Тироидна жлезда

Колку време би траела процедурата за прв пат преглед на тироидната жлезда? Досега проверував во родниот град, но сега ќе треба во Скопје, па би сакала да имам на ум отприлика колку време ќе треба да одвојам во склоп на работно време за прегледи...

Знам дека прво ќе треба да одам кај интернист, па тој да ме препрати кај специјалист по нуклеарна медицина. Верувам дека зависи, ама еве дали сте имале искуство отприлика после колку време се наоѓа термин кај специјалист? Истиот ден, неколку дена подоцна, неколку седмици, следен месец? И потоа специјалистот нели ќе те пушти да провериш крв, па пак треба да се вратиш кај него за толкување на резултати. Ова веројатно не се одвива во ист ден, или?

@Cosmic Girl спомена дека не секогаш има од реагенсите за испитување на хормони. Дали јас одбирам каде да испитувам или специјалистот секогаш ме препраќа во лабораторијата на Клиника? Ако можам да одберам друго место, кое е најдобро? @Cosmic Girl исто спомена дека затоа е добро пред земање крв да се праша дали имаат од сите реагенси со цел да се избегне повеќекратно боцкање. Што ако немаат од сите реагенси, можам произволно да одам во друг ден (упатот нема да ми важи само за тој конкретен ден и време?)? И како би знаела кој ден би ги имале сите реагенси, знаат точно кога добиваат? Дали секогаш мора да се зема крв наутро или може и попладне?

Исто така, последователните контроли директно ги закажува специјалистот кај него за да не мора да одиш пак преку интернист кај него или постојано треба да поминуваш низ истата процедура (матичен-интернист-специјалист-земање крв-специјалист)?

Дали барем некои од интернистите и специјалистите работат втора смена или постојано се прва смена? Дали и резултатите можат да се подигнат попладне или пак мора преку ден?

Прашувам за да сфатам како ова би се извело кога си во работен однос, испаѓа секоја седмица-две треба да излегуваш од работа за да завршиш некоја работа поврзана со ова... Како се справувате со ова во однос на работата/работодавците (затоа што звучи како пречесто да излегуваш од работа)? Или не ви прават проблем сѐ додека надокнадувате подоцна?

Ја означувам @Cosmic Girl, затоа што имаше пишувано и во друга тема околу ова, меѓутоа секое мислење/искуство плус е добредојдено. Знам дека имам многу прашања, меѓутоа не знам како инаку да се информирам за сите овие работи без да го искусам сѐ ова, а би преферирала да си олеснам што е можно повеќе, или барем да сум целосно запознаена со процесот и сѐ околу него...

 

Поради тоа што не си од Скопје би те советувала да си тестираш во Авицена тироидна се плаќа 700 денари. Не ти треба никаков упат само одиш и кажуваш што сакаш да испиташ. Ем ќе се спасиш од влечкање на секаде ем можеш да ги добиеш резултатите преку меил нема потреба да чекаш во Скопје .

 

@pdb123

Не се мачи човек.
Само пари ќе исподадеш по автобуси/такси без потреба.
Оди Биотек или Авицена.

 

@Hecate, @Acronia, а потоа сепак останува контролата кај специјалист, нели? Дали предлагате со резултати директно да одам кај специјалистот за веднаш да ми ја подеси дозата? Има врска во кој дел од денот би се тестирала? Претходно немаше врска, специјалистот ме пушташе и наутро и попладне, зависи како ќе се погодеше...

@Hecate, можеби лошо се изразив - сега живеам во Скопје и ќе мора тука да ги правам контролите за да не се враќам во родниот град специјално за тоа.

 

Па добро сепак провери си едноставно во Авицена место да се влечеш и растрчувсш по клиникиве. Мислам дека 450 беше за тироидна така да 250 повеќе ќе дадеш но ќе заштедиш на нерви и време.

 

Да. Останува прегледот кај специјалист после добивање на резултатите.
Но, тоа треба матичниот да ти го закаже, така?
Освен ако и специјалистот не го одбереш на приватно, што не би препорачала зошто мислам дека поприлично многу ќе те чини.
Патем, не знам дали ти кажав, јас негде ноември месец бев 8ми септември на одделот за ендокринологија и буквално немаше ниту еден доктор за да ме прегледа. Како дојдов на шалтер, така ми ги вратија документите и останав непрегледана до сега.
Ама тоа беше за време на пандемијата, пикот, сега не верувам да е така...
Инаку, кога сме веќе тука, заборавив да те прашам, ехо на тироида направи меѓувреме?
Оти ќе треба и тоа.

