Трагедија во Кочани - најмалку 59 загинати во пожар во дискотека

Од секогаш се прашувам шо мајка бараат овде да живеат, ете им ја Албанија кај им е, ама изгледа ниту Албанија не ги сака баш, среќа па кај нас ги нема, голема среќа, секоја чест на исклучоци за жал многу малку ги има.
Каква мизерија од човек треба да бидеш, немам коментар.
@malerozna @1209 и сите останати од истокот, само ние си знаеме како ни е, како сме живееме /живееле, на гробишта веќе беше младелашки масакар од секакви последици а сега? Каков рој солзи исплакувам на секое идење на гробишта а одам, колку имам закопано, многу млади. Сега и ова .. одамна беа завршени гробните места исполнувајки ги со млади луѓе.. кај да се заврштиш наоколу повеќето млади.. всушност нашата слика за нашата Македонија, срце ти се корне. Грутка во душа засекогаш. Пече и боле.
@Cosmi пола кочани е под торино во канели асти и александрија, пола, а другата пола изгоре жива. Вака сумирано. Имам многу блиски. Слика за нашата Македонија. Вистината.

 

И тука да кажам внимавајте и предупредете, поголемо ѓубре од овој нема.

 

Позитивна вест: двујца од пациентите во Бугарија се екстубирани (дишат сами). Прогнозите биле добри.

Од друга страна хоспитализирано е девојче кое била во придружба на брат и. И таа била во дискотеката, по преглед докторите одлучиле дека треба да се хоспитализира.

 

Некои нема да работат, ние нема.
А и кој ќе работи сите скоро ќе одат на погреб, има и колеги повредени што се лечат во странство.
Баш вчера од работа ми звонија јас сум на боледување ме замолија ако можам да се вратам на работа немало кој да работи.
А и така било колешки ми кажаа.
На кој близок,братучед, зет, пријател има починато, страшно е.

 

Разбрав, колку и да чинат креветите, ниту една земја нема толку многу кревети колку што нѝ се потребни, за жал.

 

Статус на д-р.Добрила Андоновска

Првиот официјален Центар за изгореници е формиран со формирањето на Воената болница во Скопје, со самото формирање на болницата под раководство на Д-р.Крсте Митановски, према стратегијата на здравството на ЈНА. Центарот е затворен за да се ослободи за приватната Кардиохирургија ,,Жан Митрев".

Вториот Центар за третман на изгореници е отворен во 2000 година во Градска општа болница - Хирургија, сегашна Клиника за хируршки болести ,,Св.Наум Охридски" во Скопје, а е ставен вон функција во 2016 година.

Во Центарот работеа специјалисти и субспецијалисти по Пластична и реконструктивна хирургија:

* Прим.д-р.Спиро Јовевски
* Прим.д-р.Добрила Андоновска - одбранила јавен труд на ниво на магистерски труд на тема
* Прим.д-р.Грета Марцикиќ,
* Нау. сор. Д-р.Маре Стевковска - докторирала на тема
* Асс. Д-р.Емилија Атанасова,
* Асс. Д-р.Елизабета Обочки,
* Асс. Д-р.Биљана Шапова и
* Асс. Д-р.Јасна Угриновска.

Центарот функционираше како посебен оддел на одделението за Пластична и реконструктивна хирургија, сместен во посебен дел од болницата со посебен надворешен влез.

Центарот беше опремен со најсовремена опрема од Јапонската Влада - Интензивна нега со два Клинитронови системи од француско потекло, какви што постоеја во регионов единствено во Пирогов - Софија (околу 40 - 50 на број). Овие компјутеризирани системи овозможуваа специјални микроклиматски услови: аерација, температура, влажност и пациентите лежеа како во бестежински простор на ,,кади" исполнети со силиконски песок кој ,,врие" поради проток на воздух.
Центарот располагаше со посебна операциона сала за изгореници каде шесте специјалисти по пластична хирургија, тимски со врвните анестезиолози, вршеа оперативни зафати и преврски во општа анестезија. Центарот беше опремен и со респиратор донација од Макстил.
Освен интензивната нега постоеше и болничка соба со два кревети, што значи дека капацитетот беше за 4 пациенти со екстензивни изгореници, а со нивно подобрување се префрла, по потреба, на одделението за Пластика со 15 кревети.

Беше формирана и Банка на амнионски мембрани (во соработка со Гинекологија - Чаир) по пример на Пирогов и други центри.

