Слаѓана Велков официјално се сели во Македонија

Џабе ја коментирате толку многу, кога кажав и претходно - таа не е ништо повеќе од еден обичен курир на информациите.
Човек кој е зрел и оформен, тешко дека може да биде заведен од било кој. Денес барем ни се на дланка сите можни информации, и точни и неточни, па на нас е да одбериме во што ќе веруваме.

Некој спомна дека Велков креирала терен за понатаму да им продава ветер на „замаените маси народ“. А докторите ШТО ви продаваат? На рекламни рецепти да не ви ги пишуваат препораките?
Имате ли некаде видено толку многу рекламни постери како во ординациите?
КОЈ им дава екстра профит на докторите? Семинари, симпозиуми, шетања, луксузирања?
ЗОШТО истиот доктор, еднаш ми вели дека ќерка ми треба да пие Бруфен, за после да го негира сето тоа со изјавата дека „е токсичен“ и „најдобронамерно“ да ми го препорача Ефералган? (карикирам со имињата) ШТО неа ја предомислило? КОЈ ја променил нејзината изјава на МОЈА штета?
3 страни испишавме за тоа како Велков ЌЕ рекламирала, затоа сега така собирала „поданици“. Колку страни ќе ни требаат за објаснување на рекламите на докторите и официјалната медицина?

Сите се контрадикторни на овие теми, секогаш и ќе бидат, и пак ќе кажам - така треба да е! Мене не ме интересира дали некој ќе ме гледа како полудена, или како од секта излезена. Мене ми е важно јас, и мојата фамилија, да сме здрави, среќни и чисти во однос на секојдневниот живот, и конкретно кон тоа се стремам. Му смета на некој? Ич нека не се дружи со мене! Јас немам ништо против тие што ја сакаат официјалната медицина, прави си што сакаш, во иднина ќе видиме кој бил во право, секој си стои зад своите избори и тоа е тоа.

И грип и настинка и онака поминувале за 7 дена....Да, затоа измислија вакцина за вештачки создадениот свински/птичји/животински грип, зошто луѓето им станаа природно имуни на обичниот сезонски, па мораше нов да воведат. И јас треба НИВ да им го доверам моето здравје??
Не фала. Ниту нив, ниту на Велков, ниту на комшијата. Мој живот, мое здравје, мој избор.

 

Јас прв пат слушнав за женава тука, кога ја видов темата. Гледам дека се развила дискусија, па се заинтересирав да видам која е и што и пишува на страната.

Една од првите работи кои ми паднаа во очи е изземањето, кадешто јасно стои дека информациите, советите и предавањата се од едукативна природа, а не се наменети за дијагностицирање, лекување или превенција на болести. Си пишува и дека кој е болен треба да си побара совет од лекар.

Ако е така, јас тука не гледам никаков проблем. Колку што разгледав (само пролистав по наслови), таа не препорачува ништо лошо, кое би му наштетило некому. Да бидеш на сонце, да бидеш физички активен, да јадеш непреработена храна, да не пиеш алкохол - тоа се нешта кои многу доктори ги препорачуваат за подобробрување на општата состојба. Кај нас на пример д-р Јадранка Бибан од 8-ка ги дава истите совети. Мене ми се допаѓаат таквите емисии. Ги сфаќам како информации кои можам, а и не морам да ги спроведам на дело. Ама порадо би гледала вакви емисии и реклами отколку реклами за чипсови, ресани, итн.

Јас верувам дека гените се прв предуслов за добивање одредена болест, ама веднаш по гените е начинот на живот - а тука се исхрана, физичката активност и редовното спиење.
Во Македонија најголем причинител на смртност се срцевите заболувања, а мислам дека за нив начинот на живот е особено важен. Сепак ова е моја претпоставка, не сум докторка.

 

^ Апсолутно, не знам зошто некој толку ја критикува, ти се чини од домашниот буџет пари му зема. Или можеби му намалува од неофицијалниот?

Следбениците на официјалната медицина со ПАРИ купуваат производи кои им ги туткаат под нос. Другите (алтернативците) за без пари пробуваат да си го подобрат здравјето и животот преку едноставно користење на она што ни го дала природата.
Кое е profit oriented?

 

За традиционалната медицина, само ќе речам - да знаел Александар Флеминг до која мера денес ќе се злоупотребува неговото случајно, а многу важно откритие - ќе го користеше во тајност.
Доволно кажува фактот што често се менуваат референтните вредности за нивото на шеќер и холестерол во крвта - многу кажува за начинот на живот и исхрана порано и сега, а да не зборувам за профитот кој фармацевтските компании го имаат во склоп со традиционалната медицина. Самата сум медицинско лице, ама верувајте ми, се повеќе се трудам да ја избегнувам традиционалната медицина секогаш кога можам.
Не ја бранам Велков, како што беше кажано погоре, жената само го промовира сопствениот начин на живот кој сите би требало да го практикуваме - живот во склад со природата. А за жал, тоа денес е мисловна именка. Се надевам дека луѓето ќе почнат да се освестуваат, оти црно ни се пишува вака како што тераме. Јасно е дека гените се основа за одредени болести - ама нели со правилен начин на живот може да се избегне нивното појавување? Дијабетес мелитус беше спомнат? Имам во фамилија два, тотално спротивни примери. Едниот од нив - дедо ми по мајка (бог да го прости, починат пред повеќе од десет години) - тотално го смени начинот на живот кога дозна дека има дијабетес, и немаше воопшто потреба од инсулин иако докторите му предвидуваа поинаку. А втор случај - свекрва ми - дијабетес има, прима инсулин два пати дневно, неколку пати го промени затоа што не и одговараше, ама џабе, никако не може шеќерот да го симне под 18. Се е до начинот на живот и исхрана - се додека не воведе здрави навики во исхраната, нема да и се симне, никогаш - јас се чудам како функционира женава. И затоа цело време е нервозна, фрустрациите и нервозите ги празни на сите нас што сме околу неа, сите и сме криви што е болна. И советував за промена на навиките во исхрана, почна еден период да се храни здраво, беше супер, пак се врати на старите навики, и кој и е крив за тоа?