 

Да, матичниот закажува, ама мислам дека таа е процедурата, матичниот може само на интернист да те пушти, па тој да те препрати кај специјалист.
Да, уште од првиот пат кога појдов дома специјалистот ми направи ехо и секоја контрола исто ми правеше ехо.

 

Еве ќе ти кажам од мое искуство- во поликлиникиве (како на пр. Јане сандански) еднаш ме прати гинекологот за проверка на хормони во лабораторијата на поликлинката, и ми рекоа од три хормони имаме реагенси за два. Претпоставувам дека може тој што праќа да ти даде упат за билокоја лабораторија која работи со фонд, мене ме прати таму дека као блиску. Значи бирав дали да ме боцне за двата само што ги имаа, па да се боцнам приватно за третиот или за сите три да си платам приватно и да се боцнам еднаш. Значи бирав дали меѓу поефтино ама со малтретирање или за поскапо ама побрзо. Башка зависи што хормони проверуваш. Ако се повеќе, поскапо е приватно. Ако се само трите за тироида, може и да најдеш пакети за поефтино од приватните лаборатории, зависи што ти треба.

Во државна клиника не ми се случило да немаат реагенси, да бидам искрена (не знам дали некому му се случило). Бев во државна на ендокринолог за рутинска контрола со упат. Матичната ми го закажа терминот. Терминот го барав лани овој период, а ми беше закажан таму во мај. Значи го ловат матичниве буквално, и тука нема правила, туку што ќе ти најде сестрата во моментот. Така да повеќе зависи од нејзината упорност да проверува и брзина кога ќе ги пуштат термините за новиот месец брзо да резервира за тебе.

Во државна клиника во амбулантата на ендокринологија иако со термин почекав некое време дури ме викнаа. Тој ден ете ајде некои 2 саати траеше целата работа, без патот наваму натуаму, тлку да ги ставам, што мислам дека е минимум временски. Ме прегледа и ми побара лабораторија. Најдобро е тогаш, на првиот преглед, да се договориш со докторот кога да дојдеш со резултатите да ги види зашто сите имаат распоред и не се секој ден во амбуланта. Ако одиш за резултати или контрола накнадно, не ти треба нов упат, стариот ти важи еден месец. Крв мора да дадеш во нивната лабораторија која е две врати подолу ама насабајлечки, на гладно обично, па дојдов наредното утро во нивната лабораторија пак. За лабораторија нема термин, се услужуваат пациентите како што доаѓаат. А секогаш има пациенти. Тие што те боцкаат ти кажуваат кога да очекуваш резултати - за колку дена и во кој дел од денот да дојдеш да ги подигнеш од кај нив. Јас ги добив за неколку дена, значи отидов пак (трет пат) до лабораторијата и ми ги даде на хартија. И требаше со нив да отидам 4ти пат за да ги види докторката ама тоа не се случи, бидејќи не договорив со неа кога да дојдам однапред, на распоред за месецот ја немаа зошто работела и во ковид центар и мене веќе ми се смачи од одење. Башка жената ми кажа се што требаше за евентуална идна терапија, те дека ќе има потреба само ако се над/под одредени вредности ако не ништо, и видов дека се во ред и не ми се исплатеше да одам пак, за да ми каже нешто што знам и да ми потврди дека не треба да пијам ништо.

Амбулантата на ендокринологија мислам само прва дека работат -до 2.

Еве ти корисен линк:
http://mojtermin.mk/health_workers

Стисни на провери слободен термин, одбери лево специјалност, одбери град, па институција и ќе ги видиш сите доктори кои таму работат. Ако избереш еден ќе се отвори календар и се гледа кои денови е во амбуланта во целиот тековен месец и ги имаат сите термини и слободни и зафатени.

Инаку за итни случаи може да ти даде приоритетен упат со кој одиш пример дента или наредниот ден, ама во државно кој е со приоритетен упат последен влегува, после сите со закажан термин , така да може да се изначекаш до крајот на смената на докторот. Ова е најголемата нелогичност, тој што му е итно да чека со саати, ама веројатно сите ги злоупотребуваа ваквите упати да се пикнат, па затоа..