Докторите се обучува во Пирогов,
КЦ Љубљана, КБЦ Ребро - Загреб, Прага, Франкфурт, а во 2005 година после обука во Оксфорд се воведе и третман со сребрени преврски и други артефициелни преврски. Континуирано се надградуваа учествувајќи на бројни меѓународни симпозиуми и работилници.

Докторите се бавеа и со научно - истражувачка дејност од што произлегоа еден докторат и еден јавно одбранет труд на ниво на магистерски труд, стотина авторски и коавторски трудови и презентации на бројни меѓународни конгреси, како и работа со студенти и едукација на специјализанти.

Пет медицински сестри беа на едномесечна обука во Пирогов - Софија, како и еден пластичен хирург и анестезиолог.

Најтешките интубирани пациенти првите години се третираа во интензивната во Центарот, но понатаму беа третирани во централната болничка Интензивна за да бидат под ,,будно око" и третман на врвните анестезиолози и реаниматолози. Во интензивната се вршеше и хемофилтрација на одреден број на пациенти со екстензивни изгореници.

Се работеше тимски со специјалистите од сите дијагностички, хируршки и интернистички гранки, а особено со детските хирурзи.

За период од петнаесет години и осум месеци во Центарот се лекуваа 1316 пациенти со екстензивни изгореници (према званична документација), просечно 84 пациенти годишно со ,,тешки" изгореници, а не два пациенти годишно, како што изјавија надлежните.

Дополнително околу 20 - 30 пациенти годишно со друга тежина на изгореници кои се лекуваа на одделенијата за Пластична хирургија и за Детска хирургија, што значи дека во оваа болница се лекуваа нешто над 100 пациенти годишно.
Да претпоставиме дека се лекувале уште 20 во други установи, тоа се 120 пациенти годишно, на државно ниво.

Во Центарот се лекуваа и страни државјани како приватни пациенти и имаше тенденција да прерасне во регионален Центар
Секвелите од изгорениците како лузни, контактури и други деформитети се решаваа во истата установа.
Треба да се напомене дека огромен беше бројот на пациенти со изгореници кои се третираа и во амбулантно - поликлинички услови.

Значајно е да се нагласи дека лекувањето на тешките изгореници е повеќемесечно и ,,скапо" го чини Фондот, но ништо не е поскапо од човечкиот живот.

Ако се иземе актуелната ситуација каде бројни пријателски држави прифатија лекување на повредените (најбројни во Србија и Бугарија) треба да се напомене дека искуството покажало дека лекување на еден пациент со изгореници во европска држава би го чинело Фондот минимум 150 - 250 илјади евра, а бидејќи сме социјална држава, секој пациент за чие лекување нема услови во македонското здравство има право да се лекува во друга држава на товар на Фондот.

Па, се поставува прашањето дали државата ќе ја чини помалку да формира современ Центар за изгореници или да испраќа пациенти на повеќе - месечно лекување надвор?

Од ова сето изнесено се заклучува дека не се во ред паушалните изјави дека во државава се лекуваат само два пациенти со тешки изгореници на годишно ниво (очигледно информацијата е добиена од погрешен извор).

И да нагласам, не се обвинуваат властите што немаме Центар за изгореници, на истите им се честита за огромниот напор да се згрижат тешките пациенти во други центри и држави, тоа е одличен потег, но се актуелизира проблемот дека ние мора да формираме современ Центар за изгореници кој би требало да има минимум 50 легла.

Имаме неискористени капацитети кои може да се пренаменат, имаме врвни активни пластични хирурзи, детски хирурзи, трауматолози, врви анестезиолози и реаниматолози и други специјалности, одличен и искусен медицински персонал.

Останува да помине овој шокантен период, да заврши со добро лекувањето на сите пациенти независно дали се лекуваат во Македонија или во други држави, па да се седне со ладна глава и да се направи стратегија за формирање на современ Центар за изгореници кој би бил од огромно значење за пациентите, здравствените работници и државата не само од здравствен туку и од стратешки аспект.

Уште еднаш, длабоко сочувство до семејствата кои се скршени од болка, нека почиваат во мир нивните најмили.

Да биде успешно лекувањето на сите пациенти кои се лекуваат во Македонија и во странство.

Поддршка за сите здравствени работници. Треба да веруваме во нив.