Сакам да кажам, се е до нас, наше е во што ќе веруваме. Никогаш не верував слепо во медицинските книги, сега уште помалку.

 

Сепак мимииии е во право кога вели дека ѝ правиме услуга со тоа што дискутираме за неа. Сепак и негативната реклама е реклама. Затоа можеби треба да се дистанцирам малку од темава за неа.
Но, најважно и многу ми е мило што има дискусии, па макар и за неа. Кај неа на страниците и во групите нема никаква дискусија, сите се согласуваат со неа без разлика колку и да се бесмислени нејзините ставови.
Ми остана впечаток кога бев на предавањето, се чувствуваше една атмосфера на недоверба, луѓето не се прости, знаат дека кажуваше глупости, ама сите го игнорираа големиот розов слон во собата и никој не се осмели да каже што мисли за нејзините глупави совети, затоа мило ми е што гледам дека има луѓе кои не веруваат слепо во сѐ што кажува.

Никој не го оспорува здравиот начин на хранење и живеење, ама зарем не сакате да се информирате од некој посигурен извор, некој кој навистина има некои познавања. Колку и да имаш волја и решителност за здрав живот, ако не знаеш како да го спороведиш, џабе ти е, а тоа сигурно нема да го научиш на страниците на Велков.
Нутриционистичката наука е една од помладите науки, ама сепак има многу егзактни совети кои се научно основани, а не чисти шпекулации и бабини деветини како советите на Велков.

@Moira

Сѐ е профит ориентед, буквално сѐ. И немој да мислиш дека алтернативната медицина се само природни производи кои може бесплатно да се користат. Има стотици кои се купуваат, разни хомеопатски лекови, разни други лекови направени на своја рака од поединци, разни зеолити, и многу разни други непроверени производи.
Ама работата е што кога сум болна и кога барам од некој да ми даде нешто за да оздравам, очекувам да ми даде нешто што делува. Затоа избирам нешто кое е докажано од науката, а не празни совети од нестручни лица.

Пак ќе кажам, ништо не ми зависи од Велков, и се вклучив во темава затоа што беше отворена и беше најавено дека ќе се доселувала кај нас и после се отвори дискусија за нејзината стручност.
Се вклучувам во дискусијата затоа што ме интересираат овие области, сум проучувала што пишува и дали информациите се точни, и заради самата вистина ги пишувам овие одговори, ме интересира да знам што е вистина и бидејќи знам дека она што го промовира не е вистина.

Не си сосема во право. Иако ни се достапни многу точни и неточни информации, сепак многу тешко е да се разликува што е точно, а што неточно. Ете текстот од претходната страна, иако е целосно неточен, сепак за лаици како нас изгледа логичен и ќе си веруваме ако нема некој да предупреди дека не е вистина.

И она што ме зачудува е што некако наивно и благо реагирате, велите па што ако напишала нешто што не е точно, но никогаш не знаете какви последици може да имаат погрешни информации.
Ако сте се вклучиле во разговорот како здрави, прави индивидуи кои немаат потреба од совети за здравје можеби и ви нема никаква улога тоа што споделува лаги, но ако, не дај боже, ви притребаат совети, ќе може да има последици ако ги барате кај неа.

Затоа можеби изгледам како луда што се замарам со оваа, но тоа е затоа што сум видела како е кога во едно големо море од информации не сум нашла нешто против вакви и слични, во моменти на потреба.
Сме скитале низ разни информации и податоци и тоа скитање можело да има последици, ако не сме се обрателе кај релевантни луѓе кои ни дале една поинаква перспектива.
Е сега кај многумина барањето започнува кај обичните доктори и болници, и така треба, ама јас од почеток бев заведена со вакви алтернативи и не сфатив дека алтернатива е нешто кон кое се свртува кога се исцрпени сите можности од конвенционалното. А така беше затоа што имаше многу вакви извори и страници на интернет на кои им верував. Затоа сум сега многу против нив.

 

И тебе те разбирам и го почитувам твоето мислење.
И ќе го почитувам секој што го следи она кое мисли дека е правилно и кое му прави само добро, зошто на крај, ако не веруваме во тоа што го применуваме, ни природа ни медикамент не не` спасуваат.