Само еднаш отидов со ваков итен упат на ендокринологија во државна и таму беа пациенти од два дена со мој термин, зашто на сите им ги откажале претходниот ден за наредниот и за секој термин имаа по двајца пациенти. Тотален хаос и гужва беше, до тепачка. Јас тогаш имав воспаление на тироидата и температура и не можев да чекам, а и да чекав мислам дека немаше да влезам воопшто дента, зошто немаше крај од пациенти. И си заминав непрегледана и бесна. Тогаш ми пукна филм и закажав во Систина, по неколку дена имав таму термин. Таму отидов кон 14ч. во 19 ч завршив со се. Преглед, ехо, лабораторија на трите хормони и црп. Чекав 2.30-3.00ч за лабораторијата и ми се извинуваа што морам да чекам и на крај си отидов со дијагноза и терапија. Ми рече долу имаш аптека, лекот не е на фонд, купи го и почни го уште вечерва. И да платив некои 8-9000 илјади. Ете ти ја разликата во кратко.
Кој нема пари ќе се мачи по врати, ќе оди по болници и ќе чека.
Кај мене тогаш работата не беше за чекање, зашто бев во лоша состојба, само на аспирини за превенција од полошо, без терапија и се молев да немам трајни оштетувања на жлездата заради чекањето. За среќа добро се заврши и со терапијата од систина имав супер резултати и без последици помина.

 

Фала ти премногу на деталниот одговор .

 

Те молам одговори ми, кој ендокринолог во Систина го препорачуваш. Фала на одговорот. Поздрав

 

Јас одамна бев, и тогаш бев кај др. Чедомир, ама сега не го гледам на листата на доктори на ендокринологија во Систина. Гледам две докторки жени се. Не знам која е боља.

 

Извини, сакам да прашам за доктор Танер, дали имаш инфо, дали можеби работи приватно, оти ми рекоа не бил веќе во Воена болница (сега не знам дали е точно, затоа те прашувам). Однапред фала за одговорот.

 

Немам поим. Sorry

 

ПРОФ. Д-Р ГОРДАНА ПЕМОВСКА дефинитивно најдобра. Доколку се одлучиш за во Систина. Јас порано работев во Систина не на тој одел но знам кој доктори се најбарани. Пред да е во Систина исто така била шеф на интензивна ендокринолошка нега. Знам дека има дел од студиите завршено во странство.

 

Многу, многу ти благодарам, имам три деца, а сум немала поим дека имам проблем со тироидата. Фала Богу, децата ми се здрави, ама ќе морам да се погрижам за себе, ама навистина ми е потребен солиден лекар и затоа толку многу се распрашувам.

 

Јави се и закажи до преглед кај Доктор Гордана и ќе видиш дека жената е многу стручна и пријатна убаво објаснува и се гледа дека има големо знаење исто така има долги години искуство. Додека бев во Систина само пофални зборови за неа слушав. Така да не се грижи ќе си направиш проверка ќе си примаш соодветна терапија и се ќе се стабилизира.

 

Како 700ден е? Од 700-1000ден е само еден хормон да се испита, tsh. А другите?, а антитела?, околу 4000ден +- е се комлетно приватно за тироидната да се испита (само крвни анализи). Плус ехо, контрола ако се прави кај приватен доктор, се вкупно 7,8 илјади ќе кошта.

 

Јас не сум видела убаво на гугл флаерот мислев дека се комплет е 700. Моја грешка.

 

Мене до сега на клиника не ми се случило да нема реагенси, додека на друго место ми се случило. Доста пати сум била пратена таму и секогаш имало се.

 

Jas kaj Pemovska odev uste dodeka bese na klinika i ne bev zadovolna, nekako mi bese ko otsutna, a togas bese i pomlada baska..imas mnogu dobri endokrinolozi na klinika zasto pari da davas privatno..
Jas kaj mnogu imam odeno zatoa sto tie godinj lecev sterilitet pa me zimale i zameni ako doktorot kaj sto imav zakazano ne bese tuka..
Najzadovolna sum od Iskra Bitoska I Biljana Todorova.
Tatjana Proseva ne ja preporacuvam, loso iskustvo so nea.
Odev i kaj Sasa Jovanoska i cela bremenost mi ja vodese plus ,ama sega otkako e direktor mislan ne raboti veke so pacienti.
Brankica Krstevska dodeka ne otide vo penzija isto me vodese pa potoa me prevzede Sasa.

Inaku striktno za tiroidna mislam nema podobra od Biljana Bojadziev, maz mi i majka mi idat kaj nea, raboti so fondot, i bas tiroidnata zlezda i e specijalnost, ne e ko ostanative za se po nesto
A, da ne zboram kolku dobra e ko osoba i za se izleguva vo presret.