Трагедија во Кочани - најмалку 59 загинати во пожар во дискотека

Тргнато е сега се. Инаку може да биле од оние ладните .. не знам .. факт е дека сега се деси ова. Што било претходно не е битно.

 

Форумов и општо целокупниот наш социјален простор деновиве се вистинска слика за тоа зошто кај нас никогаш ништо не се менува и веројатно нема ни да се смени.

Корупцијата, врските и пристрасноста кон "своите" се длабоко вкоренети во менталитетот на луѓето во Македонија.

Сите бараме одговорност, нели? Сносење последици.
Ќе протестираме, ќе бараме правда, ама ајде уште за Панчо ќе направиме исклучок и ќе прогледаме низ прсти, дека израснавме со ДНК, сите ги сакавме нели. Е, не оди така.

Да се разбереме, никој не ги посочува Панчо/ДНК како единствени виновници за ситуацијата. Никој не вели дека Панчо/ДНК отишле во Кочани со намера да предизвикаат пожар и да загрозат животи.
Истрага постои, толку е, не е Панчо кабелот.

Ако истрагата покаже дека пожарот настанал поради нивните прскалки, ако немале дозвола за пиротехника, или ако настапувале нелегално со усен договор и пари на рака од Деко, тогаш ќе мора да сносат одговорност, сакале вие или не.

И во сценариото каде што ДНК сносат одговорност, тие нема да бидат единствените виновници. Во овој случај ќе има многу страни што ќе носат дел од вината.

Мајка што го загубила своето дете ќе бара правда. Ако се докаже дека ДНК имаат дел од одговорноста, што ќе и значи нејзе тоа што некоја типка на фемина форум пишува дека израснала со ДНК и не сака тие да одговараат?

 

Високи или ниски плафони, дури МВР не даде дозвола за користење на пиротехника и тоа да го врши стручно лице, тоа е незаконски. А тоа што велите „ама оваму имало, онаму имало“, па од тоа е државата таква. Наоѓање на изговор.

 

Вештачење, реконструкција на настанот и обвинение треба, не дека ДС видел ова или Маре мисли она.
Дали вие ги прегледавте сите снимки, ги сослушавте сите сведоци и направивте независно вештачење?

Сега Панчо и пиротехничар и менаџер бил, ако е така овој кој е
https://4news.mk/se-oglasi-doskores...amilijata-ni-eden-del-veke-ne-ostana-vo-mene/
Значи се е рекла казала во моментов и не знам кај трчате со пресуди, награда ли даваат негде за ова?

Убаво посочи @JuLleE, присуството на полицијата таму, во тој момент, е еден аспект што треба да се размисли.

 

Во право си, мојот муабет беше во контекс дека диското било темпирана бомба која кога тогаш ќе пукнела. Кај немало никакви стандарди и безбедноста им била постојано загрозена со пиротехника. Очигледно газда Деко дозволувал а не смеел во ниту еден случај не само сега да допушти употреба на било каква пиротехника.

 

Воа исто како кабелот од модуларната, да го немаше кабелот немаше да има пожар и таму.

Не е битно што инспектор мижел дека нема две врати
Не е битно што инспектор мижел дека нема ПП апарат, ниту бројчено ниту соодветен.
Не е битно што инспектор мижел дека има канцероген кров од азбест
Не е битно што инспектор не увидел дека на прозорите има решетки
Не е битно што инспектор не увидел дека нема хидрофор или сприклери за пожар.
Не е битно што корупција ја изеде државата.
Не е битно што Деко плаќал 7000 евра+ за нелегална лиценца
Не е битно што ниту еден испектор не ја увидел лажнат лиценца, или мижеле.


Ништо не е битно - ама Панчо е крив оти си земал прскалки да прска во диското во кочани.

Пу да ти се плукнам у народот глуп.

 

Тоа е цела процедура да пријавиш употреба на пиротехника. Се пополнуваат два или три формулари. Имаш рок, најмалку 5 дена да се најавиш, а најмалку 48 часа да пријавиш во станица и добиеш дозвола од МВР: Може и да не ти одобрат воопшто да ја користиш. Општините пријавуваат употреба на пиротехника, другото е се на црно и треба да фрчат казни за сите, граѓани, клубови, музичари, за сите. Дива лига. Еден Хрват имаше пишано за овој настан, дека бил во Македонија лани и се шокирал дека ниту еден закон не се почитува, не се издаваат фискални, купови смет, паркирање кој каде стиге. После фазата на сожалување следи фаза на плукање. Ќе не плукаат сите, заслужено.