 

Центарот во градска/сега хируршка работеше, меѓутоа веќе не работи за жал.
Имаше одлична опрема. Асистентката која мене ми беше хирургија работеше таму - др. Шапова.

Јас познавам човек кој беше со 80% изгореници на тело од струен удар. Во центарот за изгореници кај нас во Македонија го лекуваа, околу 75% има опоравување, што е одлично! Најнормално си функционира сега, уште е жив. Баш доби професионална нега и лекување.

Зошто не работи, не знам. Тоа е некој македонски синдром - да се уништи се' што е вредно кај нас. Наместо напред да одиме, ние се уназадуваме цело време.

Но и да работеше, секако не беше доволен за волкав број на луѓе.

 

Цел пост ти е напишан за во минато кое никој не ни бил свесен за тоа дека имало и притоа сето тоа било од донации, "беше" "имаше" "работеја" "постоеше" итн.

Него што е сега? Што има направено државата во оваа иднина за тебе, за нас? Ништо. Апсолутно ништо.
И со ова што сега го располагаме најчесто се од странски донации. Од донации и кредити ни живее државава, дали ни е некогаш нешто свое сме направиле?

Никој не ги критикува здравствените работници, целосно се посветија на случајов, се снаоѓаат било како, но проблемот е што од независноста оваа држава вози со крената рачна. Основни работи немаме, основни а не пак да е спремна за од ваков размер.
Никој не вели државата да има капацитети од голем размер и да е развиена како Франција, Кина, Јапонија или некоја друга, никој апсолутно никој. Ама бар малце од малце да се вложеше напор да се подобри здравствениот систем барем на ниво од соседниве држава, еве Бугарија и Србија. Додека државата се занимава со патни трошоци на пратеници, ова она, можеше да се направи нешто а не да чекаме Јапонија да се сожали или некоја друга земја. Ок, можеби државата нема можност да прими 150 пациенти, ама барем 3% од повредените да беа сместени тука во опремено одделение специјално за изгореници како што има еве Србија. Србија ни зеде 30+ повредени, ни е на 15 не можеме да им понудиме лекување.

Апарат за магнетна резонанца не можеме да купиме оти било "голема инвестиција" па ќе чекаме да се смилуваат јапонците да ни донираат.

 

Затворен е за да се отвори Жан Митрев во Воена. Ако ти цртам да ти кажам дека Воена болница во Скопје требаше да биде пандан на ВМА во Белград. Некогаш здравството функционираше. Тоа е поената на постот. Не е мој. На др. Добрила е. За бизниси се затвори центар кој бил опремен како болницата во Бугарија каде што се сега.

 

Епа тоа е она кое сите го зборуваме, мито, корупција, перење пари, крадење итн. Значи државата не сака да се посвети на општото за сите, него тие неколку поединци кои раководат гледаат само за личниот интерест и после зошто вака така, примерот шо го даде со Жан Митрев.
Факт е дека на државата (тие што ја раководат од независноста па до денес) не и е гајле за обичниот народ, него си го гледаат личното само.

 

Системски уништена држава од 91 ва навака. Едни, други, трети сите исти гомна.

 

Мито и корупција е најпоследно ниво од обичниот народ. На овие кај ќе им оди душата. Жан Митрев, Систина....Се тоа е морничаво сите тие газди имаат трула позадина. Обичниот народ само ги величи

 

Скроз непрофесионално и од нивна, а и од твоја страна да споделуваш вакви информации.
Ако веќе сакаме да имаме општество кое функционира во секоја сфера, треба под итно тие што ги споделиле информациите да летаат од работа. И ти како лекар треба да го знаеш тоа, а не да споделуваш вакви информации на јавен форум.
Срамота, засрамете се што споделувате вакви сензитивни информации.

 

После системот не нѝ чинел. Ама не е ново, пиша некој поназад дека тоа за нас претставува престиж, да се курчиш дека знаеш некого/некаде (штаб, партија, болница, институција) и да споделуваш најнови/најточни информации за било што, кој бил уапсен, кој бил приведен, кој бил во станица, кој потпишал, кој не потпишал, па еве и за ова. А скандлизирани сме што Вучиќ се сликал со болни, што снимале дронови, што пуштиле повеќе луѓе од што продале карти.... Тоа е, човек раската во туѓото око ја гледа, дрвцето во своето не.

 

Само за инфо за тие што зборуваат за центарот за изгореници.

