Официjaлно не, мислам дека не смеат да даваат препораки за суплементи туку само за лекови. Неофициjaлно ако сам им предложиш одобруваат, три бразилски орева или 100 mcg селен дневно.
Јас се чудев се додека јас не спомнав тој не ми препорача Селен 100мг дневно да земам. Сега ми е јасно, фала
Хашимото имам јас, а селенот ми рече да продолжам да го земам бидејќи воспалението на жлездата се намалило и тоа многу
Прашањево е повеќе за тие со Хашимото Вака. До пред неполна година бев на безглутенска диета. Ја држев околу 6 месеци. Толку можев да издржам, а богами и финансиите имаа удел. Лебот од марката Schär беше околу 120 денари. Единствени (што јас дознав, а можеби и грешам) благи намирници без глутен беа: Сникерс, Нутела и Баунти она со кокосот... баш оние најскапите работи. Промени во бројот на антителата немаше воопшто. Беше и остана над 1000. Веројатно 6 месеци е малку за да се забележи подобрување, а и безглутенската диета не трпи грешки. Мислам дека ни ронка не простува, а јас ваљда сум имала тук-там некоја несакана несвесна грешка. Се разочарав малку оти се лишев од се и сешто за да и го пролонгирам животот на тироидната . Е сега, разбрав дека, луѓето со целијарна болест имале како “попуст“ на безглутенските намирници доколку пазаруваат со дијагнозата. Вака ја дознав информацијата и вака ви ја пренесувам. Дали е ова точно? Мене искрено ми звучи многу “западњачки“ И ако е, дали можеме ние со Хашимото да имаме некаков бенефит? Запознаени ли сте со нешто вакво или јас буквално раширив несакајќи дезинформација? Се извинувам ако е така...
Примаш ли терапија? Колку време си со дијагнозава? Како ти се беа тсх и антителата на почеток а како сега? Имам пишувано многу назад во темава за исхрана при Хашимото а и за некои други додатоци. Се на се, јас лично многу поубаво се чувствувам со безглутенска исхрана, а успеав и да средам некои работи без терапија. На пример антителата обично ми беа околу 250 а сега се 15, а тсх ми одело највисоко до 5.9, ама јас никогаш немам почнато терапија . Точно е дека со целијакија на луѓето им се рефундира трошокот за исхрана, на пример брашното од Schar им доаѓа по 20 денари кило, ама за нас со хашимото не е признаена врската помеѓу исхраната и болеста, така да ако немаш плус и дијагноза целијакија фондот не ти покрива ништо.
Примам терапија веќе 4 години. Почнав со 50мг Еутирокс, сега сум на 125мг. Со последнава доза ми се изрегулира ТСХ и Т4. Значи и двете ми се во нормала. Кога првпат отидов, пред од прилика 4 години, ТСХ ми беше 11, а еве од последната контрола ми е 0.29. Се е во ред, само антителата не мрднуваат со години уназад. Од првата контрола до последната на извештајот пишува >1000. Ова со безглутенскава диета беше по моја инцијатива, не по негова препорака. Го консултирав само, а тој ми рече “ако мислеш дека можеш да издржиш, пробај“ Буквално никој не сум сретнала да има тооолку многу антитела како мене. Не знам што е работава...
@Aljona Ivanovna , антителата се знак на воспалителен процес, односно знак дека е интензивен автоимуниот напад врз тироидната жлезда. Со тек на време тоа сосема ќе ја уништи жлездата и таа ќе престане да работи. Битно е да се најде основата на процесот. За жал кај нас нема доктори што практикуваат функционална медицина која ја бара причината на болеста, туку имаме само традиционални доктори кои ги лекуваат последиците од болеста. Кај функционална медицина на секој пациент му се пристапува индивидуално, преку комплетно испитување на организмот. Се наоѓа индивидуалната причина зошто се јавила болеста, кај секого причината е различна. Пристапот освен лекови и додатоци вклучува и нутриционизам, односно воспоставување правилна исхрана. Како генерално, за автоимуните заболувања се препорачува автоимуниот протокол, односно начин на исхрана кој ќе го запре напредокот на автоимуната болест. Тој протокол вклучува исхрана без глутен, без шеќер и без лактоза, а има и многу други правила и детали што би завзеле голем простор ако ги набројувам. Во основа се смета дека автоимуните заболувања во голема мера се должат на "leaky gut". односно на синдромот на т.н. пропустливи црева, т.е. воспаление на тенките црева предизвикано поради нетолеранција кон некој вид храна (најчесто глутен, лактоза или шеќер). Откако со правилна исхрана ќе се смири автоимуниот напад, се намалуваат или исчезнуваат и антителата со што се смирува воспалителниот процес кој ги уништува органите (т.е. тироидната жлезда при хашимото).
Нешто не ми е јасно .... На првото испитување антиТПО беа 55 а сега се 21 и докторката вика ако еднаш биле позитивни секогаш ќе бидат, дали е точно тоа ?
Zboram za ovie so hasimoto,ishranata nema nikakva vrska,tiroidnata namalena,pocnala da se susi jas enos ke ja lecam so hrana..ne biva..kaj ostanatite mozebi moze da se podobri slikata,no za hasimototo ni nema spas..ova e moe licno mislenje oformeno od nekolku razgovori so razlicni specijalisti od taa oblast..