И само да дополнам: Ноншалантно се однесувам кон невистините (барем оние кои можам јас да ги детектирам) зошто во ерата на интернетот секој може се` да напише и да не одговара за тоа. Ако е тоа така, тогаш која сум јас да изигравам дежурен полицаец и да ловам сеништа?
Секој што сака ќе прочита не 1, ами 10,100, 200 страни на интернет, ќе разговара со доктори, хомеопати, алтернативци, и на крај ќе си пресечи, при здрав ум и разум, и ќе си донеси одлука.

Па јас за еден хотел што треба да го посетам читам се` и сешто, СЕКОГАШ почнувајќи од негативните критики, не па за нешто што треба да го внесам јас, или било кој од моето семејство!

 

Единствено, покрај тврдењата дека само на природен начин се излекувале болни од рак, како да се знемарува и тоа што има деца кои боледуваат, не само од рак, туку и водат битка за своето здравје, да не зборам за млади луѓе кои ја изгубиле битката со ракот, а што се вели тек им почнал животот.Што треба да им се рече или да се остават, да гледаат во сонце и само со природната медицина ќе оздрават? А за тоа време им мине, за нив драгоцено.А тоа е страшно.Свесност? Каде е тука свесноста? Не е само ради женава, туку и за оние кои го тврдат истото.Свесноста за природната медицина, би требало да се појави со време, не кога е веќе доцна и заминал возот.Свесност? Додека некои како женава предаваат за природна медицина, други за тоа време битка водат, а и можеби умираат. Свесност не е само да се спречи болеста кога е веќе појавена, а се појавува свесноста тогаш кога истата тропнала на врата, туку пред да се појави, тука не мислам за деца.Свесност? Страшно е тоа што луѓе се болни, кои и немаат време да се занимаваат со природната медицина.А како што реков тоа и се занемарува изгледа.Го спомнав ракот, како пример, нешто што зема голем замав, а гледањето во сонце, тешко дека би направил да го снема истиот.Само пак ќе речам, болно е што деца, млади па и повозрасни умираат,а тоа како и да не е многу важно.Кога човек би бил свесен за сопственото здравје или за здравјето на другите, веројатно не би го губел времето.

 

За првото се сложувам така , секој си има право да си каже што сака , нели демократија а ние да одбереме што е точно а што не .
Јас баш реков дека ништо на овој свет е бесплатно , мене не ми беше поентата дека таа е плашило што сака само пари да земе а другите се бесплатно ти даваат . Туку тоа упорно одење по предавања, патувања не го прави само со добра намера има трошок за тоа таа. Еден од аргументите за неа , е дека се прави без профит.
Ма јас сум убедена дека секој прави нешто за профит . There is no such thing as a free lunch
Па ова кај нас е нов тренд , во странство порано сите продавачи на производи за здрав живот почнале со промоција на сличен начин па и не гледам нешто страшно во тоа .
Неколку пати имам зборувано колку не ми се допаѓа приватното здравство , бидејки се знае дека главна мотивација е профит.
Јас сум за една утопија каде лекарите ќе си бидат платени добро за нивната работа од државата и главен приоритет ќе им бидат пациентите . А фармацевтите ќе си ја работат нивната работа и нема да трчаат од врата на врата и да изигруваат продавачи .

Па и јас ова го спомнав на почетокот на дискусијата , значи нема опасност некој да ти дава совети за здрав живот . Ам тогаш дискофиман ми реплицираше дека морала така да каже бидејки немала лиценца . Претпоставувам за правна заштита
А цело време зборува дека има 3 лиценци .
Јас не ја сметам за некој стручен извор ама си кажав дека ја пратам и ако видам добар совет го применувам . Сите се согласивме дека здрава исхрана , физичка активност се предуслов за добро здравје . Експерт мислам дека спомна дека кога сме здрави не обрнуваме многу внимание на исхраната, а тоа ни е грешка на сите па затоа треба да се трудиме што поздраво да живееме .
Ама сега е моментот тоа што на болни препорачувала а гледаат во сонце , греота е мислам , човек кога има мака во се ќе верува и јас тврдам дека медицинска помош е потребна , нема лошо да се комбинираат и двете . Ама да губи некој драгоцено време и ти со здрав разум да го советуваш не се лечи е не ми личи баш хумано .

Инаку чекам експерт да го прати видеото каде тврдела за заземјување да користиш алуминиумска фолија и кабли поврзани со струја , не дека не и верувам ама сакам да го видам .
А инаку те разбирам експерт зошто си толку негативна спрема неа , како рекле не питај гаталец питај паталец .

 

Еве тука
http://youtu.be/9NjqPsc_x1M
на 1 час и 28 минути

 