живеам во Хамбург. Работам на многу висока функција во болница една од поголемите болници со 800 кревети.

во Хамбург има скоро 2 милиони жители. И имаме само една клиника, се вика БГ Клиникум (BG Klinikum) со само 7 кревети, интензивна за пациенти со високи изгореници, така што истиот проблем е и во другите градови и Bundesländer во Германија. Повеќето од тие кревети нажалост се повеќе за изгореници од втор град 2а и 2б (2 стадиум А и стадиум Б) и многу помалку кревети за изгореници од 3 град поточно (3стадиум). Кога ќе дојде до кнап, пациентите се пренесуваат со хелихоптери во други градови и понекогаш дури соседни држави.

Нажалост истиот проблемот во Германија е многу често критикуван, но ретко кој доктор се нафаќа да работи во таков центар или на такво интензивно одделение. Не се потребни за тие пациенти само доктори и медицински сестри, него и физиотерапевти, психолози за посттрауматско советување итн., коишто исто се голем недостаток во Германија.

Точно е дека треба да има таков центар и во Македонија, али не верувам дека го има капацитетот на персонал и апаратура.

фацит: како што видовме и за време на корона пандемијата, сега еве и за овој случај е ретко која држава е спремна 150 пациенти со тешки изгореници да превземе т.е да лекува.

тажно и никогаш да не се повтори. Дебакл од корупција.

 

@Lilit аман престани. На крај жртвите спорес тебе се самозапалиле. Го толерирале Деко зашто пријател им бил. Аман. На сите. До еден пријател им бил. Достате веќе со правдање сисѕемска корупција. Доста. Престанете. Не долевајте сол на рани.
Треба да изградиме систем каде што секој ќе се смета лично одговорен за секој документ што го потпишува. За секоја дозвола. Виновни се тие во системот. Не тие што пиеле кафе и оделе на журки таму каде што луѓето од системот им дозволиле да пијат кафе и да се журкаат.

 

Србија е дупло поголема од нас, има 6-7 милиони жители, Белград бил главниот град на претходната нѝ држава, со распадот има задржано најмногу од сите добра (не смао пари туку и ресурси во смисла на луѓе, експерти и специјалисти од секоја гранка), има образование на ниво какво ние ќе сонуваме, здравство исто, а и е далеку посоцијална држава од нашата во секој аспект. Тоа е, не можеме, го знаевме ние ова и пред да се случи трагедијава. Ама пак е до луѓето, јас работам во Белград повремено и никогаш не сум фаќала врска за ништо, а секогаш сум завршувала работа, така да, да размислиме уште еднаш да не е случајно нешто од ова до нас, ама нема да мислиме, пак партии и штабови.

 

Не треба да е изговор ова, особено не населението.
И Словенија и Литванија се дупло помали од Србија, па успешно се справуваат со здравствениот систем за разлика од нас, дури имавме и донација нивна. Не секогаш бројот на население е пресуден за се.

И дополнително кога ја спомна бившата држава, лидерот нејзин се лекувал во Љубљана а не во Белград (ако одиме по моќност на држава дека Србија е голема и Белград бил главен град).

Единствен проблем кај нас е тоа што нашава држава не сака да вложи напори и труд да смени нешто кон подобро, тргнувајќи од врвот па до обичниот народ. Се тапка само во место за разлика од другите.

 

Како сакаш ме разбери, не е никаква тајна што е кажано. На нивните фамилии не кријат ништо докторите, сите се известени за состојбата каква е на пациентите. Исто, ниту последиците од ваков размер на повреди не се тајна. Можеш да прогуглаш и да прочиташ. Се гледа и на видета од политичариве што ги посетуваат.
Апсолутно ништо што споделив не е тајна. Сензитивните детали ги чувам за себе.

 

https://www.threads.net/@kristinacv...QGz3RQFX5pfVSNn26K1AqiGVld6zPfpTeHGIS10YTwaYA

Не само на видеото ти што го сподели се гледа дека лагано се излегува туку и од ова видео што ви го пуштив се гледа дека внатре нема луѓе, има чад и неколку машки кои евакуираат и гасат, диското е празно, доле не лежи никој, како е можно 59 жртви во испразнето диско? Дечково од видеово не преживеал може уште тие 2-3 што се со него и гасат исто ама 59 луѓе не ни има внатре. Каде биле жртвите во тој момент? И да биле во веце ќе излегле.