Веројатно не треба да се паничиш, но следи почесто на ехо. На колку време правиш ехо? Јас не сум направила од август минатата година. Поради ситуацијава се одложи ехо-прегледот.
Еднаш годишно. И на претходното ехо исто ми беше, сега повторно немаше промена. И за тие со хашимото, имате ли правено посебно проверка на срце кај кардиолог? Не знам што ми се уврти во памет. А да, имате ли проблеми и со крвни садови, пукање капилари и тоа...
Кај мене исти симтоми, ете веќе со денови сум ненаспиена ради трпките во нозете и рацете и стегањето на главата, како и да се наместам исто е, не можам веќе како зомби се осеќам. @kravce јас правев, супер ми е срцето освен панична тахикардија повремено што ми се јавува, а инаку имам проблем со капилари, осбено на образите, и позади колента, попуштени вени имам колку сакаш, мада тоа ќе да е од работењето само на нога еве веќе 6 год, амс срцето е супер.
Најлош симптом ми е уморот. Толку сум уморна што не можам да се симнам до продавница пред куќа. Можам цел ден само да лежам, тешко ми е да станам кафе да си направам ама не го кажувам ова метафорично - немам сила да станам. Кога почнав со терапија првите два месеци летав од енергија, сега пак ми е ужасно. А TSH-то ми е во нормала со терапијата и докторката смета дека дозата ми е погодена. Ама џабе кога за 2 месеци симптомите ми се вратија. Мене докторката ми вика дека храната немала врска. Знам дека не е така, ама двете докторки кај кои бев (постари се) ме убедуваат да не се замарам со исхранаташто ми е многу чудно... Ова ми е вториот голем симптом. Мислам на немање концентрација, тешко ми е да размислувам, тешко ми е да сврзувам реченици, чувствувам како да имам магла во мозокот, тешко ги восприемам информациите кога некој ми зборува. Како постојано да имам вртоглавица ама не онаква од која ќе се онесвестиш, туку од внатре во главата ја чувствувам. Како да имам една голема завеса пред очи и секојдневието го гледам низ неа.
Во однос на концентрацијата, исто ми се случува и мене. Одеднаш се случува, како нешто да ми поминува низ глава, и одма продолжува со треперење на рацете и нозете, стегање во главата и слабост во цело тело. Како да ми се грчат рацете, ми паѓаат предмети ако нешто работам и тешко ми е да мислам. Поминува само од себе по 2-3-4 часа. Како ништо да не било. Во однос на храната, и мене две докторки ми имаат кажано дека не влијае и нормално да си го живеам животот. Но, со сите симтоми толку многу ми е нарушен квалитетот на животот и нормално е да се јави и анксиозност и паничен напад...и што уште не.
И кај мене поминува само од себе. Најчесто ми трае цел ден, ќе преспијам и сабајлето како ништо да не било. Ама тој ден кога ќе се појави знам дека ми е пропаднат. Мене многу ме буни делот со исхраната бидејќи на интернет има илјадници информации за исхрана и тироидни проблеми, и колку е важна, а нашиве ми викаат уживај јади си што сакаш. И сега не сакам да бидам личност што верува на интернет повеќе отколку на доктор, ама логиката ми кажува дека не може исхраната да нема врска. Не знам што да кажам, не сум сретнала уште ендокринолог кој се замара доволно со хипо или хашимото и ќе ми објасни детални што треба да правам за да бидам во најдобра можна форма. Само препиши еутироксот, ТСХ е во нормала - терај девојче.
Мене па мојата докторка ни препорача да исфрлам глутен, ми рече да си направам јас режим до исхраната за да осетам што ми влијае лошо, пример две недели да не јадам млечни производи за да видам дали они ми сметаат, па две недели да не јадам глутен итн. Ми рече не е докажано дека негативни влијае ама поради симтомите кај мене како подуеност, запек или дијареа без причина, тешкотии во варењето ми рече да пробам оти најчесто хашимотото повлекува и некоја нетолеранција. Јас бев да испитам нетолеранција на храна, алергија неам на ништо ама нетолеранција имам на свинско месо, пченица, јајца, млеко, некои јатки, бобинки, малини и капини, јагоди, соја, јачен и рж' што значи глутен дефинитивно и лактоза. Е сега јас одбирам да продолжам да јадам млечни производи оти само на пилешко месо, риба и салата не можам да живеам, а и не сум осетила од млечни производи проблем, ама од глутенот дефинитивно моментално осеќам колку ми штети оствари.
Ова што го опишувате е класичен brain fog, типичен за целијакија. Исфрлете глутен , искуствено кажувам дека смената се осеќа многу брзо. Доктори ко доктори, нивно е да напишат апче, ретко кој се замара со причината. А хипо и целијакија се сестри.
Да речеме, во трагови. Во смисла едно залче еднаш неделно, може и поретко. Ама се друго, брашно, тестенини, лебови, запршки- без глутен. И месни и млечни декларирани без глутен. И пиво без глутен.
Drugarka moja ima hasimoto i pie eurotiroks.Otkako 2 meseci isfrli gluten i mlecni proizvodi oslabe 10 kg.Zenata se preporodi.Nema vekje naduenost i problemi so stolicata...Antitelata se namaleni .
Јадеш се’ од зеленчук и овошје? Ќе пробам и јас да сведам глутен на минимум, иако јадам само за доручек интегрално лепче, по 1-2 парчиња. Но, и ова да го исфрлам?
Исфрлив јас глутен пред едно 5-6 години , на три месеци. Буквално ништо не се измени ни случи.. Исфрлете глутен само ако постои докажано нетолеранција. Еутирокс мене ми е злато апче и тсх 2.
Овошје и зеленчук нормално, од јаткасти кикирики не. И соја не. @Cosmi може кај тебе немало ефект, ама не значи дека сегде е случај. Значи сериозни когнитивни и мускулни проблеми исчезнаа , богами и психолошки, ама целијакија беше потврдена. Тоа не се потврдува со алерготест, класични антитела се евидентни.А се тргна од сомневање за хипо, параметри гранични. Вие што сте со симптоми, проверете антитела дури уште јадете глутен. Кај мене тоа гастро доктор го води, ама и матичен може да даде барање за лабораториски испитувања.
Точно,не викам не. Само сакам да кажам,потполно исфрлање на глутен кај луѓе кои немаат никаков проблем од и со глутенот не е потребно, можеби и штетно.
Да, ама јас посочувам дека ендокринолог просечен не прави корелација со целијакија, а треба. Ако не инсистирав сама, којзнае што ќе лечевме.
Девојкички, ве читам извесно време. Фала ви за безброј информациите што ги добив од вас околу оваа болест. И кај мене неодамна е откриен Хашимото. Испитав 5 антитела и сите ми се во ред ... освен ТПO ми е убер 1000 И доста чудно што не добив никаква терапија освен Селениум (витамини) што треба да ги пијам секој ден. Најверојатно поради тоа што немам досега никакви видливи промени (не ми опаѓа косата, супер концентрација, ретко осеќам замор,со килажата сум во нормала). Прашањето ми е, дали некоја од вас се нашла во таква ситуација? Да не добие никаква посериозна терапија на ненормално ТПО затоа што нема симптоми? Да чекам да се здебелам или да почне да ми паѓа косата? Ајде тоа и нека не е битно. Но што е пак со некои последици кои ќе го нарушат здравјето? Се разбира нема да си седам така мирна и најверојатно ќе отидам и на уште неколку места... не знам.... би сакала да слушнам повеќе мислења. Да ме упати некој каде уште освен на ендокринолог во неприватна болница (да не кажувам која, нема везе)? Фала ви и среќни празници