На крајот се сведува дека сите ние сме одговорни за личното здравје и тоа колку ќе бидеме доведени да бидеме заенесени од класичната медицина или ваквите алтернативни медицинари. Што значи, се согласуваме сите, ама порадо е да се контраме... разбирам... И НЕ зборуваме тука за нашите лични избори и да се напаѓаме взаемно,туку верноста на информациите и мотивите на ваквите личости. Ова е тема,форум,не нашите животи...не,не знам како да го објаснам поинаку и не можам да се изразам кој не се согласува со мојот начин на живот,нека не разговара со мене... зошто е прво,грубо, второ, не е аргумент за дискусија... со должна почит... Зборуваме за Велков тука,а не кој како си живее, битното е сите да се здрави и среќни на крајот од денот. Искрено, не разбрав каде е проблемот...
Како што здравиот разум ќе ве наведе што да послушате од Велков или кој год да е,така е и со класичните лекарства... Впрочем,лично на форумов имам пишувано колку не ги сакам докторите и колку ме иритира нивната профитна ориентираност,но има секогаш две страни кои мораме да ги гледаме, за жал кога ќе не наведат условите...
Повеќе од јасно ми е како функционираат фармацевтските компании и јасно ми е дека кога ќе побарам нешто во аптека,а не сум доволно информирана најпрво ќе ми го понудат најскапото,па потоа алтернативите и дека се она кое функционира во фармацијата е ништо друго,освен една успешно одработена трговија. Не, не треба да се објаснуваме за овој дел зошто мислам дека секој разумен и малку образован човек го знае ова,ама не се запрашал некој дека истото го прават овие квази лекари само на малку похумано одработена промоција? Па фала богу дека ќе ти нагласи да земеш совет од лекар... фер инаф,не сака да сноси одговорност за можните последици, што значи ни она не гарантира во делотворноста на нејзините совети и лекарства...

Нема потреба толку ЛИЧНО и жестоко да ги сфаќате нештата, зошто јас искрено не сакам да зборувам за луѓето кои се неинформирани,а со тоа и поподложни на манипулации,а знам дека вие не сте такви, што значи спротивните и можеме да се разбереме. Зошто би зборела спротивно за инает нечиј, побогу жени за здравје зборуваме,а не за бербата на гуава во Индонезија годинава. Јас сметам дека тука разговараме како личности кои се информирани и добро ги познаваат нештата. Она кое провоцира е моментот што истата оваа личност се промовира како доктор до неодамна,не знам сега како е. И ова кое она го зборува нема научна поткрепа, реално,нема. И се се народни лекови кои ги знаат старите одамна,па има и многу книги во кои е збрана цела народна мудрост по тема медицина,зошто ми е тогаш таа?
Гледање во сонцето? Еве неодамна дома се докопа таа книга, татко ми ја читаше и според неа и НАСА се занимавала со истото. Баравме податоци...не постојат такви податоци и НАСА не поддржувала такви проекти. И не мислам на било која статија извадена на интернет на било кој портал туку баравме навистина потврдено нешто кое е излезено по виртуелниов простор. И ако одиме по логика на нештата зошто природата ни дала дигестивен систем ако ние реално немаме неопходност од храна? А во книгата тврди дека ние можеме да живееме без храна само ако гледаме доволно долго во сонцето. Не,немаше податок во кон НАСА одговорно тврди дека тоа го докажале...иако се наоѓаа такви информации,ама се знае на кои сајтови стои релевантна информација.

Ако ви го ѕвони ѕвоното и сметате дека е добра за вашето семејство и здравје, јас немам проблем со истото, но страшно е што многу луѓе повеќе веруваат на вакви наводни лекари кои се појавија како такви во последно време ама премногу, немајќи друг излез од немаштијата, отколку да веруваат во класичната медицина. Ама хипокризија тешка е кога познавам личности од моето окружување кои се користат со хомеопатски лекови, не сакаат класични апчиња, користат алтернативна медицина, а јадат пица за вечера на редовна основа...
Ви дадов и еден совршен пример кој целиот свој живот живеел во ритам со овој тип на живот и лечење, милионер, кој сепак на крајот се утврди дека џабе било сето тоа и дека ниту еден заработен долар не успеа да го излечи онака како што можела класичната медицина доколку тој сакал.

А друг е моментот што овие наводни лекари лековите кои ги нудат не им се спремени во адекватни услови... Мене ми се крева косата кога купуваат луѓево мелеми, напитоци и креми од домашниот шпорет, па складирани во тегличе во кое некад стоела нутела во него рецимо и складирани во замрзнувачот во кој ја чуваат дома храната... Па еве,дури и да не е така, и да не се спрема на овој карикиран начин, нека биде во изолиран услов,зарем мислите дека задоволуваат некој стандард и ниво на хигиена која е пропишана и проверена? Или ќе се јачаме со дополнителни бактерии кои скокаат во лековиве дур се приготвуваат?
Знаете зошто ова го кажувам? Затоа што татко ми е тежок напатеник од бубрези и камења во истите. Немајќи веќе што, почна да применува алтернативни начини... преку тие алтернативни начини закажи инфекција на желудник која му ја третираа како болест на срце... така се манифестираше, за подоцна да се утврди што е точната причина за проблемот. Сега си е добар. Мислам не беше многу подоцна,ама првичната дијагноза беше болест на срце,па после веќе наредната недела се утврди точниот проблем кој сепак требаше да биде лечен со соодветен класичен медикамент... па сега... Сепак кај него роватинексот е најдобро решение кој не му го решава проблемот на долгорочна основа,но е природен лек и се помири со таа ситуација и тука заврши приказната во потрага на надри лекари кои ќе му го решат проблемот за стално...
А дека имаме и други примери по дома со вакви алтернативни начини,ехее,можам книга да ви напишам...среќа не почнаа да веруваат у гатачи и магии... да не ви кажувам што се не се пиеше во услови кога една моја баба се раболе од рак на жолчката...си почина, лесна и земја. Што мене ми се граничеше со здрав разум од луѓе кои се образовани бре!