Не се сложувам Ако навреме се фати болеста, пред многу да се оштети жлездата, и тоа како може да се стопира. Секако зборувам од личен пример. Две години по диjaгноза сеуште сум без лекови, а резултатите постоjaно се подобруваат. Огромни жртви и посветеност од моja страна ама ja ставив болеста во ремисиja (на почеток беше тсх 5.9 и антиТПО 250, а последните резултати ми се тсх 1.85 и антиТПО 15)
Не е проблем, ќе споделам, само мора да нагласам дека целиов мој режим е направен на своја рака, не е препорака од доктор, и е тотално индивидуален режим, не значи ако делувало кај мене дека ќе делува и кај друг, мора да бидам одговорна бидејќи се работи за здравје, моето го ризикував но секој одлучува за себе Проблемите со тироидната ми започнаа пред најмалку две години. Почнав необјасниво да качувам тежина, бев цела поспана, забележав и опаѓање на косата. Пресудно за да отидам на лекар беше што ми се поремети и циклусот. Отидов директно на ендокринолог за детално да ги испитам хормоните. Таму ми се открија неколку состојби, ПЦОС, хиперинсулинемија, хипертензија, хиперандрогенемија и хашимото тироидитис. Внатрешните жлезди се поврзани и едно влијае на друго(јас ПЦОС имам одамна, можеби тоа влијаело на другите хормони) ТСХ ми беше 5.9 а антиТПО 250. На ехо жлездата покажа почеток на хипотироидизам. Ендокринолозите имаат различен пристап во однос на ТСХ, некои веднаш даваат еутирокс ако ТСХ е над 4 а некои даваат шанса организмот прво сам да се избори па даваат еутирокс ако ТСХ е над 10. За среќа мојава не ми препиша терапија, а и јас самата сакав прво да пробам се друго па еутирокс да ми биде последна опција (кога ќе се почне еднаш, доживотно е бидејќи жлездата станува мрзлива т.е закржлавува). Режимот ми е пред се, здрава исхрана, без глутен, без лактоза и на почетокот и без шеќер. Spoiler: мој режим на исхрана Мојот режим си го составив сама, на база на информации од интернет.Различно јадам секој ден, основно ми е што тотално исфрлив глутен, значи се што содржи пченица, јачмен, рж. На што и да купам готово гледам во состав да нема некое од тие брашна. Исфрлив и шеќер, засладувам со мед или стевиа. Исфрлив кравјо млеко. Леб и бели печива си правам сама, со мешавина од безглутенски брашна, (хељдино, пченкарно, киноа, амарант итн.). Исфрлив зелка, брокули, карфиол... Обично доручек ми е смути (блендирам авокадо, цвекло или блитва со банана, аронија, капини или друго овошје, јогурт, ѓумбир, чиа и ленено семе, или пак некоја друга комбинација), или кришка леб со путер и јогурт, некогаш си варам хељда или киноа. Ужина овошје или јаткасти плодови. Ручек протеин (месо, риба или јајца) и прилог зеленчук, или готвен грав, грашок, леќа и сл., плус обавезно салата (без леб). Вечера ми е салата, некогаш кашкавал, некогаш си правам пуканки Пијам 2-3 литри течности на ден (вода или чај). Избегнувам било што со адитиви и конзерванси (салами, паштети, всушност кога ќе видиш скоро се во продавница...) Додатоци ми се магнезиум, селен (преку бразилски ореви), цинк, б-комплекс, oмега 3, кокосово масло и ашваганда а плус пијам и фитовал капсули за да ја зацврстам косата и ноктите. Многу се подобрија симптомите. Не сум веќе цело време уморна, омалаксана, со болки по цело тело. Коса, кожа и нокти ми се во многу подобра состојба, немам киселини, гасови и грчеви во стомакот... Ослабев 12 кила за пет месеци без воопшто да бројам калории а крвната слика ми е фантастична. Немам веќе хиперинсулинемија а и другите состојби се подобрени. Целиов процес траеше две години. За тие две години успеав да го симнам ТСХ донекаде, односно ми варираше помеѓу 3 и 6, а антителата помеѓу 90 и 250. Битно е што сепак го оддржував без терапија, не растеше. Во ноември некаде решив да пробам и со Ендонорм. Пиев два месеци, три пати дневно, се до средина на јануари. По еден месец од прекин на Ендонорм бев на ендокринолог, и резултатите кажуваат дека конечно успеав да ги симнам антителата на 15 а ТСХ на 1.85. Не можам да кажам дека е само од Ендонормот, туку веројатно од сите работи заедно, и правилна исхрана, и додатоци, па и Ендонорм. По шест месеци пак се повторува Ендонормот во тек на еден месец како доза за одржување. Ќе продолжам со истиот режим на исхрана затоа што и да не е болеста, поубаво се чувствувам вака. Е тоа е тоа отприлика. Рано ја фатив болеста, пред многу да ја оштети жлездата. Пак ќе кажам, овој режим го составив сама на база на интернет, читав многу медицински истражувања и написи од цел свет, искуства по форуми и сл. Значи не е препорака од доктор.
A jas i ovde pred site sakam TEBE da ti go cestitam DENOT NA ZENATA, DENOT NA MAJKATA, DENOT NA MOETO "SE" - 8mi MART! Voedno da ti kazam deka kako sto te sakav prviot den, kako sto TE SAKAM sega, i kako sto ke te sakam do momentot koga moeto srce cuka, taka ZAEDNO i ke se borime protiv sekoj predizvik vo zivotot i NIKOGAS, NISTO nema da uspee da ne razdeli, NIE ke gi naterame problemite da se razdelat od NAS! Sreken praznik i na ostanatite clenovi, pripadnicki na ponezniot pol! SONCENCE sakav malku da te iznenadam.... TE SAKAM! <3
