje-predavaat-za-gtc

 

Како Скопјанка ( моите со генерации наназад се Скопјани ) искрено не да не ми се допаѓа ова што го изобличија градов без никаков вкус и мерка, туку ми личи на квази Лас Вегас. Секој кој што прошетал малку надвор од земјава, ќе препознае еден невиден кичерај и тотален архитектурен хаос. Ама, јас зборувам во мое име. Некому му се допаѓа.

 

Се ближи недела, па да бидете информирани, сите жители на Центар, ќе има референдум за ГТЦ.


Ќе се самоцитирам

 

Од колку до колку часот на 26. април недела? На кои локации и кој сè има право да учествува на референдумот и со какви документи?

 

Мислам дека за референдум важат истите правила како за избори. Избирачките места се исти како за регуларни избори, времето е од 7 до 19 итн.
Нека ме исправи некој ако грешам.