Да,применувајте ако ви помага, но немојте слепо и не ги доживувајте лично ако некој не се согласува со вас,ко атак на вашата личност било чии коментари,зошто информациите какви и да се можете да се почудите колку можат да ви отворат очи или да ви утврдат ваше размислување или да ве упатат до некое можно решение.
Некому може му помага Иван исцелител,па мнозинството се исмева со него... ама реално, ова што го пишувала дамата и нема благе везе. Не дека јас сум медицинар па толку сум навлезена,ама за среќа пак такви имам во околина и такви кои комуницирам на дневна основа,а не живеат тука,а работат на поле на истражувања на ракот,па практично се изнасмеаа,немајќи интерес да ме исполажат и да ми штинат лек ( пу,пу,пу).

Ако она доаѓа во Македонија, не ве запрашува зошто? Мене лично,да. Тука нешто не е во ред. А друго е што фрапантно многу вакви надри лекари излегоа што само скептицизмот може да ти го зачува паметот. За здравје луди сме кога се работи и би направиле се. Само што некои луѓе одат до таму со паранојата што уште пред да им биде нешто лапаат и џапаат ствари, мислејќи дека така ќе си го продолжат животот и здравјето,ама имап ајварот и сирењето со пола кило леб за ручек им е посладок или зимницата со кисели пиперчиња или вино од плус три чаши и печење...
Напорна е трката во ова време-невреме да се водиш по специјална агенда за здравје, ама најголемите проблеми си ги создаваме ние самите,плус гените. За некои работи на пример научив дека не сме ние виновни. Може да те сјебе комарец, може да те сјебат гени...нејсе,да не навлегувам...ама повеќето нешта зависат од нас до таму до кое ни е одредено,не судбински туку ете, ни е одредено како физичка моќ на нашето тело која е генетски одредена...

И исто како и докторите... немојте да мислите дека се работи за луѓе кои толку се човекољубци и дека го прават од љубов и за здравје... Не се ништо поразлични, со тоа што докторите продаваат висока медицина која кошта,а овие продаваат веќе кое со генерации се знае и не е ништо ново. Ако толку се благородни нека одат по народот и нека ја шират вистината за лекот бесплатно,а не за ситно,кој колку имал како што најчесто и се вадат што наведуваат на лажна слика дека го прават од љубов и дека мораат од нешто да живеат. Се е само една мошне добро средена промоција и наведување, ништо повеќе. Дали вие ќе се напиете некој магичен напиток наутро,на кој можеби сте алергични или ќе лапнете лажица мед секое утро,навика на која религиозно се потпирате од вас зависи. Ама секогаш да знаете дека упорноста и навиките се лекот. Некој ваков ќе ви продаде лек кој ќе функционира додека го употребувате...и потоа повторно ќе треба да го купите и повторно,а неверувајќи во едноставноста во лажичето мед со лимон или цимет го пренебрегнувате за нешто кое некој ќе ви го даде за пари.
Човекот е суштество од навики,не како нешто ново. Ако вашата дневна агенда вели, лажичка мед со цимет, лажичка маслиново масло со лен, печурчиња поредовно за оброци, јаболче до две на ден, чаша сода (веќе кога ја споменавте) пред или после ручек... тоа е тоа. Не мора некоја од Србија да дојде ми придава ветер и магла... реков, еден таков, како ни создаде проблем,ама луѓе мили од НЕМАЈКАДЕ. Тоа беа породилни болки ми се чини, толкав човек се витка пред грејно тело и лелека... кај ќе бараш чаре? Кршење камења веќе два пати годишно, роватинекс препиен, ќе одиш да пиеш чај што да потенцирам ТИ ГО ВАДАТ ЗАМРЗНАТ ВО ШИШЕ и ти го продаваат ко таков и не ти кажуваат што содржи... демек добро чувана тајна. Ма немој да ме јебеш бре! И ете ние си поќутевме,може имало и некој друг како нас и тој поќутел, на некого му помогнало можеби и караванот си врви,кучињата лаат се додека не постане можеби и животно сериозно...

Па сега...како мислите,така. Се додека вие сте среќни и здрави,јас сум среќна и се согласувам со вас. Барем за себе можам да кажам дека од 94-95 не сум видела бел ден за здравје,па би можела да ве разберам. Но ништо поразлично не е она клукање со антибиотици на секоја настинка со клукање на некои надри лекови дури и кога нема проблем при тоа незнаејќи што точно земате и дали тоа нешто може точно да ви ги утврди контра индикациите доколку недај боже настанат...Умереност и предпазливост. Стравот повеќе ќе те разболе на еден или на друг начин,отколку што ќе те излечи... Ама пак ќе речам, колку од вас се предплатени во фитнес клуб во кој редовно одат? Некој ќе рече се трудам... џабе ни е се. Човечката природа е таа... се сакаме да ни е полесно... па оди ти кај Велков и ќе ти даде магично Шурупче и ќе ти рече гледај денес три минути у сонцето и ќе бидеш супер, а баш пред некој ден читав дека витаминот ц практично и немал дејство ако не си физички активен...

