Тироидна жлезда

Прашање до поупатените за хашимото... Дали е доволно да се одреди дали треба да се прима терапија само според резултати на ТСХ и ФТ4?

 

За да се утврди дека е хашимото треба барем антитела испитани. Терапија за хипотироидизам зависи од вредностите на фт4 и тсх, колку се пониски односно повисоки од нормата.И од пропратни симптоми, нормално. Јас лично би следела и структура на жлезда на ехо.

 

Па тоа и е збунувачкото во мојов случај. На ехо изгледа како хашимото, а вредностите на тсх и фт4 се во граници на нормала. Остана да испитам антитела, но докторката рече дека тоа нема да менува ништо за терапија. Во овој случај немало потреба. А јас чувствувам симптоми... Не знам дали да одам на второ мислење?

 

Ако се вредностите на тсх и фт4 во ред, не знам што би можело да се реши со екстра тироксин како терапија. Навистина не знам, ако некој знае нека сподели

 

Nikogas nemam provereno tiroidna iskreno neznam ni kako se proveruva? Imate nekoi problemi pa ve prakaat za proverka ili?

 

Јас сум со Хашимото и малце зголемена тироидна жлезда, примам еутирокс терапија, ама тоа ради зголемениот ТСХ. Ако хормоните се во граници на нормала, не знам зошто би се примал вештачки хормон, кај мене еутироксот не направи апсолутно никаква разлика во намалување на тироидната жлезда, дури не знам ни дали е возможно да се намали.
@Филотеа ако си во можност испитај антитела и побарај второ мислење. Сепак зависи и од возраста и висината на ТСХ. Некои доктори ќе дадат еутирокс и на тсх малку повисок од 4, затоа што сметаат дека жените е подобро во репродуктивниот период да имаат помало ниво, особено значајно за забременување.
За Хашимото и нема некој лек, селен и цинк велат обавезно да се пие, исхрана треба да се види што ти помага што ти одмага во симптомите, а еутироксот е лек за хипотироидизам, што во моментов мислам го немаш

 

Доколку немаш никакви тегоби и симптоми (ги имаш на нет да ги изгуглаш), немаш потреба од проверка. Но доколку сакаш да провериш, матичниот е тој што дава упат за специјалист или интернист и потоа таму ќе ти направат ехо и ќе ти дадат упат да испиташ детално тироидни хормони.

 

@Biljarkata @kravce фала за советите

 

Кај мене на првите 2 контроли хормоните беа во ред, а на ехо и антителата укажуваа на Хашимото. Тогаш не примав терапија.

 

Јас пијам еутирокс скоро 10 години -хипотиродизам.
Забременив и родив но од бременост навака (20м како сум породена)не ме гледале на ехо. Одев кај Синиша на нуклеарна ама откако е пратеник веројатно не прегледува? Бидејќи не ми одговара на вибер...
Сега правев ехо на дојка, ја ѕирна и тироидната, ми вика ми личи дека оди кон хашимото направи си ехо,може ќе треба да ти сменат терапија. А тсх и фт4 ми се уредни, пијам 7х7 еутирокс од 75мг.

Хашимото е кога имаш антитела?
Проверував пред некои 5-6год уредно беше,мислам уште еднаш од тогаш проверив.
Што се менува во однос на терапијата и какви симптоми имаше?

 

Во однос на терапија не се менува ништо. Еутирокс мене иста доза ми е, само додатоци на селен, цинк и магнезиум дополнително.
Јас бев хипо, после пораѓај хипо-хаши.

 

Имаше некои симптоми или на ехо ти видоа?

 

Гушење. Како кнедла да имав во грло. Правев ехо, и плус антитела преку крв.

 

Ве молам за препорака за доктор на приватно итно е.

 

Д-р Татјана Јосифовска од Тиреодијагностика

 

Можам на своја рака да си земам селен и цинк? Кои суплементи ги користиш?

 

Доколку веќе пиеш терапија не се препорачува пиење на селен, бидејќи кога се препишува тоа е врз основа на резултатите. Цинкот е ок, но за селен мора консултација и одредување на точна доза. Ова не го зборувам на памет, туку според советот кој го даде докторка од Жан Митрев која гостуваше на една утринска емисија.

 

Каква терапија и каква врска има со селенот? Еутирокс е тироксин, врска нема со антителата, селен и цинк се за регулирање на имунолошката реакција, односно намалување на антитела. Како може селенот да биде лош?

 

Консултирај си ендокринолог.
Јас селен пијам, па правам пауза.
Можеш и бразилски ореви, како внес на селен.

 

Некои доктори препишуваат селен пред да се почне со еутирокс и во некои случаи тоа ја задоволува потребата и нема потоа потреба од терапија. Што би значело дека влијае на резултатите, па поради тоа не треба да се земаат на своја рака. Исто ги спомна и бразилските ореви.