Нормално ти било затоа што си примала терапија. Ако ти била иста терапијата претходно, значи ок е што пак истата ја препишал. Ќе ти ја намали кога ТСХ ќе падне под 0.4. Провери си колку ти е.
Секако дека пак ќе проверам ..секогаш одев на 6 месеци сега ради пандемијта си велев на година да одам...
Уште на почетокот ми кажа дека била доживотна и дека имало ретки случаеви што им ги прекинувале а дали има богзнае.
Дали ви влијае времето, вака променливо? Хашимото имам јас, и на вакво време не можам од кревет да станам, немам енергија и ништо не помага
Spored mene mislam deka strasno vlijanie ima vremeto, a I vitaminot D si go praj svoeto... mislam deka site cvetame na soncencee leten period
Испитувате ли и други хормони (репродуктивни) за тироиднава? Се зачитав сега нешто, па се подзамислив. Јас имам испитувано мнооогу одамна, и тогаш беа во ред, ама тогаш и тироидната беше во ред. Откако ми се воспостави дијагнозава немам други хормони испитано, а и не ми препорачале... се подзамислив дали треба
Јас на секои 3месеци ги испитувам TSH,FT4,FT3 и на 6месеци-година испитувам антитела. Друго немам проверено ништо. Со терапија сум веќе 5год.
Се приклучувам на клубот на Хашимото . Пред една седмица си ги проверив хормоните (за прв пат) и имав TSH 8.48. Отидов кај специјалист за нуклеарна медицина каде ми направи ехо и ми рече дека од едната страна ми е потечена тироидата, па ме пушти повторно да испитам TSH и антитела (само тоа). Овој пат TSH ми е 3.63 (референтни вредности: 0.25-4), а антителата ми се 419 (референтна вредност: помалку од 35), па ми рече дека имам Хашимото. Терапијата со Еутирокс ми е: првата седмица пола таблета од 50 mcg, а натаму 3 дена цела таблета и 4 дена пола таблета. Кај мене симптомите се подзаборавање, потешко концентрирање и како капацитетот за учење да ми е намален, депресија, намалено либидо, покачена тежина и тешко нејзино симнување, сува кожа, кршливи нокти. За умор искрено тешко ми е да дефинирам, затоа што природно сум слабокрвна (особено сега имам недостаток на витамин Б12), па некако како природна состојба ми е . Би напоменала дека другите хормони ми беа во граници (фт4 ми беше малку намален; мене ми беше околу 10.4, а долната граница на референтната вредност мислам дека почнуваше од 11.5) или барем никој ништо не ми спомена за нив, но и не беше којзнае колку детална снимка (споредено со тоа што сум прочитала тука): мислам дека беа околу 10-тина хормони кои ги одбра гинекологот (иако, тој имаше одбрано и естроген и фт3, а не тестостерон, но на болница ми дадоа резултат за тестостерон, а не естроген и не фт3, само фт4; ми рекоа дека не ги тестираат тие). Читав поназад прашања поврзани со уморот и капацитетот на учење, па јас би прашала дали сте имале поизразени симптоми на депресија и намалено либидо и дали сте почувствувале задоволително подобрување по одреден период земање терапија? Отсекогаш сум била така склона на депресија и мислев дека заради тоа и либидото ми е природно пониско. Се изнаприкажав беспотребно, ама ете, секоја информација/предлог би бил/а добредојден/а .
Уф. Провери се и антитела за целијакија. Обавезно внесувај селен, обавезно исклучи глутен (откако ќе испиташ целијакија) иклучи соја, и никако јод. Мислам ти беше што ме учеше за органска козметика, нема потреба да те учам повратно. Исто битно- витамин д ти проверија?