Не скокајте непотребно, еве ви еден бесплатен надри совет. Стрес шкоди на здравје,мава на тироида, на желудник,на срце,на што веќе не.

Ах и ко податок... кој се повеќе се шири низ светот и не знам дали е комерцијална ствар или не,ама еве веќе кога се фативме баш за начини на живот по дома. Кај нас функционира безглутеинската исхрана,ама за жал е скапа и малку потешко е нон стоп така да се храниш. Го забележавме во повеќе наврати,ама... за жал тешко е постојано така да се храниме од многу различни причини. Ама реално, за моите проблеми, имав подобрување и во тие периоди кога инсистирам така да се храна,навистина,навистина забележувам промени... во секоја смисла се чувствувам далеку подобро. А значително подобри ми се вредностите на крвната слика и во однос на хормони на тироида и во однос на хемоглобин и ко. Ама... останува едно ама... пазам,не дека не...ама не можам постојано...АМА де... Прво си викав дека си мантрам потсвесно и дека е некој палсибо ефект,ама ете и измерено јас убедена сум дека е до тоа... ама дали е...не знам. Докторката моја се согласува до душа и она ми сугерираше најпрво,ама скапо е,мене лично ми е комплицирано,а и има толку многу земски задоволства од кои се откажувам,па сега и од здравите работи кои сепак содржат глутен, на воздух и сонце да живеам не можам...

 

А мене па не ми е јасно што толку се крена фама околу женава?
Пред некој ден ја имаше во емисија, и се изнатреска глупости едно чудо, ама врвот беше коа кажа дека нема потреба човекот да внесува протеини преку храната, доволен му е воздухот за сам да ги синтетизира и јас тука останав ваква Мислам што уште треба да каже за да дојдеш до заклучок кој памет го носи женава?

Тоа со сонцето е богами одамна не е ништо ново, во Јапонија демек сакале да ги мачат затворениците со тоа што не им давале да јадат и ги оставале да гледаат во сонце, надевајќи се дека така ке предизивикаат смрт, ама на крај се покажало дека наместо тоа видот им се регенерирал.
Исто во емисијата,оваа фати да тупи дека човекот има можност за фотосинтеза и не сме имале потреба од храна, да брее

 

Ајде сега да кажам нешто за делот „на кој не му се свиѓа, нека не разговара со мене“, зошто очигледно нели јас го реков тоа, а воопшто не беше со (благокажана) намера „грубо“

Лилит, јас ништо не сфатив лично, цело време и пробувам тоа да го кажам. Цело време пробувам да објаснам дека женава не е ништо посебно, и дека ако јас прифатам дел од нејзините совети, не значи дека сум „малоумна“ и дека сум дел од нејзината „замаена секта“. Кога некој го оспорува мојот личен избор, единствено што можам да кажам е - Ти смета? Не се дружи со мене, зошто јас не сакам ниту јас тебе, ниту ти мене, да солиме памет за СВОЕ здравје, крај.
Груба сум?

За жал, од раѓање сме „врзани“ за стандарната медицина, нема бегање од неа, барем не на овој свет. Ама јас одбивам да прифатам дека едно Шурупче од докторката магично ќе ми ја подобри крвта, а јас ќе бутам МкДоналдс, 7ца, торти и чипсови. Во право си, ептен сме мрзливи, ама така не` направи фармацијата. Ако мене ми нудат ДОКАЖАНО од официјални институции шурупче кое со 1 лажичка ќе реши 10 мои проблеми, за кои јас би требало да потрошам не 5 секунди, ами 2 саати „активности“ во денот - што ќе одберам?
Кога животот ќе ти го претворат во трка, за пари, за опстанок, за живот, КОЛКУ демек ни вредат тие 2 саати наспроти тие 5 секунди? ЕТЕ зошто фармацијата работи, и никогаш, ама никогаш нема да изумри...

Ептен надвор од темата, ама чувствував потреба да се доизјаснам, зошто јас во моите постови скоро никогаш не објаснувам подлабоко за моите лични избори, едноставно ги изложувам.

Како и да е, со среќа нека и` е на женава, каде и да се сели

 

Моето мислење за Слаѓана Велков.
- Доктор е, но по мое мислење не ја злоупотребува функцијата, како што напишал некој. Ако е доктор мора да биде иста копија како сите доктори? Да се води строго само по книгите и да препишува лекови за заработка?

Спојлер

Повеќето доктори намерно препишуваат некои лекови, и добиваат процент за тоа од фармацевтската индустрија.

- Следно, зошто кога некој е поинаков, нуди нешто поразлично, одма му скокате в очи и го напаѓате и не прифаќате? Тоа што е различно, не значи дека е штетно и нездраво.
Зошто сме навикнале на еден начин на лекување кој ни е наметнат и познат, и се останато не чини?

- Потоа, одењето бос, колку глупаво размислување, некој пишал да шеташ бод по улици, кој го спомна тоа? Се мисли одење бос по песок (кој има услови), во природа, само да не е на трева (зошто тревата ви ја одзема енергијата). Прво прочитајте убаво, а потоа донесувајте заклучоци, а не сте прочитале 2-3 реченици и одма се исмејувате и трескате глупости.

