Сопруг/партнер манипулатор

Па ајде споделувајте

 

Што да споделуваме? Или сме немале такво искуство или уште не сме се освестиле дека имаме.
Можам да споделам за дечко, какви идеи имал тој, какви јас, ама не ни се поклопиле идеите и сме заминале секој по свој пат. Нема многу врска тоа со темава.

 

Аман, ти викаш тоа нема врска со темата, другата вика дека треба да споделуваме....
Нека дојде тој шо ја отвори темата и нека каже како треба

 

Прво, жртвите на личност со нарцисоидно пореметување на личност, не приметуваат дека се жртви ниту можат да се изборат со овие манипулатори.

Ќе приметат дека тешко оди комуникацијата, дека не можат да му пренесат што мислат, да се објаснат, ќе приметат извртување на факти, негирање на истите и обвинување и убедување дека секогаш си ти крив од страна на нарцисот манипулатор.

Ве прави виновник толку ефикасно што почнувате да верувате дека сте вие навистина криви.
И кога ќе ве измачи и ќе реагирате бурно , ќе ви впери прст и ќе ви рече ете ти реклв не си нормална.
Тоа е кај сите.
Единствен начин да се справиш со него, е да побегнеш од него.

 

Затоа што не секој туку оние што во минатотото биле ранливи се лесна мета на вакви манипулации. Деца израснати во нефункционални семејства, нарцисоидни родители и слични злоупотреби кога ќе пораснат најверојатно ќе продолжат да го прават она што најдобро го знаат, да ги повторуваат овие шеми на однесување и страдање и со тоа и шансите да завршат покрај вакви манипулатори.

Оние растени во сигурна и заштитничка средина, многу побрзо ќе ја препознаат манипулацијата и ќе побараат излез час поскоро. За танго треба двајца.

 

Може јас не сум ни соодветна да зборувам на темата, со оглед на тоа што не се работеше за брак, туку за врска и овде излегувањето е прилично поедноствано.
Кога веќе се вмешани деца, целиот проблем добива уште поголема тежина, ама Адидас е во право што рече, дека мора да се стори се возможно да излезеш од тој брак, оти во спротивно е пекол.

Дали манипулација е овде и правиот збор или контрола, мислам дека е само нијанса или терминологија. Воопшто не битно. Оти воспоставувањето контрола врз поединецот, е неговата цел за долгорочна манипулација.
Каков вид на манипулација, што сака да добие од тебе, дали само да си го храни егото, или да профитира финансиски или што и да е, зависи од неговите потреби.

Јас и ден денес се прашувам и се мислам зар е можно некој со однапред испланирана агенда, да си бара жртва или иде на принцип како значиш, така привлачиш. Не знам.

Знам само дека јас после таа врска, можам да ги препознаам од далечина и поспособна сум да ги преценам луѓето. Фала му што ја уби наивноста и несигурноста во мене. Ме направи далеку посилен човек.

@Adidas888 ги напиша фазите ептен убаво, а @Cosmi е во право, дека жртвата секогаш е некој емпатичен, со некоја (нездрава) потреба да спасува и помага.
А ти си во право дека образованието и интелигенција воопшто не е битна.

Може ќе звучам нескромно, ама јас себе си се сметам за паметен, работлив и пресметлив човек. Може тоа беше и клучно кај мене, работливост и желбата да сум самостојна. Мислам дека он направи погрешна преценка, што на крај му зададе голем удар на егото, па резултира со уште поголеми глупости.

Ги поминав буквално сите фази, со шармирање, комплименти, длабоки разговори, па убедување дека никој не чини. Другарките не ми чинат, моите не ме поддржуваат доволно, пријателите се само од корист. Само он.
Па љубомора со обвинување дека зрачам со некоја недоверливост.
Барање да сме постојано заедно. Правење дека сум нестабилна. Неговите зборови толку добиваа на тежина, што полека почнував да верувам во нив.

Мене ми стана премногу, се гушев. Се изгубив јас, моите планови и сонови, не изгледаше нормално. Не бев среќна. Сакав друго, ама како да немаше друго.
Изгубив една година и ситно со него, кај што емотивниот момент што го искористи против мене беше болеста на мајка му, која после почина и мојата наивност не дозволи да му раскинам, за да не го повредам.

Ова ми е лекција за четири животи, релативно касно ја научив, никогаш ама никогаш, без разлика во какви околности сте, не заборавајте дека вие сте на прво место во својот живот.