Да, прашав и за селен, специјалистот ми рече дека може повремено да внесувам. Ништо посебно не ми кажа, повеќе јас прашував од тоа што сум прочитала тука. Прашав за железото што сте споменале, дали треба нешто посебно да се чека после Еутироксот (4-5 часа), ми рече нема потреба. Прашав баш и за витамин Д дали треба да внесувам, ми рече само дека е важен, но за тоа дали треба посебно да пијам, тоа ако сум се проверела и сум имала потреба. За целијакија пред форумов немав ни слушнато искрено (ова од што ја имам читано Јуле ), а дури сега и прогуглав што е. Видов и дека целијакијата може да е поврзана со други автоимуни болести, како анемија или еве Хашимото. Побарав Хашимото и недостаток на Б12, и пишуваше дека често се појавувале заедно; тој недостаток, т.е. таквата анемија се викала pernicious anemia. Е сега, јас досега знаев само дека сум анемична, не ни знаев дека постоеле различни видови и буквално сега првпат ми е спомнато дека не е баш проблем железото, туку недостатокот на витамин Б12. Не сум испитувала ништо поконкретно, ниту некој ми рекол да испитам, кажано ми беше уште од мала од мајка ми дека фамилијарно сме анемични (и нејзините сестри и нивните ќерки-мои братучетки) и толку. Сум пиела повремено суплементи за железо (Feroglobin) и еднаш-два пати Хеферол (капсули со железо, на рецепта). Ме замисли искрено. Ги разгледував симптомите на целијакија и не ми изгледаат како да ги имам, освен ова што се поклопува со Хашимото/недостатокот на Б12. Единствено што можам да кажам е дека имам, ајде како да ја наречам, пореактивна дигестија, што исто ја препишувам на наследеност. Од друга страна, од тоа малку што читнав, се спомнуваше и „тивка" целијакија, наводно кога немаш некои многу изразени симптоми .
Симптомите се мање више слични, ќе ти пуштам линк подоцна- brain fog, депресија, слаба коса/нокти итн. Ама глутенот го спомнав оти тригерира антитела, а неретко и тироидните антитела се поврзани со глутен. Тебе антитела тироидни ти се веќе потврдени, структурата ако разбрав добро е пореметена, така што хашимото е сигурно. Тироидните хормони ќе се доведат во ред, ама мислам дека антителата го прават целиот проблем, а тие се регулираат најмногу со избегнување на нивни тригери, главно типови на храна и хемикалии. Не мора да значи дека имаш и целијакија ама препорака е да се исфрли глутен.
Здраво девојки, по направено ехо на тироидната, докторот ме упати да испитам тсх и т4. Резултативе се следни, во прилог има слика. Дали може да ми објасните што значат? Секако испратени се кај докторот и во понеделник ќе ми објасни за што се работи, но сакам да видам и ваше мислење. Ви благодарам однапред
Dobro vecher,bi sakala da prasham za iskustvo na eho na tiroidnata zlezda mi nakdoa 4 cisti od koi 3 od levata strana a 1 od desnata,sega me prakjaat da gi ispitam hormonite kako i antitela sa hashimoto i mi rekoa na eho za 6 meseci za da vidat dali rastat. Me interesirq iskustvo vashe okolu cistite,dali bi sleduvala biopsija ili nekoe dopolnitelno ispituvanje na niv TSH vo oktomvri ispitan i vrednosta bila 1.93.
Девојки јас денеска на своја рака си испитав тироидна во авицена. Причина тоа што многу почнав да слабеам (а не сакам). Испадна дека TSH ми е 0.16 од нормални 0.55-4.78. Прв пат се занимавам со тироидна па многу би била благодарна ако некој ми подобјасни што значи мојот резултат. Колку е страшно, што проблеми се може да очекувам и слично. Секако ке посетам ендокринолог (ако може и тоа да ми предложите каде приватно, само да не се цени до плафон) , но додека отидам би сакала од вас совети, мислења.
Прочитај овде. Накратко, можно е да имаш зголемена функција на тироидната жлезда (hyperthyroidism) и како што гледаш, слабеењето е еден од симптомите, покрај останатите симптоми кои можеш да видиш дали можеби ги искусуваш (можеш да побараш на интернет дали има и други симптоми). Звучи збунувачко што велам зголемена активност кога вредностите ти се под нормала, но така е: кога имаш пониски вредности имаш зголемена функција (хипертироидизам), а кога имаш повисоки вредности имаш намалена функција (хипотироидизам). Веројатно ендокринологот (или специјалистот за нуклеарна медицина) ќе изврши уште испитувања во случај да не имаш автоимуна болест (Graves' disease) и веројатно ќе ти препише терапија за намалување на функцијата на тироидната жлезда. Јас го имам спротивниот проблем (намалена функција), па не би можела да ти кажам нешто повеќе, но отприлика таа е процедурата.