- Кој го пробал овој начин на живот (јадење сурова храна, гледање сонце, одење бос и други методи) подолго време, нека зборува и нека суди.
Ама, не, само од читање, без да пробате, осудувате.

- Лично познавам личности на кој овој начин (или сличен на овој) им помогнал на болни лица. Но, некогаш не може да помогне на сите. Има нешто кое се вика судбина, и ако е нешто пишано да се случи ќе се случи. Не е Слаѓана виновна за тоа.

- И ова го знам од лично искуство. Дајте му на човек најпрост лек, кој навистина делува, па дури е и многу ефтин, не го прифаќа. Се чуди, како тоа можело да му помогне!? И попрво би пиел кафе, би запалил цигаре, отколку да го проба лекот, па да суди.

- Сепак, Слаѓана има многу следбеници, и не се веројатно сите будали што ја следат? Значи, дека ги имаат увидено, осетено придобивките.
А, кому не му се допаѓа, не мора ни да ја гледа, ни да ја слуша.
Не разбирам зошто ако некој не го сакаш, не го прифаќаш, го гледаш, читаш и се замараш со него?

 

Ај што се развила дискусија кој е во право кој е во криво, за тоа и е отворена темата и воопшто форумот ама не ми е јасно што толку discofilman се возбуди да ја брани, да не случајно и помагаш при собирање луѓе што би ја слушале или и правиш бесплатна реклама овде?

 

Дискофилман кажа дека има некое позитивно искуство од нејзините совети, исто како експерт од другата страна, која кажа дека нема, и тоа е тоа

 

Мислев дека навистина е некој стручњак женава, ама кога видов што пропагира, се разочарав.
Ќе набројам само 2 бисери од нејзиното излагање.

Гледање во сонце - сонцето е јак извор на светлина и ниту еден офталмолог не би го дал овој совет, гледањето директно во сонце ја оштетува ретината во окото, прави дупки, може да доведе до слепило. Дури, не се препорачува ни гледање на помрачувањата на сонцето. А само колку луѓе завршиле со мигрена кога биле изложени на јак извор на светлина или одблесоци, да не спомнувам.

Јадење жива (сирова) растителна храна - ок, зеленчукот има најмногу хранливи вредности пред да биде готвен или подложен на повисоки температури, ама не секој човек треба да конзумира жив зеленчук! Јас бев таа што јадеше неготвени зеленчуци, се додека не видов дека ми смета на тироидата. Одредена растителна храна мора да биде приготвена пред да се конзумира од страна на луѓето кои имаат проблем со штитната жлезда. На своја кожа видов дека сировиот зеленчук не е препорачливо да се јаде во секој случај и дека е една од причините зошто лошо работи тироидата.

Ова Слаѓана Велков сигурно не стигнала да го дознае, со што во мои очи ја дисквалификувам како стручњак.

 

Кога е човек во мака, во се ќе поверува. Јас немам против ваквите луѓе, дури и врска да немаат, понекогаш е доволен плацебо ефектот..така да..штета нема.

Ако гледа човек дека не одговара-тера понатаму да бара чаре. Башка и лекови понекогаш не делуваат.

 

Незначи дека не треба да се пишува тука ако некому не му се допаѓа начинот на живот за кој говори женава.Веројатно е дека, ако има негативни мислења за неа, се вистинити, не е секогаш само да се слушне позитивната критика за жената, за која многумина велат дека е во право.Човек ако знае дали навистина природната медицина помага, тешко дека жената или не само таа, било кој друг го кажал истото што таа го кажува, ќе го излаже и негира искуството на оној кој си имал проблем со здравјето, па увидел кое точно помага и ги знае разликите во ефектот на природната и официјалната медицина.Човек и да не го сака туѓиот начин на живот, секогаш е добро да се чуе и негативниот коментар во врска со туѓиот начин на живот, кога се работи за здравје.Што би било ако сите имаат позитивно мислење ( а и лажно, со цел да се помогне на оној кој го кажува таквиот начин на живот, пример како што е случај со женава, па да испадне дека позитивното мислење не е од помош на оној кој има проблем со здравјето)? Незначи дека она што е негативно кажано за жената е само онака кажано, а не од искуство или слично. Гледањето во сонце, се мисли за тоа да се гледа во период на изгревање и заоѓање, но гледање во сонце не може да спречи тешка болест, бидејки додека човек гледа во сонце, може и да умре од истата.Сега, тврдењето дека само со природната медицина се излечил некој од рак, се тоа зависи од плацебо ефектот, кој е тука решавачки дали некој ќе се излечи од рак, па макар би практикувал само природна медицина.Затоа не може да се тврди дека само со природната медицина човек се излечил од рак или некоја друга тешка болест.Знам дека имало такви случаеви, не само од она што е кажано од женава, има и други кои говорат за природна медицина, случаеви каде ракот го снемало поради што заболениот се лечел по пат на природна медицина.Но сето тоа е само ради плацебо ефектот.Што значи дека не може со сигурност да се тврди дека природната медицина лекува тешки болести.Како што кажав има и такви случаеви каде воопшто не помогнала и тогаш кога истата била применета.Да е така лесно како што вели женава, веројатно би пропаднала официјалната медицина, но сепак самите случаеви го говорат токму спротивното на она што таа го предава.Затоа, не би требало во потполност да се занемарува официјалната медицина.А за профит, секој ќе заработи, не е само профитот на официјалната медицина.Од нешто луѓето мора да живеат.Ако нема профит и некој живее само заради нешто што му е животна определба, веројатно не би му се исплатело за истото да го презентира.А ретки се луѓето кои од срце сакаат да помогнат некому, на кои не им се битни парите.Онаму каде има профит, па макар и од нешто што би изгледало многу добродушно, секако дека ќе има сомневање, а ништо чудно и против аргуметни за истото.Човек што сака да помогне некому, не бара пари како возврат за помошта.Како што реков ретки се луѓето кои навистина сакаат да помогнат некому, многу ретки.Како што кажа една членка, таков е светот денес, ништо не е бесплатно, во право е.