Почнав да се повлекувам, да пробувам да се социјализирам повторно, да најавам крај на врската.
Е овде ескалира, почна со уцени, па да ги спамира другарки, роднини, познаници.
Ми пишуваше од сите можни места, лажни профили, мејлови, броеви.
Блокирав, ама упорно се враќаше. Велеше дека нема да дозволи да бидам среќна во ниедна наредна врска, дека никој нема да ме сака и онака сум стара (средни дваесети). Да, да со тој филм.

Е тука веќе збеснав. Не можев да дозволам на гомно од човек да ме тероризира.
На крај собрав се што имав од она што ми го праќаше, отидов кај адвокат, па отидов во полиција и толку беше. Таквите ликови покажуваат сила најчесто само врз жртвите, инаку се слабаци.

Прекинав секаков контакт со него. Никогаш повеќе не одговорив на порака или провокација, директна или индиректна. Остава и после некој период, некое глупо чувство на несигурност кај тебе, ама со работа и посветеност на себе си, се враќаш во колосек.

Никој ама баш никој не е вреден, да трпиш терор од него. Начини се има, храброст треба. А колку подолго некој работел на тоа да ти го скрши духот, толку потешко е.
Јас мислам дури на крај сфатив дека пробува да ме исече од се' и да ме контролира, не ни бев свесна.

Како и да е, среќна сум што прекинав пошто сега живеам. Помина многу време од тогаш и јас успеав да си ги реализирам па скоро сите планови, а и многу повеќе отколку што мислев дека можам.
Една трошка надеж и поинаков поглед на светот, некогаш прави цел еден нов свет.

 

Мило ми е за тебе

 

Ти благодарам што сподели.
Јас ова што си го пишала го живеев 8 години.

 

Толку на темава.

 

Јас не можам да проценам искрено кој е таков,а зошто не знам.
Порано имав му кажано на еден дека е таков,ме убедуваше дека не е точно,така да...глупа тупа во такви проценки нема до каде

 

Си имала работа со повеќе од манипулатор.
Како и да е, мило ми е што релативно брзо си увидела и си излегла.
Животот е еден, премногу краток, за некој да ти го ремети мирот и да сака да направи да го живееш како тој смета дека требаш.

Онака општо, мислам дека самодовербата игра многу улога. Кога се цениш себе си, многу потешко ќе паднеш на манипулација, и да паднеш, многу побрзо ќе се освестиш. Проблем е кога луѓето сами себе не се почитуваат доволно, па лесно може да ги убедат во сешто.

 

Зависи колку манипулацијата е јака.

 

Па да, ама некако широк спектар има манипулацијата.
Страшно е кога е испреплетена со опсесија или демнеење или слично.
Меѓутоа, манипулација е и едно просто испревртување на зборовите во банална ситуација, каде последиците можеби не се страшни, но сепак станува збор за манипулација.

 

Мене ме интересира од каде им нагон и желба за вакво однесување, да контролираш, уценуваш, омаловажуваш некој... Најверојатно од недоволно внимание или...? Си имаат психички нарушување тоа гарант, ама од каде е коренот?

 

Мислам дека е најчесто некоја траума од детството. Коренот е таму, биле жртви кога биле деца на некоја околност, без можност да се заштитат. Па сега како возрасни кога ја имаат контролата веројатно наоѓаат жртви, свесно или не свесно.
Не знам можеби грешам...

 

Некогаш се маладаптивни нарушувања на личноста, најчесто и самите биле жртви во раните години од животот, кај нарцисоидноста е скршено его кое постојано компензира и контролира а кај социопатија е губење на секаква емпатија поради надворешни притисоци.

Кај некои други нарушувања како психопатијата се смета дека има генетски фактори, ама тешко е да се објасни која би била еволутивната предност на нешто толку екстремно...

 

А дали може некако да се помогни/излечи и слично?

 

Не се лечи нарцисоидно нарушување.
Мн е почесто кај мажи, а кога е појава кај жени е далеку во поблага форма.
Наследно е (од татко на син), исто ако имал таков рол модел во фамилија го прифаќа како 'нормален' начин на однесување, некаде пишува дека се јавува и кај презаштитени деца...

 

Јас мислев со малку повеќе разбирање, љубов и поддршка би биле подобри/задоволни и слично..