 

Не е битно што инспектор мижел дека нема две врати. Битно е
Не е битно што инспектор мижел дека нема ПП апарат, ниту бројчено ниту соодветен. Битно е
Не е битно што инспектор мижел дека има канцероген кров од азбест. Битно е
Не е битно што инспектор не увидел дека на прозорите има решетки. Битно е
Не е битно што инспектор не увидел дека нема хидрофор или сприклери за пожар. Битно е
Не е битно што корупција ја изеде државата. Битно е
Не е битно што Деко плаќал 7000 евра+ за нелегална лиценца. Битно е
Не е битно што ниту еден испектор не ја увидел лажнат лиценца, или мижеле. Битно е

Ај сеа ти кажи зошто не е битно тоа што ДНК носеле и користеле прскалки (кои можеби се иницијалниот причинител на пожарот, има истрага) за кои што немале претходна дозвола од МВР.

 

Кабел во модуларна е неопходен, пиротехника во дискотека не е. (да не ме разберете погрешно, не верувам во лагите дека кабелот е кривецот). Колку пати сум пишал еве пак ќе пишам, секој треба да одговара, од најмал кривец ко обезбедувањето што пуштал малолетници до Бектеши и власниците на клубот. Се ова што го напиша си сосема во право, 100% се сложувам со тебе, не пробувај да ми извртиш муабет да испадне на крај дека велам само днк се криви. Не можам више да се повторувам глава тапан ми е, ако ми реплицирате читајќи ја само првата реченица, ич не ме реплицирајте.

 

За да проработи правдата и да не биде селективна правда, најпрво треба да поработиме на пристрасноста, ние како поединци.

 

Богами да ... јас имам реален живот и за разлика од тебе немам време 30 страни од темава да пополнам на тепачки за пиротехника, инвеститори, шпорети и Панчо.

 

Битно ги проверија дискотеките. А училишта,болници,згради,градинки,ресторани,спортски сали и куп други објекти не битно од каков материјал се и дали имаат хидранти,пп апарати ,план за евакуација итн... Сега ќе шпартаат инспектори поради црнилото што ни се случи,демек ќе ги исправат сите системски грешки кои години и години наназад се правеле.

 

Секако. Само со логиката сме скарани, логика е штетна работа и затоа Веснич ќе ја тргне од наставна програма. Логика- зошто се запали , не од што се запали? И најбитно- зошто има толку жртви. Можело да се запали и сите да излезат на пример.
Се додека логиката ви е -од што се запали, крив ќе биде селективно-кабелот.

 

Проверки ќе има секаде, само дали ќе има казни е прашањето.

 

"If else" моментално не е потребно, според мене секој да си одговара според заслуженото. Тогаш сите ќе се замислиме и ќе почне да проработува во нас свесноста и одговорноста.

 

Има многу институции каде цел ден може да си ѕвониш и нема никој да крене телефон или ако крене ќе те поврзе на локал, каде никој нема да се јави. Нашите институции се непостоечки, не постојат и тие што таму работат се скоро неписмени и по 10 години не знаат што им е работа. Населението е ужасно неодговорно. Ви текнува кога лани при пожари во лето во некое село имаа најдено кутија од огномет? Значи некој си палел огномет од ќеиф, запалил цели ниви и после доаѓаат 10 држави да гасат тука. Неодговорност е тоа. Свест нула. Култура нула. Камено доба.

 

Па и зависи каде шпартаат. Сега слушав во емисија се јавува татко на дете со попреченост во развој и кажува за конкретно училиште во Кисела Вода во Скопје каде имаат донација превозно средство за децата, каде претходниот директор (ВМРО) го продал, само за да потоа го рента од истата фирма. Сегашната директорка исто ВМРО одбива да направи ревизија на неговото работење. Кој ќе ги чешла нив?
Претходните што беа на власт, затворија цел случај со обвинување на кабелот за целата трагедија. Нив некој да не ги чешла?
Пак понекое чешлање ќе оди само кај помалите риби.

И овде кај што сум има корупција во оние високи ешалони. Секаде има корупција, не постои држава со 0% корупција. Ама за она што се дешава кај нас, еден ден ќе се пишуваат дисертации и ќе се учи по школи по светов.

 

Бевме овде на прослава, надвор палат огномети и во тој момент доаѓа полиција заради музиката после 22 часот и во тој момент ги забележува огнометите. Реагира за огнометите кои се против законски, не е пријавено. Ќе ги казнеа и за огнометот. Прво за тоа реагираа.
Ист е законот.
Во дискотеката имало рација и полицајци и лабаво имало пиротехника. Полицајците не реагираат.
Сакате уште пропусти од страна на службените лица кои се задолжени за безбедноста?

 

Проверка на дозволите за градба издадени во Скопје. Кој е поупатен во проблематиката со урбанизамот може да види дека 90% од зградите во Карпош, Центар и К.Вода не исполнуваат услови за издавање дозволи. Во последните 25 години од се што е изградено од 10 згради 9 немаат пристапна улица. Ако пожар настане од другата страна на зградата како ќе пристапат пожарникари? Слушнав Николовски дека укинал многу лиценци ама ќе биде многу корисно и за него како министер и за нас како граѓани да се изврши инспекција во сите скопски општини и сите одобренија на згради што ги имаат издадено овие 25 години, не се премногу.

 

Супер многу ми е мило што си исполнета❤️