 

Moira и Silver.E тоа и јас сакам да го кажам но овде на некој му е цел надмудрување,и јас не сватив само во кој момент некој си ја свати лично и жештко дебатата

Спојлер

Не сакав да почнам да пишувам да не биде ист случај како во темата - Доење во јавност каде истата г-жа ги плукаше мајките на кои децата им плачеле, вриштеле во ресторан, немале почит кон своето тело извршувајки го чинот доење во јавност, ненормални биле тие жени кои се бањале во море во бременост...и да не набројувам, кога почнав да дебатирам со доатичната на темата, беше испратено барање до надлежниот модератор да ми биде избришано мислењето,кое не беше надвор од тема, ниту пак беше од навредувачки карактер, затоа и не почнав да пишувам - да не биде и тука така, бидејки не се сложуваме во мислењето

Lakegirl тука се зборува за исклучиво безбедно гледање на сонце кога УВ индексот е под 2, а најбезбедно сонцето е првиот час од кога ке изгрее и еден час пред да зајде.
Стотици илјади луге ширум светот го практикуваат ова и нема случаеви на оштетен вид доколку се следат инструкциите, нема негативни последици, напротив лугето само добро виделе, нема некој што почнал што не видел бенефит, јас лично почнав и стигнав до 3 минути,но поради немање услови престанав, и ке продложам во прв момент кога ке ми се створат услови.И да, се осека подобрување како психичко така и физичко, иако после 15 минутажа се чустуваат првичните благодети, јас уште на почеток се чуствував каде каде повитално, свежо, наспано, болките во грбот и коленото ми ги снема и не, не се работеше за плацебо ефект.
Гордана10 бидејки спомена плацебо ефект кај рак, тоа е невоможно кај толку сериозна и сложена болест, за толку случаеви за кои јас сум слушала и читала и не се работи за луге кои ги практикувале препораките на Слаџана, но луге кои се осврнале исклучиво кон природниот начин на живеење, конвенционалната медицина нема успех кај ракот - тоа е факт.
Сум имала два случаеви во фамилија со рак, за жал двата ги изгубив и тематиката ми е доста истражена и позната, повекете случаеви кои ја победиле битката со ракот се базира на тоа што ја исфрлиле сета вештачки индустриска прозиведена храна полна со емулгатори, адетиви и конзерваниси, лекарства кои содржат тешки хемикалии, односно се сврнале кон она што ни го дала природата.
Тоа е она што и Слаџана зборува, жената на никој не му ветила дека ке му излече некоја тешка болест, одите буквално во крајности, како што кажа и Моира курир е на информации поврзани со здравиот начин на живеење, и се разбира дека човек не треба во се да верува - секако дека ја читам информацијата, ја истражувам од повеке извори и доколку сметам дека мене ми одговара ја прифакам.

И Моира да те поравам, експерт нема негативно искуство со Слаџана, само што ги слушнале нејзините препораки веднаш сметале дека е луда, и не примениле ништо.Тука јас не гледам негативно искуство.

Напротив лугето кои го применуваат здравиот начин на живот гледаат многу балгодети, и пак ке напоменам не треба буквално да се свака работа, жената кажува како да се заштите од ова штетно време, со тоа што ке се свртите кон природата, ке ја избегнувате индустриската храна, повеке ке конзумирате сурова храна,еве бидејки се спомена одење бос еве ви и еден друг извор зошто треба да се оди бос
http://www.collective-evolution.com/201 ... our-shoes/

На крај се сведува на тоа, дека секој си прави она што смета дека му одговара на неговиот организам да го прави, ете некој погоре пиша дека му смета на организмот да јаде свеж зеленчук, иако тоа на некој му звучи апсурдно бидејки зеленчукот е полн со витамини и минерали, девојчето стварно си имало мака.
Ваше е да собираате што повеке информации, да селектираате и да го одбирате она што е најдобро за вашиот организам, но не да ги осудувате и критикувате оние кои не се на иста фрекфенција со вас.

 

И јас ја правам техниката со сонце, веќе 4 години мислам, уште малку и ќе ја завршам и не сум ослепила, ниту имам некакви проблеми со видот.
Напротив, имам многу бенефиции.
Ама си ја правам техниката како што е кажано. Е, сега што некој неинформиран само си треска зелени, негов проблем.

И јас се сложувам како со Де Мело, женава си кажува како да бидете здрави и витални на пророден начин.
Кој не сака природен начин, си постојат аптеки со еден куп хемија, никој не им брани.